ارجوكم ساعدونى ؟؟

[ربى اغفر لى وارحمنى]

مشكلتى اللى انا عايزكم تساعدونى فيها تتلخص فى حاجتين

اول حاجة هى العادة السرية

كل لما ابطلها واقرب من ربنا

الشيطان يغلبنى وارجعلها تانى

واتوب لربنا وارجع تانى فمش عارف ابطلها باى طريقة

انا موهوم بانها حلال لو كل فترة انما تكرارها باستمرار ده غلط

تانى حاجة :

بسبب العادة دى انا دايما عندى برد شديد كل لما اروح فى اى مكان الناس اللى حواليا يجيلهم برد بسببى

وبكون محرج وده اللى خلانى اقطع صلة الرحم بناس كتير

يارب الرسالة تكون وصلت وارجوكم ساعدونى وانقذونى من اللى انا فيه

[باغي الجنة]

رد: ارجوكم ساعدونى ؟؟

السلام عليكم و رحمة الله و بركاته

مرحبا بك في المنتدي .و ربنا يبارك فيك و يرضي عنك و أحييك علي رغبتك الصادقة ..

و سبحان الله لسا حاضر أمس محاضرة عن طرق علاج العادة السرية للشيخ هاني حلمي هكتب لك ان شاء الله أهم النقاط

اولا لازم تعرف خطورة هذا الفعل او ذنوب الخلوات بصفة عامة :
1- انها تُسقط العبد من عين الله و لا تغتر بستر الله علينا فربما يفضحنا في أي وقت
2- الجزاء من جنس العمل . فمن يفعل فعل مثل هذا فمن الممكن ان يُرد ذلك الأمر فتجد الزوجة او الاولاد يفعلون ذلك
3- ثم ماذا نفعل في فضائح يوم القيامة يوم تُبلي السرائر (ألم يعلم بأن الله يري)
4- و ان ذنوب الخلوات تجعل الناس تكرهك لأنك أفسدت ما بينك و بين الله فأفسد الله بينك و بين الناس

العلاج بطريقة عملية :
1- يكون عندك قناعة و يقين انك تستطيع بحول الله و قوته و قدرته
(ألم تعلم ان الله علي كل شيء قدير)
و كلم ربنا و ادعيله دعاء مضطر و فوض أمرك له و قول اتردني يا رب و انت أكرم الأكرمين و هكذا فإن الله عند المنكسرة قلوبهم
و اعلم ان أعف الناس هو أكثر الناس استمتاعا بزوجته .. فمن تعجل الشيء قبل أولنه عوقب بحرمانه

2- حاول تحافظ علي الصلوات و خصوصا صلاة الفجر
و كثرة السجود ٠(أعني علي نفسك بكثرة السجود )
و صلاة و لو ركعتين قيام (فإن القيام منهاة عن الإثم)
و كثرة الدعاء من الادعية الواردة عن النبي
(اللهم اني اعوذ بك من شر سمعي و شر بصري و شر لساني و شر قلبي و شر منيي)
(اللهم إني أسألك الهدي و التقي و العفاف و الغني )
و اذكار النوم
و الذكر (استغفار بالذات)
قراءة اية الكرسي و سورة الاخلاص و المعوذتين (قل أعوذ برب الفلق و قل اعوذ برب الناس )حتي يحفظك الله

3- اقطع الاسباب المؤدية لذلك الفعل مثل لو تشاهد اي شيء قبيح علي النت فتضطر لفعل هذا الفعل فلا تجلس في غرفتك لوحدك حتي لا تضطر لمشاهدة الاشياء السيئة بإختصار شوف اصل المشكلة و اقفله
ممكن يكون السبب هو اطلاق البصر و لك اصدقاء يحدثوك في هذا الموضوع و الاثارات و هكذا يعني عالج سببب المشكلة من الاصل
و من اهم النصائح ان اول ما يجي الهاجس اللي بيضطرك لفعل ذلك اغير رد فعلي بمعني اني عارف لما بحس باليأس او الاحباط فببقي عايز افرفش عن نفسي فروح اعمل كذا
فالحل انك تغير رد فعلك يعني لما تحس انك نفسك تنازعك و تراودك متقعدش لوحدك او قوم اتوضي و صلي او روح اقرأ قرأن او اشغل نفسك بأي حاجة مباحة فهتتعود انها ما تفكرش في العادة السرية

4- من الحلول ايضا انك تقسم علي نفسك لو وقعت في العادي دي تاني هعاقب نفسي يعني هصوم 3 ايام مثلا او هتصدق بصدقة كبيرة او ...

5- و اوعي تيأس ابدا يعني لا قدر الله لو فضلت مثلا اسبوع بتجاهد نفسك و بعدين وقعت فيها ثاني فإنتا كده لم تفشل و لكن نجحت بنسبة فكل شيء يأتي بالتدريج

6- و تذكر ان الله يفرح بك و يباهي بك الملائكة اذا جاهدت نفسك و تركت شهوتك فيقول الله انظروا الي عبدي ترك شوته لأجلي

و أسأل الله لنا جميعا ان يطهرنا و يعفنا و يغفر لنا جميعا

حاجة مهمة أخيرة انقل الخطوات في ورقة بحيث تبقي معاك لإننا بننسي سريعا و طلع الورقة و اقرأها عندما تجد نفسك تراودك


(و توكل علي العزيز الرحيم الذي يراك حين تقوم و تقلبك في الساجدين إنه هم السميع العليم)

و تذكر ان الله أرحم بك من امك و لكن أصدق الله ليصدقك

[ابواسية]

رد: ارجوكم ساعدونى ؟؟

مرحبا بك اخي الحبيب

[ربى اغفر لى وارحمنى]

رد: ارجوكم ساعدونى ؟؟

جزاكم الله كل خير يا اخوتى

[ابواسية]

رد: ارجوكم ساعدونى ؟؟

وانت من اهل الجزاء والفضل
ونتمنى مشاركتك لنا الاجر والثواب
بالمشاركة في الساحة محبتي