إلحقنى يا دكتوور

[أبوحمزة]

السلام عليكم ورحمة الله وبركاته
أنا عرفت إن فى أخوة كتيير ما شاء الله هنا دكاترة ونا محتاجهم
أنا بقالى حوالى 6 شهور عندى صدااع هيكسر دماغى حاولت معاه بكل الطرق وسمعت كلام كتير ناس قالت عشان الكمبيوتر ونتا بتقعد عليه كتير وناس قالت عشان أنت نظرك ضعيف أصلا والصداع ده طبيعى لو نظرك زاد ضعف .. المهم لما الصداع بدأ معايا كنت باخد كبسولة صفرا كده مش فاكر اسمها بـ 25 قرش بس كانت ممتازة وبتريحنى .. بس المشكلة إنى كنت بنام بسببها كتيييييييييييير جدا .. فبطلت أخدها .. وبقيت بمشى ببنادول علطول .. بقى فى جيبى زى البطاقة الشخصية .. وكل ما أتعب شوية أخد واحدة .. أو اتنين .. على حسب الوضع
لكنه مكنش مؤثر أوى زى الكبسولة الصفرا بس ميزته إنه بيخلينى فايق ومش بنام تقريبا غير قليل أوى ... والعابد لله قالى إن فى دوا اسمه فيفادول وإنه كويس .... (بس أنا خايف أجيبه ليكون العابد لله عايز يخلص منى ولا حاجة ) .... فياريت الأخوة الدكاترة ربنا يجزيهم خير .. يدلونى على دوا مؤثر وبيخلص علطول بس مش بيخلينى أنام عشان أعرف أركز فى شغلى .. ومحدش يقلى روح لدكتور مخ وشوف هيقلك إيه .. لأن معظم الدكاترة مع احترامى للجميع طبعا هيقلى عندك مرض اسمه لمتيلىسهلىسم وده هياكل فى دماغك لحد لما ميفضلش منك حاجة ويقلى ارتاح فى السرير وقصة طوية كده ونا مش عايز كده ..
أنا أسف للإطالة .. أرجوا المساعدة .. قبل ما دماغى ينفجر

[العابدلله]

رد: إلحقنى يا دكتوور

(بس أنا خايف أجيبه ليكون العابد لله عايز يخلص منى ولا حاجة )

^_^ اضحك الله سنك ابو حمزة

وان شاء الله انا هسألك الدكاترة اصحابى اللى هنا بالمستشفى واشوف هيقولوا ايه
ومتخفش انا مش عايز اخلص منك ولا حاجه
دا انت حبيبى واستاذى الصغير ولا ايه؟

[راجي رحمة الله]

رد: إلحقنى يا دكتوور

يا ريت كنت دكتور عشان أفيدك أخي مشاري

ولكن أنا عندي سبب غريب شوية لأني كنت قد تعرضت في الفترة الماضية لحالة الصداع الشديد هذا ولمدة قاربت الشهر
ولكن تستغرب أخي ما كان سبب هذا الصداع ؟؟؟؟
بحثت عن السبب كثيرا ولم أذهب لدكتور ولا شيء
ولكن كنت أضع الجوال " الموبيل " بجوار رأسي وأنا نائم في هذه الفترة
وقلت أن السبب ممكن يكون هو الموجات الخارجة من الموبيل
وفعلا أبعدته عن رأسي وأن نائم ووضعته بعيدا
وبعد يومين إنتهى الصداع ولم يرجع ولله الحمد بعدها
أسأل الله السلامة
وشفاكم الله أخي الحبيب

[عاشق الحسنات]

رد: إلحقنى يا دكتوور

شفاك الله وعفاك اخى مشارى اوى يكون السبب الهروب من دوره الفوتوشب انا بهزر
واسال الله العظيم رب العرش العظيم ان يشفيك