حكايات زوج معاصر

[ابي بن كعب]

السلام عليكم ورحمه الله

هو موضوع هيكون لطيف ممكن يحصل لاي واحد مننا وخصوا اخوانا الرجاله
الي حالتهم دلوقتي لا يسر عدو ولا حبيب بسبب حقوق المراه الي وخداها من زمان وزياده شويه مما جعل الرجاله في القاهره يعملوا جمعيتين للمطالبه بالمساوه بالمراه ولا حول ولا قوة الا بالله... نبدا المسلسل العربي حكايات زوج معاصر
الزوج ( طبعا العريس فرحان ومبسوط عشان دخل قفص الزوجيه )
الزوجه(طبعا كمان فرحانه ومبسوطه عشان هتدخل قفص الزوجيه)
الزوج (يعيني عليه من تاني يوم زواج وهو في مشاكل اول مصحي من النوم فراح يشوف فلوس في جيبه ملقهاش ههههه اتئلب من اول يوم كده وطبعا الناصح مشكش في مراته وقال جايز وقعوا منه في الفرح ..ودي كانت اول واقعه وزي مبيقولوا اول القصيده غلب وهم هههههه بعدها بيوم جه يبحث عن الدهب ملقهوش ولا الهوا فص ملح وداب ولا حول ولا قوة الا بالله فبيسال زوجته بيقلها ياحبيبتي الدهب راح فين انت مجتيش بيه فردت وقالت)
الزوجه (والله ياحبيبي انا جيت بيه طيب استني كده ابحث عنه وطبعا الدهب ولا الهوا فص ملح وداب هو كمان)
الزوج (طبعا عاوز يلم الموضوع مهو عريس جديد وعاوز يفرح فقال مش مهم قدر الله وما شاء فعل وخيرها في غيرها )
الزوجه (يسلام يجوزي يحبيبي علي طيبه قلبك وحنيتك دانت راجل ميه ميه ولا فراخ الجمعيه )
الزوج (بعد الزواج باربع ايام يقلها يحبيبتي انا لازم انزل الشغل عشان الفلوس كلها راحت )
الزوجه (لا يحبيبي ربنا هيرزقنا اكيد لكن لو عاوز تنزل من دلوقتي الناس هتتكلم لكن انزل وامرنا لله)
الزوج (طبعا مطيع وخايب علي الاخر نزل الشغل وكل ميرجع يلاقيها ضاربه بوز تمام هههههههه في وشه وهو داخل البيت يقول ربنا يستر )
الزوجه(مره واحده صرخت وقالتله انت هتسيبني قاعده لوحدي كده وشي في وش الحيطه)
الزوج (طيب اعملك ايه منا بجري علي اكل عيشي ولا عاوزناا نموت من الجوع)
الزوجه (مليش دعوة انا عاوزه اخرج اتصرف شوفلك حل ...متنسوش كل ده في اول اسبوع جواز متتفكروش عدي سنه ولا حاجه)
الزوج (طيب ومطيع علي الاخر قلها ماشي يحبيبتي قومي البسي ونخرج )
الزوجه (مبتسمه يحبيبي يجوزي ياطيب انت ربنا ميحرمنيش منك ابدا ..اه من النساء)
الزوج (طبعا خرج معاها وهو مغلوب علي امره ونفسه ينام ساعتين عشان راجع تعبان من الشغل والي زاد وغطا الهانم عاوزه اكل جاهز من المطعم)طبعا صاحبنا سمع الكلام لانه طيب علي الاخر
الزوجه (طبعا طبعا مبسوطه بس الي يغيظك بعد مجابوا الاكل قالت مليش نفس للاكل .تصوروا حااااااااااااااااااااجه تغييييييييييييظ
الزوج (عدي الموضوع مهو صاحبنا طيب ودخل علي تاني اسبوع جواز وفي مره راجع من الشغل لقي الهانم نايمه علي الارض طبعا خاف واتخض عليها ويحاول يفوق فيها ولا هيه هنا ..المهم الهانم تركت ليه جواب بتقله فيه انا تخلصت من حياتي لاني زهقت .. طبعا واضح ان الهانم كانت لاسعه وعندها سلك ضارب... المهم ربنا نجاها واخينا حث انها هتجيبله مصيبه فترك الشغل وقعد بها)
الزوجه (طبعا مبسوطه عشان هيقعد معاها في البيت لكن هيهات هيهات لازم تعكنن عليه وتجيبه الارض كمان وكمان ..الهانم كانت بتصبحه بخناقه وتمسيه بخناقه وبين الخناقه ولخناقه ييجي خمس ست خناقات ..اصل مشكله لما الراجل يقعد في البيت بيني وبينكم )
الزوج (طبعا مكملشي شهر جواز وكل الي كان يشوفه يقول ليه مالك يابني وشك متغير هو الجواز بيعمل كده في البني ادم ههههههه انا لله وانا اليه راجعون
الزوجه(جيت في يوم اتعصبت فزوجها بيقلها ممكن تعطيني سكينه عشان ااقشر البرتقال فالهانم قامت حدفت السكينه ببوزها فاخينا اتجرح في ايده ..طبعا قالته غصب عني يحبيبي مش بقلكم لاسعه هههههههه
الزوج(ياشيخه تعبتيني حاسس هموت علي ايديكي ..انت ايه مفيش عقل خالص مهو الراجل فاض بيه خلاص محسش انه في شهر عسل )
الزوجه(والله لهسيب البيت فطبعا اخينا منعها مهو لسه باقي عليها فالمهم الهانم اتصلت بامها من وراه يماما تعالي خديني اان تعبت وجوزي مبهدلني يسلام علي الصدق)
الزوج(راح يفتح الباب فوجد حماته وما ادراك ما حماته حاجه كده تغيييييييييظ زي بنتها المهم قلها اهلا يحماتي وحشاني والله )
حماته(سيبك من الاونطه دي انا جايه عشان اخدها وامشي من هنا فقلها ازاي يحماتي محصلشي حاجه لكل ده)
الزوجه(لا حصل انت ضربتني وشتمتني ..طبعا كل ده كدب بس نقول ايه العقل زينه فعلا )
الزوج(مغلوب علي امره طيب حقك عليا ياحبيبتي ..بيني وبينكم مكنشي بيحبها بس كان بيعاملها كويس لله )
الزوجه(انسي يبابا لقد نفذ رصيدكم عندي والمهم اصرت وخرجت بدون اذن منه مع حماته اللذيذه )
الزوج (فرح هيقعد كام يوم لوحده هههههه مهو يعيني تعبان في شهر فما بالكم في كام سنه)
المهم الهانم رجعت للبيت بعدها باسبوع ..معلش كان نفسه المده تطول شويه عشان يريح اعصابه الي تعبت دي
الزوج (اهلا ياحبيبتي وحشتيني اهون عليكي تغيبي عني كل المده دي يخساره)
الزوجه (عشان تعرف قيمتي ..ولا ليها قيمه ولا حاجه احم احم ..علي العموم هنبدا صفحه جديده مع بعض
الزوج (ماشي نبدا صفحه جديده ونتقي الله في بعض عشان حياتنا تستمر ...
ورجعت ريما لعادتها القديمه خناقات مستمره كل يوم علي راي سعد زغلول
مفيش فايده..وكمان الراجل كان فرحان انها حامل وانه هيكون اب لكن!!
الزوجه (لتاني مره خرجت من وراه المره دي وراحت قالت لاهلها ده بهدلني وضربني وووووووووووووو كتير طبعا من الكلام الكدب منها علي زوجها )
تتوقعوا كده بعد كل الكلام ده يكون جوازهم استمر قد ايه او بالاصح هيه قعدت عنده قد ايه .. اظن هتقولوا سنين او شهور لااااااااااااااااااااااا ولا شهور ولا سنين ..مكملتش شهرين وبس
ولما سابت بيت زوجها اجهضت نفسهاوراحت اشتكته في المحكمه بالقايمه والنفقه الشهريه !!!
ايوة من غير متتعجبوا مهو القانون خلي الزواجه تشتكي زوجها وهي لسه علي ذمته والله المستعان وكمان شوفتوا الجراه تجهض نفسها يعني قاتله ولا حول ولا قوة الا بالله
وبسم الله ما شاء لله عليه دلوقتي اخد سنتين حبس هههههههههههههههههه
يعني الي عاوز يتجوز دلوقتي كانه داخل يتسجن هههههههه يرجاله فكروا قبل متتجوزوا وتقولوا يريت الي جري مكان ..ودي كانت حكايه من حكايات زوج معاصر
بس برضه يشباب اتجوزوا مش هتيجي عليكم يعني
والسلام عليكم

[الا رسول الله]

رد: حكايات زوج معاصر

عودا حميدا اخي الحبيب وجزاك الله خيرا

[مهاجر إلى ربي]

رد: حكايات زوج معاصر

جزاكم الله خيرا فعلا موضوع جميل جزاكم الله خيرا
وهى دى سنه الحياه ..,,مش الجواز ........اقصد المشاكل
ههههههههههه
انا لسه متجوزتش بس متأكد انى لو اتجوزت
مش هبقى (حكايات زوج معاصر)
هبقى ( حكايات زوج مرحوم)
ههههههههههه

[أبو بكر أشرف الشامي]

رد: حكايات زوج معاصر

hhhhh

rabna yefek asroh da mazloooom aweee
:^_^:

jazak allah khayer akhee

[ابي بن كعب]

رد: حكايات زوج معاصر

جزاكم الله خيرا علي مروركم العطر

[راجي رحمة الله]

رد: حكايات زوج معاصر

جزاك الله خيرا أخي الحبيب
عودا حميدا وننتظر مواضيعكم وردودكم الطيبة
اللي أقدر أقوله وعلى فكرة أنا لسة متجوزتش
أنه يستحق كل اللي جرى ليه عشان معرفش يختار
فيه حد يتجوز واحدة لسعة * _ ^
أنا أعرف أن اللي لسعة زي كده وضاربها السلك بيبان عليها من أول لقاء * _ ^
لكن مش عارف هو أتجوزها عشان أيه بالضبط
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ
يستاااااااااااااااااااااااااهل

[العابدلله]

رد: حكايات زوج معاصر

اللي أقدر أقوله وعلى فكرة أنا لسة متجوزتش
أنه يستحق كل اللي جرى ليه عشان معرفش يختار
فيه حد يتجوز واحدة لسعة * _ ^
أنا أعرف أن اللي لسعة زي كده وضاربها السلك بيبان عليها من أول لقاء * _ ^
لكن مش عارف هو أتجوزها عشان أيه بالضبط
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

يستاااااااااااااااااااااااااهل

جزاك الله خيرا اخى راجي .. عودا حميدا اخى الحبيب

اسأل الله تعالى ان يسر امرنا وامركم وان يفك كربنا وكربكم اللهم امين ..

وياعم راجى ربنا ييسر امرك وان شاء الله تكون لك الزوجه صالحة .. وعقبالنا كده يارب لما نلحق بيك .. " نفسى اوى افرح ــ .. يك ــ

نسأل الله تعالى لنا ولكم التوفيق والزوجة الصالحة التى تدل على الخير وتعين عليه

اللهم امين

[راجي رحمة الله]

رد: حكايات زوج معاصر

آميــــــــــــن
الحمد لله على كل حال وإن شاء الله ربنا يفرجها علي وعليك
ويا عم الحاج أفرح فيا براحتك كلها شهرين تلاتة إن شاء الله ربنا يدينا طولة العمر
وعقبال ما أفرح فيك قريبا إن شاء الله * _ ^

[العابدلله]

رد: حكايات زوج معاصر

لا يا حبيبى الغالى

اتتهمنى ظلما وعدوانا .. انا لم لقل افرح فيك .

انا تركت لك الخيار .. اذا فأنت من اختار هذا اللفظ..

انت حبيبى وانا بتمنالك كل خير وانت عارف
ولا ايه؟

اسأل الله لى ولك وللمسلمين سعادة الدارين


اللهم امين



*******

قال رسول الله صلى االله عليه وسلم " لا يكيد اهل المدينة احد الا انماع كما ينماع الملح فى الماء "

متفق عليه من حديث سعد بن ابى وقاص .. الصحيحين وانماع :يعنى . ذاب

[راجي رحمة الله]

رد: حكايات زوج معاصر

لا أنا أتهمك ظلما بس مش عدوانا ^ _ ^
يعني تعملها وتجري وتقول أنا سايب لك الخيار ماشي يا عابد
بس أنا بحب الخيار فعلا

[ابي بن كعب]

رد: حكايات زوج معاصر

جزاك الله خيرا أخي الحبيب

عودا حميدا وننتظر مواضيعكم وردودكم الطيبة
اللي أقدر أقوله وعلى فكرة أنا لسة متجوزتش
أنه يستحق كل اللي جرى ليه عشان معرفش يختار
فيه حد يتجوز واحدة لسعة * _ ^
أنا أعرف أن اللي لسعة زي كده وضاربها السلك بيبان عليها من أول لقاء * _ ^
لكن مش عارف هو أتجوزها عشان أيه بالضبط
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

يستاااااااااااااااااااااااااهل

طيب لو قلتلك انه وافق عليها عشان المفروض انها ملتزمه وكمان بتعطي دروس ومنتقبه لكن الحاجات دي مظهرتشي ليه الا بعد العقد .. ايه رايك؟
اصلها قصه واقعيه لواحد صاحبي