[نقاش] ما فائدة هذا المنتدى الاسلامى عليك انت... و ما عيوبه ان كنت ترى عيوبا....للحوار والنقاش

[حفيدالحسين]

السلام عليكم ورحمة الله وبركاته





حياكم الله جميعا اخوانى اعضاء وزوار منتدى الطريق الى الله

نناقش بإذن الله مسأله طيبة "ما فائدة هذا المنتدى الإسلامي عليك انت... و ما عيوبه إن كنت ترى عيوبا"

بداية قبل كل شيء: أخي العضو أو الزائر ..أنا لا اقصد بهذا الموضوع اللهو أو العبث أو تضيع الوقت..لا بل هو أقرب إلى تحديد مسار

وتصحيح وضع وتجديد نية ...

وإنما الكلام التي تعرضه من رأيك ...هو قد يكون سبب فى نصح الآخرين وصلاحهم بإذن الله وأن يستفيد الآخرين من خبراتك ...وكذا عرض مزايا وعيوب المنتدى للرقي؟ به إلى أعلى مستوى دعوي باذن الله

....فالمطلوب منك أن تعرض رأيك بكل صراحة وأريحية ......وأرجو أن يتضمن النقاط التالية:

1-ما العائد أو الفائدة التي تعود عليك من تصفح المنتدى والمشاركة بالمواضيع والردود ..
أم هل أنت فقط تروح عن نفسك من الشغل وهموم الحياة والضغط...
أم هل أنت فقط تدخل لتضييع الوقت ..وتكون من الناس التى تقول"إحنا بنقتل الوقت يا مولانا واهو احسن نضيعه فى نت اسلامى بدل منضيعه فى ____"

هل مثلا هنا تجد الصحبة الصالحة التى تذكر بعضها بعضا كما قال الله جل وعلا(وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ)
2-ان كنت ترى عيوبا ما الذي تراه...... وما الذي ترى أنه ينقص هذا المنتدى؟!!!
________
سامحونى ..سأبدأ بأول مشاركة..

1-بصراحة تتلخص فائدة المتدى على :-فى الصحبة الصالحة الطيبة والإخوة الطيبين اللى الواحد بيحس معاهم ان لسا الدنيا بخير ...خصوصا ان البيئة التى اسكن فيها يندر فيها المشايخ الربانين وكذلك يندر فيها الاخوة
والواحد حاسس انه كسمكة برة البحر ..(الحمد لله)
والحمد لله كانت اول خطوات الالتزام ..كنت لسه ملتزم جديد ..وطبعا البيئة اللى ذكرتها صعبة اوى فالحمد لله ان ربنا جعل المنتدى سببا فى الدفعة للامام وكان اول عهدى بالمنتدى فى شهر القران "شهر رمضان"

(ووالله ان من أعظم أسباب الثبات هو الصحبة الصالحة الطيبة ..كما أن من أكثر أسباب التيه والضلال
هو الصحبة السيئة )



-ثانيا المنتدى عبارة عن تبادل خبرات بين الإخوة سواء في طلب العلم أو الاجتماعيات وهكذا


-ثالثا للترويح عن النفس _بكل صراحة_
رابعا :لما بكتب تذكرة أو موضوع باذكر نفسى بيه الاول وكأني أدعو نفسي مع الآخرين

وهو أيضا نوع من ممارسة الدعوة الى الله ..
ولعل الله بكلمة صالحة طيبة واحدة تكتبها ..يدخلك بها الجنة



________
2_العيوب اللى أراها فى المنتدى :-أتمنى من كل قلبي أن المشايخ الربانين والدعاة الشباب يشاركون معنا ...لماذا يكون كل صلتنا بالمشايخ عن طريق التلفزيون
وإن يكون التحدث مع العلماء الربانيين هذا ضرب من الخيال بالنسبة لبعض الناس

مش هقول نقابلهم بقى _ولا أدري ما المانع بصراحة _هل هو استهانة بقدر هذه المنتديات
فى حين تجد البعض ليه حساب على الفيس أو التويتر مع أن بيئة الفيس مش حلوة اوى وفيها اختلاط وحش..

وهذا لن يكلفهم كثيرا ...
كان سيد البشر عليه أزكى الصلاة والسلام يخالط الناس يقضي حوائج المساكين

وكذا كان الخلفاء الراشدون
وللأسف الواحد بيرى بعض المشايخ كأنهم عايشين فى عالم تانى بعيد عن الشباب
-ثانيا اتمنى ان يكون للمنتدى واقع على الارض يعنى مش بس نكون فى عالم افتراضى :حملات ورعاية ندوات ومؤتمرات ولا مانع من تبرع من يريد التبرع من الاخوة والاخوات بما يستطيعون

_الذي يحزنني أن كثيرا من الإخوة تركوا المنتدى واتجهوا للفيس أو التويتر مع أن الاصل المنتدى الاسلامى بكل المعنى اللى وانت فيه تحس بالراحة ...واتمنى من ادارة المنتدى ان تحاول اعادة هؤلاء مرة اخرى حتى لو بالجمع بين الفيس والمنتدى ....سواء بابتكار اشياء جديدة.....انتهى
___________
أرجو منكم أن تشاركوا معنا فى هذا الحوار وأرجو أن نكون ايجابين ...يعني الواحد لو عنده شيء طيب
يكتبه ..ولو شايف أي عيب يتفضل بالنصح

جزاكم الله خيرا

[ahmedh]

رد: ما فائدة هذا المنتدى الاسلامى عليك انت... و ما عيوبه ان كنت ترى عيوبا....للحوار والنقاش

السلام عليكم ورحمه الله وبركاته وجزاك الله خيرا عن الموضوع المهم اللى انت فتحته :
1- الفوائد :
اولا : غرفه الهدايه فى المنتدى فاعتقد انها مهمه صحيح ان الشرائط للشيوخ والحلقات على اليوتيوب موجوده ولكن انك تلتزم بدرس مع شيخ وتسمعه وتحاوره دا شىء ممتاز جدا وخاصه مثلا درس الشيخ محمد جلال وطبعا احلى شباب مع الدكتور الشيخ

ثانيا : معرفه الصحبه الصالحه ولانزكى على الله احدا ... مثلا تلاقى حد كاتب صيام الاثنين او صيام 13و14و15 للتذكره دا غير طبعا المواضيع المفيده اللى الاعضاء بيتناقلوها وبيتحاورا فيها

ثالثا : سرك فى بير والله اعتقد انه قسم ممتاز جدا وفيه افاده عظيمه لانه معظم المشاكل اللى فيه احنا وقعنا فيها وحتى اللى لم نقع فيها فننحن نعرفها .....

اما العيوب :
اولا : قسم سرك فى بير اعتقد انه محتاج يكون فرع لوحده جوه المنتدى ويكون مفهرس ويكون فيه تطوير اكثر ليحاكى مثلا موقع مثلا دار الافتاء المصريه

ثانيا : فعلا وجود المشايخ ضرورى لمراجعه البوسطات لعل يكون فيها مالايوافق قواعد الاسلام فيجب التنبه هنا حتى نتفادى الاخطاء

ثالثا : اعتقد انه لابد من وجود اقسام تتيح مناقشه اكثر "مثلا قسم عليه مشرف بنختار درس مثلا لشيخ او كتاب فى الدين الكل يسمعه ونتناقش فيه لانه النقاش هنا مفيد وطرح الافكار من افراد مختلفين وارجاعها لله وللرسول صلى الله عليه وسلم هيفيد الناس كتير فى تصحيح افكارهم وعقائدهم "
وايضا فتح باب للمناقشه حول كتب معينه فى خارج الدين يعنى مثلا فى كتاب انا اشتريته اسمه محنه الدنيا والدين فى مصر للدكتور جلال امين الكتاب رائع مع اختلافى مع الكاتب فى بعض الجزئيات بخصوص تفسيره لبعض الاشياء المتعلقه بالاسلام ... الكتاب دا لابد ان يناقش ويكون معانا شيخ يراجع الافكار اللى فيه بحيث انه يكون عندنا مرجعيه للحكم على الشبهات اللى ممكن نقابلها فى الحياه العاديه .... كتاب اخر مهم راويه مولالنا لابراهيم عيسى او فيلم مثلا ذى نوح وان كنت اعتقد انه لا يجب مشاهدته لكن علينا مناقشه لماذا يمنع وكيف يدسون السم فى العسل لنا بحيث انه يكون عندنا مناقشات باسباب واقعيه ومدعمه بالادله من كتاب الله وسنته علشان مثلا لو اخ دخل فى مناقشه بشان هذا الفليم يعرف يبين بالدليل مش حرام او حلال فى المجمل دون تفصيل ....

رابعا : الاقسام الخاصه مثل فريق الجرافيكس انا مش عارف ليه لازم مثلا طلب خاص هو القسم مفتوح وكل اللى يقدر يساعد يساعد لانه كل واحد فينا عنده افكار يقدر يساعد بيها يعنى انا واحد من الناس لما لقيت انها لازم طلبات ومش عارف ايه ابتعدت ولم اشترك فى اى منها .....

خامسا : اعتقد انه كفى اجتهادا وتكرار اختراع العجله ... انا اعتقادى انه المشكله فين كمسلمين عامه وانا اولهم عدم وجود خطه واضحه لتراكم الخبرات كلها اجتهادات وتطوع .. لكن العمل النظامى يراكم الخبرات فيجعل الناس تبدء من حيث انتهيت ام العمل التطوعى كل بيبدء من نفس النقطه وياتى غيره ليفعل ما فعل وكل عام وانتم بخير ...
مثال انا شعرت بيه ... مثلا فيه ايه مثلا لو فريق الفلاشات يمسك موضوع ذى كيفيه صلاه النبى صلى الله عليه وسلم فريق الفلاشات كله يبقى عاطى مجهوده للمشروع دا وكل الاعضاء تعطى افكار وتعلق على الفلاشات المعموله لتحسنها حتى تصل لدرجه من الرضى عند كله الناس ويبقى خلاص الباب دا اتقفل اللى يجى بعد مفيش فلاشات عن الصلاه ياعم احنا عند الرصيد دا متخزن استخدمه "الا اذا كان عنده فكره فعلا تستحق التنفيذ" يبقى هى خطوه مره واحده ووفرنا وقت ومجهود لكن الحديث الواحد بيتعمل 100 مره والمجهود بيشتت لكن اه الشهر دا رمضان كله فى رمضان الشهر دا الصلاه كله فى الصلاه الشهر دا زكاه اللى بعده حج يبقى عندك رصيد

مثال تانى : تصوير الدروس مثلا ذى الفوتوشوب انا اعرف انه هناك شرح كتير للفوتوشوب ولكن اعتقد معظمه بالانجليزيه ... فحتى دوره الفوتوشوب اللى هنا فى المنتدى يحتاج ليها اشتراك ليه ؟ الاولى عمل فيديو محترم متصور وينزل فى المنتدى لكل الناس للى عاوز يتفرج واللى عاوز يطبق ويرفع التطبيق الناس تحكم عليه خير وبركه لكن دوره يدخله 100 يتعلموا وبعدين يكسلوا فنعمل دوره تانيه يدخلهم 100 وهكذا بلاانقطاع وكل عام وانتم بخير "يعنى مثلا فيه مواقع مثلا عرب هاردوير الموقع دا بيعمل فيديوهات متخصصه فى عالم الشبكات انا كنت احد الناس اللى عملوا فى اليونكس هو الفيديو مره واحده ورفعته على النت ببلاش لكل الناس وكل اللى عنده سوال معاه الميل بتاعى يرسل عليه اللى هو عاوزه "

اين التفكير بكسل فى اتمام الامور ... بيل جيتش صاحب ميكروسوفت قال انه لو فيه مهمه صعبه قوى هيديها لواحد كسول قوى لانه هيبحث عن اسهل الطرق لاتمامها ... احنا عاوزين اسهل الطرق انه احنا نعمل نرصيد من الخبرات نتراكمه وليس الموضوع يبقى تبادل وتوافيق على راى الدكتور حازم شويه ملتزمين يخشوا وشويه يطلعوا وهكدا

نسال الله الثبات والله المستعان ... هى مش انتقاد اكثر مما كونها اقتراحات والله المستعان والسلام عليكم ورحمه الله وبركاته

[-لطفي-]

رد: ما فائدة هذا المنتدى الاسلامى عليك انت... و ما عيوبه ان كنت ترى عيوبا....للحوار والنقاش

و عليكم السلام و رحمة الله و بركاته
جزاكم الله خيرا أخونا الفاضل و نفع بكم
الهدف الأساسي من كل قول أو عمل في المنتدى أو في غيره يكون محله قلب صاحب القول أو العمل
فأستطيع أن أقول لك: أنا أريد ثواب الله من عملي هذا و جنته و في قلبي غير ذلك
و رسول الله صلى الله عليه و سلم يقول:
" إنما الأعمالُ بالنياتِ، وإنما لكلِّ امرئٍ ما نوى، فمن كانت هجرتُه إلى دنيا يصيُبها، أو إلى امرأةٍ ينكحها، فهجرتُه إلى ما هاجر إليه " صحيح البخاري1 .
لذلك ربنا جل و علا ينظر إلى قلوبنا و يحاسبنا على نياتنا في أعمالنا
نسأل الله أن يلهمنا الإخلاص في القول و العمل
و هناك قسم في المنتدى مخصص لطرح الأفكار و العيوب و هو قسم

الاقتراحات والشكاوى

لو عندكم أي إقتراح أو شكوى يمكنكم طرحه هناك
بارك الله فيكم