مشاعر قلبيه بعنوان وصية

[ضيف]

السلام عليكم ورحمة الله وبركاته
ازيكم اخواني
من زماااااااان مكتبتش ليكم وسمعت منكم
هترك مشاعرى تتكلم معاكم ولقلمى يدون ما اتمناه من نفسى ومنكم
اولا
يارب كلكم تكونوا بخير يارب ...
معظمنا ان مكانش كلنا مرينا على ظروف أو مشاكل أو هموم !
وفي الوقت اللي كنا بنعيش فيه اصعب ايام حياتنا اكيد صادفنا ناس كانت بمثابة علامة مميزة في حياتنا !
ناس كانت هدية ربانية انهم يخففوا عننا ويشيلوا عننا جزء من اللي احنا فيه...
ناس مكانش كل همها انها تاخد فلوس ولا مقابل ولا اي حاجة من دي ولكن كان همها انها بأبسط الطرق تخليك مبسوط وتقف جنبك في محنتك ...
الناس دي هي ... صاحبك أو والدك أو والدتك أو زميلك في الشغل أو جارك ........... وهكذا
ممكن يكون شخص ماكنتش بترتاحله في اوقاتك العادية ولكن في ازمتك الشخص ده بان معدنه ..

طب تيجي نقلب الامر؟
يعني احنا اللي نشوف اخواتنا اللي محتاجين مساعدة واحنا اللي نقف جنبهم ؟
بس في حاجة ...
خليك قد كلمتك واوعى في يوم من الايام تسيب اخوك لانك مش حاسس منه بفايدة !
خليك معاه للاخر وخليك انت الهدية اللي ربنا بعتها للشخص ده عشان ربك يخفف عنه !
وعشان كده موضوعنا ووصيتنا ليكم ولنفسى .....
***** امسح دمعة مهموم *****
.................................................. ........
وهنا حد ممكن يقول في نفسه ... طب هو انا فاضي امسح دمعة مهموم ؟
ما انا فيا اللي مكفيني ومش ناقص حاجة ؟
اقوله .. مش شرط انك تكون خالي البال عشان تقدر تقف جنب اخوك المهموم !

يعني انت ممكن تكون مهموم وفي نفس الوقت بتسعى لاخوك في الخير وبتحلله مشاكله مع انك مهموم؟

ايوة طبعا ممكن تكون كده .....

اوعى تفكر انك كده عاجز عن حل مشكلتك او ماشابه !

لابالعكس انت كده مشكلتك بتتحل بس انت مش واخد بالك

هقولك ازاي....

مش رسولنا عليه الصلاة والسلام قال ....

من أراد أن تستجاب دعوته ، أو تكشف كربته ، فليفرج عن معسر.

صدق رسول الله صلى الله عليه وسلم ...

عرفت ازاي

وانت بتحل مشكلة اخوك أو اثناء وقوفك جنب اخوك في همه ربنا بيحللك مشكلتك وانت مش حاسس لحد ماتيجي في لحظة تلاقي نفسك كل مشاكلك اتحلت !

طب من ايه ؟

اقولك .... بسبب انك وقفت جنب اخوك المهموم ومسحتله دمعة من دموعه

لو انت مثلا عاوز تتبسط او تفرح نفسك اوتقول انا هروح اغير جو في مكان معين ....اكيد هتسافر مكان معين بتلاقي راحتك فيه ؟ ده عادي
واي حد ليه الحق في كده ولكن
ده معناه انك رايح تبسط نفسك بس هتبسط نفسك وانت مكلف نفسك ...
انما لو عاوز تبسط نفسك ومن غير اي تكلفة ممكن تعمل حاجات بسيطة جدددددا كفيلة انها تبسطك طول عمرك ...
مثلا ادخل اقرب مستشفى عندك ادخل زور اي مريض اضحكله هاتله وردة !
اشتري مصحف واعطيه لاي مريض يقرأ فيه !
جارك المحتاج روح زوره وقدمله شئ ينفعه مش مهم فلوس انما ممكن تديله ملابس من عندك ومن احب ملابسك عشان مايحسش بفرق بينه وبينك !

وحاجات كتير اوووووي اخواني ممكن تبسطنا لوقت طويل جدا ....

بس هنا في حاجة مهمة ...

احنا ازاي نعرف نتعامل مع الشخص المهموم ونقف جنبه ؟

اقولك ....

المهمومين انواع ...

منهم الشخص اللي مديون وده سهل اوي انك تمسح دمعته أو تفرج همه انك تسددله دينه ابتغاء وجه الله تعالى وكل ده طبعا حسب مقدرتك !

أو

الشخص اللي فقد حد قريب ليه وده ممكن تعزيه وتقف جنبه وتصبره !

أو

الشخص اللي واقع في مشكلة وحاسس بالخوف ومهموم لابعد مدى وده هو النوع الاصعب في الاشخاص المهمومة !

وانا بقرأ مشاكل اخواتي هنا بدعي ربنا ان يكون عندهم الشخص القريب اللي يقدر يمسح دمعتهم واكيد بدعي لنفسي برضه

شعور جميل انك انت الشخص المهموم تحس ان في حد بيساعدك ومش عاوز منك حاجة j

والاجمل ان اللي واقف جنبك في محنتك ممكن يكون مهموم !

ايوة مهموم بس هو عرف المعادلة خلاص ...

مسح دمعة مهموم + عندي مشكلة = تفريج هم المهموم وحل مشكلتي

شوفت ازاي

قانون ربنا عمله لينا عشان نرفق ببعض ونحس ببعض ونحب بعض في الله ...


عارف ان الشخص المهموم كل اللي محتاجه في محنته انه يسمع كلمة حلوة !

يحس بطبطبة عليه تطمنه !

يحس بأمان من اللي حواليه !

والاهم انه يحس بالصدق اللي انت المفروض تتحلى بيه !

تعرف ان الشخص المهموم شخص راقي المشاعر في ازمته !

اوعى يتهيألك ان لو حد تعبان او مهموم وانت جيت تقف جنبه وتشاركه حزنه هيردك ولا يقولك سيبني !

مش كلهم ايوة لكن الاغلبية هتلاقيهم ناس رقراقة المشاعر من جواها ناس نواياها صافية ناس اتعلمت الدرس ولسه بادئة من جديد في الحياة ....

حبيبي في الله ....

بالله عليك اوعى تتخلى عن حد انت اختارت انك تكمل معاه في الخير


اوعي تكسر حد بعد ماعطيته الامان انك هتبئا معاه كروح واحدة ..

طالما اختارت انك تقف جنب اخوك المسلم لحد ماربنا يفرجها عنه اوعي تسيبه في نص الطريق ....

اول ماتلاقي ابتسامته من حقك تفرح لانك خليت واحد فيه هم الدنيا يضحك للحياة من جديد ..

واول ماتلاقي دموعه احضنه وطبطب عليه وقوله معلش اكيد ربنا مخبيلك كل خير ....

ماتتريقش على حد بيعيط حتى لو راجل !

لان مسير الايام تتغير وممكن تبقى زيه زيه !

ده قانون حياة ياصاحبي !

هو انت محتاج ايه غير انك تطبق حديث رسولنا عليه افضل الصلاة والسلام .....



( أحب الناس إلى الله أنفعهم ، وأحب الأعمال إلى الله عز وجل سرور



تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ،



ولأن أمشي مع أخي المسلم في حاجة أحب إليّ من أن اعتكف في المسجد شهرا



ومن كف غضبه ستر الله عورته ، ومن كظم غيظا، ولو شاء أن يمضيه أمضاه



ملأ الله قلبه رضا يوم القيامة ، ومن مشى مع أخيه المسلم في حاجته حتى يثبتها له أثبت الله



تعالى قدمه يوم تزل الأقدام ، وإن سوء الخلق ليفسد العمل كما يفسد الخل العسل )

صدق رسولنا الحبيب ...

ياهنــــــــــــــــــاه اللي ينفس عن اخيه كربة من كرب الدنيا

والله ربنا هيكرمك وهيقدملك الخير اللي انت بتتمناه وبتحلم بيه ...

يـــــــــــاه على شعور انك تخلي حد نسى الضحكة ضحك !

او حد من زمان ماحسش بطعم الحياة وحسها وانت جنبه بتسعده!

شعور جميل اوووي والله

عامل اخوك المهموم برفق وحنية وطيبة قلب لان ده كل اللي محتاجه !

ماتتعصبش عليه في لحظة خليك انسان رباني حليم استحمل اي حاجة عشان خاطر اخوك المهموم ربنا يفرج عنه ....

حط نفسك في موقفه وتخيل معاملة الناس ليك في محنتك ..

لو انت كنت واقف جنبه بما يرضي الله فـ اكيد والله ربنا هيوقفلك اللي يخفف عنك

في لحظة ضعفه وانكساره خليك ليه اقرب من روحه واتذكر ان ربنا مش هايسيبكو..

هــيا لنمسح دمعة مهموم لتصفو نفوسنا ...

هــيا لنسمح دمعة مهموم للشعور براحة البال ...

هــيا لنمسح دمعة مهموم فقد الامل ...

هــيا لنمسح دمعة مهموم من اجل ارضاء الله ...

هــيا لنمسح دمعة مهموم لنطبق الاخوة في الله ...

هــيا لنمسح دمعة مهموم للفوز بالجنة ....

.................................................. ...........
اللهم إني عبدك بن عبدك بن أمتك ناصيتي بيدك ماضٍ فيّ حكمك ، عَدْل فيّ قضاؤك . أسألك بكل اسم هو لك سَمّيت به نفسك، أو عَلَّمْتَه أحدًا من خَلْقِك ، أو أنزلته في كِتابك ،

أو استأثرت به في عِلم الغيب عندك أن تَجْعَل القرآن ربيع قلبي ونُور صدري وجَلاء حزني وذهاب همي

................................................

اسأل الله لي ولكم اخواني بتيسير امورنا وانشراح صدورنا وتفريج همومنا وان يرزقنا سعادة الدارين وانيجعلنا ممن يصدقون التوكل عليه ويحسنون الظن به ...

امــــــــــــــــــــين يارب العالمين ...

[Abu-Saad]

رد: مشاعر قلبيه بعنوان وصية

وعليكم السلام ورحمة الله وبركاتة
دمت مبدع دائما اخى الفاضل
موضوعك اكثر من رائع واضيف شيئ بسيط لصاحب الهم ......
أيها المهموم :
إن سِرَّ أسباب راحة البال ...
وهدوء الجنان ...
هو الاستغفار ...

يقول ابن تيميه :
إن المسألة لتغلق علي ،فأستغفر الله ألف مره ، أكثر أو أقل فيفتحها الله علي .
قال الله تعالى :{ولو أنهم إذ ظلموا أنفسهم جاءوك فاستغفروا الله واستغفر لهم الرسول لوجدوا الله توابا رحيم } النساء 64

[مهاجر إلى الله ورسوله]

رد: مشاعر قلبيه بعنوان وصية

عليكم السلام ورحمة الله وبركاته
حياك الله أخي الحبيب ،
كلماتك تدمع العين ،
جزاك الله خيراً ،
من هذا المنطلق أقول :
واسمح لي أن أشارك في هذا الطرح المبارك فأقول :
لكل مهموم :
فليكن همك الله
فمن كان همه الله والله كفاه من كل هم وجعل السعة في صدره
أيها المهموم :
فليكن همك الآخرة تسعد والله في الدني والآخرة
بدليل قوله صلى الله عليه وسلم :
مَن كانتِ الدُّنيا هَمَّهُ ، فرَّقَ اللَّهُ علَيهِ أمرَهُ ، وجعلَ فَقرَهُ بينَ عينيهِ ، ولم يأتِهِ منَ الدُّنيا إلَّا ما كتبَ لَهُ ، ومن كانتِ الآخرةُ نيَّتَهُ ، جمعَ اللَّهُ لَهُ أمرَهُ ، وجعلَ غِناهُ في قلبِهِ ، وأتتهُ الدُّنياوَهيَ راغِمةٌ

[أبوسلمى المصري]

رد: مشاعر قلبيه بعنوان وصية

عوداً عوداً يا سيدنا
رفع الله قدرك
كلمات رائعة كعادتك دائماً
نفع الله بك

[Abu-Saad]

رد: مشاعر قلبيه بعنوان وصية

حياك الله حبيبي في الله

[ضيف]

رد: مشاعر قلبيه بعنوان وصية

وعليكم السلام ورحمة الله وبركاتة
دمت مبدع دائما اخى الفاضل

جزاك الله خيرا اخونا الفاضل
موضوعك اكثر من رائع واضيف شيئ بسيط لصاحب الهم ......
أيها المهموم :
إن سِرَّ أسباب راحة البال ...
وهدوء الجنان ...
هو الاستغفار ...

يقول ابن تيميه :
إن المسألة لتغلق علي ،فأستغفر الله ألف مره ، أكثر أو أقل فيفتحها الله علي .
قال الله تعالى :{ولو أنهم إذ ظلموا أنفسهم جاءوك فاستغفروا الله واستغفر لهم الرسول لوجدوا الله توابا رحيم } النساء 64

كلمات رائعة بارك الله فيك

[ضيف]

رد: مشاعر قلبيه بعنوان وصية

عليكم السلام ورحمة الله وبركاته
حياك الله أخي الحبيب ،
كلماتك تدمع العين ،
جزاك الله خيراً ،

وجزاكم الله مثله
من هذا المنطلق أقول :
واسمح لي أن أشارك في هذا الطرح المبارك فأقول :
لكل مهموم :
فليكن همك الله
فمن كان همه الله والله كفاه من كل هم وجعل السعة في صدره
أيها المهموم :
فليكن همك الآخرة تسعد والله في الدني والآخرة
بدليل قوله صلى الله عليه وسلم :
مَن كانتِ الدُّنيا هَمَّهُ ، فرَّقَ اللَّهُ علَيهِ أمرَهُ ، وجعلَ فَقرَهُ بينَ عينيهِ ، ولم يأتِهِ منَ الدُّنيا إلَّا ما كتبَ لَهُ ، ومن كانتِ الآخرةُ نيَّتَهُ ، جمعَ اللَّهُ لَهُ أمرَهُ ، وجعلَ غِناهُ في قلبِهِ ، وأتتهُ الدُّنياوَهيَ راغِمةٌ

اللهم اجعل الاخرة همنا

مشاركة طيبة

[ضيف]

رد: مشاعر قلبيه بعنوان وصية

عوداً عوداً يا سيدنا

نسال الله لنا ولكم السداد والتوفيق

رفع الله قدرك

كلمات رائعة كعادتك دائماً

نفع الله بك

اللهم امين واياكم اخونا الغالى

بس ياريت اعرف اعدل فى الموضوع واضيف فيه

[ابو انس السلفى صعيدى]

رد: مشاعر قلبيه بعنوان وصية

عليكم السلام ورحمة الله وبركاته
حياك الله أخي الحبيب

[أبومصعب محمود ابراهيم]

رد: مشاعر قلبيه بعنوان وصية

وعليكم السلام ورحمة الله وبركاته
عودًا حميدًا شيخنا الحبيب
نورتنا يا مولانا

[ضيف]

رد: مشاعر قلبيه بعنوان وصية

وعليكم السلام ورحمة الله وبركاته
عودًا حميدًا شيخنا الحبيب
نورتنا يا مولانا

بارك الله فيك اخى الحبيب ابو مصعب