Tweet
السلام عليكم ورحمه الله وبركاته
الصراحه السؤال دا بيلح على اجابته من فتره سؤال بسيط لكنه فى نفسه الوقت صعب لانه كل فرد منا هيبقى اكيد ليه رؤيه مختلفه عن الاخر .
انا اعتقدت انه السؤال مينفعش يتقال كدا اصلا لازم يتقسم اتنين هل تثق فى نصره الاسلام؟ والثانى هل تثق فى نصره المسلمين؟
الاولالصراحه السؤال دا بيلح على اجابته من فتره سؤال بسيط لكنه فى نفسه الوقت صعب لانه كل فرد منا هيبقى اكيد ليه رؤيه مختلفه عن الاخر .
انا اعتقدت انه السؤال مينفعش يتقال كدا اصلا لازم يتقسم اتنين هل تثق فى نصره الاسلام؟ والثانى هل تثق فى نصره المسلمين؟
===
طبعا كانت الاجابه واضحه نعم فهذا وعد الله سبحانه وتعالى الذى يملك كل شىء فنحن حتى لانمتلك نبضات القلب فى جوفنا ولا نملك لمن حولنا اى شىء فكله بأمر الله سبحانه وتعالى و إن أمر الله بهذا فسيحدث هذا ،فإنما أمره إذا أراد شيئا أن يقول له كن فيكون ...سبحانه وتعالى
هنا لح علي سوال تانى طبت انت عملت ايه للاسلام لما عرفت كدا ... اجابه واضحه .. ولا حاجه ... ودا مدخل للسوال التانى
====
طبعا اثق فى نصره المسلمين ولكن أى مسلمين ؟ .... يعنى الواحد لما يقيم نفسه هل دا مسلم يستحق النصره ... الاجابه طبعا لا ... طب هل دا فعل مسلم يستحق عليه النصره .. لا .. وهل وهل وهل ... والاجابات كلها لا
أنا اعتقادى أنه لو جمعنا التيار الاسلامي كله فى مصر سنكون بالملايين " أنصار سنه وسلفين وإخوان وغيرهم ..." حتى لما اتيحت فرصه للحكم كان مصيرها الفشل ودائما ما كل المحاولات مصيرها الفشل ... يعنى انا كنت قريت فى احصائيه عن النساء واللبس كدا تقريبا المنتقبات اللى هو اللبس الرسمى للاخوات حوالى 30% من سكان مصر وقول الرجاله ذيهم 30% ملتحين يعنى انت بتتكلم فى نسبه 30% يعنى حوالى 25 مليون فى مصر ينتمون للتيارات الاسلاميه أو محبين ليها وعلى النهج فى اللبس وغيره ... لكن ليه الفشل ؟
الاجابه من وجهه نظرى
=============
انه كل التيارات دى واخده جزء من الاسلام وتعتقد انه فيه صلاح الأمة يعنى فيه ناس ذى الاخوان اعتقادهم انه الحكم اللى هيصلح واخرين الجهاد واخرين يعتقدوا فى غير ذلك من الامور .... لكن اللى هيصلح الكل دا مع بعضه ... يعنى الامه رغم العدد الكبير اللى فيها دا مفهاش واحد ذى سيدنا عمر رضى الله عنه اللى هو صوام قوام مجاهد بيحكم الامه ويعرف بالحرب والسياسه والخديعه وحافظ قراءن وسنه واحاديث وفقيه ويخاف الله ويقوم على شئون الناس وغيرها من خصال الفاروق ... احنا كل واحد منا ماسك خصله واحده بس وبيقول هى الحل ... يعنى صدق رسول الله صلى الله عليه وسلم لما شبه ايمان الصحابه ذى سيدنا ابوبكر رضى الله عنه بانه بايمان امه باكملها رضى الله عنهم جميعا صحابه النبى صلى الله عليه وسلم ....
انا اعتقادى انه ما ينقص التيار الاسلامى هو فرد واحد بس ... بين الامه والتمكين فرد واحد بس ... ملتزم راجل بجد .. وانا اعتقادى انه هو مش احنا اللى هو ايه واحد فى بيت عادى اتربى على التلفزيون والاغانى 10 او 15 سنه وبعدين ربنا تاب عليه فربى لحيته وصلى شويه وهكذا عمال يقوم ويقع ولسه فى قلبه كل الشهوات اللى شافها قبل كدا .. لعند ما يعرف ينقى نفسه دا اذا كمل فى الطريق ولم ينتكس يبقى عنده 60 سنه ولا حاجه يكون خالص الموت مصيره ... وهنا ياتى دور التربيه .. وهتكفى بمثال واحد للتربيه وهو محمد الفاتح .... يعنى بص على الجزء دا من مقال للدكتور راغب السرجانى عن تربيه محمد الفاتح :
"
تذكر كتب التاريخ والسير أن محمد الفاتح حظي بتربية علمية خاصة، منذ طفولته، فقد اهتم والده السلطان مراد الثاني بتنشئته تنشئة علمية وجسدية جادة، فمرَّنه على ركوب الخيل والرمي والمبارزة، وجعله يتتلمذ على يد خيرة أساتذة عصره، ومنهم "أحمد بن إسماعيل الكوراني"[3] الذي ذكر السيوطي أنه كان أول معلمي الفاتح، وقال عنه: إنه "كان عالمًا فقيهًا، شهد له علماء عصره بالتفوق والإتقان، بل إنهم كانوا يسمونه: أبا حنيفة زمانه"، وتشير الروايات التاريخية إلى أن الكوراني حبَّب الفاتح في العلم، وجعله يقبل عليه بهمَّة ونشاط، فما مضى وقت حتى كان محمد الفاتح قد حفظ القرآن، ودرس التاريخ الإسلامي، وكان على اطِّلاع بالمحاولات الإسلامية السابقة لفتح القسطنطينية، وأسهمت تربيته في تنشئته على حُبِّ الإسلام، والعمل بالقرآن، وحب العلم، وتقدير العلماء، وقد تأثَّر الفاتح كذلك بالشيخ "آق شمس الدين سنقر"[4] الذي كان أول من زرع حُلْمَ "فتح القسطنطينية" في ذهنه منذ الصغر، وكبر الفتى وهو يصبو إلى تحقيق ذلك الحلم.. وقد درَّس الشيخ "آق شمس الدين" لمحمد الفاتح العلوم الأساسية من قرآنٍ وحديث وسُنَّة نبوية وفقه، وكذلك اللغات العربية والفارسية والتركية، كما درَّس له بعضَ علوم الحياة كالرياضيات والفلك والتاريخ.
"
محمد الفاتح اتربى وعرف قراءن وسنه ورياضيات وفلك ولغات وتاريخ دا غير علوم الحرب وركوب الخيل .... احنا فين بقى ... مين فينا اتربى كدا او عاوز يربى عياله كدا ... مين بيفكر يبدء مع ابنه من سن 3 سنين يحفظوا القرءان وبعدين على سن 6 سنين يعلمه الحديث على يد الشيوخ المعتبرين وعلى سن 11 او 12 يبدء يعلمه الاقتصاد والسياسه وعلى سن 17 سنه يعلمه التكنولوجيا اللى موجوده فى العصر يبقى عندنا شاب عنده 22 سنه " ودا السن اللى تولى فيه محمد الفاتح الحكم " ملتزم راجل على داريه بالدين والدنيا يحكم ذى الراجل دا محمد الفاتح ....
اهو دا اللى ناقص ... واحد ... انا اعتقادى السبب اللى بيمنعنا من دا طبعا عدم علو الهمه والتلفزيون اللى بنسيب الاطفال فيخرب عقوله .. والاهم من دا كله الاهتمام بالتعليم الدنيوى الفاااااااااااشل ونضيع عمرنا فى تعليم فااااشل ... انا طبعا لازم ندخل اولادنا المدارس لكنها لا تكون طريقه تربيته ... فيه ايه يعنى لما يكون حفظ القراءن اهم من الابتدائيه ولم يكون دراسه التاريخ والسياسه اهم من الاعداديه ... والتعلم والعلم بالتكنولوجيا اهم من الثانويه ... وياعم يهتم بصلاه وتربيته ويطلع شاب ينفع الله به اهم من الكليه ما كل المصريين واخدين كليات عملنا بيها ايه ... ولا حاجه
اللهم ارزقنا الولد الصالح اللى ينفع الامه ويعلو شانها وينصر دينك وسنه نبيك المصطفى صلى الله عليه وسلم .. امين
والسلام عليكم ورحمه الله وبركاته
تعليق