انا عايز مساعده بالله عليكم ساعدونى لانى انامنهار

[انا بحبك يا رب]

اولا انا مش مكسوف منكم علشان اقولكم على مشاكلى.
انا دلوقتى بكتب ليكم و انا بعيط و الله,اولا احب اعرفكم بنفسى علشان تبقوا عارفين كل حاجه عنى
انا شاب زى اى شاب كنت عايش حياتى افلام و معاصى كثير قوى الحمد لله ربنا عافانى منها
فى كليه تجاره خاصه و درست انجليزى حبيت واحده قوى بسببها نزلت سنه فى الجامعه مع انى عمرى مكلمتها كلمتين على بعض و الحمد لله بفضل الله نسيتها.
المشكله دلوقتى فى امى,انا مش عارف امى عايزه منى كانت زعلانه لانى مش ملتزم و الحمد لله التزمت.
امى دايما تشابهنى بناس احسن منى و تقعد تقولى شوف ده بيعمل ايه وشوف ده بيعمل ايه لامه و شوف و شوف ..........صدقونى و الله انا مش وحش معاها و بساعدها و الله بس هيا مش بتقتنع بمساعدتى ليها خالص.
هديكوا مثال صغير و من غير كسوف ابقى لسه منفض معاهاالشقه و بعده بيوم تقولى هو انت بتعمل معايا حاجه و تشتمنى و تزعقلى و غيره كثير.
و دلوقتى هيا بفضل الله لسه جايه من العمره بقالها اسبوع و جايه مش عارف فى ايه بينى و بينها زى ميكون مش ابنها .
ديكو بردو مثال :انا لسه جايب ليها هديه عيد الام انا و اخويا الكبير و كان موبيل فانا ماسك الموبيل بظبطه و اشوف الساعه و كده لقيتها بتقولى هو انت جايب الموبيل ليك و بعدين اخوك مش جابه ليه هو بعت معاك انت و الله لانت واخده مرجعه بكره و قعدت تشتم فيا طيب انا عملت ايه لده كله.
و دايما يا شباب تفرق بينى و بين اخويا الكبير مش فى الفلوس لا فى الحنيه و طريقه المعامله
طيب ليه ده كله و اقعد اقول يمكن علشان اخويا الكبير متجوز و بعيد عنها علشان كده بتهتم بيه.
و الله يا شباب فى حاجات كثيره اخجل من زكرها .
انا دلوقتى فى حاله انهيار و مش عارف اعمل انا بفكر انى اسيب البيت و انزل اشتغل معا ناس زميلى فى القاهره!

[Bakkor]

رد: انا عايز مساعده بالله عليكم ساعدونى لانى انامنهار

لاحول ولاقوة الا بالله
وانا اللى قلت عليك ذى فل
طلعت ذيى مش سعيد برضه فى حياتك
انا مدرك جدا الموقف اللى انت فيه ده
بس حاول اتناقش معاها
الام دائما بتبقى تعبانه نفسيا من مشاغل الحياه والاسرة
وعصبيه جدا حاول تتناقش معاها شوف ايه يرضيه واعمله
واحاول انك ترق قلبها يعنى اعملها مواقف ظريفه كده جايبلها هدية
من مصروفك ولو وردة الستات والبنات بتحب الورود مش عارف فى ايه يااخى
المهم هاتلها وردة كده وقولها كل سنة وانتى طيبة يااغلى ام فى الوجود
واضحك معاها وهزر معاها حاول انك تتقرب منها اوى
وياريت ياغالى محتاج ايميل ضرورك

[انا بحبك يا رب]

رد: انا عايز مساعده بالله عليكم ساعدونى لانى انامنهار

والله من غير متكلم يا اخى انا دايما اهزر معاها و اجبلها حاجات و انا جاى من بره.
والله بستخسر اجيب الحاجه ليا و اجبهلها,و بردو مفيش فايده ساعات القيها بتضحك معايا و ده القليل قوى و ساعات زى منا حكيت دلوقتى زعيك و شتيمه و عصبيه من غير سبب.
و المشكله انى ابنها الصغير كمان و مفيش غيرى انا و هيا الى قاعدين فى البيت والدى فى الشغل على طول من الصبح لبيليل ينى مفيش حد و نفسى اعرف فيه ايه .!!!!!
و

وياريت ياغالى محتاج ايميل ضرورك

انا موافق قدم للاداره طلب

[عمرو حسين1919]

رد: انا عايز مساعده بالله عليكم ساعدونى لانى انامنهار

يا أخي اصبر على ذلك
فكلنا كنا مثلك
و تذكر قول إبراهيم لأبيه الكافر صانع الأصنام الذي كان ينهره بشده كان يقول له إبراهيم يا أبتي يا أبتي يا أبتي
فأنت حاول تقعد معها و تكلمها تقلها يا أمي و الله أن مش عاوز أزعلك و نفسي أرضيكي على طول
و أنتي بتغضبي مني على طول أيه اللي يرضيكي علشان أعمله و متزعليش مني و الله أنا بحبك جدا و مش عاوز أزعلك مني أبدا و نفسي اعرف لو حاجة مزعلاكي مني علشان معملهاش تاني و دا كله يكون بصوت منخفض و هادئ مع نبرة محبة ودودة

وبس

و مستنيك تقولي النتيجة
ومستني الحلاوة

[انا بحبك يا رب]

رد: انا عايز مساعده بالله عليكم ساعدونى لانى انامنهار

الف شكر يا اخوانى على المساعده و لكن هذا لن يفيدنى

[الأمير قطز]

رد: انا عايز مساعده بالله عليكم ساعدونى لانى انامنهار

بص يا اخى هاقولك حاجه
اولا استعن بالله وادعوه ان يغفر ذنوبك لان هذا اكيد بسبب الذنوب والمعاصى ،ثانيا اصبر على هذا البلاء وعايزك بعدها تقوم مثلا تاخذ والدتك على انفراد وتكلمها وتفضفضلها وقبل يدها جدا وابكى وقولها لماذا انتى حزينه منى جدا وتعاملينى بهذا ،قولى لى مافعلت لكى وانا ساحقق ما تريدين بس طبعا فى غير معصيه الله وااتى لها بهديه ومش لازم تجبها فى عيد الام يعنى هاتها فى اى وقت وابدا قبل يدها وانت هاتشوف ماذا ستكون النتيجه

بارك الله فيك وفرج كربك اخى

[درع الإسلام]

رد: انا عايز مساعده بالله عليكم ساعدونى لانى انامنهار

السلام عليكم و رحمة الله
بص يا أخي في الله

ممكن تجاوبني على الكام سؤال دول !!

1-أنته معظم الوقت اللي بتقعدة على النت أمته ؟
2-لما بتحب تعمل لوالدتك حاجة كويسه بتعملها و بتحب أنها تشوفك و أنته بتعمله و لا بتعملها و مش عايزها تشوفك و أنته بتعمله و حتى أنها مش تعرف أنك أنته اللي عملته ، يعني بتعمل العمل و مش في دماغك يعني؟
3-هل بتقرأ قرآن في البيت بالنهار ؟
4-هل بتصلي في المسجد دائما و لا بتصلي في البيت أغلب الوقت ؟
5-هل خلصت كليه و لا لسه ، و لو خلصت هل أنته شغال دلوقتي و لا لأ ؟
6-صيام أثنين و خميس معاك أخبارهم أيه ؟؟

و تأكد إن الأسئلة دي مهمة جداً على فكره و دورها مهم إن شاء الله في طبيعة النصيحة اللي أقدمهالك بإذن الله أخي الحبيب في الله .

لو وجدت صعوبة في الإجابة عليها فبلغني أعمل أنا أحتمالات و خلاص

جزاكم الله خيراً

[من تحب]

رد: انا عايز مساعده بالله عليكم ساعدونى لانى انامنهار

بص يااخى مهما كانت الام بتعاملك مش كويس فهى يستحيل تكون مش بتحبك لا يااخى اقسملك باالله ان انت اقعد معاها بالهدوء وقولها كلام كويس وبوس يديها وقولها انا بحبك وقولها مضايقة منى فى اية وانا خدماك وحاولى يااخى تدعى ربك انة يقربك من والدتك وثبتك الله على طاعتة

[انا بحبك يا رب]

رد: انا عايز مساعده بالله عليكم ساعدونى لانى انامنهار

-أنته معظم الوقت اللي بتقعدة على النت أمته ؟
2-لما بتحب تعمل لوالدتك حاجة كويسه بتعملها و بتحب أنها تشوفك و أنته بتعمله و لا بتعملها و مش عايزها تشوفك و أنته بتعمله و حتى أنها مش تعرف أنك أنته اللي عملته ، يعني بتعمل العمل و مش في دماغك يعني؟
3-هل بتقرأ قرآن في البيت بالنهار ؟
4-هل بتصلي في المسجد دائما و لا بتصلي في البيت أغلب الوقت ؟
5-هل خلصت كليه و لا لسه ، و لو خلصت هل أنته شغال دلوقتي و لا لأ ؟
6-صيام أثنين و خميس معاك أخبارهم أيه ؟؟

1-بليل
2-ساعات و ساعات
3-معظم الوقت
4-فى البيت
5-لا لسه مش خلصت و ساعات بنزل اشتغل مع والدى او مع زميلى
6-على طول بصومهم و الله

[فاروق الاسلام]

رد: انا عايز مساعده بالله عليكم ساعدونى لانى انامنهار

انا انصحك نصيحة لوجة الله
اولا والله الذي لا الة غيرة انني على استعداد كامل للكشف عن اسمي الكامل وعنواني وكل شيء واكون فخورا بما جرى لي مع والدي رحمة الله تعالى رحمة واسعة لقد كان يضربني امام اولالادي وزوجتي بحذائة اجلكم الله لا لشء الا كونة كان عصبي وكنت اقبل وكلي فخر قدمية لارضائة كنت فقيرا جدا وجائتة المنية وقبل موتةبخمسة دقائق قال الله يرضى عليك الله يعطيك لما يرضيك اشهد ان لا الة الا الله واشهد ان محمد رسول الله وفارق الحياة حزنت علية جدا لكن كان ينتابني راحة الضمير تجاة ربي ووالدي رحمة الله.وقد اختلف وضعي المادي بشكل اصبح متداول بين الناس بل وصل بالكثيرين درجة الحسد وانا احمد الله سبحانة.
اقول اخي الحبيب تحمل والدتك ولو زادت عليك جارت عليك وسترى المردود الايجابي من الحق سبحانة من جميع النواحي واولا واخرا هي امك اوصى بها الحق سبحانة وحبيبة المصطفى صل الله علية وسلم واسف على الاطالة وفقق الله لما يحب ويرضى.

[DR M.ELEWA]

رد: انا عايز مساعده بالله عليكم ساعدونى لانى انامنهار

اسمع ما اقوله لك جيدا ......... وبعد بضعه شهور ستشعر بالتغيير........

اعلم ان هذا اختبار من الله عز وجل .......
قد يكون صبرك علي هذا هو دخولك الجنه.....
فعليك ان تقول دائما........الحمدلله ....
تمني ان يصير الوضع هكذا كي تكسب المزيد من الحسنات والثواب.....
ان اقتنعت بكلامي .... ونفذته ....

تذكرني بعد بضعه اشهر......

اللهم اما اصلح حالك وحال المسلمين

[درع الإسلام]

رد: انا عايز مساعده بالله عليكم ساعدونى لانى انامنهار

1-بليل
2-ساعات و ساعات
3-معظم الوقت
4-فى البيت
5-لا لسه مش خلصت و ساعات بنزل اشتغل مع والدى او مع زميلى
6-على طول بصومهم و الله

الحمد لله المشكلة بسيطة إن شاء الله ، بص يا أخي في الله ، أرجو من الله أن تقرأ هذا الكلام جيداً ، فأنا أحبك في الله.

أولا : جلوسك على الأنترنت بليل :
بلاش تقعد على الأنترنت بليل ، حاول تخليها بالنهار و لو لفترة شهر أو ثلاثة أسابيع على الأقل ، و السبب أن الشيطان يوسوس لوالدتك جزاها الله خيراً بأنك غير ملتزم و أنك تقضي الليل فيما حرم الله ، و الله أعلم ، فأنزع هذا الشك بنومك ليلاً و جلوسك على الأنترنت نهاراً عندما يكون أهلك أطال الله عمرهم في الخير مستيقظين.

ثانياً : عملك في الجهر :
بما يتعلق بعملك في الجهر أمام والدتك لكسب ثقتها فيك ، هذا شئ ليس بالسيئ و لكن السيئ هو أنها تعتقد أنك تفعل ذلك لتغير مفهومها عنك بشكل غير صريح ( لف و دوران يعني ) و هذا أيضاً بفعل الشيطان الرجيم أعوذ بالله منه.
لذا حاول دائماً أن تعمل العمل و لا تلقي له بالا ، و أجعله خالصاً لله و لو حتى أعددت الإفطار حتى.

ثالثا : قراءة القرآن أمام والديك :
جيد و لكن أجعل هذا بنيه التقرب إلى الله ، و بنه التودد إلى والديك و برهما ، و لا تدع الشيطان يصور لك أن هذا من أجل والدتك و أن قراءتك هذه باطلة ، فعن عبد الله بن عمرو - رضي الله عنهما - عن النبي - صلى الله عليه وعلى آله وسلم - قال: ( رضا الله في رضا الوالدين وسخط الله في سخط الوالدين ) أخرجه الترمذي وصححه ابن حبان والحاكم.

رابعاً : الصلاة في البيت :
هذه هي المشكلة ، فلو أنك سمعت الأذان و ذهبت إلى المسجد لكان هذا أجراً عظيماً لك ، غير أن هذا الفعل يبعث في قلوب والديك حبك ، لأن ذهابك إلى المسجد فيه حباً لك من الله عز و جل ، و من أحبه الله أحبه الناس ، فما بالك بوالدتك.

خامساً : بالنسبة للدراسة :
حاول تذاكر و تلتزم إن شاء الله بالمذاكرة ، و سوف تعلم والدتك بأنك تذاكر و عندها إحساسها بأنك غير مجتهد سوف يزول إن شاء الله ( و هذا هو السبب الرئيسي ) لذا أهتم به جيداً ، و ذاكر قدر المستطاع.

سادساً : صيام أثنين و خميس :
جزاك الله خيراً و ثبت قلبك على الأيمان و زادك إن شاء الله إيمان على إيمان.

و بهذا نكون قد أنتهينا من هذه المشكلة البسيطة إن شاء الله ، و بإذن الله تكون حياتك أفضل بعد : الصلاة في المسجد باستمرار ، قراءة القرآن يوميا بإذن الله ، المذاكرة بشكل أكبر جهداً بإذن الله ، ترك الجلوس على الأنترنت ليلاً و الجلوس عليه نهاراً و لو أنك تجلس في غرفة خاصة بك ، أترك الباب مفتوحاً قدر الإمكان ، و أخيراً أعمل العمل و أجعله خالصاً لوجه الله سبحانه و تعالى ، و أعلم بأن هذا ما هو إلا إبتلاء من الله لتحسن من إيمانك ، و ها هي الحلول أمامك و تنفيذها ليس بالصعب ، و إن شاء الله تجد ردة الفعل الحسنه خلال أسبوعين أو ثلاثة بعد بدأ التنفيذ .

صدقني ، و الله الذي لا إله إلا هو ، أنا أعرف واحداً جيداً ، كان يعاني نفس ما تعاني ، و بفضل الله أعتدلت أموره كثيراً بعد هذا ، فتوكل على الله و أستعن بالله ، و أبدأ بالتنفيذ ، جزاكم الله خيراً.

[تائب بإذن الله]

رد: انا عايز مساعده بالله عليكم ساعدونى لانى انامنهار

اسال الله لك الثبات اخى الحبيب
ولاكن نرجو من اخواننا ان يرفعوا مثل هذا الموضوع الى احد العلماء يعلمونا ما هو حق الولد على والديه
اقسم بربى الموضوع بتاع اخونا هذا يتكرر مع معظمنا
نرجو منكم اخوانى ان تبلغوا مشايخنا ليتكلموا مع الامهات والاباء عن حقوق اولادهم تجاهم
نحن نعلم اننا لن نستطيع ان نوفى ذره واحده من حقوقهم
ولاكن انتم تعلمون ما فى الشباب الان
رجاء ابلاغ احد الشيوخ
وجزاكم الله عنا خيرا
اسال الله لك الثبات اخى الحبيب
اللهم ثبتنا ولا تفتنا واجعلنا ممن يبرون والديهم
لا اله الا انت سبحانك انى كنت من الظالمين

[Dr_Mostafa]

رد: انا عايز مساعده بالله عليكم ساعدونى لانى انامنهار

يا اخى الحبيب..اصبر واحتسب..
واعلم ان هذا بلاء خفيف جداااااااا..
فكما ذكر الاخوه هناك من يلاقى من الاباء والامهات اشد الايذاءات ..
واكيد حضرتك متبع معانا .. يوميات شاب عادي ..

لازم تراعى برده ظروف الوالدين وشغلهم ومستوى تعليمهم وجهلهم ببعض امور الدين ده غير عامل السن .. فلازم تراعى كل ده..

اهم حاجه انك متكونش بتعمل حاجه بتغضب ربنا..بعد كده تاكد ان زعلهم ورضاهم بيد الله سبحانه وتعالى ..وتاكد ان الله سيرضيهم عنك باذنه تعالى كما ذكر الاخ فاروق الاسلام..

استعن بالله وعليك بالدعاء ..

بارك الله فيكم وثبتكم ..

احبكم فى الله..

[أبو السائب المصرى]

رد: انا عايز مساعده بالله عليكم ساعدونى لانى انامنهار

بص يا حبيبى انا نفس وضعك بالظبط
بس صدقنى المشكلة فينا احنا
انا كنت لحد 4 سنين فاتوا دايما اقول لامى
انتى بتحبى اخويا اكتر منى
ولما اخويا تزوج قلت خلاص انا اللى معاها
بس اهتمامها بيه زاد لاسباب
ان هو الكبير وانه بعيد عنها و و و
فكر دايما ازاى تريحها بص لما تعمل حاجه بنيه انك بتتقرب لربنا
صدقنى هى هترضى عنك دايما خلى بالك منها واعملها كل حاجه هى عايزاها
بص يا حبيبى خلى دايما فى دماغك ان امك عايزالك الخير دايما
مفيش ام فى الدنيا بتكره ابنها ابدا
لا الام دايما عايزه ابنها احسن واحد فى الدنيا
حاول تفهمها براحه ان انت غير اصدقاءك واخوك
واستعن بالله دايما وهو حسبك