Tweet
بسم الله الرحمن الرحيم
الحمد لله رب العالمين الرحمن الرحيم مالك
يوم الدين
والصلاة والسلام على حبيبنا محمد وعلى
آله وصحبه أجمعين
وبعد:
تعالوا نتكلم بصراحة من غير محد يزعل
فى البداية عايزين نتفق على كام حاجة كدا لضمان الإستمرار
أولاً :كل واحد فينا يزعل من أخوه يعاتبه علشان أخوه يبينله الأسباب ويتصافوا
ثانيا:
" المُؤْمِنُ مِرءاةُ أخيهِ المُؤْمِن "
اللهم ارزقنا الإيمان
يعنى أنا لو شايف عليك حاجة غلط لازم أنبهك
نخش فى الموضوع
الكلام اللى جاى عام
ولكن فى نفس الوقت خاص
المهم
إيه الحكاية؟
الحكاية حكاية الشات بين الإخوة والمواقف التى تقابلنى
فى البداية هنحكى حكاية أخ على الشات
الأخ دا وصل إلى إيميلى معرفش إزاى
وكلمنى
فى أول مكالمة ليا مع أى حد بحب إنى ألتزم الصمت
وأكون رزين ولا أندفع فى الهزار أو الكلام عامة
المهم الأخ ده فضل يهزر من أول السلام عليكم
وأنا كنت برد بردود جادة شوية
الأخ افتكرنى مليش فى الهزار
تقريبا إتخنق منى
قلتله إنت متعرفنيش دا أنا لما بهزر محدش بيعرف يوقفنى
باختصار
كل لما أدخل نت يكلمنى وهو اللى يفتح الحوار معى
وأنا لا أستطيع أن لا أرد على أحد أو أطنشه بالبلدى
فكنت بكلمه على الرغم من إنى انا مكنتش فارقه معايا
المهم عرف إن إحنا الأتنين فى جامعة واحدة
إتفقنا على إننا نتقابل لما نروح الجامعة
وخلال الفترة اللى قبل المقابلة كنا بنتكلم على طول على الميل
وظهرتله على حقيقتى كثير المزاح
وبصراحة حبيته فى الله
وكنت فرحان جدا لما سافرت للجامعة إنى هقابله
وصلت
وإتصلت به
وإتفقنا على موعد ومكان
وتلاقينا
وكانت مفاجئة بالنسبة لى
وجدت الأخ يتعامل معى بجدية شديدة وكأنى معرفة سطحية
لم أظن به السوء لأنى كما قلت لكم من قبل أحبه فى الله
قلت له مالك كدا واخدها جد مش بتهزر ليه زى مبتعمل على الإيميل
قالى لازم نبقى كدا قدام الناس
تختلف معى أو تتفق كانت صدمه لى
وقلت فى نفسى
أنا لست عارض أزياء
لابد أن يرانى الناس فى صورة معينة
فما دمت ألتزم بالضوابط الشرعيه فلست مطالبا بأن أرضى الناس
ثم إن ما أفعله على الشات إن كان يصح فى الخفاء فهو أيضا يصح فى العلن
المهم
هو لسه فيه مهم
نعم صبرك بالله
هذها الأخ بعدما إلتقينا وكأنه قد أخذ مراده من تعارفه بى على الميل بأن يرانى
أصبح يفتح الميل ويرانى ولا يكلمنى
ولو كلمته يرد بكلمة أو كلمتين
أسئله بينكم هل تعرفت عليا لترانى فقط؟
أنا أحسن الظن ولكن كما إتفقنا فى أول الموضوع لابد من العتاب
حتى لايدخل الشيطان لى من مدخل إلا وقد سددته
ومنذ ذلك الحين وأنا أكره الشات وقليلا ما أدخل عليه
إلا لمصلحة فقط
حتى التعارف على الإخوة على النت من خلال الميل
أصبحت لا أُحبذه
فقد يكون الأخ بالنسبة لى على المنتدى
شيخ كبير أتعلم منه
فإذا لقيته على الميل صدمت به فأرفض دعوته
فأنا أرسم صورة لكل عضو منكم فى خيالى أحبه وأتمنى له أن يكون أفضل مما أتوقع
فكل من أقرأ له موضوع أو أشاهد له مشاركة يسرح زهنى فى إسمه وأسلوبه فى الكلام وأرسم له صورة
وفقكم الله جميعا
إنى احبكم فى الله
منقووول
منقووول
تعليق