تيجي نفضفض !!!!

[dr_Muslim]

بسم الله والصلاة والسلام على رسول الله واله وصحبه ومن والاه ثم أما بعد:

فهذا مش موضوع نقرأأه ونكتب جزاك الله خيرا ونقلب الموضوع

لأ - لأ- خليكوا كويسين

المهم - علشان ما أطولشي عليكم

هانعمل هنا ذي برنامج فضفضه اللي انتوا عارفينه كويس

بس هنا - مش شيخ من مشايخنا - هايتكلم واحنا هانسمع

لأ أيوه لأ

هنا هايكتب كل واحد ما يشعر به بس في نطاق شريعتنا الاسلاميه

يعني أي مشكله تواجه أي أخ في أي موضوع من مواضيعنا المعاصرة يكتبه

واحنا هانحاول نساعده بفضل الله - طبعا مش أنا- بس أخواننا اللي هما أفضل مني

وكل واحد يكتب رده - الى أن نضع بفضل الله حل للموضوع بس بوجهة نظر واحده حتى يجد الأخ حل لمشكلته

ونبدأ نفتح الحوار لموضوع جديد وهكذا ..

طبعا مش عارف رأيكم في الموضوع - بس لو مش عاجبكم - فأنا ممكن باذن الله أحذفه

وجزاكم ربي خيرا

وننتظر أرائكم

[أم الشهيد]

لا اانا الموضوع عاجبني جدا

[dr_karmen]

أولا جزاك الله خيرا

بس مش هقلب عند كدة


فى فعلا مشكلة أنا حساها فى المنتدى هنا
حاسة ان فى حاجة رتيبة ممشياه
بجد والله
يمكن عشان عدد قليل اللى بيشارك
يمكن عشان احنا مش عايزين نتكلم فى المنتدى عن أى شئ آخر غير الدين!! وده صح أنا مش معرضاه أبدا
بالعكس

وطبعا ده أثره فى الأفكار بيخليها محدودة

لكن بس بستفسر
هل أخوانى وأخواتى هنا حاسين بنفس الإحساس وإيه الاقتراحات اللى ممكن تجدد من منتدانا؟؟؟

ولا ده إحساس منفرد نتيجة تواجدى فىمع منتديات مزدحمة بالمواضيع؟؟؟؟

وجزاكم الله خيرا

[dr_Muslim]

جزاكم الله خيرا أخوتاه على سرعة الرد

بس لي تعليق بسيط بوجهة نظري المحدوده

يعني- أنا كنت مشارك في منتديات كثيره قبل أن يهديني ربي لهذا المنتدى

ووالله فيه أحدهم كنت بكتب فيه موضوع ما كانشي حد بيشوفه خالص - مش بيرد عليه

فتعلمت منه شيء - مش شرط ان حد يرد على موضوعي ويكتب جزاك ربي خيرا - طبعا أنا محتاج الدعوة دي -

بس بأنظر الى عدد المشاهدات فلو وجدت وااحده فقط حمدت الله

وان لم أجد أقول باذن الله مسير واحد يدخل ويقرأ موضوعي

المهم

* فلو كل واحد منا يشجع أحد أصدقاؤه على المشاركه مجرد تواجد شخص جديد يقرأ شوفوا الحسنات بقى

مش هو ده اللي كلنا بنسعى له - يعني عاوزين رضى ربنا

* برضه كلمة جزاك الله خيرا مش هاتاخد منا كتير لأخواننا الأعضاء حتى نشجعهم على الكتابه وألا يكونوا مشاهدين فقط

* نحاول نغير في أسلوبنا بحيث نجعله مشوق أكثر - يعني نعطي طابع التشويق

يعني مثلا : نكتب الموضوع وكأن هناك شخص ملتزم ينصح شخص لسه في بداية الطريق ويكتب الحوار بينهم وهكذا

* بالنسبه لمنتدانا ووجود الحاله الرتيبه دا لأن هناك بعض الأاخوة مشغولين في الامتحانات وغيره وفقهم الله واحنا هايجيلنا يوم وننشغل فيجب أن نلتمس لهم العذر
طبعا مش معنى كده الانشغال الدائم عنا - يعني مثلا يكفي ساعه واحده بعد صلاة العشاء بصفه يوميه - مش هاتاخد كتير - دي ساعه في سبيل الله

* واحنا كتبنا هذا الموضوع علشان أأي حد من الأاخوة الأعضاء يكتب اللي حاسس بيه في أي شيء هنا أو في مكان العمل أو في الشارع أو في جريده أو...
طبعا فيما يرضي الله - .

* وجزاكم ربي خيرا على مواضيعكم وردودكم

ومنتظر أشوف ردود أخواني وأخواتي ومش عارف هل كلامي ده صحيح ولا أيه ؟ فلو هو أيه !!

أرجو أن أعرف وجهة النظر الأخري في أول حوار

[dr_karmen]

جزاك الله خيرا أخى فى الله
فعلا مقدرة كونهم فى فترة امتحانات وظروف درستهم بتحكم عليهم بانهم يتوقفوا عن المشاركات
بس فعلا
فى ناس جديدة
بتيجى تدخل المنتدى
دلوقتى
وبتلاقى الوضع ده

فعندى اقتراح

لو أمكن تنشيط المواضيع القديمة
يعنى حاجات مثلا من شهور وكانت قوية
وتأثيرها قوى
وتتنشط
وتتجدد فى الصفحة الاولى
بحيث لو فى حد جديد داخل معانا
يلاقى المنتدى نشط
والله المستعان
أكيد موضوع المنتدى ده
مسؤولية كبيرة
بس كل مسؤولية بتبقى معاها ميزات وعيوب
وعيوبها شوية وقت محتاجه
وميزاتها ثواب قد يكون ثواب جارى فى ميزان حسناته لأجل غير مسمى

ربنا يعينكم ويوفقكم إلى ما يحب ويرضى

[dr_Muslim]

جزاكي ربي خيرا أختاه

ما هو التجديد في أايدينا أننا نرد على المواضيع القديمه وبذلك تجدد

ونجعل الاختيار في أايدي الكل وليس في يد واحده

وممكن نختار موضوع ما يكون بيشد ونرسله كايميل الى أصدقاؤنا المسجلين عندنا عالياهو مثلا أو msn

ونرسلهولهم لاجتذابهم كأعضاء جدد أو محاولة هداية أحدهم

وهكذا ونترك للأخوة الاختيار

وجزاكم ربي خيرا على التفاعل جعله الله في ميزان حسناتكم

[أبويحيى]

طبعا موضوعك جميل يادكتور وهيبقى ساحة جميلة للحوار والنقاش ...

بالنسبة لأول موضوع فأنا اوافقك الرأى تماما

لكن انا نفسي اسأل سؤال ... كان نفسك المنتدى يبقى إزاى ؟؟؟

يعنى كلنا او اغلبنا كان فى منتديات تانية قبل كده

وطبعا الفرق كبير بين جو منتدى غير اسلامى ومنتدى اسلامى ... وده طبيعى لإن منتدى غير اسلامى هتلاقى مواضيع نكت مواضيع مقالب و مواضيع ملهاش لازمة ... ومواضيع معاصى وذنوب ... غير مستوى الردود نفسها يعنى لما تلاقى واحد بيرد عليك و يقلك واعتذر عن انى بكتب الكلمات دي هنا ( قشطة ياريس موضوعك زي العسل ... متحرمناش من ابداعاتك ) و النفس برده بتحب الجو ده ... ولا واحد يدخل يرد عليك يقولك ( جزاك الله خيرا يا أخى وبارك الله فيك وأكرمك ورزقك الجنة ) وده أآ كبر مشاكل حديثى الانتساب للمنتديات الاسلامية وكلنا كنا منهم يوما ما ... انهم مش واخدين على الجو

لكن عارفين بعد تجربة تقارب سنتين أهو ... جو المنتديات الاسلامى احلى ... يكفى انك محتسب كل دقيقة بتقضيها على المنتدى

[dr_Muslim]

أخي الحبيب أبو يحيى: يبدو أنك فهمتني خطأ

المقصود هنا أخي أن أي شخص يحس بمشكلة ما أن نمد له يد المساعده

وأن نكون صحبه صالحه وأن يكون هناك تفاعل بيننا على طريق الالتزام

ومش معنى كلامي اني لا أريد حد يكتب جزاك الله خيرا - هو فيه دعوة أحسن منها

وبعدين أخوك ما دخلشي الا منتديات اسلاميه - الا منتدى واحد حاولت أخد بايدهم ماتفعشي فتركته - والله اعلم

ويعلم الله أنني لم أرد بهذا الموضوع سوى الثواب منه وحده لاشريك له

ومنتظر ردك - لو شايف حاجه انا مش شايفها قوللي أخي

جزاك الله خيرا

[أبويحيى]

انا مكانش قصدى فى الرد عليك يا أخى الحبيب ... انا كان كلامى عام عن مشكلة كنت بواجهها اول مادخلت منتديات اسلامية ... مش قصدى يعنى ان الواحد كان فى منتديات بايظة لكن المنتديات العامة اللى الناس اللى فيها عادى

عموما فى انتظار اراء باقى الاعضاء وانتظار مواضيع قادمة للمشاركة فيها إن شاء الله

[●..مـُحـب الجـنـة..●]

السلام عليكم ورحمة الله وبركاته
جزاك الله خيرا اخى الحبيب دكتور مسلم وبارك الله لنا فيك وفى مجهودك الطيب
بخصوص منتدانا هذا فأشعر بسعادة كبيرة وانا أشارك فيه
وذلك لأن المنتديات الأخرى هى منتديات عامة وبها منتديات فرعية اسلامية
ولكن الأروع ان يكون المنتدى كله اسلامى ,, على الأقل الواحد لو شارك فى اى قسم هيبقى مأجور باذن الله

[الله ناظرى]

السلام عليكم ورحمة الله وبركاته

جزاك الله خيرا يا د.مسلم

بما أنكم بنتناقشوا أحوال المنتدى وركود المنتدى

فأنا عندى مشكلة هنا بصراحة

أنا لسة فى بداية الطريق ومعنديش علم كافى برده

فبخاف أكتب موضوع يطلع فيه أخطاء .. وأبقى بدل ما نفعت الناس ضللتهم

مش عارفة الخوف ده خوف عقيم أو زايد عن حده ... ولا أنا عندى حق المفروض مكتبش دلوقتى كتير وأكتفى بالردود




وعموما الأيام دى المشاركات هتقل علشان الإمتحانات ... فنتوقع المزيد من الركود.

[dr_karmen]

السلام عليكم ورحمة الله وبركاته
أولا
جزاك الله خيرا أخى فى الله Dr_Muslim
ثانيا
أخى فى الله أبو يحي
لم أقصد بالمنتديات الأخرى هى المنتديات اللى فيها الردود كدة((قشطة ياريس موضوعك زي العسل ... متحرمناش من ابداعاتك ))
لأ
أقصد منتدى المفروض أنه اسلامى بس مش ملتزم زى هنا
مش عايزة أحدد حاجة معينة

أما عن أختى فى الله الله ناظرى
جزاكى الله خيرا على حرصك
وأثابك الله على نيتك
وبارك فيكى

وأسأل الله أن يثبتنا على الحق
وينير طريقنا إليه

وجزاكم الله خيرا

[dr_Muslim]

* جزاك اربي خيرا مثله أخي الحبيب أبو يحيى – ونفع بك وبارك فيك

* وجزاكم ربي خيرا مثله أخي الحبيب Mr.Masrawy واحنا السعداء بوجودك أخي – وبارك الله فيك

* جزاكم ربي خيرا مثله أختنا " الله ناظري"

ولقد طرحتي حضرتك سؤال فعلا مهم ويجب أن نتشارك فيه جميعا لأن رد واحد ما ينفعشي وخاصة لما يطلع من واحد أقلكم في العلم " ربي زدني علما" -

المهم اذاي لما واحد لسه على أول الطريق مثلي يدخل المنتدى لأول مره انه يكون عضو فعال –

طيب ويعمل أيه اذا كان خايف انه يقول حاجه غلط أو يكتب حديث خطأ أو غيره ....

ولقد أخذتي أختاه بالأحوط

المهم- أنا عمال أرغي ومابقولشي حاجه – مش قلت لكم أدعولي ربنا يهديني ويتوب علي – وهاقول وجهة نظري المحدوده جدا :

# ممكن تكون فعال برفع بعض الأشرطه الاسلاميه لبعض مشايخنا – رحمهم الله – وشوفواا الثواب بقى
بعض التواقيع الاسلاميه والأناشيد والفلاشات الاسلاميه – طبعا نبعد عن صوت المعازف

# توقيعك نفسه ممكن يكون مصدر لكسبك الحسنات – يعني كل رد لك بجزاك الله خيرا واللي يشوفه ويقراه – طبعا الحسنات لك فيها برضه

# أدعوا أحد الأصدقاء لكي يكون عضو معنا وطبعا كل مشاركاته لك ثواب ذيها بالظبط ولا تنقص

# معلومه في كتاب اسلامي أو موضوع مهم من مصدر موثوق فيه وأكتبه علشان أشارك اخواني فيه – وطبعا الثواب من الملك- على أن أكتب مصدر المعلومه علشان أخواننا ممكن يشتروا الكتاب – وبرضه ثوابك ها يزيد

# كفايه عليكم كده علشان ما تتحسدوش

وننتظر المزيد من الأراء من أخواننا الكرام

والله المستعان

[الله ناظرى]

* جزاكم ربي خيرا مثله أختنا " الله ناظري"

ولقد طرحتي حضرتك سؤال فعلا مهم ويجب أن نتشارك فيه جميعا لأن رد واحد ما ينفعشي وخاصة لما يطلع من واحد أقلكم في العلم " ربي زدني علما" -

المهم اذاي لما واحد لسه على أول الطريق مثلي يدخل المنتدى لأول مره انه يكون عضو فعال –

طيب ويعمل أيه اذا كان خايف انه يقول حاجه غلط أو يكتب حديث خطأ أو غيره ....

ولقد أخذتي أختاه بالأحوط

المهم- أنا عمال أرغي ومابقولشي حاجه – مش قلت لكم أدعولي ربنا يهديني ويتوب علي – وهاقول وجهة نظري المحدوده جدا :

# ممكن تكون فعال برفع بعض الأشرطه الاسلاميه لبعض مشايخنا – رحمهم الله – وشوفواا الثواب بقى
بعض التواقيع الاسلاميه والأناشيد والفلاشات الاسلاميه – طبعا نبعد عن صوت المعازف

# توقيعك نفسه ممكن يكون مصدر لكسبك الحسنات – يعني كل رد لك بجزاك الله خيرا واللي يشوفه ويقراه – طبعا الحسنات لك فيها برضه

# أدعوا أحد الأصدقاء لكي يكون عضو معنا وطبعا كل مشاركاته لك ثواب ذيها بالظبط ولا تنقص

# معلومه في كتاب اسلامي أو موضوع مهم من مصدر موثوق فيه وأكتبه علشان أشارك اخواني فيه – وطبعا الثواب من الملك- على أن أكتب مصدر المعلومه علشان أخواننا ممكن يشتروا الكتاب – وبرضه ثوابك ها يزيد

# كفايه عليكم كده علشان ما تتحسدوش

وننتظر المزيد من الأراء من أخواننا الكرام

والله المستعان

جزاك الله خيرا يا دكتور
حلول حضرتك جميلة جدا
وبعيدة لحد كبير عن الأخطاء

وياريت حضرتك تقولنا أفكار كمان لو فى
ومتقلقش مش هنتحسد ولا حاجة إن شاء الله
وجزاك الله خيرا مرة تانية

[dr_Muslim]

جزاكم ربي خيرا مثله أختاه

المهم هانحاول نجتهد كلنا جميع الأخوة والأخوات في ايجاد أفكار جديده

مثلا:

* اخد رابط موضوع يشد ويكون ذو هدف وأرسله لكل أخواني اللي انا مسجلهم عندي على الياهو او المسنجر وطبعا الحسنات ها تكتر طبعا لما يشاهدوه ولو سجلوا وشاركوا طبعا الدال على خير كفاعله

* أرشد اخواني هنا الى كتاب قيم اسلامي أو شريط اسلامي - أو اكتب مواعيد شيوخنا على قناة الحكمه وغيرها

* اكتب شعوري الخاص بما يرضي الله عنا واحاول اشارك اخواني في الحوار

* نكتب مثلا بدايه لموضوع ما مثلا " ماذا تعرف عن الحجاب ؟ " أو " كيف تكون التوبه " واترك الاجابه لأخواني منها اكسب حسنات ومنها الكل يستفيد من بعضه وبالتالي هاناخد بيد اللي لسه في بداية الظريق مثلي لمعرفة ما يجهله - والله اعلم

وبصراحه هو ده كان هدف كتابة موضوع تيجي نفضفض - بس لو حضرتك عاوزه تبتدي فيه مفيش مشكله - والله المستعان

وبعدين ننتظر افكارمن اخواننا وردود ونفع الله بكم