Tweet
بسم الله
هاحيلكم المرة دى قصة انتكاس كادت ان تحصلى لولا فضل الله وكرمه عليا
بعد حادثة صاحبى محمد نزلت البلد ادور على اى حد ملتزم وللاسف انا اسكن فى محافظة من محافظات الصعيد وهنا ما فيش مشايخ والدعوة محدودة الى حد ما وسبحان الله لقيت واحد ملتزم من كام سنة والمفاجاة انوا طلع جارى الشباك فى وش الشباك وانا عمرى ما شفتوا
المهم ابتديت الالتزام بالهدى الظاهر لحية وتقصير وسماع شرائط وحضور دروس بس كانت لسه امراض القلوب ماليا قلبى وما عرفتش خطورتها الا بعد الموقف ده....
كان فيه تدريب كده عاملاه اسرة النشاط فى الكلية وكان يوم التدريب يوافق اول ايام العشر ذى الحجة وانا كنت اول مرة اصومهم المهم التدريب كان مختلط كالعادة بس الغريب ان الولاد والبنات رغم الاختلاط والضحك مع بعضهم بيتكلموا عن حب الدين والاسلام والرسول ...وجاء وقت صلاة العصرواستاذنت وصليت العصر وجيت حسيت انى الكبة الوحيدة فى السكشن وبركاتك يا عم الشيخ وكده وبعد ما خلص التدريب كان فاضل حوالى ساعة على المغرب وانا رايح الموقف علشان اروح البلد كان الشيطان بدا يوسوس ليا طول السكة عمال يقولى...حرام عليك اللى عملتوا فى نفسك انتا دفنت نفسك بالحيا وبتضحك على الناس وعامل فيها شيخ وانتا اكتر واحد عارف ذنوبك ومصايبك واديك شايف بنات واولاد عايشين حياتهم وبيصلوا ويمكن يعرفوا ربنا اكتر منك وانتا وحدك لا اصحاب ولا اصدقاء يعنى هوا انتا بس الصح والباقى كله غلط انتا اتسرعت جدا وبقيت منافق كبير قوى وضيعت شبابك بعقدك...وفضل الشيطان يوسوسلى وانا عمال انهار داخليا لغاية ما وصلت الموقف كان فاضل ربع ساعة مفروض استنى اصلى المغرب جماعة وامشى والشيطان كان تمكن منى ...ابقى صلى فى البيت علشان تلحق العربية وكمان انتا بس اللى صايم النهاردة كفايه اوى صيام يوم عرفة بلاش تشدد ودقنك دى يا ريت تشوفلها حل عملالك مشاكل فى البيت وكل حتة وممكن ما تشتغلش وما تعرف تتزوج كمان!...
جاه الميكروباص كان مشغل اغانى على الاخر ومافيش مكان غير جنب بنت الشيطان ...ياعم ما فيش مواصلات اوعى تكلم السواق يرفض يركبك ومافيش مكان يعنى تتبهدل .ركبت وطلعت mp3بتاعى قلت اسلى نفسى الشيطان...اوعى تشغل قران ولا خطب انتا مخك مش مركز .طيب اعمل ايه ما فيش اغانى رحت مشغل نشيد مشارى راشد لااله الا الله وقعدت ادندن معاه والسواق بيسوق باقصى سرعة وفجاة....
الميكروباص ضرب فى موتوسيكل انا من هول الصدمة ما عرفتش اقول غير الى كنت بادندنه مع النشيد قعدت اقول لا اله الا الله ..لا اله الا الله..وانا فى حالة الصدمة دى سمعت صوت تحطيم عظام واحد تحت العربية وصوت واحد طاير فوق العربية والدم مغطى الزجاج من الامام وانا وجهى مال ناحية الشباك من قوة الصدمة وشفت واحدمن التلاتة اللى على الموتوسيكل بيلف على الاسفلت مش بيصرخ ولا حاجة بالعكس وجهه هادى مثل وجه طفل وفى اللحظة دى العربية داست فرامل جامد والمشهد توقف ثوانى كان ربنا اراد يرينى المشهد ده وقفت العربية ونزلت منها وانا رجليا مش شايلانى
الاهالى ولعوا نار فى وسط الطريق علشان يوقفوا المرور ويلموا الجثث وانا واقف امام العربيه ريحة ومنظر الدم امامى والجثث والنار كل ده فى مشهد واحد وانا لسه ما صليتش المغرب!...
ياالله ما ارحمك واحلمك بيا والله العظيم لو ابى اطلع على ذنوبى لرمانى بالنار وانتا يا رب لسه بتمهلنى لو كنت مت دلوقتى كنت بقيت فى نظر الناس شهيد وفى البيت عارفين انى صائم يعنى شهيد صائم ملتحى هنيئا له الجنة وانا والعياذ بالله كنت هاموت على نية الانتكاس والشيطان اللعين مالى وسوسته فى اذنى ...
رجعت البيت مرعوب وصليت المغرب وعاهدت ربنا لو ما فيش حد على كوكب الارض ملتزم غيرى مش هاسيب الالتزام ابدا ولوا اتقطعت وكل ما هاعمل ذنب مش هياس من رحمة ربنا ابدا هاتوب واستغفر وهاطرق على باب ربنا لغاية ما يفتحلى ويتوب عليا وهاجتهد على اصلاح قلبى وهدور على علاج مرضى وهشتغل فى الدعوة الى الله باللى اعرفه ...
فاسالكم بالله العظيم يا اصحاب هذا المنتدى الطاهر ان تدعوا الله ان يغفر لى ذنوبى ومعاصي وكل البلاوى اللى عملتها فى حياتى ويرزقنى الاخلاص والثبات والهدايه ويستعملنى ولا يستبدلنى ويجعلنى سببا فى نصر هذا الدين
اللهم يا مقلب القلوب والابصار ثبت قلبى على دينك اللهم اللهم اغفر لى وتب على وثبتنى واهدنى واهدى بى الناس واجعلنى فتحا لهذا الدين انا وسائر اهل هذا المنتدى وسائر المسلمين امين
هاحيلكم المرة دى قصة انتكاس كادت ان تحصلى لولا فضل الله وكرمه عليا
بعد حادثة صاحبى محمد نزلت البلد ادور على اى حد ملتزم وللاسف انا اسكن فى محافظة من محافظات الصعيد وهنا ما فيش مشايخ والدعوة محدودة الى حد ما وسبحان الله لقيت واحد ملتزم من كام سنة والمفاجاة انوا طلع جارى الشباك فى وش الشباك وانا عمرى ما شفتوا
المهم ابتديت الالتزام بالهدى الظاهر لحية وتقصير وسماع شرائط وحضور دروس بس كانت لسه امراض القلوب ماليا قلبى وما عرفتش خطورتها الا بعد الموقف ده....
كان فيه تدريب كده عاملاه اسرة النشاط فى الكلية وكان يوم التدريب يوافق اول ايام العشر ذى الحجة وانا كنت اول مرة اصومهم المهم التدريب كان مختلط كالعادة بس الغريب ان الولاد والبنات رغم الاختلاط والضحك مع بعضهم بيتكلموا عن حب الدين والاسلام والرسول ...وجاء وقت صلاة العصرواستاذنت وصليت العصر وجيت حسيت انى الكبة الوحيدة فى السكشن وبركاتك يا عم الشيخ وكده وبعد ما خلص التدريب كان فاضل حوالى ساعة على المغرب وانا رايح الموقف علشان اروح البلد كان الشيطان بدا يوسوس ليا طول السكة عمال يقولى...حرام عليك اللى عملتوا فى نفسك انتا دفنت نفسك بالحيا وبتضحك على الناس وعامل فيها شيخ وانتا اكتر واحد عارف ذنوبك ومصايبك واديك شايف بنات واولاد عايشين حياتهم وبيصلوا ويمكن يعرفوا ربنا اكتر منك وانتا وحدك لا اصحاب ولا اصدقاء يعنى هوا انتا بس الصح والباقى كله غلط انتا اتسرعت جدا وبقيت منافق كبير قوى وضيعت شبابك بعقدك...وفضل الشيطان يوسوسلى وانا عمال انهار داخليا لغاية ما وصلت الموقف كان فاضل ربع ساعة مفروض استنى اصلى المغرب جماعة وامشى والشيطان كان تمكن منى ...ابقى صلى فى البيت علشان تلحق العربية وكمان انتا بس اللى صايم النهاردة كفايه اوى صيام يوم عرفة بلاش تشدد ودقنك دى يا ريت تشوفلها حل عملالك مشاكل فى البيت وكل حتة وممكن ما تشتغلش وما تعرف تتزوج كمان!...
جاه الميكروباص كان مشغل اغانى على الاخر ومافيش مكان غير جنب بنت الشيطان ...ياعم ما فيش مواصلات اوعى تكلم السواق يرفض يركبك ومافيش مكان يعنى تتبهدل .ركبت وطلعت mp3بتاعى قلت اسلى نفسى الشيطان...اوعى تشغل قران ولا خطب انتا مخك مش مركز .طيب اعمل ايه ما فيش اغانى رحت مشغل نشيد مشارى راشد لااله الا الله وقعدت ادندن معاه والسواق بيسوق باقصى سرعة وفجاة....
الميكروباص ضرب فى موتوسيكل انا من هول الصدمة ما عرفتش اقول غير الى كنت بادندنه مع النشيد قعدت اقول لا اله الا الله ..لا اله الا الله..وانا فى حالة الصدمة دى سمعت صوت تحطيم عظام واحد تحت العربية وصوت واحد طاير فوق العربية والدم مغطى الزجاج من الامام وانا وجهى مال ناحية الشباك من قوة الصدمة وشفت واحدمن التلاتة اللى على الموتوسيكل بيلف على الاسفلت مش بيصرخ ولا حاجة بالعكس وجهه هادى مثل وجه طفل وفى اللحظة دى العربية داست فرامل جامد والمشهد توقف ثوانى كان ربنا اراد يرينى المشهد ده وقفت العربية ونزلت منها وانا رجليا مش شايلانى
الاهالى ولعوا نار فى وسط الطريق علشان يوقفوا المرور ويلموا الجثث وانا واقف امام العربيه ريحة ومنظر الدم امامى والجثث والنار كل ده فى مشهد واحد وانا لسه ما صليتش المغرب!...
ياالله ما ارحمك واحلمك بيا والله العظيم لو ابى اطلع على ذنوبى لرمانى بالنار وانتا يا رب لسه بتمهلنى لو كنت مت دلوقتى كنت بقيت فى نظر الناس شهيد وفى البيت عارفين انى صائم يعنى شهيد صائم ملتحى هنيئا له الجنة وانا والعياذ بالله كنت هاموت على نية الانتكاس والشيطان اللعين مالى وسوسته فى اذنى ...
رجعت البيت مرعوب وصليت المغرب وعاهدت ربنا لو ما فيش حد على كوكب الارض ملتزم غيرى مش هاسيب الالتزام ابدا ولوا اتقطعت وكل ما هاعمل ذنب مش هياس من رحمة ربنا ابدا هاتوب واستغفر وهاطرق على باب ربنا لغاية ما يفتحلى ويتوب عليا وهاجتهد على اصلاح قلبى وهدور على علاج مرضى وهشتغل فى الدعوة الى الله باللى اعرفه ...
فاسالكم بالله العظيم يا اصحاب هذا المنتدى الطاهر ان تدعوا الله ان يغفر لى ذنوبى ومعاصي وكل البلاوى اللى عملتها فى حياتى ويرزقنى الاخلاص والثبات والهدايه ويستعملنى ولا يستبدلنى ويجعلنى سببا فى نصر هذا الدين
اللهم يا مقلب القلوب والابصار ثبت قلبى على دينك اللهم اللهم اغفر لى وتب على وثبتنى واهدنى واهدى بى الناس واجعلنى فتحا لهذا الدين انا وسائر اهل هذا المنتدى وسائر المسلمين امين
تعليق