رياح التغيير في مصر

[قائل الحق]

رد: رياح التغيير في مصر

يا رجل لا تخجل و قل أنك كنت معتقل الفتره الفائته


ألم أقل لك أنك كنت معتقل , و يبدوا أن وسائل أمن الدوله فى الاقناع قد أفلحت معك

و ربنا يستر و ألا يكونوا قد نجحوا فى تجنيدك لاستدراج الأخوه على الموقع هههههههههههههههههه

حمدا لله على سلامتك أخى أبا بكر

أضحك الله سنك أخى الحبيب زيدان على كده أحنا نحط أبو بكر فى القائمة السوداء وناخد بلنا منه
أشتقنا إليك يا أبا بكر عوداً حميداً
أحبكم فى الله

[أبو بكر أشرف الشامي]

رد: رياح التغيير في مصر

إحـم إحـم... زيــــ كيفك ــــدان بتوكل منيـح؟ يبدو أن لك سوابق و لواحــق

قائـل الحـق قُـل الحـق ولا تهاب الـردى... يا أخي هي موتـةٌ واحدة و أنتَ ميتٌ لا محالة فاكتُـب ما بنفسك ولا تهتـم لما سيجري لك يعني أقصى شيء يُفعَل بك هو فقـط فصل رأسك عن جسدك وبذلك تخسر حوالي خمسة كيلو و ترتاح من حمله

ما تخافـوا شباب بحبحـوا و فضفضـوا

[قائل الحق]

رد: رياح التغيير في مصر

قائـل الحـق قُـل الحـق ولا تهاب الـردى... يا أخي هي موتـةٌ واحدة و أنتَ ميتٌ لا محالة فاكتُـب ما بنفسك ولا تهتـم لما سيجري لك يعني أقصى شيء يُفعَل بك هو فقـط فصل رأسك عن جسدك وبذلك تخسر حوالي خمسة كيلو و ترتاح من حمله

رأسى
لا يا عم أنا أروح أنام فى بتنا وريح دماغى بدل ما يريحونى منها
ومادام إنك قولت لنا نفضفض فأنا هفضفض بكل الى جوايا
كل الى جوايا هى كلمة أنى أحبك فى الله

[hosamh3]

رد: رياح التغيير في مصر

السلام عليكم ورحمة الله وبركاته
جزاك الله خيرا اخي علي هذا الموضوع الرائع جداااااااا
فبارك الله فيك
احلامي :-اتمني من الله ان يتعامل المسلمين بالاسلام
في كل مكان في الشارع في البيت في المدرسة في كل مكان

**********************
يقول الله تعالى: ﴿.. إن الله لا يغير ما بقوم حتى يغيروا ما بأنفسهم وإذا أراد الله بقومٍ سوءً فلا مرد له وما لهم من دونه من والٍ ﴾[ الرعد:11]

لآسف دائما نري ان يكون الاصلاح لابد ان يكون من اعلي
من اصحاب المراكزولكن الوقوع غير ذلك
دائما يكون منا من يتمني ان يعيش في ترفيه ورغد من العيش
وصورة المجتمع الامريكي في عيون الكثير منا ولكن الواحد مني
آسف ان قلت ان الكثير مني يتعامل بسلوك حيواني آسف علي ذلك
والله الواحد يعني من ذلك تعامل بعض الناس او البشر بسلوك الحيوان
كيف التغيير اذا
امثال علي ذلك صور التدخين في المواصلات العامة
ذلك اشخص الذي يدخن في المواصلات والقطارات
وذلك الشخص لايدخن في المترو لماذا خائف من الغرامة
لآسف انه يتعامل بسلوك حيواني
وذلك الذي يأكل ويرمي فضلات الاكل في الطريق و قزقزة
للآسف رايت كثير من الاخوة يقزقزة اللب في المواصلات العامة
المكان يكون نظيفا ويصبح بعد ذلك ؟؟؟؟؟؟؟؟؟؟؟؟؟؟؟؟ في منتهي ؟؟؟؟؟؟؟؟؟؟؟؟؟؟؟؟
والذي يكسر المنافع العامة
آسف مرة أخري هذا سلوك حيواني
آسف علي عدم الاجابة علي جميع الأسئلة

[أبوحمزة]

رد: رياح التغيير في مصر

اللى بيخاف يروّح ...
فييييينك يالشامى ترى أخوك وهو بيتكلم بالسياسة ...

لو سألتونى على التغيير هقول بكل صدق ... التغيير سنة الحياة ... ولو سألتونى عن تغيير الحاكم .. هقولكم التغيير سنة لكن الحاكم فرض ... ده مبدأياً

اللى بيكلمنى على الميل يعرف عنى كويس إنى أبيض فى السياسة دى ومعرفش المحافظ بتاعنا اسمه إيه .. لكن أنا هتكلم بوجهة نظر بسيطة لمواطن عادى ... أولاً الأحلام الوردية اللى الأخوة بيتكلموا عنها دى صعب جداً تحصل مرة واحدة بمعنى .. أنا لو عايز أبنى برج كبير هياخد سنة شغل فيه مثلاً ... ولو عايز أهدمه مش هياخد ساعة ... لكن لو عايز أبنيه تانى لازم أشيل هدم القديم وأبدأ أسسه من جديد ويا عالم هياخد منى وقت أد إيه بس على الأقل هكون اتقدمت خطوة لقدام بحيث اللى هيجى بعدى يفهم إنى كنت عايز أبنى برج وعلى الأساس اللى أنا عملته هو هيكمل ... اللى الخلافة الإسلامية وما بعدها من تقدم تكنولوجى و ... و... أخد وقت طويل جداً سنوات وأمراء وملوك ورؤساء ... خلينا نتكلم بصراحة ولو مرة واحدة ... من أسوأ الأوقات اللى مصر مرت بيها عهد مبارك ... الله أعلم بقى بسببه بسبب الحكومة اللى تحته بسبب الشعب ... المهم إن التاريخ اللى مر على مصر من عبد الناصر مروراً بالسادات شبه ضاع فى عهد مبارك ... عبد الناصر بدأ الاهتمام بمصر - بعيداً عن السلبيات - وعمل فيها حاجات وأسس فيها على قدر المستطاع برغم وجود الاحتلال - على عكس حكومة فلسطين دلوقتى مثلاً - بحيث السادات لما مسك الحكم عرف كويس هو هيمشى إزاى وكان عارف عبد الناصر بيفكر إزاى عشان كده قدر يكسب الشعب بسهولة وبذكاء وده اللى خلاه محبوب لحد دلوقتى حتى بعد وفاته من طبقات الشعب قاطبة .. إنه تابع بعد عبد الناصر مهدمش اللى عمله عبد الناصر ... ولحد ما مات السادات مصر كانت فى أحسن حالاتها وكانت بدأت تقوم تانى بعد الاحتلال بسبب ترابط الحكومة بالشعب واهتمام الكل بالأرض والدين ... بعد كل ده جه عهد مبارك ودخلنا عنق الزجاجة ... هدم اللى عبد الناصر والسادات عملوه لفترة طويييييييييييييييييييييييييييييييييييييييييييييييي يييييييييييييييييييييييييييييييييييـ ثوانى أخد نفسى ـيييييلة ... فعلشان نتكلم عن التغيير فى مصر لازم نعرف إيه السلبيات أصلاً اللى فى مصر ونتكلم عن الموضوع بنظرة واسعة أكتر شوية ... لازم نعرف إيه التغيير وهيبدأ إزاى ومين اللى هيغير وهل يستحق ولا لا ؟؟ .. ناخدها واحدة واحدة ..

السلبيات فى أرض الكنانة

1 - البلد بقت مقسمة 3 فرق : حكومة - رجال أعمال - شعب ... وكل فرقة من دول فى هم وكل فرقة منهم بتحاول تتجنب الفرق التانية وتوهمها إن كل حاجة تمام ومفيش مشاكل ومن وراها بتقول إنها هى السبب فى أى مشاكل بتحصل فى مصر يعنى باختصار أول السلبيات إنقسام الطبقات وتحميل الخطأ للغير وبالطبع تقديم ابن الوزير على ابن الغفير نتيجة طبيعية للانقسام ده لأن النظرة بقت أضيق من سم الخياط

2 - على أساس النقطة الأولة هتندرج كل السلبيات .. لأن الحكومة فى وادى والشعب فى وادى بقى الشعب يطلع غضبه فى بعضه ويظن السوء فى بعضه ويتخانق على أهون سبب فبقى الشعب بيموت نفسه بنفسه ومثال على كده الرشاوى فى المصالح الحكومية وغير الحكومية والحكومة ملهاش دعوة بيها الشعب هو اللى بيرشى وبيرتشى مهو سعادة الموظف اللى قاعد ده مش وزير الزراعة لا ده واحد من الشعب عادى جداً بس مش هيخلصلك مصلحتك غير لما ترش عليه رشة حلوة عشان يشوفك والرشاوى بين أمناء شرطة المرور والسواقين .. الشاهد إن الناس بقت هى كمان بتنظر للمصلحة الضيقة كل واحد بيشغل باله باللى هيحصله من أخوه وبس - إلا من رحم الله - ... ( التكاسل عن العمل والنظر إلى المصلحة الضيقة ) ..

3 - لأن الحكومة فى وادى ورجال الأعمال فى وادى فبقى رجال الحكومة بيشتروا رضا رجال الأعمال عشان يحققوا مصالحهم - إلا من رحم الله - وطبعاً عشان أنا كرجل حكومة عايز أكسب رجل أعمال معين ممكن أهديه حتى أرض صغيرة كده قيمة 6 آلاف فدان ولا حاجة من أرض مصر يعمل فيها بيسين ولا حاجة للأولاد ... وطبعاً لأن رجل الأعمال راجل محترم ومينفعش يعديه الواجب فبيعمل شركة استثمارية أو مشروع استثمارى مع رجل الحكومة ده ويشغلوا فيها الشعب الكحيان بأسعار بسيطة ورمزية عشان مكاسبهم هما وطبعاً الشعب الكحيان معندوش حلول كتير مهى كده بايزة وكده بايزة ... ( الاستغلال الطبقى واستخدام قانون الغابة بين البشر ) ..

4 - طبعاً رجال الحكومة دلوقتى مظبطين نفسهم ورجال الأعمال طبعاً مدلعين نفسهم من زمان أصلاً وأكيد رجال الأعمال لو عملوا حاجة غلط مش هيتحاسبوا عليها لأن رجال الحكومة فى جيبهم فبقى رجال الأعمال يمصوا دم الشعب وفى نفس الوقت اشتروا الحكومة وفى الآخر يعمل ضربة العمر ويسيب مصر ويسافر برة ينمى مشاريعه ويضاعف ثرواته .. وكده الشعب قعد فى بيته تانى والحكومة بقت فاضية للشعب تفرض عليه قوانين وجزاءات وأحكام كإنتقام من رجال الأعمال اللى سابوهم وخلعوا وطبعاً ده هيدفع الشباب للبطالة فإما الشاب يسافر يتمرمط فى بلاد الخليج يغسل أطباق ويمسح الأرضية ويبيع جرايد يا إما يعيش فى مصر مكسور النفس وهو ساكت يا إما يحاول يمص هو كمان من دم المواطن اللى من الشعب زيه لأنه معندوش حلول تانية ( استخدام الأملاك العامة وتحويلها لأموال خاصة والتعامل بالنفوذ والسلطات ) ..

5 - طبعاً بعد ما الشاب قعد بلا عمل وبقت كل حياته فى القهوة ومش هيعرف يتجوز البنت اللى كان عايز يتجوزها واللى ممكن تكون بتشتغل فى أى مكان وهو قاعد ... خلق عند الشاب حياة قميئة وبائسة وبقى عنده استعداد يعمل أى حاجة عشان يتجوز البنت دى أو عشان يحسن وضعه المعيشى ( إنتشار الجرائم والسرقات والتحرش الجنسى والاغتصاب ) ... وبالتأكيد وبما إن الغالبية العظمى من الشباب كده فده هيزود نسبة العنوسة فى مصر وهيدفع البنات إلى الرذيلة ... فطبعاً من الطبيعى جداً إن الحكومة تفرض على الذئب البشرى المتوحش ده عقوبة لمدة سنتين لأنه تحرش ببنت فى الشارع ...

6 - نظرة الشعب المصرى للشعوب التانية المتعاونة مع طبقاتها واللى واحدة حريتها كاملة بيعمل عقدة نقص عند الشعب ... أنا شفت فيديو من كام يوم لشباب مسلمين عرب بيدرسوا فى جامعة فى أمريكا وجالهم دكتور إسرائيلى عشان يلقى عليهم محاضرة عن السلام تقريباً فكانوا بيقاطعوه فى كلامه كل شوية ويقولوه إن إسرائيل متعرفش حاجة عن السلام ورغم كده الأمن كان بيتعامل معاهم بكل احترام وكل اللى عمله إنه طلب منهم مغادرة قاعة الندوة .. وفكرت الموضوع ده لو حصل فى مصر هنا وقام شباب مصريين قالوا كده إيه اللى ممكن يحصلهم ؟؟؟!!! ... أنا توقعت إنهم ممكن يُعدموا فى ميدان عام .. وفكرت كمان فى باراك أوباما ... الشخص ده مش أمريكى أصلاً لكنه سافر أمريكا واجتهد هناك وأخد جنسية وبقى حاكم لأكبر دولة فى العالم نفوذاً .. ياترى لو باراك أوباما ده فى مصر هنا وجه من بلد تانية ممكن يبقى رئيس الجمهورية ولا هيفضل طول عمره يدور على طريقة تمكنه من أحقيته فى دخول المدارس المصرية عشان يتعلم القراية والكتابة ؟؟!!!! ... ( عقدة النقص والنظر إلى ما تنعمت به الدول الأخرى ) ...

7 - ظهور الخصخصة وبيع الحكوميات لمن يدفع أكثر خلت الشعب دايخ ومش عارف يتصرف إزاى .. النهاردة المدرسة الحكومية تساوى صفر على شمال مدرسة اللغات ... المستشفى الحكومى تعتبر جراج بالنسبة للمستشفى الخاصة ... والشعب مش عارف يتصرف إزاى ومش بيلاقى غير التجمعات والمظاهرات والاعتصامات ... المعاقين فى اعتصام ... وعمال مصانع الغزل فى مظاهرة ... الممرضات فى إضراب عن العمل .. الناس المعتصمين قدام مجلس الشورى من 15 يوم دول ولا حد عبرهم ولا حد جابلهم طبق جيلى ولا رز بلبن حتى من الحكومة ... ( الخصخصة وبيع الدولة للأثرياء )

8 - قلة الوعى بالقانون خلى ناس كتير تاخد على .... ، النهاردة لو فى واحد من الشعب شاف عربية شرطة بيخاف ويقلق وممكن يجرى وهو معملش حاجة اللى المفروض تحسسه بالأمان وتعرفه إن مصر فيها ناس بيحرسوها من الأشرار والمجرمين !! ... الشعب ميعرفش حاجة عن القانون اللى بيحكمه ... المنتقبات لما الوزير قال اقلعوا النقاب بقوا يبكوا وهم مش عارفين يعملوا إيه ومنهم بنات كتير خلعت النقاب .. وكل ده لأنهم ميعرفوش دستور الدولة بيقول إيه ... عشان كده البنات اللى عملت قضايا كسبتها بسهولة لأن الدستور واضح وصريح ولو هى كانت تعرف الدستور من الأول مكنتش هتحتاج قضية كفاية إنها عارفة الدستور ... مين السبب فى جهل الشعب بالقانون ؟؟ ... الحكومة ولا الشعب ؟؟ ... ( جهل الناس بالدستور والقانون ) ...

9 - الاحتقان النفسى ... الاحتقان الدينى انتشر بشدة ... كتير من المسلمين وكتير من النصارى بقوا مش قادرين يتعايشوا مع بعض - أنا بتكلم عن المعاملات بعيداً عن الشرع - وظهور طوائف جديدة فى مصر خلى فى خوف ورهبة وشك دائم وشبه عداوة بين الشعب وبعضه ... وطبعاً الحكومة ... شيعة وبهائية وانتشار صوفية وشباب إيمو وقاديانية ... إلخ .. كل ده خلى الوضع النفسى للشعب فى توتر دائم ... واللى مسخن الأمور دايماً برامج التوك شو .. إحنا عندنا برامج توك شو أكتر من المشاكل اللى بيتكلموا فيها ... الإعلام بيستغل كل مشكلة صغيرة أد كده ويحولها لكارثة كبيرة أد كده مش عشان يحلها .. لكن عشان يعمل عدد مشاهدين وقلق وتواصل مع الشعب وبس ... وده كله بيزود من الاحتقان ده .. ( التعصب والاحتقان النفسى ومن يستثمرون هذا الاحتقان ) ...

10 - السلبية اللى هختم بيها برغم إن السلبيات أكتر من كده بكتييير هى اليأس ... الشعب تولد عنده يأس بسبب كل العوامل اللى فاتت دى ... مفيش شغل ، مفيش احترام ، مفيش اهتمام ، ظلم وإجحاف ، تعبئة نفسية ، استغلال وعدم تقدير ، ضياع الأمن والطمأنينة ؟؟؟ كل ده يكفى لتوليد عند الشعب حالة كبيرة من اليأس والشعور بالتجلط المعيشى ... يعنى بالمصرى كده مبقتش فارقة سوسو من سنية ..... مهو كل حاجة بايزة هو أنا يعنى اللى هرفع الراية ... مجتش عليا أنا كمان ... ودى كانت نهاية الشعب المصرى


دى السلبيات باختصار شديد جدااااااااااا ... بعد عرض السلبيات يا ترى إيه نوع التغيير وعوامله ومين القادر عليه ؟؟ .. يا ترى البرادعى هيقدر على التغيير ده ؟؟ ... يا ترى الحكم فى مصر هيكون حكم ملكى ؟؟ ... نظرة سريعة على رأيى الشخصى فى الطريقين - يعنى هى هتيجى على دى مهى كده كده إعدام -

مبارك : عمل اللى عليه سواء خير أو شر المشكلة مش فيه هو المشكلة لو ابنه أخد الحكم ... وإيه المصايب اللى هتحصل ؟؟ .. مبارك قرر إنه يحفر اسمه على كرسى مصر حتى بعد موته عشان كده عدل الدستور وخلى الترشيخ مفتوح للجميع عشان ابنه بمسك الحكم بعده ... أنا شخصياً معرفش عن جمال مبارك كتير لكن اللى أعرفه ومن خلال قراياتى عرفت إنه مينفعش يصلح حاجة لأنه ينتهج نهج الحكومة ويمكن هو أشد منهم كمان ... والكل فاكر لما دخل شريك فى مصنع أحزمة الأمان للسيارات ووقتها الحكومة فرضت حزام الأمان على كل السواقين عشان المصنع يشتغل .. الكلام ده كان من عشر سنين تقريباً ... وأسلوبه فى الكلام مش مُشجع فهو بيتكلم بنفس اللسان ... أيوة تمام وكله زى الفل وغحنا عملنا مؤتمر اتكلمنا فيه عن الموضوع ده وبعد المفاوضات والمباحثات توصلنا لنتائج مذهلة جدا جدا بس مش هنقدر نقول لحد عليها فى الوقت الحالى .... وبالتالى فالواضح إنه لو بقى حاكم مصر إنها هتبوز أكتر أو على الأقل مش هتتغير للأحسن وهتفضل الحياة على نفس السلبيات اللى فاتت .. ورغم كده فى ناس كتير من الشعب معندهاش استعداد تخاطر بغيره وماشيين بمبدأ اللى نعرفه أحسن ( اليأس وسوء الظن اللى اتكلمنا عنه ) ...

البرادعى : أنا سمعت وقريت عن الشخص ده كتير .. شخص مفكر وذكى ومتطور وليه أهمية كبيرة ومقامه أكبر من مقام رئيس دولة .. لكن - ودائماً تأتى المشاكل بعد لكن - أحلامه وردية جداً وتحس إنه جاى من كوكب تانى ... شخص عايش حياته كلها بره مصر ومتأثر جدا جدا جدا جدا بحضارات وثقافات الدول الغربية ... ومن كلامه واللى قريته عنه إنه مش عايز يكون فى حاجة فى مصر إسمها مؤسسات إسلامية عشان نسوى بين معتنقى الديانة النصرانية مع المسلمين وكمان على الأساس ده هيحذف مادة تعليم التربية الإسلامية من المواد المقررة على الطلبة فى مصر لأن ده تمييز بين المسلم والنصرانى خاصة إن مفيش مادة اسمها الدين النصرانى وبالتالى فالطالب النصرانى بيخرج من حصة التربية الإسلامية وده بيخليه يحس بالعنصرية والتعصب الدينى سواء تجاهه أو بيتولد عنده الإحساس ده .. ونظرة الراجل لمصر نظرة من خلال إحصائيات وورق كل كلامه عن إحصائيات المرض والفقر والبطالة لكنه مش عايش الأوضاع كاملة وده بيخليه مش مستوعب كل اللى بيحصل فى مصر ومش قادر يعرف إيه العواقب اللى هتقابله من طوائف سياسية كتير وكمان طوائف دينية ... الراجل بيبص للمستقبل نظرة وردية بحتة مش شايف أى مشاكل وشايف إن إحنا كمصريين اللى مكبرين الموضوع على الفاضى ومن قبل ما يترشح وهو بيقول عايز أعدل الدستور ... فهل يا ترى هيعدل الدستور كاملاً بحيث إنه يتفق مع نظرته الشخصية لمصر المليانة بالثقافة الأجنبية والمعتبرة من الورق والنتائج ؟؟؟ ... هل معنى عدم التمييز الدينى اللى هو عايزه إنه هيلغى المادة الأولى والتانية من الدستور اللى بتنص على إن مصر دولة إسلامية ولغتها هى اللغة العربية وبتحتكم بالدين الإسلامى ؟؟؟ ... بالفعل كتير من النصارى ويمكن كلهم مع البرادعى وعايزين يرشحوه لأنهم شايفين مستقبل مصر ليهم رغم إنهم فئة لا تتجاوز 10 % من الشعب المصرى لكن تساهل البرادعى فى تعديل الدستور لسبب أو لآخر هيخلى الكلام يكتر والآمال تتبنى وده هيعمل مشاكل كتير جداً ... فدلوقتى كل طوائف مصر السياسية والدينية والثقافية شايفة فى البرادعى أمل كبير لأنه مش مؤمن بالتمييز وشخص مفكر وتفكيره جديد على مصر ومُشبع بأفكار غربية وده من أهم أسباب إعجاب الشعب كأغلبية بيه ( بسبب عقدة النقص اللى اتكلمنا عنها ) إنهم حاسين إنه حتة من المستقبل وجه مصر ... ولحد دلوقتى أنا شخصياً مش شايف إنه هيقدر يعمل حاجة بل بالعكس ممكن يبوزها من غير ما يشعر ... انتوا عارفين الجنى اللى هدم بيوت القرية كلها لما طلب منه صاحبه إنه يخلى بيته أعلى بيت فى القرية فهدم الجنى كل بيوت القرية وساب بيت صاحبه عشان يبقى أعلى بيت ... فالبرادعى ممكن يحاول يساعدنا لكنه ممكن يساعدنا بطريقة غلط من غير ما يشعر ...

عشان كده الناس فى مصر اختلفوا على 4 فرق

1 - مؤيدين لمبارك : بمبدأ اللى نعرفه أحسن من اللى منعرفوش
2 - مؤيدين للبرادعى : بمبدأ لم نعد نخشى السقوط فلم يعد تحتنا تحت
3 - ناس مكبرة دماغها : بمبدأ تجيبها كده .. تجيبها كده .. هى كده
4 - ناس فاكرة نفسها بتفهم : ودول من غير مبدأ زى حالاتى كده ... بيقعدوا يكتبوا تحليلات سياسية واجتماعية وفاكرين إنهم كده بيعملوا الصح .. وهما مش عارفين أى حاجة فى أى حاجة ... والسلام

وأخيراً ... إحنا بنحب الريس والحزب الحاكم ولو طلبونا للانتخابات هنروح وإيدينا فوق أفانا ... وكل لبيب بالإشارة يفهم ... قال إشارة قال

[zidane]

رد: رياح التغيير في مصر

ههههههههههههه

تحليل ممتاز أخى أبو حمزه, مين قال أنك ملكشى فى السياسه, ولا ده على سبيل التواضع؟؟

بس موش ملاحظ أن فيه حاجه ناقصه ...

حضرتك عقدت الدنيا و وصلتنا للا حل و مشيت

بس أنا عندى مفاجأه ...

الحل ...

أبو حمزه أصلح رئيس لجمهورية مصر العربيه

, رشح نفسك و احنا وراك

متخفشى هنبقى وراك لحد باب المعتقل و بعدين هنوكل بدالنا محامى و واحد من حقوق الانسان

[قائل الحق]

رد: رياح التغيير في مصر

بس أنا عندى مفاجأه ...

الحل ...

أبو حمزه أصلح رئيس لجمهورية مصر العربيه

, رشح نفسك و احنا وراك

متخفشى هنبقى وراك لحد باب المعتقل و بعدين هنوكل بدالنا محامى و واحد من حقوق الانسان

أحسنت يا زيزو هما دول الصحاب وقت الشدة متلقهمش
وبعدين كفاية كلام عن المعتقل لحسن بيجو على السيرة

[zidane]

رد: رياح التغيير في مصر

أحسنت يا زيزو هما دول الصحاب وقت الشدة متلقهمش

مين قال كده, ان شاء الله لو حصل ... سأرسل لأخينا عيش و حلاوة الرشيدى (نفسى أعرف ايه علاقة الحلاوه بالسجن) أحنا برضه لا نتخلى عن الاخوه اللى بيدافعوا عن حق الشعب هههههههههههه

وبعدين كفاية كلام عن المعتقل لحسن بيجو على السيرة

متخفشى أخى لو لينا نصيب فيها فالله المستعان و لنا فى سيدنا يوسف أسوه و لن نكون أفضل من شيخ الاسلام ابن تيميه , و بعدين مالك خايف كده, آآآآآآآآآآآآه المنتديات ليها ودان ههههههههههههههه

[عبد الله السلفي]

رد: رياح التغيير في مصر

يا اخي انا معاك ولكن ليس بالاحلام ولكن بالهمم العاليه

[انا بحبك يا رب]

رد: رياح التغيير في مصر

انتظروا مفاجات لن تتوقعوها بعد............الرئيس فى نكته سمعتها لو قولتوا اقولها هقولها بس لو مش عايزين خلاص النكته سياسيه

[قائل الحق]

رد: رياح التغيير في مصر

أتفضل قول

[د/ محمد جودة]

هل رياح التغيير تهب على مصر من قبل البرادعي (فتنة غريبة)

بسم الله والحمد لله والصلاة والسلام على رسول الله

سؤال ما كان ليطرح يوما

بل ما كنت أتخيل أنه من الممكن

أن يكون هذا الموضوع خارج حيز المسلمات

وخاصة

في الأوساط الملتزمة

أو المتأسلمة

هل تداول السلطلة في نظر الإسلاميين أصبح يوما هدفا

أو نوعا من التغيير

هذا ينبي على سؤال قبله

لمن السلطة؟!!!!!!!!!

هذا السؤال أجاب عنه أهل الإيمان جوابا واضحا

لا تردد فيه

ليلحقوا بركب الموحدين

إجابة لا تررد فيها

(إن الحكم إلا لله أمر ألا تعبدوا إلا إياه)

وأجاب عنه غيرهم بإجابات

يلحقون بها بركب

من قال للنبي صلى الله عليه وسلم اعدل

فهل البردعي أو غيره

ستكون في عصرهم السيادة والسلطان للقرآن ولسنة النبي العدنان

كل ذلك

ما كان يوما يقال (لأنه من المسلمات)

ولولا أن بعض الملتزمين وقعوا في هذه الفتنة ما طرحت هذا الموضوع

آسف لو تأخرت في الرد على بعض التعليقات

فإني قليل الدخول على الشبكة

جزاكم الله خيرا
سبحانك اللهم وبحمدك أشهد أن لا إله إلا أنت استغفرك وأتوب إليك

[أبو بكر أشرف الشامي]

رد: هل رياح التغيير تهب على مصر من قبل البرادعي (فتنة غريبة)

السلام عليكم أخي الدكتور أبو عبد الرحمن...

أولا يا أهلا و سهلا فيك و نورتنا...

بالنسبة للموضوع أخي فلمَ خصصتَ موضوعاً للرد على الموضوع مع أنه كان بإمكانك التعليق بنفس الموضوع...

ثانياً أخي قد حصل لديكَ لُبس... هل لو رأيتَ موضوعاً يحكي عن الانتخابات الأمريكية مثلا أو عن مباراة مصر والجزائر أو غيرها من المواضيع أنَّنـا نؤيد الانتخابات أو النزاعات وما إلى ذلك؟ أبداً ليس هذا هو التفسير الصحيح...

كل مسلم سواءاً كان مصرياً أو خارج مصر يهتم لأمر المسلمين... و يهتم لمصائبهم التي تصيبهم و هذا من حقهم عليه... و المسلمُ أبداً لا يعيشُ بعالمٍ آخَر ولا يدري عما يدور حوله من مخططات و مكر الليل و النهار من الأعداء... بل يجبُ أنْ يكون أحرص الناس على متابعة الأحداث من حوله لأسبابٍ عديدة ولا بُد منها...

بالنسبة يا أخي لعقيدتنا الإسلامية فهي أمرتنا أن نكفرَ بالدساتير الأرضية و الشرائع بالمجالس التشريعية و البرلمانية التي تحكم بغير شريعة اللـه... و أنْ نكفر بالانتخابات الناتجة عنها و عدم المشاركة فيها قطعياً... دينُنـا هو رأسُ مالنـا في هذه الدنيـا و نسأل اللـه أن يُبارك بنا و يستخدمنا ولا يستبدلنا ويثبت قلوبنا على دينه...

أما عن رياح التغيير و البرادعي فهذا ما لا يُمكن للمسلم الغفلة عنه لأنه في صميم حياته: ما يجري هو زوال طاغية ليأتي آخر و لا خيرَ بكليهما و لكــــنْ هناك الخير قادم بإذن اللـه لأن الوضع العام الحالي بمصر غير مستقر و خاصة مع الأخبار بوفاة مبارك رغم عرض صور له قيل أنها كانت قبل العملية... هذا المناخ من عدم الاستقرار نستبشر به خيراً بإذن اللـه حتى تظهر الفئة المؤمنة و نسأل اللـه ذلك قريبا...

و حياك اللـه أخي و سيتم دمج الموضوعين لأنهما بنفس الباب...

[د/ محمد جودة]

رد: رياح التغيير في مصر

السلام عليكم
جزاك الله خيرا أخي أشرف
لكن الموضوع الذي كتبته لم يكن ردا على هذا الموضوع
ولكن كان ردا على حوارات درت بيني وبين بعض الاخوة خارج المنتدي
فزهلت أن بعضهم يسعى لتأييد البرادعي
وينتظر التغيير من قبله
فكتبت موضوع للنقاش في هذه النقطة
من وجهة نظر عقائدية
ولفتح الحوار من باب العقيدة
و إن كان هناك الكثير من الفضلاء أمثالك يؤمنون بهذه القضية
فصدقني هناك الكثير
في هذا المنتدي وغيره
لا يفكرون فيها كذلك
لذلك
لعلك تعيده كما كان موضوع منفصل
لترى أن هناك من سيعارض
وجزاك الله خيرا

[أبو بكر أشرف الشامي]

رد: رياح التغيير في مصر

حاضر أخي الحبيب إن شاء اللـه لك ذلك و بارك اللـه فيك فقد فهمت مقصدك و سنطرح كذلك مواضيع جذرية لهذه الشركيات الكفرية... و كنتُ فكرت بموضوعٍ حول الانتخابات و إن شاء اللـه تشاركنا به أخي زادك اللـهُ علما و حرصا...

و نسأل اللـه الإخلاص و القبول والنفع بها...