Tweet
حصيرة & ساعة وساعة & حبحب معلش هخنقكم :)
السلام عليكم ورحمة الله وبركاته
الموضوع بصراحه يعني عن الملتزمين اللي علي الموضه
اللي عملوا من الإلتزام إلتزام نيو لوك
إلتزام جنتي
أعلم أخي الكريم إن ربنا بيحبك
ربنا بيحبني !!!!
أه والله أنظر أنت الان في منتدي إسلامي تقرأ موضوع نسأل الله أن يكون هادف
وهناك غيرك يسمع ويقرأ ويري من البلاوي ما الله به عليم
يلا بقي معايا نفرش الحصيرة ونقعد ندردش شويه
وعاوزك تروق كدا وكوباية شاي كدا في الخمسينه ((من غير سيجارة)) كوباية شاي بس
يلا نتكلم عن مثل أو مثلين لناس مفكرين إن كدا الإلتزام
مثلا أخت فاضله ماشاء الله لا تترك الصلاة وما شاء الله عليها بتخلص ورد القرآن وبعد أما تخلص ورد القرآن تروح تفك عن نفسها شوية وتتفرج علي المسلسلات - والله ده حقيقه مش تأليف والعهده علي الأخ يونس المغربي - وعندما سألها زوجها يعني إنتي بعد كل اللي بتعمليه ده بتتفرجي علي المسلسلات .. تقوله أصل أنا بكافئ نفسي ..
ما شاء الله لا قوة إلا بالله
يعني بدل ما تتبع السيئه الحسنة .. لا دي عكستها .
أقولك تاني واحد يصلي و ما شاء الله علامة الصلاة ((أو زبيبة الصلاة في جبهته زي ختم النسر)) وتلاقيه ماشي علي الكورنيش مع واحده بيتمشي معاها .. تيجي تسأله يقولك دي أختي في الله ... الله أكبر والنعم .. أختك في الله . !!!!
والله حلو أوي ومش كدا وبس كمان .. وحب ديني مش مصدقيني أه والله بدل ما يقولها بحبك .. هيقولها بحبك كيف وهو ملتزم ؟؟؟
أكيد مش ينفع يقولها بحبك ... طبعا لازم تتحرف هتطلع إزاي كلمة بحبك من واحد ملتزم
دي نكبة
دي مصيبة
كاااااااااااااارثه
يقوم يقولها بحبك في الله!!!! .. يا سلااام.. والعجيب أنه مقتنع إن ده مفهوش غلط وإن ده حلال مباح . لا كمان وتلاقيه يستشهد لك بكلام الدعاة الجدد والخطاب الديني الجديد .. قال فض الله فاه قال إن أعظم قصة حب إنتهت بالزواج هي قصة حب النبي والسيدة خديجة ((وحسبي الله ونعم الوكيل))
بصراحه مش عاوزين نخرج عن موضوعنا لأن موضوع الخطاب الديني الجديد ده عاوز موضوع لواحده نرجع للأصل
طبعا عندما تكلمة وتحدثه وتنصح له يا أخي هل هذا إلتزام إتقي الله في نفسك إتقي الله في دينك تسمع الجملة التي تمدغ كعلكة ((أو لبانة بالمصري)) يا عم الشيخ ساعة لقلبك وساعة لربك .. ماشاء الله
علي فكره لو كان الإلتزام بالشكل ده حرام علينا نطلق عليه كلمة إلتزام أبدا .. دي حقيقة ده إلتزام مضروب برصاصه في مقتل .. إلتزام أعرج بعكازين نسأل الله السلامة ... معلش هقرفك وأرجع تاني لموضوع ساعه وساعه .. :)
طيب هل تعلم يا أخي ما هو الحديث الذي أوله الناس لهذه الجملة ؟؟ أنا هسرده وشوف أيه ساعه وساعه دي (((والله إنما عمرك كله لربك))
مر أبو بكر الصديق رضي الله عنه بحنظلة الصحابي الجليل رضي الله عنه فوجده يجلس جنب حائط يبكي .. قال ما يبكيك؟ قال نكون عند رسول الله صلى الله عليه وسلم فيذكرنا الجنة والنار فكأنا رأي عين فإذا خرجنا من عنده عافسنا الزوجات (يداعب أو يجامع زوجته هل هذا حرام؟ لا والله ليس حرام بل يأخذ عليه ثواب) وعالجنا الضيعات (جمع ضيعة وهي الغيط أو الجنينة يعني أصلحنا أموالنا كأن يباشر عمله أو وظيفته مثلا هل هذا حرام؟ لا والله) ولاعبنا الأولاد (هل هذا حرام؟ لا بل لك به أجر وثواب) ونسينا كثيرا ثم قال نافق حنظلة فبكي أبو بكر وقال والله إني لأجد الذي تجد انطلق بنا إلى رسول الله صلي الله عليه وسلم أكبر مصيبة أصبنا بها هي فقد رسول الله بابي أنت وأمي يا رسول الله لكن عزاؤوك أن بين يديك سنته قال فأتينا رسول الله صلي الله عليه وسلم فقلنا نكون عندك يا رسول الله، نكون عندك تذكرنا بالنار والجنة كأنا رأي عين، فإذا خرجنا من عندك عافَسْنا الأزواج والأولاد والضيعات ونسينا كثيرا .. فقال رسول الله (صلى الله عليه وسلم): "والذي نفسي بيده لو تدومون على ما تكونون عندي وفي الذكر لصافحتكم الملائكة على فرشكم وفي طرقكم ولكن يا حنظلة ساعة وساعة – وكررها ثلاثا" رواه مسلم في صحيحه
طبعا بعد الحديث ده لو فضلت فاهم إن ساعه وساعه .. يعني ساعه أروح أصلي .. وساعة أروح أضرب فيه سيجارة بانجو
يبقي اللي فوق كتفك دي حباية حبحب (بطيخة بالسعودي) مش راس
*نسيت أقول شئ .. في إخوه يعني بيزعلوا من كلمة اتق الله وبيعتبروها شتيمه أذكرهم بقول الله عز وجل لأفضل البشر علي وجه الإطلاق (يا ايها النبي اتق الله ولا تطع الكافرين والمنافقين ان الله كان عليما حكيما ) .. دي أول أيه من سورة الأحزاب
طيب الموضوع كدا شكله هيطول يبقي لازم نقسمه نصين ((معلش انا عارف إنك طهقت والحصيرة اتقطعت و خلصنا براد شاي ))
أصبر :)
حد يقولي والحل يا أبا عمر .. أقوله إنتظر أسفل في المشاركة التانية .
يعني لو تكرمتم كدا الدعاء لأبي بالشفاء العاجل
الدعاء لي بأن يرزقني الله الزوجه الصلاحة ويرزقني ((عمر والمقداد وأبو دجانه والخنساء وإيمان )) وإن زدتم فمن فضلكم
يتبع .<<<<
تعليق