Tweet
للشمسِ غيمٌ داكن و سطوع وكذا الحياة تقدمٌ و رجوع
فاسأل من الله السلامة كلها استهواك نحو الصالحات نزوع
أنا عايزك تقعد و تكتب كل الخساير اللي انت خسرتها بسبب " حياة المعصية "
إكتب ورقة الخسائر ، إعمل ملف الخساير
إكتب كل مرة كنت في أزمة و ملقتيش فرج فيها الا بتيسير ربنا سبحانه و تعالى ..
اكتب كل مرة عوقبت فِيها بسبب معصية ..
اكتب كل رسالة جاتلك فيها عقوبة معصية ..
الملف ده " خطير "
أنا عايزك تكتب كل خساير حياتك ..
اللي هينفذ الورقة دي و هيكتبها فعلاً هيبقى عنده حصانة ضد المعصية
لإن كل ما ييجي يرجع هيبص في الورقة ..
يا نهار ابيض أنا هرجع لكل ده !!
هرجع للعذاب النفسي اللي كنت فيه تاني !!
هرجع للمواقف اللي آلمتني و حطمتني نفسياً !!
هرجع لإنتقام ربنا و عقوبات ربنا اللي نزلت عليا !!
هرجع للسكك اللي كانت مقفولة !!
كنت أحط ايدي في الخضرا تولع
عبد الرحمن بن عوف اللي بيقول : ظننت إنني لو رفعت حجراً لوجدت تحته ذهباً ..
لا في ناس تحط إيدها في الجرح يولع
هرجع تاني مهدد
هرجع تاني مرعوب
هرجع تاني للإكتئاب
هرجع تاني لصعار الشهوات
هرجع تاني متعذب و مش طايق حاجة
هرجع تاني للتعاسة اللي أنا كنت فيها
كأنما خر من السماء
هو اللي هيسقط من برج 100 دور = هيتحطم
امال اللي خر من السماء هيحصله ايه ؟
هرجع تاني انسان محطم ‘‘
هرجع تاني شقاء و بؤس و شؤم على اهل بيتي و على الدنيا و على الارض و على المسلمين و على فلسطين ..
هرجع تاني ضميري يأنبني
هرجع تاني كل لحظة تعدي عليا من غير طاعة هتحسر عليها يوم القيامة
هرجع تاني لكل معصية من المعاصي المهدد بيها
هرجع تاني أمسك سلوك الكهربا العريانة تاني !!
و احس اني هتحطم في اي لحظة
هرجع تاني خايف من سوء الخاتمة
هرجع تاني قلبي أعد يسود و يسود من كتر الذنوب
هرجع تاني لشبكة العنكبوت ‘‘
هرجع تاني مهدد إن أنا اسقط من نعيم الجنة تماماً لإني تنعمت بيها في الحرام في الدنيا !
لحد امتى هفضل كدة ؟
لحد امتى مش هقدر اتغير ؟
انا لازم اتغير لازم ابقى انسان جديد انا لازم سلسلة الخساير اللي في حياتي دي تنتهي
تعليق