Tweet
فاكر البتاع ده .. كنت بحبه أوي
جربت قبل كده تبقي ماشي في الشارع وتشم برفان معين .. يفكرك بحاجة جميلة أوووي جواك
او تشوف مدرس كان بيديك زمااااان وانت في ايام اعدادي فتفتكر ذكريات طفولتك
أو تمشي في شارع اديلك كتيييييير اووي مش مشيت فيه لانك كانت بتروح مكان بطلت تروحه خلاص
أو تشوف الكارتون اللي كنت بتحبه أووووي زمان بس كبرت عليه دلوقت
أو تبقي معدي فتسمع حد مشغل قران بصوت شيخ بيفكرك برمضان
او تقابل حد غالي عليك أووووووي بقالك فترة ماشوفتهوش رغم ان المسافة بينكوا مش بعيدة
ده بنسميه رابط ذهني
يعني حاجات بتفكرك بحاجات
لما تقعد تفكرفي المعني ده
حاجة قريبة تحصل .. فتفتكر حاجة بعييييدة ..
ايه اللي يهمنا في الموضوع ده ..
<< روابـــط المـــؤمـــن >>
لما بتروح مكان حلو أوي .. أو تشوف حاجة كده جميلة جدا ومناظر خلابة
تقعد تقول هو ده في الدنيا ..
تبقي الجنة عاملة ازاي بقي ..
ويستقر في قلبك " فيها ما لا عين رأت ولا أذن سمعت ولا خطر علي قلب بشر "
لما تشوف حد كان واحشك أوووووي ونفسك تشوفه من زمان وتلاقي قلبك رفرف اول ما شوفته
تقوم تفتكر علطول الاخرة وتقول يااااااااااه يارب .. ياتري هشوفك
ربي لا تحرمنا رؤياك .. وثبت قلبي حين أراك
لما تشوف شاب كان صاحبك وفي فصلك وانتوا في ابتدائي وتلاقيه لابس سلسلة وفي ايده سجارة
تقوم تتكسر في نفسك كده وتقول سبحان من هداني رب لك الحمد
رب رقق قلبه ولا تحرمه حبك
لما تبقي قاعد والنور يقطع أول حاجة بتيجي في ذهنك ايه
بتقعد تبكي لما بتفتكر انك هتبقي وحدك يوما ما في أظلم من هذا
وتستغل الفرصة دي بانك تحاسب نفسك
كان عبد الله بن المبارك يسير مع قوم معه في ليلة مظلمة .. وفي أيديهم سراج يضيء لهم الطريق ..
وبينما هم كذلك إذ هبت ريح لتطفئ نور السراج ويسود ظلامٌ دامس للحظات ..
ثم لم يلبث أحدهم أن أضاءه
أول حاجة افتكرها عبد الله بن المبارك ايه
فلما أضاء فإذا بدموع عبد الله تبلل لحية الرجل فأقروا معترفين: «بهذه الخشية فُضِّل هذا الرجل علينا، ولعله حين فقد السراج فصار إلى الظلمة ذكر القيامة»
ولما تبقي عطشااااان اوي وحد يجبلك ميه ساقعة جميلة ..
بتفتكر ايه ؟؟
روي أن الحسن البصري -رحمه الله -أُعطي شربة ماء بارد، فلما أخذ القدح غشي عليه وسقط من يده، فلما أفاق قيل له: ما ذلك يا أبا سعيد؟ قال: «ذكرت أمنية أهل النار حين قالوا لأهل الجنة: (أَنۡ أَفِيضُواْ عَلَيۡنَا مِنَ ٱلۡمَآءِ أَوۡ مِمَّا رَزَقَڪُمُ ٱللَّهُۚ )الأعراف: 50
يااااه لما تربط حياتك بالقران
الشاهد ايه من الموضوع ده كله
أن تعلق قلبك بالاخرة
اربط كل موقف في حياتك بالاخرة ولقاء الله
عشان لما تقابل ربنا حبيبك تقوله ..
عشت أخشاك لأراك يااااااارب
رب لا تدع لنا ذنبا الا غفرته .. ولا هما الا فرجته .. ولا دينا الا قضيته
ولا حاجة من حوائج الدنيا الا قضيتها يارب العالمين
والسلام عليكم ورحمة الله وبركاته .. دمتم في حفظ الله
تعليق