Tweet
:LLL:
::.. عــــايـــــــــز تبــــــقـــــــي كــــــــده ؟؟؟..::
عايز تبقى كده
عنوان الموضوع كان مفروض يكون تقدر تبقى كده .... لكن لازم تكون عايز تكون كده الأول وبعد كده تحاول تبقى كده
لكن هو إيه كده اصلا ... يعنى هكون إزاى يعنى
كده هيكون فى الدنيا كده : حياته مليئه بطاعة لربه ... حياته كلها خالصه لله ... ما بين حضور دروس ..دعوة إلى الله .. صنائع معروف .. قضاء حوائج الناس .. ليله قيام لله .. نهاره فى أغلب الأيام صيام .. لا يترك باب من أبواب الخير إلا تقرب إلى الله به .. وهو فى ذلك لم يترك دنياه فهو ناجح فى حياته ولكنه يستغل نجاحه لخدمه دينه .. سواء بالدعوه فى عمله أو بتسخير ماله لخدمة دين الله .. وأسرته ترجمة لكل معاني السعاده فزوجته له طائعه .. أحسنا تربية اولادهما ليكونا خداما لدين الله يقدموا كل ما يملكون لتكون كلمه الله هي العليا .. وهتكون آخر لحظاته أكيد فى طاعة وهيكون آخر ما يقول فى الدنيا أشهد أن لاإله إلا الله .. ربي اللي حياتي كانت طاعة ليه .. وأشهد أن محمد رسول الله صلى الله عليه وسلم .. اللى كانت حياتي تطبيق عملي لسنته واللى مسبتش أمر أمرني بيه إلا عملته ومفيش نهي نهاني عنه إلا انتهيت عنه .
كده هيكون فى الأخره كده : من أول لحظات ليه على فراش الموت تبشره الملائكة بمقعده فى الجنة ومنزلته فيها .. هيكون قبره روضه من رياض الجنة واسع منور يأتيه من طيب الجنة ونعيمها ... فيقول ربي أقم الساعة ربي أقم الساعة لإنه عرف إن النعيم الحقيقي هناك .. فى جنة الرحمن .. وبينما يكون الناس فى أرض المحشر فى عذاب وشده .. يكون هوفى ظل عرش الرحمن .. جزاء لدموعه من خشية الله وصدقاته اللى أخفاها ..حتى لم تعلم شماله ما تنفق يمينه .. ويتوجه مع وفد من المتقين للنبي صلى الله عليه وسلم على الحوض ليشرب شربة لا يظمأ بعدها أبدا .. وتتطاير الصحف .. فيأخذ باليمين صحيفته ..ويعرض على الله فيعرفه حسناته .. ويغفر له ذنوبه كما سترها عليه فى الدنيا .. ويمر على الصراط كالبرق ليجد النبي فى انتظاره ليدخله الجنة .. ويدخل للجنة إلى بيته فى الجنة .. إلى النعيم الحقيقي .. نعيم فى نعيم ... حور عين كاللؤلؤ يحار في وصفهن الكلام .. وبيوته وقصوره وأملاكه فى الجنة التى تفوق أضعاف أضعاف أملاك ملوك الدنيا .. و نعيم رؤية الحابة والصالحين والنبي صلى الله عليه وسلم .. ثم تأتي اللحظة التى كثيرا ما تمناها فى حياته ودعا ربه أن يكرمه بها .. ينادى أهل الجنة للقاء الله .. ويكشف الحجاب لتكون رؤية الله هى النعيم الذي لا نعيم يساوية ...
--- ياترى نفسك تكون كده ؟؟؟؟
يمكن يكون كده فى الدنيا صعب شوية ... لإن هتكون فى مواجهة دائمة مع نفسك والشيطان لتصل لما وصل له ... لكن هتنجح إن شاء الله لو حاولت وجاهدت ... والله هتنجح وهتوصل ... ده مش كلامي .. ده كلام الرحيم التواب الودود : {وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ }العنكبوت69 .. بس المهم إياك تتأخر ثانية واحده ... صدقني فات كتييييير أوي ... عمر كتير ضاع ولسه محصلناش ثمن الجنة ولا ثمن رفقة النبي صلى الله عليه وسلم ... ولا ثمن رؤية رب العالمين .. أوعى تخلي أي حاجه تشغل قلبك عن الوصول ... خلي كده هدف ليك ... لو وقعت فى ذنب أو معصيه سارع وتوب واستغفر وكمل طريقك ... وأكيد هتقدر تبقى كده
اللهم اجمعنا فى ظل عرشك يوم لا ظل إلا ظلك ... ومع نبيك فى أعلي جنان الخلد ... واعنا على أنفسنا ... واعنا على ذكرك وشكرك وحسن عبادتك ... اللهم اجعلنا مخلِصين لك مخلَصين لك ... مسلمين لك .. سلمًا لك ... اللهم لا تجعل فى قلوبنا إلاك ... ولا تجعل همنا إلا رضاك ... اللهم آمين
تعليق