حد نفسه يشوف جبال تهامة .. بالصـــور >>>>>

[Dr_Mostafa]

هل رأى أحدكم جبال تهامة من قبل ؟؟!!!

و هل تخيل احد مدى اتساعها و عظمتها ؟؟!!!

شاهدها بنفسك و تامل خلق الله و عظمته

...

...

سبحان الله !!

هل رأيت ضخامة هذه الجبال و مدى اتساعها ؟!!

هل تأملت فى عظمة الخالق - سبحانه و تعالى - و عظمة خلقه ؟!!

سبحان الله العلى القدير !!

لكن مهلا ..

هناك شئ اخر يجب ان تتامل فيه جيدا ...

بعدما رأيت هذه الجبال و تأملت عظمة الخالق فى ابداعها و خلقها ..

هل تستطيع ان تتخيل انه ياتى اناس يوم القيامة لهم حسنات كامثال هذه الجبال ؟!!!

يــــــا الله !!

حسنات كامثال هذه الجبال الضخمة ؟!!!!

دول اكيد فى الجنة .. بل فى اعلى درجات الجنة بصحبة الحبيب المصطفى - صلى الله عليه وسلم -

اممممممممممممممم

لا اظن ذلك !!

انما تصبح كل حسناتهم هذه التى كامثال الجبال هباء منثورا !!!!!

ازاى ؟؟!!!!

كل الحسنات اللى اد الجبال دى تكون هباء منثورا يعنى و كانها لم تكن؟؟!!!!!!

طب ازاى ؟؟ و ايه السبب ؟؟

عايز تعرف السبب ؟؟

عايز تعرف ليه تضيع كل هذه الحسنات ؟؟

انا اقلك ..

كانوا إذا خلوا بمحارم الله انتهكوها

يعنى ايه ؟؟ معناه ايه الكلام اللى انت بتقوله دا؟!!

انا اقلك يعنى ايه الكلام دا ...

يـــعـــنــى ..

لما تكون قاعد فى البيت لوحدك ... و اهلك يخرجوا و يسيبوك لوحدك

تقوم تجرى و تروح تفتح المواقع الاباحية ... و تتفرج على اللى فيها

فانت كدا ..

خلوت بمحارم الله و انتهكتها

يـــعـــنــى ..

لما تكونى فى الجامعة او خارجة من الدرس ... و مفيش حد من أهلك شايفك

فتروحى تخرجى مع صاحبك .. و تروحوا سيما .. و تتبادلى معاه كلمات الحب و الغرام

فانتى كدا ..

خلوتى بمحارم الله و انتهكتيها

يـــعـــنــى ..

لما تكون مستنى اهلك لما يناموا .. عشان تفتح الدش و تشوف الكليبات الفاضحة

و كمان تحوله على الاوروبى من وراهم ... و تشوف الافلام الجنسية اللى فيه

فانت كدا ..

خلوت بمحارم الله و انتهكتها

يـــعـــنــى ..

لما تكون فى الامتحان .. و المراقب يدور الناحية التانية

تروح انت تقوم مطلع ورقة تغش منها .. او تغش من صاحبك

و مش فى بالك ان ربنا هو اللى شايفك و مطلع على سرك

فانت كدا ..

خلوت بمحارم الله و انتهكتها

يـــعـــنــى ..

لما تقول لاهلك .. انا نازل اقابل صاحبى او اشرب حاجة ساقعة

و تروح تشترى سيجارة تشربها .. وتشربها فى حتة ضلمة عشان مفيش حد من الجيران يشوفك

فانت كدا ..

خلوت بمحارم الله و انتهكتها

عرفت بقا يعنى ايه

( إذا خلوا بمحارم الله انتهكوها)

يااااااااااااااااااه

معقول الحاجات دى اللى الناس شايفاها بسيطة و كتير بيعملها خاصة الشباب ..

ممكن تكون سبب فى ضياع حسنات كامثال جبال تهامة دى ..

يا رب سلم .. يا رب سلم

بس انا ايه اللى يخلينى اصدق كلامك و ايه دليلك على الكلام دا ؟؟

الدليل موجود

عن ثوبان رضي الله عنه عن النبي صلى الله عليه وسلم أنه قال :

(لأعلمن أقواما من أمتي يأتون يوم القيامة بأعمال أمثال جبال تهامة بيضاء فيجعلها الله هباء منثورا

قال ثوبان : يا رسول الله صفهم لنا حلهم لنا لا نكون منهم ونحن لا نعلم

قال : أما إنهم إخوانكم ومن جلدتكم ويأخذون من الليل كما تأخذون ولكنهم قوم ..

إذا خلوا بمحارم الله انتهكوها

رواه ابن ماجة - خلاصة الدرجة : صحيح

طب و ايه الحل و ازاى ننجو من المصير دا ؟؟؟

الحل فى القرآن الكريم

قال تعالى:

{يَسْتَخْفُونَ مِنَ النَّاسِ وَلاَ يَسْتَخْفُونَ مِنَ اللّهِ وَهُوَ مَعَهُمْ إِذْ يُبَيِّتُونَ مَا لاَ يَرْضَى مِنَ الْقَوْلِ وَكَانَ اللّهُ بِمَا يَعْمَلُونَ مُحِيطاً }

الحل انك ..

تستشعر فى كل لحظة

ان الله الذى يعلم ما فى اعماق البحار و يسمع دبيب النملة ..

فانه مطلع على سرك و علانيتك و يعلم ما تخفى و ما تعلن ..

ازاى تخشى من الناس و لا تخشى من رب الناس ؟؟!!!

( فالله أحق أن تخشوه )

الحل انك ..

تعلم يقينا ان الله على الرغم من انه كريم و رحيم الا ان اخذه اليم شديد ..

فاحذر ان ياخذك و انت تعصيه فتبعث على هذه المعصية ..

تب إلى الله ..

و اندم على ما سبق ..

و اعقد العزم على عدم العودة مرة أخرى ..

و بإذن الله ربنا يتقبل توبتك و يثبتك على طريقه و يبدل سيئاتك حسنات

فهو ..

الرحمن الرحيم

اللهم اجعلنا ممن يستمعون القول فيتبعون أحسنه

سبحانك الله و بحمدك أشهد ألا إله إلا أنت أستغفرك و أتوب إليك

[M_S_A]

رد: حد نفسه يشوف جبال تهامة .. بالصـــور >>>>>

جزاكم الله خيراً ونفع الله بكم واثابكم الله الجنه

[مسلم & وافتخر]

رد: حد نفسه يشوف جبال تهامة .. بالصـــور >>>>>

بسم الله ماشاء الله
بارك الله فيك وفى عمرك
موضع والله فى غاية الجمال

اللهم اجعلنا ممن يستمعون القول فيتبعون أحسنه
لا اله الا انت سبحانك انى كنت من الظالمين

[تائب بإذن الله]

رد: حد نفسه يشوف جبال تهامة .. بالصـــور >>>>>

جزاك الله الجنه اخى الحبيب
اللهم ارزقنا الاخلاص فى النيه والقول والعمل

[Dr_Mostafa]

رد: حد نفسه يشوف جبال تهامة .. بالصـــور >>>>>

جزانا الله واياكم كل خير اخوتاه ..

بارك الله فيكم وأثابكم الفردوس الاعلى من الجنه..

[العابدلله]

رد: حد نفسه يشوف جبال تهامة .. بالصـــور >>>>>

جزاك الله خيرا اخى الحبيب د/ مصطفى
نسأل الله تعالى ان ينفع بك
والموضوع اخى الحبيب فى غاية الخطورة
ودعنا نتكلم بصراحه فمعظم الاخوة يقعون فى هذه المشكلة الخطيرة وخصوصا من منهم فى مصر لانه ليس هناك حجب للمواقع الاباحية فى مصر على عكس السعودية مثلا فتجد الموضوع اصعب من مصر وذلك لحجب الحكومة السعودية - حفظهم الله - للمواقع الاباحية

نسال الله تعالى ان يهدينا وان يثبتنا على طاعته
وان يرزقنا مراقبته فى السر والعلن

[حسام ولكن...............]

رد: حد نفسه يشوف جبال تهامة .. بالصـــور >>>>>

بارك الله فيك و جعل هذا العمل في ميزان حسناتك يا من تعبت من اجل ان تنصحنا

[Dr_Mostafa]

رد: حد نفسه يشوف جبال تهامة .. بالصـــور >>>>>

جزاك الله خيرا اخى الحبيب د/ مصطفى

نسأل الله تعالى ان ينفع بك
والموضوع اخى الحبيب فى غاية الخطورة
ودعنا نتكلم بصراحه فمعظم الاخوة يقعون فى هذه المشكلة الخطيرة وخصوصا من منهم فى مصر لانه ليس هناك حجب للمواقع الاباحية فى مصر على عكس السعودية مثلا فتجد الموضوع اصعب من مصر وذلك لحجب الحكومة السعودية - حفظهم الله - للمواقع الاباحية

نسال الله تعالى ان يهدينا وان يثبتنا على طاعته

وان يرزقنا مراقبته فى السر والعلن

اللهم امين..

بارك الله فيكم اخى الحببيب وهدانا الله واياكم لما يحب ويرضى..

[العابدلله]

رد: حد نفسه يشوف جبال تهامة .. بالصـــور >>>>>

امين
امين
امين

[Dr_Mostafa]

رد: حد نفسه يشوف جبال تهامة .. بالصـــور >>>>>

بارك الله فيك و جعل هذا العمل في ميزان حسناتك يا من تعبت من اجل ان تنصحنا

اللهم امين..

بارك الله فيكم اخى وجزاكم كل خير على الرد الطيب..