تعالوا نتحاور ونلعب!

[أبوالمعالـي]

رد: تعالوا نتحاور ونلعب!

ماشاء الله ياهلا بحضرتك وبأهل الأردن جميعاً
أخوك الصغير محمد المصرى 22 سنه
قوات مسلحه . حرس جمهورى

حياك الله أسعدني التعرف إليك
حرس جمهوري مرة وحدة!!
يا مرحبا بك حبيبنا الغالي

[أبو عبدالله إبراهيم]

رد: تعالوا نتحاور ونلعب!

اللي ملوش خير في أهله ملوش خير في حد

[أبوالمعالـي]

رد: تعالوا نتحاور ونلعب!

اللي ملوش خير في أهله ملوش خير في حد

شكلك يا شيخنا كده عمرك 70 سنة
جواب صحيح
لكن تعديل لابسيط
اللي ملوش خير في أهله ملوش خير في الناس
جزاك الله كل خير
بارك الله فيك ونفع بك
تحصل على جائزتك وهي
تقييييييييييييييييييييييييييييييم

[أبوالمعالـي]

رد: تعالوا نتحاور ونلعب!

السلام عليكم ورحمة الله وبركاته
الحوار السابع عشر
وهذا الحوار يدور بين أم محمد وابو محمد
وجارتهم أم سعدي وأبو سعدي..

أم محمد : يا أهلاً ويا مية مليون مرحبا
بجارتي وأختي أم سعدي..
أم سعدي : الله يخليكي يا أم محمد..
أم محمد : طمنيني عليكي أخبارك إيه؟؟؟
أم سعدي : خليها على الله يا أم محمد...
أم محمد : خير اللهم اجعله خير في إيه
يختي يا أم سعدي؟؟!!
أم سعدي : جوزي أبو سعدي مورينا الويل
في البيت ضرب وشخط في العيال...
أم محمد : طيب وهو بيعمل كده ليه؟؟!!
أم سعدي : والله منا عارفه يختي يا أم محمد..
أم محمد : أكلم أبو محمد وهو يكلمه برضك إحنا جيران
والنبي عليه الصلاة والسلام وصى على سابع جار..

أم محمد بتكلم ابو محمد حتى يتكلم مع أبو سعدي
*
*
أبو محمد : إزايك يا أخويا يا أبو سعدي؟؟
أبو سعدي : بخير والحمدلله..
أبو محمد : والله أنا جايلك في موضوع بخصوص
عيالك وضربك وشخطك فيهم ليل نهار
هو أنت بتعمل كده ليه؟؟؟!!
أبو سعدي : ها ؟؟!!
أبو محمد : يعني أنت مزودها وعامل فرعون عليهم
وكل الحاره عارفة كده..
أبو سعدي : والله معاك حق يا أخويا يا أبو محمد
وده أول مرة حد يكلمني أنا محدش كلمني ونصحني!!
أبو محمد : فعلا يأ أخويا لما الواحد مننا بيعمل
فرعون ومحدش بيمنعه يزيد فرعنة..
وعلى رأي المثل
..................................................

[أبو عبدالله إبراهيم]

رد: تعالوا نتحاور ونلعب!

يا فرعون ايش فرعنك ؟ قال : ما لاقتش حد يردنى

[ابواسية]

رد: تعالوا نتحاور ونلعب!

[أبوالمعالـي]

رد: تعالوا نتحاور ونلعب!

يا فرعون ايش فرعنك ؟ قال : ما لاقتش حد يردنى

صحييييييييييييييييييييييييييح
برافو
المشرف العام جابها يا رجاله
تقييييييييييم
ومين مستعد للحوار القادم ويحصل على تقيييم؟؟؟

[أبوالمعالـي]

رد: تعالوا نتحاور ونلعب!

السلام عليكم ورحمة الله وبركاته
الحوار الثامن عشر
وهذا الحوار يدور بين أم محمد وأختها شهيرة
في مكالمة هاتفية..
أم محمد : ألو ألو.. يختي يا شهيرة سامعاني؟؟
شهيرة : أيوة يختي يا تفيدة سامعاكي كويس
إزايك يختي إزاي أبو محمد ومحمد؟؟
أم محمد : إحنا بخير والحمد لله أنتي طمنيني عليك يختي؟؟
شهيرة : خليها على الله يختي ...
أم محمد : خير في إيه يختي صوتك مش عاجبني؟؟!!
شهيرة : مرات ابني العروسة الجديدة منكده علينا عيشتنا..
أم محمد : طولي بالك يختي وما تعيطيش..
أنا كنت سألتك عنها قبل كده وقلتي عنها بدر منور!!
شهيرة : هي كانت كده في الأول وبعدين تغيرت!!
أم محمد : وكنت سألتك قبل أسبوعين وقلتي عنها
رغيف مدور ما شاء الله.. إيه اللي حصل بالضبط ؟؟!!
هي تغيرت معاكم خالص؟؟
شهيرة : والله يختي إحنا مش مقصرين معاها في حاجة
لكن هي كل شوية تتغير من سيء لأسوأ..
أم محمد : لا حول ولا قوة إلا بالله
هو ليه كده بس ؟؟!!
وعلى رأي المثل
أول مرة ....؛....تانى مرة ....؛.... و ثالث مرة .....مصور

[أبوالمعالـي]

رد: تعالوا نتحاور ونلعب!

لن يكون صعب هذه المرة
كلمات المثل موجودة داخل الحوار
أدخل شارك واحصل على تقييمك
بارك الله في الجميع

[طالب للعلم والدين]

رد: تعالوا نتحاور ونلعب!

السلام عليكم ورحمة الله وبركاته
جزاكم الله خير الجزاء
أول مرة .بدر منور تانى مرة رغيف مدور و ثالث مرة كعك مصور

[أبوالمعالـي]

رد: تعالوا نتحاور ونلعب!

السلام عليكم ورحمة الله وبركاته
جزاكم الله خير الجزاء
أول مرة .بدر منور تانى مرة رغيف مدور و ثالث مرة كعك مصور

ما شاء الله
صحييييييييييييييييييييييييح
جزاك الله كل خير
بارك الله فيك ونفع بك
تقيييييييم

[طالب للعلم والدين]

رد: تعالوا نتحاور ونلعب!

ما شاء الله

صحييييييييييييييييييييييييح
جزاك الله كل خير
بارك الله فيك ونفع بك
تقيييييييم

نفعكم الله وجزاكم خير الجزاء

[أبوالمعالـي]

رد: تعالوا نتحاور ونلعب!

السلام عليكم ورحمة الله وبركاته
الحوار التاسع عشر
وهذا الحوار يدور بين أم محمد وأبو محمد
وابنهم محمد..
محمد : يمه يمه..
أم محمد : أيوه يا عين أمك عاوز إيه؟؟
محمد : عاوز أتغدى يمه..
أم محمد : حاضر يا ننة عين أمك دقيقتين وأجهزلك
أحلى غدا في الدنيا يا عسل أنت..
أبو محمد : أيوه يختي دلعيه كمان وكمان
هو حد بوظ الواد غير دلالك له..
أم محمد : ده ابني وحبة عيني وهو اللي طلعت فيه من الدنيا
خليني أدلعه وأنغنشه كمان..
أبو محمد : طيب دلعيني أنا كمان هو أنا كخة يعني!!؟
أم محمد : أدلعك؟؟؟!!!!!!
أبو محمد : آآآه دلعيني زي ما بتدلعي إبنك محمد..
أم محمد : يا راجل ده أنت عمرك فوق الستين
أدلع فيك إيه ولا إيه!!؟؟
أبو محمد : إيه هو الكبير ملهش دلع يعني؟!!!!
أم محمد : أيوه يخويا الكبير ملهش دلع
وعلى رأي المثل
الدلع ... الكبير زى ....في.....

[طالب للعلم والدين]

رد: تعالوا نتحاور ونلعب!

السلام عليكم ورحمة الله وبركاته

الدلع دلع الكبير زى الدلع في.....

[أبوالمعالـي]

رد: تعالوا نتحاور ونلعب!

السلام عليكم ورحمة الله وبركاته

الدلع دلع الكبير زى الدلع في.....

أنت تحوم حول الإجابة الصحيحة
وتذكر كل فراغ .....
يعني في كلمة