Tweet
السلام عليكم ورحمة الله وبركاته
أنا بدخل المنتدى مرة في السنة تقريباً
رغم إني تركت المنتدى من سنوات طويلة لكن سيظل منتدى الطريق إلى الله هو المنتدى الأقرب لقلبي والله يعلم ذلك
مش عارف ليه لما بدخل المنتدى هنا بشعر بالحنين وبالأٌلفة والود اللى كان بين الأخوة هنا ! . نفسي أبعت لكل الأخوة القدامى رسائل أطمئن عليهم فيها . فريق التصميم كله اللى تشرفت بوجودي فيه لفترة والإداريين وكل الأخوة اللى كانت معانا زمان رغم إن فيه أخوة معايا عالفيس دلوقت لكن ظلال الطريق إلى الله مختلفة . حادي الطريق والعابد لله وراجي رحمة ربه وأبو يحيى وأبو بكر أشرف الشامي وأحمد أمين وعمرو حسين وأبو السائب ومصطفى سلطان وأخوة كتيييييير أوي
أنا بس جه على بالي أدخل أشوف المنتدى بعد ما أبو السائب كلمني عالفيس وفكّرني بالأخوة
والدي كان بيشجعني جداً أيام ما كنت في المنتدى هنا وكان مبسوط بتواجدي مع الأخوة هنا . لما تركت المنتدى من سنوات ولحد الأسبوع اللى فات كل ما أكلمه عن النت أو الفيس يقولي انت سيبت " الطريق إلى الله " فأقوله يااه من زمان . يقولي ليه كده حد يسيب " الطريق إلى الله " ! . أومال انت في أي طريق دلوقت ! . أحرجني الحاج :)
معرفش الناس اللى ذكرتها دي موجودة هنا لسه وبتتابع ولا لا ومش عارف حد هنا من القدامى فاكرني ولا لا .
بس حبيت أقولكم كلكم بحبكم في الله
.. ربنا يرعاك يا حبيبي وياريت تبعتلي أكونتات الأخوة اللى هنا عالفيس وعلى راجي معانا عالفيس برضه هبقى أبعتلك أكونته وممكن تكون انت عارفه برضه بس متعرفش اسمه الحقيقي 
. ربنا يكرمك يا أبا السائب يارب
تعليق