Tweet
" بسم الله الرحمن الرحيم "
السلام عليكم ورحمة الله وبركاتة
----------------
حبيت نتكلم النهارده فى موضوع خطير جدا بنشاهده فى حياتنا اليوميه
إلا من رحم ربى
اخوتى فى فضفضة اليكم الاتى !
# على فكرة البنطلون ده ضيق أوى وكمان البادى قصير جدا !! انتى ازاى قابلة وضعك كده ؟؟ ربنا يهديكى يارب ..
# انت متعود بعد ماتقوم من النوم تقوم تعمل شوية رياضة ؟؟ لا لا لا ده بيقولوا بدعـــــــــــــــة يا أخى ؟!!
# ايه الأغانــى الـ .... اللى هو مش بيسبها على طول دى .. دى حرااااااااااااااام وكمان مش بيصلى ؟؟ لا لا لا ده " كافـــــــــــــــــــر " هو ربنا قال كده !! ده مش هيورد على جنة عمره !!
# شوفى البنت دى طريقة كلامها ومشيها عاملين ازاى !! لو كلمتيها هتبقى زيها وأنا مش هكلمك تانى ولا هصاحبك انتى لازم تبعدى عنها حالا !!
# انت ياابنــــــــــــــى هتصلى امتى بقى ؟؟ امتى هينصلح حالك واشوفك " زى " بقية ولاد اعمامك عاقل وعارف مصلحتك !!
# ياست انتى مش قولتلك اتنقبى هو انتى مابتسمعيش الكلام أبدا ؟؟ انتى ربنا غضبان عليكى كده على طول ؟؟ .. لو مالبستيش النقاب " هاطلقك " أنا اتخنقت منك . مافيش محايلة جايبة معاكى ولا جايب معاكى ( ضرب ) .. انا مش ناقص ذنوب كفاية اللى أنا فيه !!
# يابنتى مش وعدتينى انك مش هتتفرجى على أفلام بعد كده تانى ؟؟ أومال ليه أختك قالتلى انكم شوفتوا امبارح حتة فيلم لـ .... كان رومانسى أوووى .. انتى بتكدبى عليا لما قولتيلى انك بطلتى تتفرجى على أفلام من النوع ده .. انتى (( كــــــــــــــــــاذبة وعاصيـــــــــــــــــــة )) انسى اننا أصحاب بقى
***********************************
السلام عليكم ورحمة الله وبركاتة
----------------
حبيت نتكلم النهارده فى موضوع خطير جدا بنشاهده فى حياتنا اليوميه
إلا من رحم ربى
اخوتى فى فضفضة اليكم الاتى !
# على فكرة البنطلون ده ضيق أوى وكمان البادى قصير جدا !! انتى ازاى قابلة وضعك كده ؟؟ ربنا يهديكى يارب ..
# انت متعود بعد ماتقوم من النوم تقوم تعمل شوية رياضة ؟؟ لا لا لا ده بيقولوا بدعـــــــــــــــة يا أخى ؟!!
# ايه الأغانــى الـ .... اللى هو مش بيسبها على طول دى .. دى حرااااااااااااااام وكمان مش بيصلى ؟؟ لا لا لا ده " كافـــــــــــــــــــر " هو ربنا قال كده !! ده مش هيورد على جنة عمره !!
# شوفى البنت دى طريقة كلامها ومشيها عاملين ازاى !! لو كلمتيها هتبقى زيها وأنا مش هكلمك تانى ولا هصاحبك انتى لازم تبعدى عنها حالا !!
# انت ياابنــــــــــــــى هتصلى امتى بقى ؟؟ امتى هينصلح حالك واشوفك " زى " بقية ولاد اعمامك عاقل وعارف مصلحتك !!
# ياست انتى مش قولتلك اتنقبى هو انتى مابتسمعيش الكلام أبدا ؟؟ انتى ربنا غضبان عليكى كده على طول ؟؟ .. لو مالبستيش النقاب " هاطلقك " أنا اتخنقت منك . مافيش محايلة جايبة معاكى ولا جايب معاكى ( ضرب ) .. انا مش ناقص ذنوب كفاية اللى أنا فيه !!
# يابنتى مش وعدتينى انك مش هتتفرجى على أفلام بعد كده تانى ؟؟ أومال ليه أختك قالتلى انكم شوفتوا امبارح حتة فيلم لـ .... كان رومانسى أوووى .. انتى بتكدبى عليا لما قولتيلى انك بطلتى تتفرجى على أفلام من النوع ده .. انتى (( كــــــــــــــــــاذبة وعاصيـــــــــــــــــــة )) انسى اننا أصحاب بقى
***********************************
لكل " أخت وأخ ؛، وأب وأم ؛، وزوج وزوجة ؛، وصديق وصديقة ؛، وحتى مجرد عابر طريق " :
اتقوا الله فى الكلمــــــــــــــــة اللى بتقولوها وفكروا فيها الأول وازاى ممكن تتقال نصيحة كانت أو لوم !!
لأن الكــــــــــــلمة دى ممكن يكون ليها أثر عكسى فى اللى انت عايز توصله المعلومة " ده لو كانت صحيحة "
وبدل ماتكون سبب لهداية شخص تكون سبب فى عصيانــــــــــــــه وعناده وتغيير سلوك حياته للأسوأ !!
ولأن الكــــــــــــلمة دى بردو هتتحاسب عليها أشد الحساب لو ماكنتش بتعمل بيها أو بتعمل بيها ووصلتها غلط وكرهت المنصوح فيها بإسلوبك الخطأ ..
ولازم قبل ماتقول الكلمة تتأكد من صحتها وتعرف شخصية اللى هتقوله الكلمة دى وايه هيكون رد فعله واسلوبك انت وانت بتقوله النصيحة
مواقف كتير بسبب الكلمة دى عملتلتنا مشاكل ،، ناس سابت دياناتها وعندت بسبب سوء الفهم وسوء القاء النصيحة ..
وناس زادت فى اللى بتعمله اعتقادا منهم بإن ده عقاب للى نهوهم بطريقة مش مقبولة ومافيهاش ذكاء عن اللى بيعملوه ..
وأكيـــــــــــــــــــد ده بيحصل معايا كتير ومعاكم فى كل حاجة فى حياتنا اليومية :
* كثرة الفتاوى اللى مش معروف مصدرها وبتتقال عمال على بطال فى كل كلامنا ..
* وأحكامنا على سلوكيات بعضنا ليل نهار .. مش بنهتم اننا نصلح من أنفسنا وناخد بالنا من انتاجنا وعملنا
على أد مااحنا شغالين نقاد لبعض طول الوقت وكأن ربنا عين لكل فرد فينا رقيب من أنفسنا !!
** موقف بسيط من حياتنا اليومية : الفتاة لصديقتها : على فكرة لبس البنطلونات حراام والحجاب ده ضرورى طبعا ، وانتى لازم تغيرى طريقة لبسك .. كفاية الواحد مش ناقص معاصى - الفتاة لأختها : أنا هقفلك الكمبيوتر ده خالص عشان تستريحى .. يابابا دى بتكلم ولاد على الشات - الفتاة لبنت الخال : تعالى نروح نتفرج على فيلم النهاردة فى السينما نريح شوية من المذاكرة ولما أتفرج انا وانتى أحسن ماتروحى مع صاحبك ده ولا ايه ؟؟ - الأم للفتاة : بلاش تروحى السينما انتى وراكى امتحانات لسه وبعدين الأفلام حرام .. الفتاة لأمها : والله أنا باخد استراحة من المذاكرة والأفلام دى مش حرام لو اللى بيتفرج عليها بيتفرج بنية كويسة !! وأنا مش صغيرة عشان حد يقوللى ده صح وده غلط !! **
** موقف من السلف المشهود : عن أبى هريرة - رضى الله عنه - قال : سمعت رسول الله ( صلى الله عليه وسلم ) يحكى : كان رجلان من بنى اسرائيل متواخيين ، فكان أحدهما يذنب والأخر مجتهد فى العبادة .
فكان لايزال المجتهد يرى الأخر على الذنب فيقول : أقصر ( ابتعد عن المعصية ) ،،
فوجده يوما على ذنب فقال له : أقصر
فقال : خلنى وربى أبعثت على رقيبا ؟؟
فقال : والله لايغفر الله لك ( أو لا يدخلك الله الجنة ) .
فقبض الله أرواحهما فاجتمعا عند رب العالمين .
فقال الله لهذا المجتهد أكنت بى عالما ؟؟ أو كنت على ما فى يدى قادرا ؟؟
وقال للمذنب : اذهب فأدخل الجنة برحمتى - وقال للملائكة : اذهبوا بالاخر إلى النار **
مش بنقول ياناس اغلطوا وماحدش ليه انه يعترض وربنا ممكن ينجيكم برحمته ..
بس بنقول سيبوا التصرف يكون بين العبد وربه
بنقول للأب والأم انصحوا ولادكم بس بطريقة ماتخنقهمش وتكرههم فى " الأمر " ده اللى المفروض هو نصيحة
وماتحاولوش أبدا تقارنوا بين حد من ولادكم بأخوه أو أخته أو قريب ليه لأن كل واحد وليه شخصيته
بنقول للصديقة انصحى صديقتك وخليكى معاها للأخر لو حسيتى انها ممكن فعلا تتغير بس برده خليكى ذكية
النصيحة واجبة علينا طبعا بس كل شئ ربنا حدده بالعقل
والمحزن إن بعض الناس فاهمة دينها غلط وبياخدوا منه اللى يعجبهم بس
وبيطبقوا برضه اللى يعجبهم منه على غيرهم من غير وعى ولا احترام لمشاعرهم وعقولهم
وبالشكل ده مابتكونش اسمها نصيحة بيكون كلام قاسى معناه إن أنا أحسن منك واللى انت بتعمله غلط وحرام ، واللى بعمله أنا هو الصح !!
***********************************
قال صلى الله عليه وسلم : " الدين النصيحة " قالوا : لمن يا رسول الله ؟ قال : ( لله ولكتابه ولرسوله ولأئمة المسلمين وعامتهم ) . متفق عليه
اللهم احمى بناتنا واولادنا يارب العالمين
قال صلى الله عليه وسلم : " الدين النصيحة " قالوا : لمن يا رسول الله ؟ قال : ( لله ولكتابه ولرسوله ولأئمة المسلمين وعامتهم ) . متفق عليه
اللهم احمى بناتنا واولادنا يارب العالمين
تعليق