كونغ فو

[tefa_tefa]

السلام عليكم
انا هكلمكم بصراحه
انا شخصيتى ضعيفه وجبان وحالتى حاله ومش بعرف اتعامل مع الناس (انا لسه فى الكليه ولما ييجى الصيف مش بعرف اشتغل زى الناس بخاف مش عارف ليه)ومش بعرف اتحمل مسؤليه وعندى 21 سنه يعنى خلاص كبرت وشكلى هفضل كده على طول
ففى ناس نصحتنى وقالتلى العب لعبة قتاليه زى الملاكمه او الكونغ فو وهى هتقوى قلبك وتخليك جرىء بس سمعت انه حرام الالعاب القتاليه فمش عارف اعمل ايه
يعنى هل لعب الكونغ فو حرام
ولو حرام طيب اعمل ايه؟
يا ريت تنصحونى

[مجاهد الشام]

رد: كونغ فو

لا إله إلا الله
إن لله وإن إليه راجعون
نسأل الله لك العفو والعافية
أخي هذه ليست همة هذه قمة الإنكسار أنت لن تقوي شخصيتك إلا عندما تثق بنفسك
يعني إيه إلي يخليك تقول عن نفسك كده إنت إيه العمل إلا حاسس نفسك مش قدو أو بتخاف منو
ولا قصدك الخوف بشكل عام كل ناس بتخاف لكن في ناس بتستسلم للخوف وفي ناس إيمانه قوي ترتبط بالله عز وجل وتواجه أي مشكلة
أسألك الرد لكي أستطيع مع الإخوة فهم المشكلة ونسأل الله لك العفو والعافية

[Muhammad Ragab]

رد: كونغ فو

لا إله إلا الله
إن لله وإن إليه راجعون
نسأل الله لك العفو والعافية
أخي هذه ليست همة هذه قمة الإنكسار أنت لن تقوي شخصيتك إلا عندما تثق بنفسك
يعني إيه إلي يخليك تقول عن نفسك كده إنت إيه العمل إلا حاسس نفسك مش قدو أو بتخاف منو
ولا قصدك الخوف بشكل عام كل ناس بتخاف لكن في ناس بتستسلم للخوف وفي ناس إيمانه قوي ترتبط بالله عز وجل وتواجه أي مشكلة
أسألك الرد لكي أستطيع مع الإخوة فهم المشكلة ونسأل الله لك العفو والعافية

انا معك فى الرأي

اخي الحبيب tefa-tefa انا كنت تقريبا زيك كده بس مكنتش بقول لنفسي انى ضعيف ومش بعرف اتكلم او اتعامل مع الناس لانك مجرد انك تقول كده لنفسك عقلك الباطنى هيصدقك وتيجي تطلب منه يتكلم يقولك مش انت اللى قلتلى انك مش بتعرف تكلم ولا تتعامل لأ المفروض انك متعاملش نفسك على انها ضعيفة

لازم تعرف نفسك انها قوية وقوية جدا كمان ومفيش حاجه تهزها - بإذن الله طبعا - اللى كان حصل معايا

انى مكنتش اجتماعى بالدرجه وكنت ممكن اتجنب الكلام مع الناس او فتح مواضيع معاهم - وهى دي المشكله انك تقتنع داخليا انك ضعيف ومتحاولش تتغير - وكنت بتحرج من الناس فى حجات يعنى مثلا اتحرج اصلي إمام مش خوف من مسئولية الإمامة لأ خوف من الناس

لحد ما واحد صحبي الله يبارك له قالى كلمه مش هنساها ابدا

قالى كل ما تلاقي نفسك خايف تعمل حاجه اعملها

وفعلا بعدها بدات كل اما الاقى حاجه خايف اعملها - مُحرَج يعني - ومش حرام طبعا اقوم عاملها

والحمد لله

بخصوص الكونغ فو بصراحة مش عارف حرام ولا حلال

بس انا كنت بلعب كونغ فو لفترة وبروح جيم بردو وبصراحه الكونغ فو بيخلي الواحد ثقته فى نفسه عالية اوى اوى اوى ومش خايف من اى حاجه بس انا بطلت من 3 سنين تقريبا

اسال عن الكونغ فو حرام ولا لأ . ولو حرام انصحك تلعب أي رياضه لان الرياضه بتغير شخصية الواحد للاحسن كتير اوي فوق ما تتخيل وبردو هتتعامل مع ناس زمايلك فى التمرين وتكسب خبرة كويسه فى التعامل مع البشر

واتمنى لك التوفيق

احبكم فى الله

[المريد لعفو ربه]

رد: كونغ فو

جزاكم الله خيرا
اسال الله ان ينفعنا
والله يا اخى انا مع الاخ عشق فداك يا رسول الله
عليك بالاجابه عليه

[المريد لعفو ربه]

رد: كونغ فو

اسف على الخطا
الاخ عاشق فداء الرسول

[المريد لعفو ربه]

رد: كونغ فو

اسف على الخطا الكتابى
اقصد الاخ عاشق فداء الرسول

[tefa_tefa]

رد: كونغ فو

لا إله إلا الله
إن لله وإن إليه راجعون
نسأل الله لك العفو والعافية
أخي هذه ليست همة هذه قمة الإنكسار أنت لن تقوي شخصيتك إلا عندما تثق بنفسك
يعني إيه إلي يخليك تقول عن نفسك كده إنت إيه العمل إلا حاسس نفسك مش قدو أو بتخاف منو
ولا قصدك الخوف بشكل عام كل ناس بتخاف لكن في ناس بتستسلم للخوف وفي ناس إيمانه قوي ترتبط بالله عز وجل وتواجه أي مشكلة
أسألك الرد لكي أستطيع مع الإخوة فهم المشكلة ونسأل الله لك العفو والعافية

انا مشكلتى الخوف بشكل عام والاحراج ومش اجتماعى يعنى مثلا لو فى ناس جايلنا بيبقى يوم مش بيعدى وببقى قلقان طول النهار ولما ييجوا بقعد ساكت مش بعرف اقول ايه
ومثلا طول مانا ماشى فى الشارع (رغم ان جسمى كويس وبلعب كمال اجسام) ببقى مش عايز اعمل احتكاك مع اى حد رغم انه ممكن يكون الحد ده اضعف منى فى الجسم يعنى
ومثال تانى لو قاعد مع قرايبى اللى فى سنى و حد احرجنى ولا حاجه مش بعرف ارد عليه بسكت وخلاص
مش عارف الموضوع فيه ثقه فى النفس وولا لاء
طيب لو فيه ازاى اقدر اقوى ثقتى فى نفسى
(يار يت حد يفيدنى فى موضوع الكونغ فو حرام ولا حلال)
وشكرا للمساعده والاهتمام

[tefa_tefa]

رد: كونغ فو

شكرا لكل الاخوه اللى حاولوا المساعده

[tefa_tefa]

رد: كونغ فو

اخر موقف حاصلى فى الكليه الدكتور طلب مننا بحث والبحث ده هنعمله بوربوينت وهنطلع قدام الدفعه وفى الميك نعمل بريزنتيشن وطبعا ماروحتش يوم البرزنتيشن وربنا يستر بقى

[Muhammad Ragab]

رد: كونغ فو

لا بجد انت مينفعش تسكت على نفسك كده

انا قلتلك انا كنت كده تقريبا بس هي زايدة عندك شويتين والمشكلة انك تقنع نفسك انك كده وانك مش هتقدر تتغير لأ لازم تقول لنفسك انك قوي وانك تعرف تتعامل مع الناس مش بس تقولها كده لا وتضغط عليها كمان متبقاش مهزوز وانت بتقول انا قوي وانا مفيش حاجه بتهزني مش بس تقول لنفسك كده لأ وتقنعها انك كده . ومش بس تقنعها لأ انت تبدأ تاخد خطوات وقلتلك على الكلمة اللى صحبي قالهالى " كل ما تلاقي نفسك خايف تعمل حاجة اعملها " طول ما هي مش حرام طبعا

بخاف اتكلم قدام ناس كتير ---- اروح اتكلم قصاد الناس اول مرة هتلجلج مش مشكلة بس تاني مرة مش هتبقى زي اول مرة شوية شوية هبقى برابنط - لبلب يعني - قدام اي تخين

مش بعرف افتح كلام مع حد هو ييجي يكلمنى وانا ارد عليه ومش هعمل حوارات --- لا اروح اكلم اي حد زميل جديد قعد جنبي فى السكشن مثلا افتح انا كلام معاه ازيك واسمك ايه ومنين وعامل ايه والكلام هيجيب بعضه

مش قادر اشيل الوزن ده تقيل عليا --- احاول معاه واعافر معاه وممكن مقدرش لان دي قوة بدن مش عقل وشخصية بس يبقى ف دماغي انى هوصل له ان شاء الله ف يوم من الايام

وانا والله كنت كده نفس الحوار بردو مش بعرف افتح حوار مع حد لو حد كلمني ارد عليه انما مكلمنيش خلاص نقعد ساكتين

بتحرج جدا ووشي بيحمر لو انطلب منى اتكلم قدام ناس كتير ويا سلام بقا لو محدش منهم يعرفني طلبة مثلا ف الجامعة ولو في بنات بقا تبقى كملت كده

وبردو القوة البدنية كنت بردو مش عندي الثقة الكافية اه كنت بلعب كمال اجسام وجسم كويس وبتاع بس مش الثقة اللى هي يعني

حوار الثقة فى قوتى ده راح بعد ما لعبت كونغ فو

وبعدين رحت خدت كورس انجليزي فى معهد القوات المسلحة وبقا مطلوب مني اني حجات كتير مش متعود عليها وكنت بقول انى مش بعرف اعملها

اول حاجه انى اتعرف على ناس كلهم جداد عليا ماهو مش هقعد ف الكلاس 4 ساعات لوحدي ف الاول كنت بقعد ساكت لحد ما المستر ييجي واللى جنبي هو اللى بيتكلم معايا ويفتح حورات وابقى مستغرب بيجيب كلام يقولو منين واحنا لسه مقابلبن بعض

تاني حاجه انى اتكلم قدام الموجودين اول مرة لازم تعرف نفسك وتتكلم شوية عن نفسك بالانجليزي وطبعا في بنات لو رجالة بس مش هقول عادي بس بردو ستر وغطا على بعض

تالت حاجه انك هتحل وهتتناقش فى الكلاس فى اللى المستر بيقوله

رابع حاجه هتقوم تقف على السبورة وتتكلم فى موضوع لوحدك قدام البشر دول كلهم

فانتقلت 180 درجه

والحمد لله دلوقت بقيت تمام

عارف انى طولت عليك بس علشان انا كنت زيك فعايز افيدك بجد وعايز اعرفك انك لازم تواجه اى حاجه بتخاف منها مش هتيجي غير كده

واتمنى لك التوفيق وارجو اكون افدتك

[sheneroo]

رد: كونغ فو

انا عندى نفس مشكلتك بالاضافه الى ضعف الذاكره والتركيز لكن مشكلة خوفى من الناس بدأت تقل بشكل ملحوظ بفضل الله لما بدأت اشتغل واتعامل مع الناس وخصوصا ان انا مهندس ومسؤول عن عمال ولازم اتعامل معاهم ومع الى اكبر منى كمان
كل المشكلات ممكن تتحل بس الاول أوصيك واوصى نفسى قبلك بتقوى الله عشان هيه الى هاتخرجنا من كل مشاكلنا لو حققنا التقوى فعلا فإن شاء الله الفتح سيكون من عند الله وما علينا الا بالاخذ بالاسباب