ركز فى الصلاة ولا تسرح

[من تحب]

استغفر الله العظيم

إستووا.. إعتدلوا.. إستقيموا يرحمكم الله

الله أكبر

الله أكبر ..عمر ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي ، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه



الله أكبر
عمر ركز يا عمر، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل



سمع الله لمن حمده



ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان



الله أكبر
هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس يا عمر ركز يا عمر إنت بتصلي، أستغفر الله



الله اكبر



أهوه أنا مركز أهوه، إنظر لمكان السجود وركز في الأيات اللي بيقولها الإمام



الله أكبر



الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟عمر ... شفت أهوه إنت رجعت تسرح تاني



الله أكبر



هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد



الله أكبر



أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم



الله أكبر



السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش



الله أكبر



الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله



الله أكبر



فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل



.
.
.
.
الله أكبر



الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك



السلام عليكم ورحمة الله
السلام عليكم ورحمة الله



إيه هيا الصلاة خلصت ؟



السلام عليكم ورحمة الله
السلام عليكم ورحمة الله



أستغفر الله العظيم
!!!!!

[YOSRE SARAYA]

رد: ركز فى الصلاة ولا تسرح

(( كيفية التغلب على السرحان وقت الصلاة ))بسم الله الرحمن الرحيم اللهم صلّ على محمد وآل محمد

السرحان والتفكير في أمورالدنيا أثناء الصلاة مشكلة يكاد لاينجو منها أحد....
ولا شك أن التركيز فيالصلاة من أهم أركانها....

ولعلاج مشكلة السرحان في الصلاة..
يجب تهيئةالنفس قبل الصلاة بتخصيص دقيقة واحدة لتدبر عدة أمور وهي:

1- استحضار هيبةالله تعالى....بالتيقن بأنه تعالى ينظر إلينا أثناء الصلاة وإن الملائكة يحيطون بناوأننا إذا أتقنا صلاتنا فسوف نرى أثرها في نفوسنا وأرواحنا بل وأخلاقنا أيضاً.

2- استثمار الوقت والجهد لأن هذه الدقائق سوف تستقطع من الوقت وهناك مجهودنفسي وجسدي سوف يبذل ..فليس من الذكاء أن يضيع هباء أو يتحول الى ذنوب!! فيجب عقدالنية والتصميم على التركيز في الصلاة ليتقبلها الله تعالى لتظل هذه الدقائق هىالباقية لنا في صحيفة حسناتنا.

3- إن كل سعينا في الدنيا و هدفنا النهائيمنها هو الفوز برضى الله تعالى الذي نصلي له.. فلا يصح و ليس من الحكمة أن ننشغلعنه بأمور الدنيا و معناها من الدنو و هي وسيلتنا لرضائه سبحانه الأعلى.

4- الإستعاذة من الشيطان.. و لقد شكا رجل لرسول الله صلى الله عليه واله و سلم فقال( ان الشيطان قد حال بيني و بين صلاتي و قراءتي يلبسها على.. فقال له صلى الله عليهواله و سلم( ....فإذا أحسسته فتعوذ بالله منه و أتفل- أي النفخ مع رذاذ خفيف لا يرىو لا يحس- على يسارك ثلاثا.. قال ففعلت ذلك فأذهبه الله عني).. كذلك التسبيح بقول" لا إله إلا الله محمد رسول الله".. و إقامة الصلاة.. تطرد الشيطان.

و هناكعدة نقاط يجب مراعاتها أثناء الصلاة:
1-استحضار القلب..لأن الهدف من الصلاة وكلالعبادات هو اصلاح القلب ..يقول الرسول صلى الله عليه وآله وسلم(ألا وان في الجسدمضغة –أي قطعة لحم- إذا صلحت صلح الجسد كله وإذا فسدت فسد الجسد كله..ألا وهيالقلب)

2-اننا في حديث مع الله..فيجب ألا تؤدى الصلاة كمجرد مهمة ..فاللهتعالى يقول (قسمت الصلاة بيني وبين عبدي نصفين..فإذا قال: الحمد لله ربالعالمين..قال الله تعالى:حمدني عبدي..وإذا قال: الرحمن الرحيم قال الله عزوجل:أثنى عليى عبدي..وإذا قال العبد: مالك يوم الدين..قال الله عز وجل:مجدنيعبدي...وإذا قال:إياك نعبد وإياك نستعين...قال:هذا بيني وبين عبدي ولعبدي ما سأل ...فإذا قال :اهدنا الصراط المستقيم...قال:هذا لعبدي ولعبدي ما سأل)

3-استحضارالمعنى..باشراك العقل والقلب مع اللسان في تدبر كل كلمة والإحساسبمعناها.

4-الخشوع...لقوله تعالى:"والذين هم في صلاتهم خاشعون" ويساعدعليها النظر الى موضع السجود أو بين القدمين.

5-عدم النظر إلىالسماء..فيقول صل الله عليه وآله (ما بال أقوام يرفعون أبصارهم إلى السماء فيصلاتهم فاشتد قوله في ذلك حتى قال: لينتهن أو لتخطفن أبصارهم).

6-عدمالإلتفات...فقد قال صلى الله عليه وآله وسلم عن الإلتفات أنه(الاختلاس يختلسهالشيطان من صلاة العبد)...(فإذا صليتم فلا تلتفتوا فإن الله ينصب وجهه لوجه عبده فيصلاته مالم يلتفت)..(فإذا التفت انصرف عنه)

7-عدم التثاؤب..بقبض الفكين علىبعضهما جيداً أو بوضع اليد على الفم فإن رسول الله صلى الله عليه واله وسلميقولالتثاؤب في الصلاة من الشيطان..فإذا تثاءب أحدكم فليكظم ما استطاع)

8-عدم التشكك ..فإذا تشكك في شيء كصحة وضوءه أو عددالركعات...أو..أو..استعاذ بالله من الشيطان وأكمل صلاته.

9-عدم القراءةسراً...وأيضاً عدم رفع الصوت عالياً..فيجب أن يسمع نفسه فقط..لقوله تعالى في سورةالإسراء الآية110(ولا تجهر بصلاتك ولا تخافت بها وابتغ بين ذلك سبيلاً)

10-اتقان الصلاة بالتأني في آدائها واعطاء كل ركن حقه.

11-زيادةعدد التسبيحات في الركوع والسجود..والدعاء عند السجود.

12-ومن أفضل الطرقللقضاء على السرحان في الصلاة صلاة الجماعة.