إعـــــــلان

تقليص
لا يوجد إعلان حتى الآن.

انا ايمانى ضعف وعايز احلق لحيتى ومش عايز ومحتاج لنصيحة منكم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    رد: انا ايمانى ضعف وعايز احلق لحيتى ومش عايز ومحتاج لنصيحة منكم

    السلام عليكم ورحمه الله وبركاته
    اخى الكريم اعزك الله ايعقل انه بعد ان راى السائر فى الظلام نورا ان يعطى له ظهره ساقول لك كلمات اسال الله ان تريح قلبك
    عندما يبدا احدنا بالالتزام او بفعل شيء محبب الى الرحمن وحبيبى وحبيبك المصطفى صلى الله عليه وسله يغاظ الشيطان فهل يعقل انه سيترقك لحالك لا لقد كان يسخر لك كل شيء وانت عصيته وهجرت والمهاجر من هجر ما نهى الله عنه ثم اكرمك الله بالالتزام
    اسمع هذا الكلام
    لكل واحد فى بدايه طريق التامه شيء يسمى العصره التى تصيب قلب التائب يبتلى بشيء فاذا نجح به زاق حلاوه الايمان واا وقع فيه زاق مراره العيش وضنكا كبيرا وهذا والله عن تجربه الاثنين عن تجربه شخصيه لا كلام جرائد
    فاصبر لعل عسرتك تكون قد اتتك سهله وتكون هى تلك وسترى حلاوه الايمان
    واسال الله ان يكون قد وفقنى فى ان اوضح لك شيئا ولو كان صغيرا ولا تخف من هذه الكوابيس بل نم وانت متوضيء ولا تخش الا الله
    ومن توكل على الله فهو حسبه
    اسرت قريشا مسلما
    فمضى بلا وجل الى السياف
    سالوه هل يرضيك انك سالما
    ولك النبى فدى من الاتلاف
    فاجاب كلا لا سلمت من الردى
    ويصاب انف محمد برداف

    تعليق


    • #17
      رد: انا ايمانى ضعف وعايز احلق لحيتى ومش عايز ومحتاج لنصيحة منكم

      اخوانى
      الاخ ‏allam85 عنده حق والله

      انا مش اول مرة اربى لحيتى ويجيلى رعب من عائلتتى وامن الدولة واخاف منهم واوم بحلقها



      المرة ال قبلها
      بردو امى قالت لى محدش فى شركات هايشغلوك طوال انت بالمنظر ده ( هايفتكروك ارهابى )
      وجدتى ههههه والله حبستنى فى الحمام لما كنت بزيارة لها وقالت لى مش هاتخرج من الحمام لما تشيل الهبابة ال فى شك
      هههههه
      بس ما حالقتهاش وكسرت باب الحمام بتاع جدتى ومشيت وتركتهما

      وبردو بعد ما حلقت لحيتى بردو كل ما اقدم السيفى بتاعتى فى شركة مثل الاول تماما كانى ما عاملتش اى حاجة

      وانا امبارح لما قدمت فى شركة وانا بلحية مش عاوز اقول انا اتقبلت 100 % عشان الحسد
      رغم فى انترفيو تانى

      والله امباح بعد صلاة العشاء اخ صديق لى كان عارف انى عاوز اتجوز ونفسى اتجوز

      فحكيت له موضوع الللحية والرعب ال انا كنت فيه قبل انا يحكى لى موضوع الزواج ( المفاجاؤة )


      فقال لى يا .. انا كنت جايبلك عروسة لو حلقت لحيتك كزمان ابو العروسة رفضك وبشدة
      ههههههههههههه

      وانا اتذكر لما كنت فى الدبلوم الوقت ده امى كانت متزوجة
      وحصل مشكلة بينى وبين زوج امى
      مشكلة ضخمة جداااا بسبب اختى
      وانا كنت ال سبب
      الممهم هربت من البيت لفترة
      وانا بصلى الفجر اتمسكت تحرى وانا اساسا ماكنتش ملتتزم ولا اساسا كان عندى لحية

      لكن سبحان الله فعلا ربنا عز وجل هو كريم

      وسبحان الذى لا اله الا هو رب العرش العظيم
      وجزاكم الله خيرا
      التعديل الأخير تم بواسطة راجي رحمة الله; الساعة 01-07-2009, 09:05 AM.
      قال رسول الله صلى الله عليه و سلم فى الحديث الذى رواه ابو هريرة رضى الله عنهقال : سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد، ورجلان تحابا في الله اجتمعا عليه وتفرقا عليه ، ورجلدعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خاليا ففاضت عيناه
      يا رب اجعلنى واحد منهم

      تعليق


      • #18
        رد: انا ايمانى ضعف وعايز احلق لحيتى ومش عايز ومحتاج لنصيحة منكم

        المشاركة الأصلية بواسطة moamen talha مشاهدة المشاركة
        السلام عليكم ورحمه الله وبركاته
        اخى الكريم اعزك الله ايعقل انه بعد ان راى السائر فى الظلام نورا ان يعطى له ظهره ساقول لك كلمات اسال الله ان تريح قلبك
        عندما يبدا احدنا بالالتزام او بفعل شيء محبب الى الرحمن وحبيبى وحبيبك المصطفى صلى الله عليه وسله يغاظ الشيطان فهل يعقل انه سيترقك لحالك لا لقد كان يسخر لك كل شيء وانت عصيته وهجرت والمهاجر من هجر ما نهى الله عنه ثم اكرمك الله بالالتزام
        اسمع هذا الكلام
        لكل واحد فى بدايه طريق التامه شيء يسمى العصره التى تصيب قلب التائب يبتلى بشيء فاذا نجح به زاق حلاوه الايمان واا وقع فيه زاق مراره العيش وضنكا كبيرا وهذا والله عن تجربه الاثنين عن تجربه شخصيه لا كلام جرائد
        فاصبر لعل عسرتك تكون قد اتتك سهله وتكون هى تلك وسترى حلاوه الايمان
        واسال الله ان يكون قد وفقنى فى ان اوضح لك شيئا ولو كان صغيرا ولا تخف من هذه الكوابيس بل نم وانت متوضيء ولا تخش الا الله
        ومن توكل على الله فهو حسبه
        اقسم بالله يا اخى
        انا ما فكرت التزم صح واربى لحيتى وانا ايام الجامعة تقريبا وانا فى الفرقة التالتة فى السنة ال رصبت فيها
        الا ما وجدت رسول الله فى المنام وهو كان يحكى مع البشر ولكنى لم اسمعه

        ومن هذا اقسمت بالله انى التزم وهاربى لحيتى وهااااااانتمى الى جماعة الاخوان المسلمين
        الوقت ده كنت فاكر ان اى اى بلحية هو اخوانى
        عشان الاوان سارقين صورة الاسلام وسارقين قلوب الناس
        وانا كنت شايفهم فى الوش وكنت فاكر هما فعلا الحل وهما فقط ال هايدخلو الجنة فقط
        وماكنتش اعرف يعنى ايه سلفى ولا اخوانى
        لكنى كنت عارف فقط ناس ال تبع تبليغ والدعوة عشان انا شوفتهم ههههههه موضوع تانى
        المهم

        وكل ما اسال اخ معى فى الاكاديمية على اساس انه اخوانى
        ويعلم الله مافى نيتى

        يفتكرنى جاسوس من امن الدولة ههههههه وهاضره

        يعلم ربنا سبحانه وتعالى مافى نيتى والا حتى الان انتميت لهذه الجماعة

        ------------------------

        ان امى هاترفض انى اتززوج فتاة مش بدرس فى جامعة
        ومعظم الاخوات الملتزمات مش بيدروسوا فى جامعة
        ودى قصة طويلة جدا حصلت لى متاخره
        ههههه
        اله المستعان
        السلام عليكم
        التعديل الأخير تم بواسطة راجي رحمة الله; الساعة 01-07-2009, 09:10 AM.
        قال رسول الله صلى الله عليه و سلم فى الحديث الذى رواه ابو هريرة رضى الله عنهقال : سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد، ورجلان تحابا في الله اجتمعا عليه وتفرقا عليه ، ورجلدعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خاليا ففاضت عيناه
        يا رب اجعلنى واحد منهم

        تعليق


        • #19
          رد: انا ايمانى ضعف وعايز احلق لحيتى ومش عايز ومحتاج لنصيحة منكم

          جزاكم الله خيراً أخي الكريم


          وثبتنا الله واياك على طريق الحق

          وهدانا الصراط المستقيم

          فك قيودك... طير في السماءѼ .. ذنوبك هي أسرك
          ♥حب الله♥ الحرية السعادة الأبدية
          من أراد السعادة الأبدية .. فليلزم عتبة العبودية.

          تعليق


          • #20
            رد: انا ايمانى ضعف وعايز احلق لحيتى ومش عايز ومحتاج لنصيحة منكم

            السلام عليكم ورحمة الله وبركاته
            أخي الحبيب أحب أن أنبه على نقطة أن جمااعة الإخوان من الفرق
            هذا خطأ فهم ليسوا من الفرق أصلا لأن عقيدتهم ليست عقيدة مختلفة عن أهل السنة والجماعة حسب علمي ولكن هناك أخطاء عندهم قد تجدها في طريقة الدعوة عن أهل السنة والجماعة وغالبهم لا يلتزم بسنة النبي صلى الله عليه وسلم في السمت وهكذا لكن لا يعني هذا أن نقول إنهم من الفرق الضاااالة فهذا خطأ
            وأعرف منهم من هو ملتزم وعلى دين نسأل الله لهم التوفيق
            وبالنسبة للحديث على برامج المحادثة من أجل الزواج فهذا خطأ فلا يجوز أصلا الحديث بين الجنسين
            فعليك أن تنهي هذا الحديث مع أي بنت عبر برامج المحادثة
            نسأل الله أن ييسر لكم الزواج
            إن كـان تـابـع أحمـدٍ متـوهِّباً * * * فـأنـا المقـرُّ بـأننـي وهَّـابـي
            أنفي الشـريك عـن الإله فليس لي * * * ربٌّ سـوى المتفـرِّد الـوهَّـابِ
            لا قبـةٌ تُــرجـى ولا وثنٌ ولا * * * قبـرٌ لـه سبـب مـن الأسبـابِ
            كـلا ولا شجـرٌ ولا حجـرٌ ولا * * * عيـنٌ ولا نصـبٌ من الأنصابِ

            تعليق


            • #21
              رد: انا ايمانى ضعف وعايز احلق لحيتى ومش عايز ومحتاج لنصيحة منكم

              يعني بعد دة كله يطلع التهديد مش من البعدا ؟؟؟؟؟؟

              يطلع من الجيران ؟؟؟؟؟


              ^---^

              على رأي أبي بكر الشامي

              ثبتك الله يا أخي

              -

              اللهم إني أسألك الإخلاص في السر و العلن
              قولوا آمين

              تعليق


              • #22
                رد: انا ايمانى ضعف وعايز احلق لحيتى ومش عايز ومحتاج لنصيحة منكم

                المشاركة الأصلية بواسطة عمرو نصر مشاهدة المشاركة
                يعني بعد دة كله يطلع التهديد مش من البعدا ؟؟؟؟؟؟

                يطلع من الجيران ؟؟؟؟؟


                ^---^

                على رأي أبي بكر الشامي

                ثبتك الله يا أخي

                -
                بقولك

                تعالى عندى البيت يومين وانت بلحيتك

                ان شاء الله لما هاتروح ابقى احكى بالمنتدى انك كنت فى بيت الرعب وكله اشباح
                سدقنى يا غالى والله العظيم اساسا محدش مقدر موقفى
                ولا الرعب ال انا فيه
                كل خطوة بمشيها فى شارع
                احس امة لا اله الا الله بتبص عليا
                كان ارهابى ماشى فى وسطهم وخايفين منه
                طيب ده الشارع
                شوف بقى جوه البيت
                والعائلة الكريمة

                يا عم المفروض تقولى كان الله فى عونك
                قال رسول الله صلى الله عليه و سلم فى الحديث الذى رواه ابو هريرة رضى الله عنهقال : سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد، ورجلان تحابا في الله اجتمعا عليه وتفرقا عليه ، ورجلدعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خاليا ففاضت عيناه
                يا رب اجعلنى واحد منهم

                تعليق


                • #23
                  رد: انا ايمانى ضعف وعايز احلق لحيتى ومش عايز ومحتاج لنصيحة منكم

                  و لا تزعل شكلك مقدرتش انه هزار

                  كان الله في عونك

                  -

                  اللهم إني أسألك الإخلاص في السر و العلن
                  قولوا آمين

                  تعليق


                  • #24
                    رد: انا ايمانى ضعف وعايز احلق لحيتى ومش عايز ومحتاج لنصيحة منكم

                    المشاركة الأصلية بواسطة عمرو نصر مشاهدة المشاركة
                    و لا تزعل شكلك مقدرتش انه هزار

                    كان الله في عونك

                    -
                    انا والله ما اقدر ازعل من مسلم

                    احبك فى الله
                    قال رسول الله صلى الله عليه و سلم فى الحديث الذى رواه ابو هريرة رضى الله عنهقال : سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد، ورجلان تحابا في الله اجتمعا عليه وتفرقا عليه ، ورجلدعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خاليا ففاضت عيناه
                    يا رب اجعلنى واحد منهم

                    تعليق


                    • #25
                      رد: انا ايمانى ضعف وعايز احلق لحيتى ومش عايز ومحتاج لنصيحة منكم

                      بالنسبة أخي الحبيب لأن الناس طول ما أنت ماشي بيبصوا لك ده شيء عادي جدا
                      أيه المشكلة ده أنت كده عامل زي النجم ^ _ ^
                      لا حقيقي عادي جدا طبيعي أنك أول ما تلتحي هتحس في بعض الأحيان أن الناس بتبص عليك لأنك غريب في وسطهم أنت ملتزم بسنة النبي صلى الله عليه وسلم وهم لا
                      البعض منهم بيقول يا ريتني زيه
                      وبعدين الحديث عن الحبيب المصطفى بيقول : بدأ الإسلام غريبا وسيعود غريبا كما بدأ فطوبى للغرباء
                      لازم تكون غريب فعلا لو مكنتش غريب وأفعالك زي الناس اللي مش ملتزمة يبقى أيه الفرق بين اللي يتبع السنة واللي يتركها
                      أسأل الله لكم الثبات
                      إن كـان تـابـع أحمـدٍ متـوهِّباً * * * فـأنـا المقـرُّ بـأننـي وهَّـابـي
                      أنفي الشـريك عـن الإله فليس لي * * * ربٌّ سـوى المتفـرِّد الـوهَّـابِ
                      لا قبـةٌ تُــرجـى ولا وثنٌ ولا * * * قبـرٌ لـه سبـب مـن الأسبـابِ
                      كـلا ولا شجـرٌ ولا حجـرٌ ولا * * * عيـنٌ ولا نصـبٌ من الأنصابِ

                      تعليق


                      • #26
                        رد: انا ايمانى ضعف وعايز احلق لحيتى ومش عايز ومحتاج لنصيحة منكم

                        مالكش دعوة بالناس وسيبك منهم وأمشي في طريق ربنا

                        وبلاش تكون زي أبو ودنين اللي قطع أذنه علشان الناس كانوا بأذن واحدة واتريقوا عليه أنه بأذنين

                        فك قيودك... طير في السماءѼ .. ذنوبك هي أسرك
                        ♥حب الله♥ الحرية السعادة الأبدية
                        من أراد السعادة الأبدية .. فليلزم عتبة العبودية.

                        تعليق


                        • #27
                          رد: انا ايمانى ضعف وعايز احلق لحيتى ومش عايز ومحتاج لنصيحة منكم

                          أنا مكنتش متابع الموضوع من الأول بصراحة ...
                          بس أنا هقولك حافظ على لحيتك بحياتك ...
                          اللى فهمته إن عندك مشكلتين ...
                          مشكلة مع التهديدات الأمنية
                          ومشكلة فى إقناع الأهل أو فى تقبل الناس ...
                          شوف يا أخى ...
                          التهديدات الأمنية دى سيبك منها ... ليه ؟؟
                          أول ما ظهرت اللحية ... وظهرت فئة من المسلمين في مصر بتنقد الحكومة ...
                          وبتعمل مظاهرات ومنشورات ومشاكل ...
                          الحكومة بقت تاخد كل ملتحى أمن الدولة .. واللحية كانت وقتها مشكلة المشاكل بالنسبة للحكومة
                          سواء كان شرعى أو إخوان ...مكنوش يعرفوا يفرقوا .. لدرجة إنهم لو لقوا معاك مصحف كانوا هيخدوك ...
                          المشكلة مع أمن الدولة هو البلبلة اللى ممكن يعملها الشاب المتدين بحماسه ...
                          لما الحكومة قدرت تفرق بين الإخوان والطلاب العلم الشرعى .. وعرفوا إن طلاب العلم الشرعى بيكملوا نص عشاهم نووم ...
                          بقوا يفتشوا فى البيوت ... ويتأكدوا إن كان الملتحى ده ليه فى التيارات السياسية ولا لا ...
                          ولو لقوا عنده حاجة أو لقوا نشاطه فى المنطقة اللى هو فيها مريب ... بياخدوه يسئلوه شوية أسئلة
                          ولو لقوا معندوش حاجة سياسية بيسيبوه من غير مشاكل .. ده طبعاً لو متلامضش معاهم بكلام تقيل ..
                          طيب ..
                          لو فرضنا ياعم هما خدوك دلوقتى .. تمام
                          هيسألوك ف إيه ؟؟ ... إسمع يا سيدى الأسئلة اللى هتتسئلها عشان تستعد بالإجابة
                          س1 - أنت بتصلى من إمتى ؟؟؟ ...
                          إجابة متوقعه ... أنا مبصليش ... (( لأن سؤال بصيغة المضارع ونتا فى اللحظة دى فعلاً مبتصليش لأنك بتكلمه )) ..
                          س2 - طيب تعرف الشيخ الفلانى ..؟؟ ( إسم شيخ أو إمام مسجد كبير عندكم فى المنطقة - أو شيخ بيدى دروس فى مسجد معين )) ..
                          إجابة متوقعة .... أيوه أعرفه ( لأن البلد كلها عارفة إنه بيجي المسجد الفلانى )
                          س3 - بتصلى وراه أو بتحضر الدرس بتاعه ؟؟؟ ..
                          إجابة متوقعة ... لا ياباشا أنا مش بحضر الدرس بتاعه (( لأنى بكلمك دلوقتى ومش ف درس )) ...
                          صدقنى مفيش أسئلة أصعب من كده ... ده طبعاً لو ملكش تيارات سياسية ... لو ليك بقى يبقى الأسئلة هتكون أصعب وأرخم ... بعد أسئلته .. هيمشيك ... ولو رخم معاك أوى
                          ممكن يديك سيجارة تشربها ... من باب الاضطرار ... خد نفس ...
                          طيب ... محدش خدك ولا حاجة .. ونتا هتحلقها بس عشان ميحصلش حاجة ...
                          لو أنت فعلاً العيون عليك وحد عايزك ... ولقوك حلقت .. صدقنى مش هتنام فى بيتكم ليلتها ... لأن حلاقتك هتبين إن في سبب يخليك تحلق ... وهما لازم يعرفوه .. وشوف بقى هيعملوا إيه لو قلتلهم إنك حلقتها عشان خايف منهم ... خايف ليه ؟؟؟ ... هو أنت بتعمل حاجة تخوف ؟؟؟ ...
                          والله أنا أعرف واحد كان ملتحى من 10 سنين تقريباً .. وحلق لحيته من وقتها وبطل يصلى فى مساجد السنة ... ورلسه بياخدوه لحد دلوقتى ... يقولهم أنا حلقت من زمان ... لسه بتجيبونى ليه ؟؟ .. يقولوله .. حلقت ليه ؟؟ .. أكيد فى حاجة أنت مخبيها ....
                          طيب وإيه اللى يدخلك فى دوامة زى دى ؟؟؟ ..
                          على فكرة أغلب الملتحين بيحصلهم زى ما حصلك كده ... يعنى موضوع التهديد ده عادى جداً ...
                          أنا فى الشغل هنا معايا واحد شغال فى المحافظة ...
                          وفى عميل بيجي يعمل شغل معايا من أمن الدولة ...
                          وكل ما يجي يحاول يهدد ... ومرة يجيبلى رائد ويورينى الكارنيه بتاعه ...
                          أنا باخدها بهزار وضحك .. وأقوله لو عندك حاجة إعملها ... ولأنى شغال فى محافظة غير محافظتى بقوله أنا مش هتكلم غير أدام المحافظ بتاعى .... والراجل بقى صديقى وموضوع التهديد ده كان جس نبض مش أكتر ...
                          وأكتر من حد قبل كده قالى خد بالك عشان ليك ملف عندهم .. أو إسمك مكتوب هناك وممكن يجوا عشان فى أى لحظة ... أى لحظة دى من 3 سنين ... والحمد لله محصلتش ...
                          المسألة الأمنية دى مفروغ منها ... مدام أنت مش بتعمل حاجة غلط وملكش فى التيارات السياسية خلاص متقلقش .. واللى يقول يقول ... واللى يهدد يهدد .. هيعملوا إيه يعنى ؟؟ .. هو الشخص اللى بيهددك ده عايز يشوفك ضعيف ... أصل اللحية ومظهر الالتزام ده بيدى الإنسان قوة وكرامة .. هو لما يشوفك كده ... بيتمنى يشوفك ضعيف ... أصله مش عايز حد يبقى أحسن منه أو يحسسه إنه مقصر ... مظهر اللحية وشكل الملتزم بيرعب المنافقين والعصاة ... وعايز أقلك حاجة خطيرة جداً .. خليك عارف دايماً إن فى حد معين ممكن تكون أنت متعرفوش ... لكنه شايفك أدامه قدوة حسنة .. وبيحب شكلك وبيحب يشوفك كده ... ولو مش بيحب شكلك كده ... فهو نفسه تخليك كده زى ما أنت بأدبك وإلتزامك ده ... فكر ألف مرة قبل حلق لحيتك ... فكر فى الشخص اللى شايفك قدوة ليه ... صورتك هتكون إيه لما يلاقى الشخص الملتزم اللى بيمُثل الدين من وجهة نظره .. حلق لحيته عشان خايف ... ده كلام ؟؟؟؟..
                          الحاجة التانية ... قبول الناس
                          أنا عايز أسئلك سؤال ... الناس إتفقوا على إيه قبل كده ؟؟؟؟؟؟؟؟؟؟؟؟؟؟ ...
                          الناس إختلف على ربنا ... فى ناس بتعبد البقر والشمس .. وناس بتعبد الصليب .... وناس بتعبد بوذا ...
                          حاجة بالعقل كده ... هيتفقوا عليك أنت يا مسكين ؟؟؟؟؟؟؟؟؟؟ ...
                          لا طبعاً ... يعنى أنت عشان ترضى واحد التانى مش هيرضى ... يبقى الحل إيه ؟؟؟..
                          من أرضى الناس بسخط الله سخط الله عليه وأسخط عليه الناس ... يعنى حتى الناس اللى أنت عايز ترضيهم مش هيرضوا عنك .. لأن الإنسان بطبعه بيحب النقد ويحب التفاخر والغرور ... دايماً هتلاقى حد يطلع فيك عيب ... ودايماً هتلاقى مشاكل ... هى الدنيا كده ... بتجمع بين كل الأصناف وأنت كشخص موجود فى الدنيا دى ... مطلوب منك تتمسك بشخصيتك وبمبادئك .. قصاد كل المبادىء والأفكار دى ...
                          طيب برضه إيه الحل ؟؟؟.
                          ومن أرضى الله بسخط الناس ... إسمع بقى البشرى يا جميل ..
                          رضي الله عنه .... جميل وحنا عايزين إيه أكتر من كده
                          وأرضى عنه الناس .... سبحان الله ... حتى الناس اللى أنا أسخطهم عشان ربنا رضيوا عنى ... طيب ليه ؟؟ وإزاى ؟؟؟؟ ...
                          لأن قلوبهم بين أصابع ربك ... هو أمرهم بالرضى عنك ... خلاص ... كن ... فيكون ...
                          والله يا أخى وعن تجربة ...
                          أنا وُضعت فى موقف اختيارى ...
                          بين معصية ربنا ورضاء أهلى كلهم ...
                          وبين رضاء الله وعصيان أهلى كلهم ...
                          مع العلم إنى بحب أهلى جداً وبحترمهم .. والحمد لله أنا مش بخجل من كده والمنتدى كله عارف علاقتى بوالدى ووالدتى عاملة إزاى الحمد لله ...
                          المهم ... لدرجة إن أمى بكت وشتمتنى وكانت هتضربنى إنى مش عايز اللى هما عايزينه
                          وأبويا حاول يتكلم معايا بمنطقية ... بس الحمد لله لأن أبويا بيحبنى جداً .. وده شيء طبيعى من كل أب ..
                          بس أبويا وقاف عند الحق ... لو شايف إن أنا صح بيقولى إنت صح يبنى .. أو على الأقل إن منعه سنه من كده بيقولى زى ما تشوف .... الحمد لله أقنعت والدى بمبدئى وقلتله إن من حقى أستخدم عقلى فى أى شىء أنا عايز أقوم بيه ... والله يا أخى إحتدمت الأمور جداً ... أخويا وإخواتى وأمى .. كله كان غضبان عليا وبسمع كلام شديد جداً .. ونا ساكت مش عارف أعمل إيه ... سمعت الحديث ده لأول مرة من واحد صاحبى ... قلتلهم هى كلمة واحدة وأنا مش هرجع عنها ... أنا مقدرش أكسرلكم طلب ... بس مش على حساب دينى وحساب مبادئى ... والله يا أخى .. أمى سكتت عن البكاء وقالتلى مش هنغصبك على حاجة .. ومدام أنت شايف كده .. أنت حر ... وبعدها بمدة قالتلى إن أنت كنت صح فى قرارك .. وكلنا كنا غلط ... وأخويا ضمنى لصدره والله العظيم وقالى أنا مش هخسرك عشان حاجة زى دى .. الشاهد ... إنى استطعمت معنى الحديث فعلاً ... بس عايز أقلك حاجة خطيرة ... وأرضى عنه الناس ... مين الناس ؟؟..
                          مهو مش هبطل سجاير مثلاً ... وأستنى إن صحابى بتوع القهوة يحبونى ويطبطبوا عليا ... لا طبعاً ... الناس .. أصحاب الفضل ... الناس بتاعة ربنا ...

                          خلاصة الكلام ...
                          حلق اللحية مش هحل المشكلة ... التهديدات دى أمور وهمية ومتخليش الشيطان يلعب فى دماغك ...
                          الناس متفقتش على ربنا وأكيد مش هيتفقوا عليك ...
                          مش مهم الناس تقول عليا إرهابى أو قفل أو معقد أو بوفر فلوس الحلاقة ... المهم ربنا بيقول عليا إيه
                          يا ترى أنا لو حلقت لحيتى المشاكل هتنتهى ؟؟؟؟؟ ...
                          يا ترى الموضوع هيقف عند اللحية وبس ولا شوية شوية والصلاة فى جماعة والصلاة عموماً ؟؟؟ ...
                          ياترى لو أنا وقعت فى ذنب هحس إنى ملتزم وقعت فى الذنب ومينفعش أنا أبقى كده ؟؟؟ ..
                          ولا هقول إنى أنا حلقت وبشرب سجاير ومش ملتزم أصلاً يبقى هى مجتش على دى ؟؟؟؟؟؟؟؟ ...

                          كلمة أخيرة ...
                          فى ناس كتير بتتمنى تبيع اللى وراها واللى قدامها ومتحلقش لحيتها .... الله يسترنا ويرفع الهموم




                          لا تنسونى من صالح دعائكم .
                          وإن مر الزمان ولم تجدوني
                          فاعلموا أنني في حاجة للدعاء بالرحمة

                          تعليق


                          • #28
                            رد: انا ايمانى ضعف وعايز احلق لحيتى ومش عايز ومحتاج لنصيحة منكم

                            ماشاء الله لا قوة إلا بالله يا ابو حمزة


                            هو ده اللي بيحصل والله

                            هم اللي عندكم نفس اللي عندنا

                            بس أنا زود علي أوعى تودي العيال حديقة الحيوان


                            وأنا كنت مصاحب أطفال بس مش بوديهم

                            لقيتها فكرة حلوة والله العظيم ودتهم وفرحوا خااااالص
                            :*_^:



                            بس هو في الأخر بيقول ربي دقنك ..... أسمع التليفزيون.... بس جماعات لا .... تربي أطفال لا.... دعوة لا أنت مش داعية سيادتك كده يعني... وأنت قول له أيوه وخلاص... بس مفيش قلة أدب ... مش دائماً صراحة بس أنت لو احترمت الأمين وكلمته عدل ومرخمتش عليه الضابط بجد مش هيشتم .... بس خلاص

                            فك قيودك... طير في السماءѼ .. ذنوبك هي أسرك
                            ♥حب الله♥ الحرية السعادة الأبدية
                            من أراد السعادة الأبدية .. فليلزم عتبة العبودية.

                            تعليق


                            • #29
                              رد: انا ايمانى ضعف وعايز احلق لحيتى ومش عايز ومحتاج لنصيحة منكم

                              فعلا كلامكم هو خلاصة اللي بيحصل وده قريب من اللي حصل معايا
                              بمعنى أن الموضوع مفيهوش أصلا مشكلة
                              والله المستعان
                              إن كـان تـابـع أحمـدٍ متـوهِّباً * * * فـأنـا المقـرُّ بـأننـي وهَّـابـي
                              أنفي الشـريك عـن الإله فليس لي * * * ربٌّ سـوى المتفـرِّد الـوهَّـابِ
                              لا قبـةٌ تُــرجـى ولا وثنٌ ولا * * * قبـرٌ لـه سبـب مـن الأسبـابِ
                              كـلا ولا شجـرٌ ولا حجـرٌ ولا * * * عيـنٌ ولا نصـبٌ من الأنصابِ

                              تعليق


                              • #30
                                رد: انا ايمانى ضعف وعايز احلق لحيتى ومش عايز ومحتاج لنصيحة منكم

                                المشاركة الأصلية بواسطة أبوهُريرة مشاهدة المشاركة
                                ماشاء الله لا قوة إلا بالله يا ابو حمزة



                                هو ده اللي بيحصل والله

                                هم اللي عندكم نفس اللي عندنا

                                بس أنا زود علي أوعى تودي العيال حديقة الحيوان


                                وأنا كنت مصاحب أطفال بس مش بوديهم

                                لقيتها فكرة حلوة والله العظيم ودتهم وفرحوا خااااالص:*_^:



                                بس هو في الأخر بيقول ربي دقنك ..... أسمع التليفزيون.... بس جماعات لا .... تربي أطفال لا.... دعوة لا أنت مش داعية سيادتك كده يعني... وأنت قول له أيوه وخلاص... بس مفيش قلة أدب ... مش دائماً صراحة بس أنت لو احترمت الأمين وكلمته عدل ومرخمتش عليه الضابط بجد مش هيشتم .... بس خلاص
                                ههههههه
                                امين مين ال احترمه ده
                                دانا كنت داخل اكاديمية الشرطة بعد الجامعة بس غيرت رايى عشان عاوز اربى لحيتى والتزم

                                وكزمانى والله بقيت ضابط دلوقتى فى الكمبيوتر

                                اقوم احترم امين شرطة
                                هههههه
                                دانا مألف عليهم روايات اسمها
                                امين شرطة ومكسر الدونيا
                                هههههههه
                                قال رسول الله صلى الله عليه و سلم فى الحديث الذى رواه ابو هريرة رضى الله عنهقال : سبعة يظلهم الله في ظله يوم لا ظل إلا ظله ، إمام عادل وشاب نشأ في عبادة الله ، ورجل قلبه معلق بالمساجد، ورجلان تحابا في الله اجتمعا عليه وتفرقا عليه ، ورجلدعته امرأة ذات منصب وجمال فقال إني أخاف الله . ورجل تصدق بصدقة فأخفاها حتى لا تعلم شماله ما تنفق يمينه ، ورجل ذكر الله خاليا ففاضت عيناه
                                يا رب اجعلنى واحد منهم

                                تعليق

                                يعمل...
                                X