حصريا ألبوم عمرو دياب الجديد 2009 ادخل تحميل روابط مباشرة

[أبويحيى]

أولا : إمسك أعصابك

لو كنت داخل الموضوع من موقع بحث مثلا وبتدور على الشريط فبالله عليك ما تضايقش ... واعرف ان ربنا أراد بيك الخير انك تدخل هنا ... ومتقفلش الصفحة واصبر واستنى واقرأ يا عم منتاش خسران حاجة ... والحكاية كلها كام سطر لله يا أخى

لو كنت عضو فى المنتدى وهتقول ايه ياعم المشرف العام اللى كاتبه ده ... هو الراجل ده حصله ايه ... متخافش احنا مش حاطيين الشريط ولا حاجة

ثانيا : هأجلها لآخر الموضوع ... يلا بقى ندخل فى الموضوع ... يلا أقرأ يا عمونا

شوف يا باشا ... الحكاية ان الآن عدد غفير من شبابنا بيقلب فى النت بيدور على الشريط أو اغنية مسروقة ... وبينتظر اللحظة اللى يدخل يحمل فيها الشريط mp3 high quality ... والأمر ده بيتكرر كل سنة أو سنتين ... واللى فيهم الشريط ده بيتقطع تشغيل لدرجة ان سماعات جهازك نفسها زهقت منه ... مش ده اللى بيحصل ولا أنا غلطان ؟؟؟

طيب بص ... انا مش هقلك تخيل لو انت سمعت فى الوقت ده سور من القرآن مش يمكن تكون حفظتها زي ما حفظت الأغاني دي ... ده غير الحسنات الكتير اللى كنت اخدتها ...

ولا هقولك الأغاني حرام ( ومش معنى كده انها مش حرام وانت عارف من جواك ) لإن انا لما بطلت اسمع اغاني ( ايوا ياعم هو انت فاكرني مولود بلحية ولا إيه ... ربنا يثبتنا ) مبطلتهاش لما عرفت انها حرام ... لا بطلتها لما عرفت أد ايه كلام ربنا حلو .. واد ايه الفايدة اللى بستفادها لما اسمع شريط في الدين او حتى اسمع كلام علمي عن اى موضوع مفيد ... وحسيت ان حياتي ليها طعم جديد وليها قيمة وفايدة ...

أنا هقولك بعد إذن سيادتك بس ... لو ممكن أخد من وقت حضرتك أد وقت مرة تشغيل للشريط ده ... هاخد من وقتك نص ساعة بس أو ساعة ... تدخل هنا وتشوف المواد الموجودة على الرابط ده ... ( وكلها روابط مباشرة ) ... وافتح قلبك ليها ... وزي ما بقلك لو عرفت ربنا وقلبك قرب منه هتعرف لوحدك انت محتاج الشريط ده او غيره ...وهتعرف لوحدك الاغاني حرام ولا لأ .. وصدقني ودي أهم نقطة ... هتعرف أد ايه حياتك ليها قيمة كبيرة جدا جدا جدا ... وإن كل ثانية فيها ليها قيمة كبيرة جدا ... ولازم من الآن تاخد قرارك وتقول راجعلك يارب

ادخل على الرابط التالى

>>>>>> اضغط هنا <<<<<<<

قبل ما ننهي ... انا قلت هقول النقطة التانية فى الآخر وهي انى مكذبتش فى العنوان لان حصريا ( الكلام حصري مش هتلاقيه في مكان تاني ) الألبوم ( اننا هنتكلم عنه هنا يعنى ) تحميل بروابط مباشرة ( وده من خلال الرابط اللى وضعته )

وفى الختام ... دعاء

اللهم يا تواب يارحيم .. يا ذا العرش المجيد ... يا حي يا قيوم ... اللهم صلى على سيدنا محمد وعلى آله وصحبه وسلم ... اللهم تب علينا توبة ترضيك عنها ... اللهم اعنا على أنفسنا ... اللهم طهر قلوبنا واجعلها خالصة لك ... اللهم اعفو عنا واغفر لنا وارحمنا ... اللهم اختم لنا بحسن خاتمه واجعل قبرنا روضة من رياض الجنة ... وارزقنا رفقة حبيبك محمد صلى الله عليه وسلم فى أعالي جنان الخلد ...

اللهم آمين

((((((((( الرجاء النشر في كل المنتديات والجروبات ... مفيش حقوق محفوظة ولا حاجة )))))))))))

[(فارس الإسلام)]

رد: حصريا ألبوم عمرو دياب الجديد 2009 ادخل تحميل روابط مباشرة

جزاك الله خير ع النصيحة :)

بس فين رابط الألبوم الجديد الله يكرمك (ابتسامة)

[احمد سالم]

رد: حصريا ألبوم عمرو دياب الجديد 2009 ادخل تحميل روابط مباشرة

جزاك الله خيرا

[محمد يحى]

: حصريا ألبوم عمرو دياب الجديد 2009 ادخل تحميل روابط مباشرة

قبل ما ننهي ... انا قلت هقول النقطة التانية فى الآخر وهي انى مكذبتش فى العنوان لان حصريا ( الكلام حصري مش هتلاقيه في مكان تاني ) الألبوم ( اننا هنتكلم عنه هنا يعنى ) تحميل بروابط مباشرة ( وده من خلال الرابط اللى وضعته )

بس انت قلت عمرو الدياب اشمعنه ديه نسته ههههههههههه

بس الفكره جمده جدا انا اول ما شفت العنوان قلت

هو الموقع ئلب وال آيه


و

[عاشق الاقصى]

رد: حصريا ألبوم عمرو دياب الجديد 2009 ادخل تحميل روابط مباشرة

أحسن الله اليك يا غالى وبارك الله فيكم

عارف انا بعته على الايميلات والاخوة كلهم كان هيحصل لهم حاجة

لم شوف الرابط بس طريقة جميلة جدا جدا أحسن الله اليك

وجزاكم الله خيرا

[العابدلله]

رد: حصريا ألبوم عمرو دياب الجديد 2009 ادخل تحميل روابط مباشرة

جزاكم الله خيرا اخى الحبيب ابو يحى
نفع الله بك اخى الكريم
وبارك الله تعالى فى هذا المنتدى الكريم
وجعله الله منارة للعلم والعلماء
انه على ما يشاء قدير
شكر الله لكم وبارك فى اوقاتكم

[مشتاق الجهاد]

رد: حصريا ألبوم عمرو دياب الجديد 2009 ادخل تحميل روابط مباشرة

موضوع هايل جدا يا أبو يحيي .. جزاك الله كل خير .

وزى ماأنت قلت مبطلناش نسمع أغانى علشان بس هى حرام لأ لان بجد سماع القران له لذه جميله جدا .. وأيضا الاناشيد الدينيه الجميله.

[مشتاق الجهاد]

رد: حصريا ألبوم عمرو دياب الجديد 2009 ادخل تحميل روابط مباشرة

[محمد العزيزى]

رد: حصريا ألبوم عمرو دياب الجديد 2009 ادخل تحميل روابط مباشرة

احسنت اختيار العنوان.جزاك الله خيرا

[محمد العزيزى]

رد: حصريا ألبوم عمرو دياب الجديد 2009 ادخل تحميل روابط مباشرة

احسنت اختيار العنوان.جزاك الله خيرا

[أبوحمزة]

رد: حصريا ألبوم عمرو دياب الجديد 2009 ادخل تحميل روابط مباشرة

الله المستعان ... ربنا يتوب عليك حبيبى أبا يحيى ... أنا قلت الراجل جراله إيه

عجبنى أوى الجزء ده ::

لإن انا لما بطلت اسمع اغاني ( ايوا ياعم هو انت فاكرني مولود بلحية ولا إيه ... ربنا يثبتنا ) مبطلتهاش لما عرفت انها حرام ... لا بطلتها لما عرفت أد ايه كلام ربنا حلو ..

دى كانت نقطة خلاف بينى وبين بعض الأخوة عندنا ... أنا متفق معاك فى الجزء ده خصيصاً إن الناس عارفة الحرام وبتعمله ... المشكلة مش ف إنه عارف .. المشكلة ف إنه ميعرفش اللى أحلى من كده

... أحسنت ... موضوع ولا أجمل ... بإذن الله نجهز دعاية خطيرة للموضوع ... بارك الله فيك ...

[المسلم امره لله]

رد: حصريا ألبوم عمرو دياب الجديد 2009 ادخل تحميل روابط مباشرة

السلام عليكم و رحمة الله و بركاته
ما شاء الله جزاك ربي الخير كل الخير و أحسن اليك
موضوع جميل كل وعظ و نصائح
لكن أخي لو تكرمت و تكمل جميلك و تخلي الموضوع باللغة العربية حتى نعيد لها بريقها و نتقنها جيدا
ننتظر جديدك
و نسأل الله أن يهدي شباب المسلمين أجمعين

[الا رسول الله]

رد: حصريا ألبوم عمرو دياب الجديد 2009 ادخل تحميل روابط مباشرة

بارك الله فيك اخي الحبيب ونفع بك
وان شاء الله جاري النشر

[medoend]

رد: حصريا ألبوم عمرو دياب الجديد 2009 ادخل تحميل روابط مباشرة

جزاك الله خيرا

استغربت من العنوان شويه قولت المنتدى قلب ولا ايه

ربنا يثبتا على الحق وبارك الله فيك اخى الكريم

[راجي رحمة الله]

رد: حصريا ألبوم عمرو دياب الجديد 2009 ادخل تحميل روابط مباشرة

جزاكم الله خيرا فكرة طيبة
ونسأل الله أن يطيب أسماعنا بذكره وتلاوة آياته
وأن يطهرها من الغناء
اللهم آميـن