** _ وهي دي لحية دي ؟؟؟؟ _ **

[أبويحيى]

الموضوع مش بيتكلم عن اللحية ياجماعة ولكن كلمة سمعتها نقلا عن شيطان

انا قصدى نقلا عن واحد بيقولها إن بيقول لنفسه وهى دي لحية دي ( وطبعا دى مش خارجة منه .. لكن من شيطانه )

المهم إن الأخ ده بالكلمة دي عامل نفسه بين البينين

يعنى لما بيكون مع غير الملتزمين .. بيبقى عادى ... مهما الشعريتين دول مش باينين أوى ... وبيقعد مع اصحابة عادى وفى أى مكان ... ولا حد بيقولوا إيه اللى انت بتعمله ده ياعم الشيخ ولا اصحابة حاسيين بفرق .. وهو فرحان بكده وفاكر إنه كده مع الملتزمين كويس ومع غيرهم كويس وفاكر إن كده صح

مهواش عارف إنه كده بيعمل مصيبه ... وإن ده شرخ كبير فى جداره الإيمانى وخطر يهدد التزامه ويجعله على وشك السقوط


الأخت اللى بتواجه مشاكل فى البيت فى لبس الاسدال .. ومكتفيه مثلا بطرحه طويله وجيبه ... وبعد فترة بدأت تستسلم ... وتقول لما اتجوز هبقى البسه النقاب ان شاء الله انا بس اخرج من بيت اهلى


والايام بتمر وللأسف ولا هى عاشت حياة ملتزمين ولا طلبت علم ولا حفظت قرآن ولاااا ...

وطبعا بعد ايام هنشوف ظاهرة الذوبان التدريجى وتعود الأخت كما كانت وربما يبقى من التزامها الطرحة والجيبة


---------------------

انا عايز اتكلم عن إيه ياجماعة

انا عايز اتكلم عن خطر كبير بيهدد كل واحد فينا ... إن يكون اهتمامه بالشكل اكبر من اهتمامه باللى جواه ....

يعنى مثلا ... إنت أخ بتواجه مشاكل فى البيت فى اللحية ( وهانت عليك نفسك و رخصت فى قلبك سنة النبى لدرجة انك مربتش لحيتك ) ومهواش مطلق لحيته واستسلم للمواجهة ... طيب ياعم ... هى اللحية دي خلاص آخر حاجة فى الدين ... فين ياعمنا السبعين شعبة من شعب الدين ... ليه تعمل لنفسك فرامل دون داعى ...انطلق فى الطريق ... اطلب علم احفظى قرآن ... لإنك لو وقفت صدقنى هترجع مش هتطلع ... وهتلاقى نفسك فى يوم من الأيام بقيت عادى

وإنت يا أختى ... لو مش قادرة تلبسي نقاب ومضطره تنزلى من بيتك ... أوعى تخلى الحاجة دى مانع بينك وبين الأخوات ... ولو فرضنا حتى انك حاسة إنك غريبة عنهم وإنتى من غير نقاب لكن عيشي عيشة الالتزام ... أوعى تبعدى ... لإنك لو بعدت يبقى قررت بنفسك إنك تبعدى عن أهم حاجة بتربطك بحلمك فى الالتزام


----------------------

ختاما إخوتاه ... الله سبحانه وتعالى بينظر لقلوبنا ... واحسراتاه على شكل ... ولكن قلبه ميت ...

وياحسرتاه على من عجز عن الشكل فترك الكل ...

كمل فى الدين ... الدين كبير وواسع وفى حاجات كتير ... ومحدش هيقدر يقف حائل بينك وبينها .. مثلا . فيه عبادات قلبية ... مين يقدر يعارضك فيها ... ولاتنسى إن معاك حل يحللك كل مشاكلك ... دعائك لربك

لو بتواجه مشاكل فى التزامك اعرف إن ربنا يريد لك الخير وإن ده اعداد ليك علشان تكون ملتزم صلب وقوى لإنك واجهت صعوبات كتير لغاية لما ثبت على دينك ... مش ملتزم كانت كل حاجة عنده سهلة أول ما هيواجه مشكلة ( لو لم يربي تربية صحيحه ) هينتكس ..

ارجو تكون فكرتى وصلت لإنى انا بخاطب فئة معينه جدا من الملتزمين ... وغير الملتزمين اللى نفسهم يلتزموا ... وأسأل الله ان يثبتنا على دينه حتى نلقاه وأن ييسر لكل من اراد الالتزام ... وان يجمعنا بحبنا فيه فى ظل عرشة يوم لا ظل إلا ظله

واعتذر لو الموضوع مش مرتب لإنه كتب على عجل ...

---------------------------

مواضيعنا السابقة ذات الصلة :

القلب الذي قصدته غير متاح حاليا....(( هام جدا ))

((*_- حــوار مـــــع مـــاضــــى -_*))

فضيحـة داعيـة

[الله ناظرى]

جزاك الله خيرا

الموضوع ده بيمسنى جدا

لأنى عندى نفس المشكلة اللى أنت ذكرتها على الأخوات

بس بصراحة أنا مبروحش غير درس د.عبد الرحمن بس

وبتعلم اللى أنا عايزاه من على النت

لأنى لما بروح المسجد وبشوف الأخوات ربنا يكرمهن .. بكتأب لأنى مش عارفة أعمل زيهم

فبخلينى فى البيت أحسن

وربنا يهدينى ويهدى والدى ووالدتى وكل المسلين .

[أبويحيى]

جزاكم الله خيرا على المرور والرد

و كلام حضرتك هو اللى كان قصدى عليه

إننا نخلى عدم لبس النقاب مثلا أو اللحية حاجز بيننا وبين الإخوة أو الأخوات ومانع لينا عن التواصل معاهم

وحضور دروس العلم وحفظ القرآن وغيره

طبعا إن حضرتك بتتابعى طلب العلم على النت شئ طيب .. ولكن ليس ما يؤخذ فى درس العلم علما فقط ... ولكن تربية ووعظ وتعلم من الشيخ أو الشيخ بالموقف و غير بركة المجلس ذاتها

عموما ... نحاول ياجماعة الخير ... ربنا بينظر لقلوبنا ... وهو سبحانه وتعالى أعلم بصدقنا فى الوصول إليه ... لايهمنا نظرات الانتقاص او حتى عبرات التثبيط احيانا التى قد نسمعها أحيانا ... ونكمل فى الطريق بكل قوة وننتظر تمكين الله لينا وإنه يعينا على إننا نكمل الجزء اللى ناقصنا ده ونبقى أسبق الناس إليه

ياحى ياقيوم برحمتك نستغيث اصلح لنا شأننا كله ولا تكلنا لأنفسنا طرفة عين

[SlaveOfAllah]

جزاك الله خيرا

اللهم ارنا الامور على حقيقتها وارزقنا البصيره ونعوذ بك من الحور بعد الكور

[ابوحنين]

ليت الكلمات تحل المشكلات

وليت المشاعر تخفف من حدتها الكلمات

هناك آلام تعجز عن وصفها الكلمات..ويعجز عن علاجها المداويات

كم من أناس يأنون بالليل..وبالنهار هم ضحاك

عندما لا يكون هناك جدوي من الكلام ولا من البكاء

عندما تكون في طريق اوله مظلم واخره محرق

وطريق اوله مضئ واخره مغدق

عندما يكون طوق النجاة أمامك وتعجز عن امساكه...اي كلمات تحل هذا

عندما تكون في عز الاحتياج..ولا تجد من يعطيك كوب ماء

لمسة قد تنهض بروح إلي السماء...ولكن أنا وحدي في العراء

ربما كلمات القران تشفي...ولكننا في عصر ضيعت فيه الكلمات

اللهم اليك المشتكي...لا اله الا انت سبحانك اني كنت من الظالمين

خبرني ماذا يحكي صمت الأموات؟؟

[●..مـُحـب الجـنـة..●]

وعليكم السلام ورحمة الله وبركاته
موضوع حساس للغاية اخونا الحبيب ابو يحيى
جزاك الله الفردوس الاعلى
نسأل الله ان يثبت قلوبنا على دينه وان يجعلنا ممن يسمعون القول فيتبعون أحسنه
اللهم امين

[dr_Muslim]

جزاكم ربي خيرا أاخواني

اللهم لك الحمد واليك المشتكى

وأنت المستعان وبك المستغاث

وعليك التكلان

[أبويحيى]

رائع جزاك الله كل خير

فعلا ده موضوع مهم جدا
الناس فعلا بدأت تفكر في المظهر أكتر
ولكن عايزه ألفت نظر حضرتك ان فيه على العكس ناس ملتزمه بالمظهر
فقط ولكن الجوهر يسيئ لصورة الملتزمين جميعا فينفر من الالتزام *ولا حول ولا قوة الا بالله العلى العظيم*

ربنا يهدينا ويهدي جميع شباب المسلمين

جزاكم ربي خيرا مثله ...

وطبعا ده ليس تقليل أبدا من المنظر فالمنظر مهم لكن ... الاهم النظرة الشمولية للدين وانك تبقى عارف ان اهتمامك بجزء من الدين واغفال آخر شئ خطير جدا ومشكلة كبيرة فى التزامك

[أبويحيى]

جزاك الله خيرا

اللهم ارنا الامور على حقيقتها وارزقنا البصيره ونعوذ بك من الحور بعد الكور

آمين آمين

جزاك ربي خيرا مثله

استنى موضوعك فى رسالة ليك قريبا ان شاء الله هيبقى اسم الموضوع كان ياما كان :(ضحك):

[أبويحيى]

ليت الكلمات تحل المشكلات

وليت المشاعر تخفف من حدتها الكلمات

هناك آلام تعجز عن وصفها الكلمات..ويعجز عن علاجها المداويات

كم من أناس يأنون بالليل..وبالنهار هم ضحاك

عندما لا يكون هناك جدوي من الكلام ولا من البكاء

عندما تكون في طريق اوله مظلم واخره محرق

وطريق اوله مضئ واخره مغدق

عندما يكون طوق النجاة أمامك وتعجز عن امساكه...اي كلمات تحل هذا

عندما تكون في عز الاحتياج..ولا تجد من يعطيك كوب ماء

لمسة قد تنهض بروح إلي السماء...ولكن أنا وحدي في العراء

ربما كلمات القران تشفي...ولكننا في عصر ضيعت فيه الكلمات

اللهم اليك المشتكي...لا اله الا انت سبحانك اني كنت من الظالمين

خبرني ماذا يحكي صمت الأموات؟؟

ياسلام على لغة الشفرات دي يا استاذنا

كلامك محتاج لقاموس طلاموس لفك طلاسمه لكن عموما عندى بعض التعقيبات السريعة ...

أولا : كثرة الطريق تلين الحديد ... و كلما قوت الإرادة كانت قادرة على تغيير اى شئ ... والصدق فى طلب الوصول طريقك للوصول ...

ثانيا : قلت انك وحدك فى العراء ولكنك لست وحدك فأنت لا تستشعر من معك ... يكفيك معيه الله والملائكة من حولك .. عارف ياعمنا فى مكة الصحابة كان يعذبوا عذاب خارجى ومع ذلك كان جواهم شوق داخلى يهون عليهم مرارة العذاب حتى استعذبوه

عذابه فيك عذبه وبعده فيك قرب

وأنت منى كروحى بل أنت منها أحب

حسبي من الحب أني لما تحب أحب


ثالثا : سيادتك قلت كلمات القرآن (( ربما )) فهل هي كلمات شاك مجرب ولا أحسبك كذلك أم لزوم الكلام ... بل القرآن يشفي (( شفاء للناس )) بل ويهدي (( يهدى للتى هي أقوم ))

رابعا : وأأولا وأخيرا ... لابد من ان تستعين ببعض اسلحتك النوية الفتاكة وبعض أسلحة الهداية الكاملة ... طلع كده ياأخى صاروخين فى جوف الليل فى قيامك يشقوا السماء ... وبعدها شوف النتائج وعلى قدر يقينك على قدر ما تكون الإجابة

وانتظر باقى السلسلة ففيها المزيد إن شاء الله

[أبويحيى]

قال رسول الله : " إن الله لاينظرإلى أجسامكم وصوركم , ولكن ينظر إلى قلوبكم وأعمالكم " ( رواه مسلم )

جـــــزاك ربي خـــــيرا كثيرا أخي الكريم

جزاكم ربي خيرا وهذا هو مدار حديثنا نسأل الله أن يرزقنا فهمه والعمل به

[أبويحيى]

وعليكم السلام ورحمة الله وبركاته

موضوع حساس للغاية اخونا الحبيب ابو يحيى
جزاك الله الفردوس الاعلى
نسأل الله ان يثبت قلوبنا على دينه وان يجعلنا ممن يسمعون القول فيتبعون أحسنه
اللهم امين

آمين

وجزاكم الله مثله

[أبويحيى]

جزاكم ربي خيرا أاخواني

اللهم لك الحمد واليك المشتكى

وأنت المستعان وبك المستغاث

وعليك التكلان

آمين

جزاكم ربي خيرا مثله

[أبويحيى]

جزاكم الله خيرا عن الموضوع المهم.

**ناس تقولك:اللحيه دي معارض عليه وهي سنه مش فرض ويدخلوا في سكك تانيه لانها مش عايزه تربيها .

**ناس تانيه تقول:النقاب مش فريضه وزمان كنت اسمع مقوله شهيره اللي فرض هو الخمار لكن اللي يلبس النقاب ياما يكون حلو قوي او وحش قوي علشان ميكنش لافت للنظر.

**المهم لما الواحد يعمل حاجه يعملها حب لله مش يستني حكمها فرض ولا سنه؟


تاني حاجه:

**من وجهه نظري اللي بيبقي عايز يعمل حاجه بيعملها يعني انا اول لما قلت الاسدال البيت اتقلب بس الحمد لله اتعدل والحمد لله ملتزمه بالحجاب الشرعي .

**اما النقاب مش عارفه انا حاسه بالتقصير وبقول لنفسي انا لو كنت صادقه النيه مع نفسي كان ربنا رزقني واياه.

**ع فكره انا من الناس اللي بقول لما اخرج من بيت اهلي هلبس النقاب.
*لكن في نفس الوقت عامله حساب اني ممكن مخرجش؟او ممكن ملحقش اخرج.
*لذلك وصيتي للجميع ان كل يوم لابد وان نتقدم خطوه الي الله وعبادتنا الثابته لا تقل مهما حدث.

**وكمان في نقطه حابه اني اشير ليها:
وان فيه كثير من الاخوات والاخوه ولكن ملحوظه في الاخوات اكثر انهم يؤجلون كثير من العبادات الي ان يرزقهم الله بالازواج الصالحه الذين يعينوهم علي طاعه الله وذكره كثيرا.

**ولكن ليس كل هذا مضمون وعموما:
الدنيا ملعونه ملعون ما فيها الا ذكر الله ومادون ذلك او عالم او متعلم.

انا اسفه اني طولت عليكم بس متنسونيش بدعوه بظهر الغيب ان ربنا يرزقني صدق النيه.وانا متاكده انها حرب نفسيه من الشيطان لنا جميعا حمانا الله منها وونصرنا .

الحقيقة الرد قيم جدا وبه كثير من المفارقات وانا اخترت الجمل الآتية للتعليق عليها

المهم لما الواحد يعمل حاجه يعملها حب لله مش يستني حكمها فرض ولا سنه

عاطفة الحب أقوى عاطفة تغيير (( للمزيد يراجع شريط دكتور حازم ( حب الله ) ))
واللى هيعمل عمل هيعمله إما حب وإما خوف ولكن الأجمل أن يعمله بالاتنين ويكون بقلبه مزيجا منهما فالحب وحده والخوف وحده لا ينفع

من وجهه نظري اللي بيبقي عايز يعمل حاجه بيعملها

أكيد ... واللى مش موافق على النقطة دي يرجع بذاكرته ايام مكنا مش ملتزمين ... لما كنا بنصمم على اى حاجة معصية رحلة مثلا أو أى شئ هايف كنا بنصمم فى البت ونعملها واضرا عن الطعام بقى وشغل من ده ... أفجار فى الجاهلية .. خوارون فى الإسلام ؟؟؟!!!

لما اخرج من بيت اهلي هلبس النقاب

عامله حساب اني ممكن مخرجش

حضرتك رديتى ... وسبقتي ذلك بقولك اللى هيعوز يعمل حاجة هيعملها ... ولا أرى ينقص إلا الاستعاذه من الشيطان ... وصدق الاستعانه بالله ...

كل يوم لابد وان نتقدم خطوه الي الله وعبادتنا الثابته لا تقل مهما حدث

فليس على الطريق ثبات اما علو واما انخفاض

بدعوه بظهر الغيب ان ربنا يرزقني صدق النيه

اللهم آمين وإيانا والقارئين

[حامل المسك]

جزاكم الله كل خير