عريس لا يرفض لعروسه لا ترفض ان شاء الله

[loay2u]

احمد لله واثني عليه كما يليق بجلاله واصلي علي محمد واله وصحبه
اما بعد
احبتي في الله هذا هو اول موضوع لي هنا لذا قررت ان اطرح موضوع مهم للنقاش
مهم للشباب والكبار من اولياء الامور علي حد سواء

الا وهو عريس لا يرفض وعروس لا ترفض

اريد من كل واحده من اخواتنا وكل ولي امر ان يكتبا المواصفات التي اذا توافرت في الشاب لا يرفض سواء من البنت او من ولي امرها (شاب مئه بالمئه لا يرفض)

ونفس الكلام من الاخ عندما يبحث عن البنت او عندما تبحث له امه او اخته (فتاه مئه بالمئه لا ترفض )

وطبعا ان الكمال لله ولا اتكلم ايضا عن اذا جائكم من ترضون دينه وخلقه فزوجوه ولكن اتكلم عن الناس في بلدنا وبالاخص المسلمين الصالحين العاديين يعني عموم الصفات

وهذا الموضوع قصدت منه متي يصل الشاب للنقطه التي يتقدم فيها لخطبه فتاه
والصفات في الفتاه التي توصلها لتكون محط اختيار الشباب

رزقني الله واياكم بحياه سعيده

[أبو بكر أشرف الشامي]

رد: عريس لا يرفض لعروسه لا ترفض ان شاء الله

بارك الله بك أخي... هيا ابدأ أنتَ ^_^

[loay2u]

رد: عريس لا يرفض لعروسه لا ترفض ان شاء الله

حاضر يا سيدي هبدا انا انتا بس تامر

بس خليني الاول اقول كلمه للاخوات واحسدهم واقلهم يا بختكم كل الي مطلوب من الاخت بدون ترتيب للاهميه

* الدين انها تكون بتصلي وتصوم يعني المسلمه العاديه مع حفظ بعض السور وتقبل بالنقاب مش شرط تكون فعلا منقبه بس المهم انها متقلش مش مقتنعه ((( اصل الكلمه دي بتعصبني )))
** وطبعا يترتب علي ذلك انها تكون طيبه ومطيعه لزوجها لانها تعرف يعني ايه زوج وحق الزوج وتقبلني بمميزاتي وعيوبي ((( وده طبعا مش معناه اني مش هتغير لو فيه عيب لكن احتمال متغيرش)))
***انها تكون علي قدر من الجمال وليس معني ذلك ان تكون ملكة جمال لكن ما يكفي لعفة زوجها مع ان بعض الاخوه بل الكثيرين لا يهتمون بهذه النقطه والموضوع اذواق
****انها تكون من عيله طيبه وليس معني ذلك ان تكون غنيه ((( فانا شخصيا اعتبر الغني عيب وليس ميزه ولا احب ان تكون زوجتي اغني مني فانا من اسره متوسطة )))

با بخت الاخوات اسمحولي احسدكم تاني بس شوفو بقي لو انا ليا اخت هختار ليها مين والله يمكن اكتر من عشر نقاط

* الدين ويكون شيخ او علي الاقل اخ ملتزم (((سوبر ملتزم))) ده هيتجوز اختي
**يعرف يعني ايه جواز ومسؤليه ويقدر يحميها ويحتويها ويعرف قبل كل ده ازاي يرحمها
***هادي الطبع
****مش شرط يكون غني بس يقدر يصرف عليها وطبعا لو غني يكون احسن
*****يكون وسيم طبعا بالقدر الي يكون فيه راجل
******يكون من عيله طيبه ومعروف في البلد هو وعيلته
******* وفي تعاملاته الماليه وهسئل عنه امه لا اله الا الله ولو سافر وحد عرفه بره
********يكون مثقف ويعرف ازاي الدنيا ماشيه (((كيس فطن)))
*********يكون رومانسي وحنون ويعرف ازاي يتعامل مع البنت علشان ميجرحهاش
**********يملك الحد الادني لتكاليف الزواج
***********يعمل عمل مناسب يوفر له تكاليف الحياه والانفاق علي بيته في المستقبل
************اصحابه مين وليه
************* فكره الديني وليه
**************وحجات تانيه كتير بس انا مش بفكر فيها لاني مليش اخوات بنات بس انا فيه كام واحد صاحبي يا جماعه لو كان ليا اخوات كنت هجوزهم لهم غصب عنهم (((عن اصحابي وعن البنات)))

[loay2u]

رد: عريس لا يرفض لعروسه لا ترفض ان شاء الله

ايه يا جماعه مفيش ردود انا بفكر انقل الموضوع لقسم الاخوات لان بصراحه انا عايز رئيهم
انا عايز عموم الشروط المطلوبه ويا ريت الاخوه المشرفين ينقلو الموضوع هناك لو امكن

[loay2u]

رد: عريس لا يرفض لعروسه لا ترفض ان شاء الله

بجد انا زعلان جدا من الاخوه في المنتدي