***وفيها ايه ؟؟ دى وجهات نظر***

[SlaveOfAllah]

:LLL:

السلام عليكم

قبل ما نقول الموضوع مش عازين حد يتعصب او يتزمت ومننساش ان اى قضيه هى عبارة عن وجهات نظر

رجعت البيت امبارح وشغلت التلفزيون (وياريتنى ما شغلته )فاذا بى اجد حوار على احدى القنوات بين مذيع و د\محمد العوا (احد المثقفين المسئولون عن الدعوة فى الخارج ) وكان هنالك اتصال هاتفى من باشا كبير من بشوات زمنا وهو فاروق باشا حسنى

ملحوظه : باشا معناها اللغوى حامل حذاء الملك

كان الحوار فيه مداخله عن رأى فاروق باشا حسنى فى الحجاب وانه شايف ان الحجاب ده شئ عادى وانه لايمثل ليه اى شئ لان الموضوع فيه خلاف بين العلماء ( جديده دى صح ) وبالعكس هو من المطالبين ان الافراد يكفوا عن المناداه بالحجاب لان البنات بيبقى شكالها حلو من غير حجاب حتى بيبقى وشهم منور (اكيد من الطاعة ,ايه يا جماعه وجهات نظر!!)

وكمان فاروق باشا حسنى بيقول ان فى تنظيم كبير وتحرك من جماعات داخليه تنادى بالحجاب ومش بس كده ,ده بيوزعوا شرايط فى الميكروباصات والتاكسيات (ياااه)ووصلة بيهم الجرأه انهم يوزعوا سيديهات كمان فى الجامعه(يااا خبر) ,اكيد ده تنظيم وفكر محدد وحد بيوجه الناس دى (احنا قلنا ايه وجهات نظر )

د/محمد العوا بيقولوا انت جبت الكلام ده منين موضوع الخلاف ,قالوا : قرأناها فى الكتب يا دكتور!!! (بيقولها بنبرة تعجب كأن الدكتور جاهل ,احنا لازم نتعلم القراءه يا جماعه ) وكمان هجيبلك الكتاب الى انا قراتها فيه وهو كتاب لــ ..... (مش عايز افتكر اسمه )

ولما بيقولوا الدكتور محمد: طيب رأيك الخاص متقولوش للناس وتحاول تفرضه ,فبيقولوا : متنساش يا دكتور ان انا كمان مسلم (وعجبى)

بصراحه انا قلت كفايه كده وانا الى غلط من الاول انى سمعت ومش هقدر اكمل الكلام الجميل ده للسيادة فاروق باشا حسنى ( مش قلتلكم باشا)

جبت قناة الناس وقلت اما نهدى اعصابنا وننظف آذاننا ,لقيت الشيخ ابو اسحاق الحوينى (قلت فى بالى: قول يا شيخ ده انت كلامك زى السكر) واول كلمه قالها :

الى يقول يقول !! وهى دى سنة الله فى الارض وتلى قول الله :

فَهَزَمُوهُم بِإِذْنِ اللّهِ وَقَتَلَ دَاوُدُ جَالُوتَ وَآتَاهُ اللّهُ الْمُلْكَ وَالْحِكْمَةَ وَعَلَّمَهُ مِمَّا يَشَاء وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَكِنَّ اللّهَ ذُو فَضْلٍ عَلَى الْعَالَمِينَ(251)البقرة

الَّذِينَ أُخْرِجُوا مِن دِيَارِهِمْ بِغَيْرِ حَقٍّ إِلَّا أَن يَقُولُوا رَبُّنَا اللَّهُ وَلَوْلَا دَفْعُ اللَّهِ النَّاسَ بَعْضَهُم بِبَعْضٍ لَّهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ(40) الحج

فبيقول الشيخ ان لولا الاشياء دى لاستكان الناس ولذهبت حميتهم الى الدين ,حيث ان المسلم اذا شعر بالرخاء والاطمئنان قلت حميته والله لايحب ذلك وليس هذا بحال المسلم ,اذا هذا هو المطلوب ان يفيق الناس الى دينهم وان يدافعوا عنه والا يركنوا الى الضعف والاستكانه

وبيقول الشيخ عن الفتن الموجهه الى الفتيات المنتقبات : يعنى لما البنت حاليا بتعانى من الاضطهاد والضغط بسبب النقاب يشوفوا ايه الى كان بيحصل زمان من 30 سنه مثلا للمنتقبات وكانوا وقتها اعداد قليله جدا (طبيعى هو كان فى دين اصلا )

كانت المنتقبه لما تمشى فى الشارع كل البلكونات تتفتح وبينظروا بتعجب الى هذا الشئ الاسود الذى يمشى على الارض (سبحان من ثبتهم)

فلولا هؤلاء وثباتهم على الحق ما كان ينتشر النقاب فى هذه الايام بهذه الصوره ,واصبح سهلا يسيرا ومقبولا (انتهى كلام الشيخ)

فسبحان الله كأن فيه طائفه من الناس مش عايزين دين اصلا ,لما يضربوا بآيات الله واحاديث رسول الله عرض الحائط فى مقابل قول لشخص جاهل ...اذا فالوضع اصبح عباره عن مجموعه من الاهواء ,انا عايز افضل مسلم علشان ادخل الجنه بس على مزاجى وهوايا وءأخذ الرأى الى يناسبنى

واخيرا ارجع للاية الى ذكرها الشيخ أبو اسحاق الحوينى فى سورة الحج :

الَّذِينَ أُخْرِجُوا مِن دِيَارِهِمْ بِغَيْرِ حَقٍّ إِلَّا أَن يَقُولُوا رَبُّنَا اللَّهُوَلَوْلَا دَفْعُ اللَّهِ النَّاسَ بَعْضَهُم بِبَعْضٍ لَّهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ(40) الحج

اظن ان هذه الايه هو ده وقتها الحقيقى انك تضعها امامك وتتدبرها وتنظر الى قول الله (أُخْرِجُوا مِن دِيَارِهِمْ بِغَيْرِ حَقٍّ إِلَّا أَن يَقُولُوا رَبُّنَا اللَّهُ) وتتذكر ان اهلك وقفوا ضدك فى بدايه الامر وانك اصبحت غريبا فى بيتك وان اصحابك تركوك واخرجوك من صحبتهم وان جامعتك اصبحت تنظر اليك نظرة ريبه وشكوك وظنون وتحاول الان اخراجك منها ,,,وكل هذا بسبب ان قلت (رَبُّنَا اللَّهُ)

بس دلوقتى انت فهمت ليه كل ده بيحصل بأمر الملك الحكيم ,فحاول تسيطر على افكارك ومشاعرك وتنظمها وعايزك تتأمل معى اخر الايه (وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ) يبقى كل الى علينا انك تنصر الله على قدر استطاعتك فى نفسك وفى جميع احوالك حتى ينصرك الله وتذكر ان الله قوى عزيز

وابشرك بعد هذا بقول الله تعالى فى الاية التاليه نتيجة انك نصرت شرع الله ومكنت منه نفسك وحياتك :

(الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ وَلِلَّهِ عَاقِبَةُ الْأُمُورِ) (41)الحج

وآخرا انا مش عايز حد يشعر باستياء او يتعصب او يرتفع ضغطه لان فى الاول وفى الاخر الموضوع كله وجهات نظر !!

[dr_ghieth]

:LLL:

حياكم الله أخى الحبيب "أمجد".....

ما الغريب فى هذا الكلا م ...فاروق باشا هذا معروف اتجاهاته العلمانية الليبرالية ...ثم إن الرجل يقول وجهة نظره يا أخى

((حرام يعنى ولا إيه))!!!!!!!!!!

**وقد قرأت مراراً وتكراراً فى جريدة الأهرام الحمقاء مقالات يسأل فيها كتابها ((عن أية واحدة فى القرأن تبين أن هناك ما

يسمى بالحجاب ))...وعادى جداً ولا كأننا نعيش فى بلد إسلامى ولا حاجة!!!


**بالنسبة للثبات ::المشكلة أن بعض الملتزمين يريدون أن يحددوا لله عزوجل ميعاد النصر الذى ينزله عليهم ....



{مَن كَانَ يَظُنُّ أَن لَّن يَنصُرَهُ اللَّهُ فِي الدُّنْيَا وَالْآخِرَةِ فَلْيَمْدُدْ بِسَبَبٍ إِلَى السَّمَاء ثُمَّ لِيَقْطَعْ فَلْيَنظُرْ هَلْ يُذْهِبَنَّ كَيْدُهُ مَا يَغِيظُ }الحج15

هذه الأية كلما قرأتها إزددت يقيناً وثباتاً وتأدباً مع الله وتيقنت أن ما علينا إلا السعى الجاد والتعلق بالله ثم الله سبحانه وتعالى ينزل

النصر وقتما يشاء بالكيفية التى يشاء وإلا من يستعجل ويقنط من النصر فليخنق نفسه بحبل كما تقول الأية!!

عموماً جزاكم الله خيراً أخيى الحبيب...

[SlaveOfAllah]

:LLL:

جزاك الله خيرا حبيبى د/غيث واياك تنسى ان الموضوع فى الاول او الاخر وجهات نظر ...وشوف دى كمان

علشان محدش يقول ان الاخوه مايعرفوش ....انا بس محبيتش يبقوا صدمتين فى يوم واحد :

وصف فاروق حسني وزير الثقافة الحجاب بأنه زي "طائفي" يميز بين المسلمين وغيرهم مما يهدد سلامة الوحدة الوطنية ، فيما قال الفنان حسين فهمي إن المرأة المحجبة "معاقة" ، وذلك في سلسلة جديدة من الهجوم العشوائي على المرأة المحجبة.

وجدد حسني خلال استضافته في برنامج ""90 دقيقة" مساء السبت على قناة "المحور" الفضائية تصريحاته السابقة التي أدلى بها لصحيفة "المصري اليوم" حول أن "الحجاب عودة إلى الوراء".

أكد الوزير خلال البرنامج أن الحجاب "تخلفا" ، بمعني أنه كان عادة في الماضي ونحن نستعيدها الأن ، مشيرا في الوقت نفسه أنه ليس فرض وليس من أركان الإسلام ، مضيفا : "إذا كان شعر المرأة فتنة ، إذا فشعر الرجل ووجهه وصدرة فتنة أيضا"!

وطلب حسني الاستشهاد بأراء "المفكر الإسلامي" محمد سليم العوا فيما يتعلق بعدم فرضية الحجاب ، واستجاب البرنامج له وعرض تسجيلا مصورا للعوا نفسه يؤكد فيه فرضية الحجاب مستشهدا بنص قرأني!!.

وهو نفس الرأي الذي ذهب إليه عدد من علماء الدين الذين أدلوا بمداخلات خلال الحلقة ، من بينهم الدكتور عبد الفتاح الشيخ ، عضو مجمع البحوث الإسلامية ، الذي استشهد على ذلك بنصوص من القرأن والسنة النبوية المطهرة ، منها حديث النبي صلى الله عليه وسلم إلى السيدة فاطمة الزهراء ، كما أيد الرأي نفسه كل من الشيخ على أبو الحسن ،مستشار شيخ الأزهر لشئون الفتوى، ، إضافة للدكتورة سعاد صالح ،عميد كلية الدراسات الإسلامية، الأسبق بنات فرع بورسعيد.

أما الدكتور عبد المعطي حجازي ،عضو مجمع البحوث الإسلامية، فقد طالب وزير الثقافة بالاعتذار قائلا له : "انت لست أفضل من عمر بن الخطاب الذي قال أصابت إمرأة وأخطأ عمر".

وأثارت تصريحات حسني ردود فعل واسعة نظرا لخصوصية المجتمع المصري "المحافظ" ، حيث طالبته الكتلة البرلمانية للإخوان المسلمين في مجلس الشعب بالاعتذار وتقديم استقالته ، إلا إنه أكد خلال البرنامج أنه لن يعتذر لأنه "لم يرتكب خطأ" ، على حد قوله.

وقال حسني إن استقالته جاهزة في انتظار أن يتقدم أى من نواب الشعب بطلب سحب الثقة منه ، وفي حال موافقة المجلس على ذلك سيقدم استقالته فورا، وأشار خلال اللقاء الذي استمر نحو الساعتين أنه لم يعترض على الحجاب لكنه لا يحب "هذا الشىء" ، في إشارة للحجاب.

من جانبه أيد الفنان حسين فهمي تصريحات وزير الثقافة ، واستنكر في مداخلة له مناقشة هذا الشىء "المتخلف" على حد قوله ، رابطا بين الحجاب وبين درجة رقي الأمم وتقدمها!

وأضاف فهمي : "90% من مجتمعاتنا العربية متخلفة بسبب كون المرأة محجبة .. فالمرأة محجبة ثقافيا وعلميا وفكريا" ، وأضاف واصفا المرأة المحجبة بأنها"معاقة"!


شوفت معاقة دى يا دكتور غيث سبحان الله وجهات نظر بقى

[dr_ghieth]

جزاكم الله خيراً مثله أخى الحبيب "أمجد"....

فعلاً دى وجهات نظر ""أنا مش عارف إحنا بس ليه لا نحترم وجهات نظر الأخرين!!!!!!!!!!""....

بالنسبة للمدعو ""حسين فهمى "" الفنان ((ملحوظة ::الفنان :تعنى الحمار الوحشى)):::أقول صدقت يا حبيبى يا رسول الله فقد أخبرتنا ""كما فى مسند أحمد" بأنه ستأتى علينا سنوات خداعات يكذب فيها الصادق

ويُصدَق فيها الكاذب زيُخون فيها الأمين ويُؤتمن فيها الخائن وينطق(( الرويبضة )) وهو الرجل التافه يتحدث فى أمور الدين والمسلمين...وكيف نتوقع ممن يشيع الفاحشة فى الذين ءامنوا غير ذلك!!!!!!!!!!!!

**لكن الحمد لله إن الأخت ""سعاد صالح ""لم تخرج علينا برأى من أرائها العجيبة!!!

اللهم نجنا من مضلا ت الفتن ....

[homaas]

عذرا أخى الغالى امجد أنى لم أستطع استكمال قراءة موضوعك الشيق .. لأنى لو كنت أكملته كنت لن استطيع الرد عليك الآن من نفس الجهاز الذى قرأت منه الموضوع ====> ودى طبعا وجهات نظر

وبالمناسبة .. طالما انه كله بقى وجهات نظر .. انا كنت عاوز اعرف وجهة نظر فاروق بيه فى الراهبات النصرانيات ليه بيلبسوا حجاب وبيغطوا شعرهم .. ((( كلام فى سرك هما محدش بيهاجمهم علشان بيبقوا معلقين الصليب فى رقبتهم))) اوعى تقول لحد ..

وانا شايف ان فاروق بيه ((قصدى سعادة الفنان فاروق)) عنده حق انه يزعل من الحجاب .. وده لانه اكيد متعود ان البنات والستات اللى بيترسموا فى كليات الفنون الجميلة مابيبقوش لابسين حاجة خالص .. وبالتالى يبقى المفروض يوم ما يتضايق ويتعكر مزاجه مثلا فعلشان شاف واحدة كاشفة شعرها ولا لابسة تحت الركبة بشبر .. فما بالك بقى لما يشوف المحجبة اكيد هايتنرفز .. وربنا ستر على المنتقبات لو كان اتكلم عليهم .. أكيد كان كفرهم ولا ولع فيهم
وبعدين انتو زعلانين ليه يا جماعة .. هو حد قالكو ان احنا فى بلد الازهر ولا ان الصحوة الاسلامية هاتخرج من مصر ولا ان الدعاة المخلصين قايمين بواجبهم على اكمل وجه وبيصلحوا اللى العمم الازهرية والاوقافجية بيكسروه ياعم طنش ماهى بقت وجهات نظر

*** بجد بقى ودى وجهة نظرى كمان // أكيد دى مبشرات نصر من عند الله .. النصر قادم يا رجالة
فالقوى المتين يمهل ولكنه لا يهمل
ده رد الشيخ مصطفى العدوى
https://forums.way2allah.com/showthread.php?t=2120

والله المستعان

[M o 3 t a z]

السلام عليكم ورحمة الله وبركاته

انا ليه مداخله فى الموضوع وعايز اقول راى انا لما واحد زى ده يقول كلام زى ده فى بلد زى ده فطبيعى ان رد الفعل يكون اللى حصل ده و كلام فى سركم انا حاسس ان الراجل ده هيكون عبرة لكل من يهاجم الدين سواء فى حياته او فى نهايته اللى شكلها كده هتكون سوء -اللهم اهده-

اللهم اهدى كل ضال ولا تشمت فينا الاعداء