من ترك شيء لله عوضه الله خيراً منه

[MEDOoOoOoOo]

السلام عليكم و رحمة الله و بركاتة

إزيكم يا شباب ؟؟ .. يارب تكونوا كلكم بخير و صحة و سعادة و طاعة لله سبحانة و تعالي ^_^

مشكلة بتواجهني كتير و مازالت بتواجهني و ممكن تكون عند ناس كتير

المشكلة هي و انت بتحاول في بداية الإلتزام إنك تترك المعاصي الي كنت متعود عليها

خصوصا لو معاصي أنت متعود عليها بشكل يومي و بتعملها من سنين

زي السجاير و زي الأغاني و الغيبة و الشتائم و العادة السرية و حاجات كتير كل واحد عارف حاله و معاصية

الحاجات كتير اوقات بكوت بتعملها لسنين بشكل دوري كل يوم أكثر من مرة

لما بتيجي تلتزم بتحس إن كلها إتكركبت فوق دماغك

إزاي هسيب كل دة و أبعد عن دة كله مرة واحدة و تحس إن حياتك هتنقص حاجات كتير حلوة انت كنت بتحب تعملها

و بتحاول تسيب لكن للأسف بنضعف و بنرجع تاني :(

وهكذا و أوقات بتيأس منك نفسك و بتحاول تقلل منها و برضة بتفشل

بص يا حبيب قلبي

المشكلة دي مش مشكلتك لوحدك

بس هقولك علي حاجة بحاول أجربها و شايف انها بتجيب نتيجة كويسة

الأول إنك محتاج تاخد قرار حاسم مع نفسك و أدام ربك

محتاج ركعتين في جوف الليل و انت لوحدك بين يد الله تتوب فيها من الذنوب دي

و تاخد قرار إنك تبعد عنها كلها مرة واحدة و تتطلب العون من الله سبحانة و تعالي يساعدك

خد قرارك عن حب لله سبحانة و تعالي

خد قرارك و أنت بتقوله انا بحبك يارب و بحب الي انت تحبه .. و انا هسيب الي بحبه عشانك

انت صاحب الفضل و النعمة عليا .. انت سيدي وسندي في حياتي و أخرتي

عملتلي كل حاجة حلوة في حياتي و قدملتلي الخير في كل خطوات حياتي و هسيب كل الي يغضبك عليا

أخدت القرار و كنت صادق توكل علي ربك و إدخل نام

هتصحي تاني يوم تبدأ بقي مواعيد معاصيك تخبط عليك

إمتنع عنها بحب

إعشق إنك تتعذب وانت نفسك في المعصية دي بس سايبها عشان ربنا

كلم نفسك و قول عشانك يارب مش هشرب سيجارة

مش هسمع أغنية

انا بحبك يارب و مش هعصيك مهما كان

خد الموضوع بحب لله سبحانة و تعالي

إتمتع و أنت بتمنع نفسك عشان رينا سبحانة و تعالي فقط

مش عشان أي سبب أو شئ تاني

وكل ما تتغلب عليك المعصية إجري علي سجادتك و صلي و إرفع إيديك بالدعاء و إصدق النية مع الله سبحانة و تعالي

و إصدق في التوكل عليه مع الأخذ بالأسباب طبعا

إبعد بقدر الإمكان عن الأماكن الي بتفكرك بالمعاصي و عن الناس الي بتعمل المعاصي دي معاهم

ساعد نفسك و إدخل معاها في تحدي و قولها إحنا مش هنستحمل غضب و عذاب ربنا

لازم نستحمل عشان رضا ربنا

و هتشوف ربنا هيسهلها عليك إزاي

و هتشوف إن حياتك من غير الكلام دة كله مش هتبقي فاضية أبدا

بالعكس إنت هتبقي محتاج تظبط وقت لان وقتك هيكون ضيق جدا

لأن مجرد ما تلتزم و ربنا يري صدق نيتك هيفتح عليك أبواب الخير

هتلاقي الأغاني إتبدلت بحفظ قرآن

و هتلاقي السجاير إتبدلت بالسواك

هتلاقي نفسك حبيب العلم و حبيت تتطور من نفسك في أمور الدنيا و الدين

هتلاقي نفسك مشغول بأمور نافعة كلها ليك و لدنيتك و لصحتك و لأخرتك

بس إنت قرب ^_^

[مشتاق الى الرحمن]

رد: تعالي نعشق الترك لله سبحانة و تعالي

و الله انك لتقول ما اشعر به كثيرا

و ان لكلماتك صدى فى قلبى
جزاك الله خيرا اخى ميدو
و وفقك الى ما يحبة و يرضاه

[MEDOoOoOoOo]

رد: تعالي نعشق الترك لله سبحانة و تعالي

و الله انك لتقول ما اشعر به كثيرا

و ان لكلماتك صدى فى قلبى
جزاك الله خيرا اخى ميدو
و وفقك الى ما يحبة و يرضاه

ربنا يبارك فيك و يعزم يارب ^_^

[مهاجر إلى الله ورسوله]

رد: من ترك شيء لله عوضه الله خيراً منه

عليكم السلام ورحمة الله وبركاته
ما شاء الله ،
نفعني الله وإياك أخي الحبيب بهذه الوصايا النافعة