فى شرع مين؟؟؟

[khatms]

بسم الله الرحمن الرحيم
هذة قصيدة شعرية بالعامية المصرية قد كتبتها منذ زمن وارى انه قد حان وقتها الان وارجو ان تصل للدكتور حازم شومان وارجو ايضا الرد على اما بان اتوقف عن مثل هذة المواضيع او ان استمر لأن هذة تعتبر اولى مشاركاتى الفعلية واترككم مع القصيدة واتمنى ان تنال اعجابكم اخيكم فى الله مصطفى:
فى شرع مين
فى شرع مين ؟؟
فى شرع مين تقتلوا
وتدبحوا
وتهدموا
وتجرحوا
فى ناس مظلومين
فى شرع مين؟؟؟
فى شرع مين نفضل كدة
عايشين كدة
جوا الوطن متغربين
فى شرع مين؟؟
وفى شرع مين بيروح شهيد
والنار فى قلب الام تقيد
وفى شرع مين بيموت جنين
كان عايش جوا الرحم حزين
فى شرع مين ؟؟ فى شرع مين؟؟
وللعرب :
اتحركوا يا عرب اتحركوا
اتحرروا من الكلام واتحركوا
مفيش سلام مع اليهود
والظالم لازم يوم يموت
حتى ولو عايش سنين
فى شرع مين؟؟ فى شرع مين؟؟
ولليهود :
اسمعوا كلمة شباب العرب من قلب كل العرب
لازم فى يوم راح تندموا
لازم فى يوم راح تندموا وتتالموا
على كل دمعة بكيتها عين
على كل قلب عايش حزين
على كل ام عاشت سنين
فى عذاب وانين
شايفة ولادها قدام عينيها متقطعين
شايفة ضناها بيموت جواها
وهى وغيرها دائما عايشين
صابرين
متاكدين
ان هييجى عليهم اليوم اللى يعيشوا فية منصورين
وفية هتجف دموع العين
وفية هترجعى يا فلسطين
تانى عربية
رغم انف الامريكان
رغم انف الصهيونية
بقولها بدل المرة مية
فلسطين عربية
والقدس عربية
والحل فى ارواحنا الحية
فى القنبلة والبندقية
مش فى القمة العربية
لكن يا خسارة!!!!
لما بيروح شهيد واتنين
فدا عملية فى فلسطين
بنرجع نتاسف وندين
ونقول احنا الخاطئين
ويا عالم دة كلة
فى شرع مين ؟؟ فى شرع مين؟؟
فى شرع مين؟؟

مصطفى khatms

[العابدلله]

رد: فى شرع مين؟؟؟

شكرا ايها الاخ الحبيب