إعـــــــلان

تقليص
لا يوجد إعلان حتى الآن.

الإمتحانات ع الأبواب !! مستعد ؟!! (مهم ومفيد جدااا)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الإمتحانات ع الأبواب !! مستعد ؟!! (مهم ومفيد جدااا)

    الموضوع الأصلي بواسطة الاخت aya
    https://forums.way2allah.com/showthread.php?t=33204




    الإمتحانات ع الأبواب !!!
    خلاص الوقت أزف
    إيه يا عم إنت جاي تقلب لنا بطننا ؟؟ إحنا قلقانين لوحدنا
    لا لا أنا مش جاي أقلقك أبداً .. وإنما أنا جاي أقولك لسة في فرصــــة
    فررررصة إييييه؟؟ .. أنا خلاص .. ضعت .. من أول السنة وأنا عمال ألعب خلاص الأمر منتهى بالنسبة لي

    ((الكلام ده مش كلامي .. ده كلام ناس كتير طلبة وطالبات))

    إنهاردة جايين نقولك إن لسة في فرصـــــة تطلع الأول على دفعتك وتطلعي الأولى على مدرستك
    أنا؟؟
    طبعا .. بس تعالى نشوف إزاى ؟؟

    إعلمى تمام العلم إن الله لا يضيع أجر من أحسن عمله .. وإحنا هنجتهد أشد إجتهاد في الفترة القادمة .. في الشهر اللي فاضل .. مذاكرة .. احتساب .. تنظيم وقت .. تقليل نوم .. اجتهاد فوق الحدود .. تميز .. وتفوق ..

    بإرادتك هتتخطي كل الحواجز والصعاب .. أهم شئ يكون عندك هدف <<<<<<<
    هدف قوي جدااا تسعى لتحقيقه ..
    إيه هدفك؟؟ :
    التميز .. لازم اتميز لأن ديني لا يقبل إلا أن أكون متميزاً .. متفوقاً .. لإنك مسلم لازم تكون الأول دايما

    إيه الكلام الكبير ده ..؟؟ أنا مش قد كدة ؟؟
    لأ .. إنت قد كدة وأكتر من كدة .. والله لو صدقت النية وعزمت على الإجتهاد وإحتسبت هذا المجهود عند الله هتلاقي نتايج مذهلة بمعنى الكلمة ..
    لا تستبعد أبداً إنك تكون من الأوائل .. اعقلها وتوكل ..

    تذكر يوم النتيجة .. وإنت بإذن الله تكون في قمة سعادتك لحصولك على أعلى الدرجات وإنتى حصلتي على أعلى التقديرات

    والدك ووالدتك .. والفرحة في عيونهم بيكي .. وتبقي أدخلتى السرور على قلبهم وكمان حققتي البر لوالديك اللذان طالما دعوا لكي وأعطوكي كل ما تريدي من أجل أن تنجحي فقط وتفرحيهم .. لا أنا مش هنجح بس أنا هتفوق لله ثم لوالدي ثم لبلدي الى محتاجة المتفوقين محتاجة علماء مسلمين وطلاب متفوقين وعقول مميزة


    **الوصفة السحرية لتنظيم الوقت**
    الصلاة على اوقاتها ..للبنت في اول الوقت
    وللشاب في المسجد ((بس تنزل تصلي وتطلع على طول))
    والله هتلاقي بركة رهيبة في الوقت .. ومن الله التوفيق
    واذا شعرت بضيق .. ألا بذكر الله تطمئن القلوب


    طب أنا عاوز برنامج عملى .. أنا إتحمست جدااا إنى أنجح مش بس إنجح لأ .. أتفوق وأتميز ..

    *************
    تابعوناااااا

    التعديل الأخير تم بواسطة أبو بكر مح ـمد المصرى; الساعة 28-08-2010, 12:46 AM.
    سبحان الله وبحمده ::. . .:: سبحان الله العظيم
    الحمد لله عدد ما خلق . الحمد لله ملء ما خلق . الحمد لله عدد ما في السموات و ما في الأرض . الحمد لله عدد ما أحصى كتابه و الحمد لله ملء ما أحصى كتابه . و الحمد لله عدد كل شيئ والحمد لله ملء كل شيئ




  • #2
    رد: الإمتحانات ع الأبواب !! مستعد ؟!! (مهم ومفيد جدااا)




    إنت فاشل .. إنت ضايع .. المادة دي صعبة جدااا .. ده انت لو عملت إيه مش هتفهم الحتة دي .. بص المادة دي متشالة متشالة .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله هيسقطنى ..



    كفاااااااااية .. استنى هنا .. هو ده اللى مودينا ورااا .. الإيحاءات السلبية ..
    ظبط نفسك نفسيا .. وإياك أن تستمع للإيحاءات السلبية أو تتناقلها أنت بلسانك .. وإنما أكثر من الإيحاءات الإيجابية ..


    هتفوق .. إن شاء الله هنجح ... يا رب خير .. الله المستعان .. ربنا ييسر لى أمرى .. هجتهد والتوفيق من الله .. المادة دي بدأت فيها إمبارح وطلعت سهلة بفضل الله .. لو وقفت معايا حاجة هسأل المعيد .. هسأل المدرس / الدكتور / أصحابي اللى فاهمين الحتة دي هيشرحوهالى .. ليرين الله منى ما أصنع ..
    ((العامل النفسي مهم جداااا ))
    **************
    ركز معايا هنا جدااااا
    حدد هدفك كويس جدا واسعى ليه
    أبدأ من الآن ادخل اشرب عصير واتوضا واقرأ على الأقل صفحة من القرآن الكريم وادعى ربنا يوفقك في مذاكرتك وأبدأ بسم الله والحمد لله واشتغل في المادة .. وقبل ما تحط قلم فيها .. حدد أنا هخلص انهاردة كذا وكذا .. واوعى تيأس إنك مخلصتش اللى إنت حددته .. لأ حاول جاهدا إنك تخلصه والأفضل إنك تحدد حاجة معقولة بمعنى تحقيقها ليس بمستحيل ..

    المواد العلمية :
    1/اقرأ القواعد والنظريات وحاول تفهمها جيدا ..
    مفهمتهاش .. اقرأها تانى .. مفهمتهاش .. اقرأ مثال عليها .. حبذا لو استخدمت الورقة والقلم في كتابة المثال والنظرية ..
    2/ استخدم اكبر عدد من الحواس لتحقيق أفضل النتائج .. يعني عينيك وصوتك وإيدك في الكتابة وهكذا ..
    3/ حاول تحل ولو مسألة واحدة بس على اللى ذاكرته علشان المعلومة تثبت

    المواد الأدبية :
    1/ اقرأ المادة (الدرس/المحاضرة) كويس وحاول وانت بتقرأ تفهم ما تقرأه ليسهل فيما بعد حفظه
    2/ التكرار .. (التكرار يعلم الشطار)

    عموما في المذاكرة عامة حط في دماغك 3 حاجات اساسية
    1/ تبعد عن المشتتات .. أو أى حاجة تحس انك ممكن تنشغل بيها او تضيع وقتك
    2/ اختيار مكان مناسب بعيداً عن السرير ((طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام)) اختار مكان حيويى وشكله مريح بالنسبة لك
    3/ الحياة مش كلها أفش .. فروحوا القلوب ساعة بعد ساعة ده مش معناه ان كل نص ساعة اقوم انط من ع الكتاب وأقول بريح شوية
    وانما كل ساعتين او 3 ساعات ريح ربع ساعة تشرب فيها حاجة .. تقف شوية في البلاكونة .. ترد على تليفون (بس بلاش رغي كتير)

    أجمد أوقات المذاكرة .. بعد الفجر .. ثبت علميا أن وقت الفجر تكون خلايا المخ نشيطة جدااا

    مليت من المذاكرة .. حاسس إنك تعبت من أقل شئ .. جاهد وافتكر على طول الهدف بتاعك وتوكل على الله واستغفر وكمل

    طب أنا بسرح كتيييير .. حاول تبعد عن كل ما يشغلك وفرغ ذهنك تماما وقت المذاكرة .. او ما تسرح .. متيأسش وانما استعيذ بالله من الشيطان وسمي الله وكمل مذاكرتك

    انجز في اليوم ما يرضي نفسك عنك .. بحيث تشعر بالرضا والتفاؤل وتواصل تاني يوم بكل جد وروح ونشاط قوي

    اخرج مع اصحابك آخر الأسبوع .. بس متتأخرش برة وحط في دماغك إنى خارج علشان استعيد قواى واقدر أواصل مذاكرتى .. واحتسب خروجك لله وإياك ثم إياك أن يكون في خروجك معصية لله .. ((وكلنا فاهمين كويس ))

    اكثر من الدعاااااء واطلب من والديك ومحبينك الدعاء لك وبإذن واحد أحد سترى نتائج مذهلة .. ولح على ربنا في الدعاء فالله يحب العبد اللحوح .

    ساعد أصحابك لو طلبوا منك مساعدة .. ولا تبخل .. فهو مسلم مثلك مثله وتحب له الخير (حب لأخيك ما تحبه لنفسك) وأسأله الدعاء لك

    ((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى))

    لا تنسوا نشر الموضوع .. لعل الله يوفقنا واياكم .. وودع النت ولو هذا الشهر فقط .. بالتوفيق ومنتظرين أكبر نتايج
    التعديل الأخير تم بواسطة أبو بكر مح ـمد المصرى; الساعة 28-08-2010, 12:50 AM.
    سبحان الله وبحمده ::. . .:: سبحان الله العظيم
    الحمد لله عدد ما خلق . الحمد لله ملء ما خلق . الحمد لله عدد ما في السموات و ما في الأرض . الحمد لله عدد ما أحصى كتابه و الحمد لله ملء ما أحصى كتابه . و الحمد لله عدد كل شيئ والحمد لله ملء كل شيئ



    تعليق


    • #3
      رد: الإمتحانات ع الأبواب !! مستعد ؟!! (مهم ومفيد جدااا)


      نسأل الله أن يُيَسر أمر الطلبة...
      جزاكم الله خيرا أخي على النقل...

      تعليق


      • #4
        رد: الإمتحانات ع الأبواب !! مستعد ؟!! (مهم ومفيد جدااا)

        المشاركة الأصلية بواسطة أبويحيى مشاهدة المشاركة
        إنت فاشل .. إنت ضايع .. المادة دي صعبة جدااا .. ده انت لو عملت ايه مش هتفهم الحتة دي .. بص المادة دي متشالة متشالة .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله هيسقطنى ..



        بارك الله فيك اخى ابو يحيى وفى الاخت كاتبه الموضوع وفقكم جميعاً الى ما يحبه ويرضاه
        الكلام ده بالظبط لسه سامعه من حوالى ساعه
        كأنكم كنتم معايا .....بجد......بس ده رد الفعل الطبيعى لاى انسان يحسب العمليه بصوره عقليه بحته
        دون وضع فى الاعتبار ان فى حاجه اسمها توفيق من ربنا
        او ربنا يبارك فى الوقت ......او ربنا يثبت المعلومات اللى انا قريتها......
        الكثير و الكثير من الطلبه يفتقد الى التوكل على الله حق توكله
        و الله انا كنت زيهم كدا بس اكتشفت مره كلمه سحريه مكنتش واخد بالى منها
        الكلمه دى كل ما اقولها اشعر ان الكلام اللى بقراه بيقرأ لوحده و المعلومات بتدخل لوحدها
        فى عقلى..........
        الكلمه دى انا قلتها لما كنت عايز اقرأ جزء معين كبير و مهم عايز صحصحه وتعب
        و بعد مخلصته قولت ابص فى الساعه اشوف الوقت اللى انا استغرقته كام (و الله الذى لا اله الا هو ) لم اكن اتوقع سوى اننى اكون قعدت اذاكر تلت ساعه بس........
        بس لما بصيت فى الساعه كانت المفاجئه ........يا الهى .....لم اكن اتوقع
        اتدرى كم مضى من الوقت و الله ساعتين.......ولم اشعر بهما
        الان انت اشتقت لان تعرف ما هى الكلمه ..............مش قايلك الا اما تصلى على المصطفى ........
        صليت ......طيب (وعليه الصلاه و السلام ).........الكلمه هى استعنت بالله لكن و انت موقن بها
        و منذ هذا اليوم لا اغفل عنها ابدا فى اى عمل



        جزاكم الله
        خيرا




        سؤال فقط اخى ابو يحيى هل انت د حازم شومان؟؟؟؟؟؟؟؟؟؟؟؟؟؟



        التعديل الأخير تم بواسطة أبو بكر مح ـمد المصرى; الساعة 28-08-2010, 12:52 AM.

        تعليق


        • #5
          رد: الإمتحانات ع الأبواب !! مستعد ؟!! (مهم ومفيد جدااا)

          جزاكم الله خيرا وجزا الله الأخت آية خيرا على الموضوع الطيب
          نسأل الله التوفيق لإخواننا وأخواتنا في الإمتحانات
          التعديل الأخير تم بواسطة أبو بكر مح ـمد المصرى; الساعة 28-08-2010, 12:53 AM.
          إن كـان تـابـع أحمـدٍ متـوهِّباً * * * فـأنـا المقـرُّ بـأننـي وهَّـابـي
          أنفي الشـريك عـن الإله فليس لي * * * ربٌّ سـوى المتفـرِّد الـوهَّـابِ
          لا قبـةٌ تُــرجـى ولا وثنٌ ولا * * * قبـرٌ لـه سبـب مـن الأسبـابِ
          كـلا ولا شجـرٌ ولا حجـرٌ ولا * * * عيـنٌ ولا نصـبٌ من الأنصابِ

          تعليق


          • #6
            رد: الإمتحانات ع الأبواب !! مستعد ؟!! (مهم ومفيد جدااا)

            المشاركة الأصلية بواسطة محمد مصطفى سالم مشاهدة المشاركة

            سؤال فقط اخى ابو يحيى هل انت د حازم شومان؟؟؟؟؟؟؟؟؟؟؟؟؟؟
            أخـــي أبو يحيى أجب عن السؤال ^_^

            و على فكرة أخي محمد بالمنتدى أصدقاء الشيخ ربنا يحفظه و يحفظهم...

            اكتشفنا أحدهم و حكى لنا عن مغامراته مع الشيخ... و هو الدكتور خالد الرفاعي ربنا يكرمه ^_^

            تعليق


            • #7
              رد: الإمتحانات ع الأبواب !! مستعد ؟!! (مهم ومفيد جدااا)

              جزاكم الله خيرا

              ونسأل الله تعالى ان يوفق كل الطلبة المسلمين والمسلمات وان يمنحهم التوفيق والدرجات العالية


              اللهم امين


              اللهم صلِّ على سيدنا محمد وآله وسلم تسليماً كثيراً

              تعليق


              • #8
                رد: الإمتحانات ع الأبواب !! مستعد ؟!! (مهم ومفيد جدااا)

                جزاك الله خيرا اخي الحبيب ابا يحيى على النقل الطيب
                اللهم يسر امور كل الطلاب ووفقهم الى الخير يا ارحم الراحمين
                امين

                تعليق


                • #9
                  رد: الإمتحانات ع الأبواب !! مستعد ؟!! (مهم ومفيد جدااا)

                  جزاكم الله خيرا على ردودكم الطيبة

                  سؤال فقط اخى ابو يحيى هل انت د حازم شومان؟؟؟؟؟؟؟؟؟؟؟؟؟؟
                  لا طبعا اخى الحبيب بارك الله فيك
                  سبحان الله وبحمده ::. . .:: سبحان الله العظيم
                  الحمد لله عدد ما خلق . الحمد لله ملء ما خلق . الحمد لله عدد ما في السموات و ما في الأرض . الحمد لله عدد ما أحصى كتابه و الحمد لله ملء ما أحصى كتابه . و الحمد لله عدد كل شيئ والحمد لله ملء كل شيئ



                  تعليق


                  • #10
                    رد: الإمتحانات ع الأبواب !! مستعد ؟!! (مهم ومفيد جدااا)

                    جزاك الله عنا خيرا يا أبى يحيى يا طيب
                    منذ ولدت و أنت تفخر بالاسلام .. فمتى يفخر الاسلام بك??!

                    تعليق


                    • #11
                      رد: الإمتحانات ع الأبواب !! مستعد ؟!! (مهم ومفيد جدااا)

                      بارك الله فيك اخى ابو يحيى
                      واسألكم الدعاء لى بالنجاح
                      اللهم امتنا على طاعتك وشكر وحسن عبادتك
                      قولوا آميـــــــــــن

                      ۞ ۩ أذا ما قال لى ربى اما استحييت تعصينى ۩ ۞

                      ۞ ۩ وتخفى الذنب عن خلقى وبالعصيان تأتينى
                      ۩ ۞

                      تعليق


                      • #12
                        رد: الإمتحانات ع الأبواب !! مستعد ؟!! (مهم ومفيد جدااا)

                        جزاكم الله خيرا
                        وبجد انا نفسى اجد صحبة طيبة

                        تعليق


                        • #13
                          رد: الإمتحانات ع الأبواب !! مستعد ؟!! (مهم ومفيد جدااا)

                          أبو يحيى .. الموضوع ميتوصفش ..

                          جزاك الله كل خير.. ووفقك لما تحبه وترضاه.
                          التعديل الأخير تم بواسطة أبو بكر مح ـمد المصرى; الساعة 28-08-2010, 12:54 AM.

                          تعليق


                          • #14
                            رد: الإمتحانات ع الأبواب !! مستعد ؟!! (مهم ومفيد جدااا)

                            فعلا والله كلامك سليم مية فى اليمة

                            بقول كدا عن تجربة
                            النظام والاصرار اساس النجاح

                            واهم حاجة والذى اهم من دا كلة صلة العبد بربه هتسهله كتير جدا

                            ربنا يوفقنا جميعا ويعدى لنا الايام دى على خير
                            التعديل الأخير تم بواسطة أبو بكر مح ـمد المصرى; الساعة 28-08-2010, 12:55 AM.

                            تعليق


                            • #15
                              رد: الإمتحانات ع الأبواب !! مستعد ؟!! (مهم ومفيد جدااا)

                              جزاك الله خيرا وبارك الله فيك نصايح جميله ومفيده

                              تعليق

                              يعمل...
                              X