Tweet
ايييييه اللى بتفكـــر فيه ده ؟!!
انت لو عرفت ان ربنا بيطلع على القلب تعمل ايه ؟
لازم تطهر القلب ده عشان لما ربنا ينظر إليك يرضى عنك وعن اللى فى قلبك
يعنى هان عليك شهر رمضان والعبادة اللى انت عملتها تضيعها وتحبط عملك
بالنظرة دى آه ما الحسنات بتذهب السيئات والسيئات بتذهب الحسنات
هان عليك العمرة اللى عملتها ؟
هان عليك القيام والدمعة اللى بكيتها من خشية ربـك ؟
عارف انا هقولك ايه انا هبتديها لك من اصلها واصلها [ خــاطرة ]
أصل كل هذا الآفات خاطرة .
جت فى دماغك او و انت ماشى كده انت بصيت على واحدة ..
>> بص ... عييييش ... اتمتع
فلو الخاطرة دى الوسوسة دى انا عرفت اجنبك اياها عرفت اعالجهالك من الاول خالص ..
ساعة ما هتبص هتقول (( الله ناظر إلىَّ )) ربنا شايفنى
خاف ان ربنا يطلع عليك وانت فى الموقف ده ويراك وانت بتعمل الذنب ده
فيعرض عنك ..
أخشى أن يكون قد اطلع على بعض ذنوبى فيقال اذهب فلا غفرت لك !!
ابن القيم حط لينا 10 حاجات لعلاج الخواطر السيئة ..
1_ لو انت عايز ربنا يجنبك ده اول شيئ اطلاع على أن الله ناظر لك وناظر
إلى قلبك فبالتالى لو عرفت ان ربنا انظر إليك وربنا عظيم فى قلبك
هتتقى ربنا وهتخاف
2_حياؤك منه " حمرة الخجل " بقى ربنا ينعم عليك بالعنين دول
" ألم نجعل له عينين "
لما ييجى يقولك " ألم أجعل لك عينين " عملت بيهم ايه ؟؟
كنت بتحاربنى بيهم وبتغضبنى بيهم ؟
مكانش بيفرق معاك انا ساخط ولا راضى ؟؟
3_ قال إجلالك له .. أن لا يرى مثل هذه الخواطر فى بيته الذى خلق لمعرفته ومحبته
بيته اللى هو القلب , انك تبقى معظم له سبحانه وتعالى
4_ خوفك منه أن تسقط من عينه
اهى دى صعبة اوووى ..
خوفك من أن تسقط من عينه بتلك الخواطر
اللى يعرف ربنا بجد وبينه وبين ربنا صلة بجد يخاف انه يسقط من عين الله
اذا كان ربنا بيحبك وانت بتحب تعصيه ؟؟!!
هتقولى بيحبنى انا ؟؟ طب على إيييه ؟؟
آه بيحبك
المرأة كانت تدعو الله عز وجل فتقول .. (( اللهم بحبك لى إلا غفرت لى ))
يقولوها .. طب قولى (( اللهم بحبى لك ... ))
فتقول : حبه لى جعلنى _ أقامنى _ فى هذا المقام ..
>> مقام التضرع والمناجاة والقيام والدعاء والعبادة ..
هو ربنا لو مش بيحبك مكنش خلاك تقرأ الموضوع ده !
ويمكن ناس كتير اتأثرت وخافت وعرفت ان ده ذنب كبيرة وعظيم فى حق ربنا ..
وناس كتيير مقرأتش الموضوع !!
وناس برضو قالت يوووه هيقولونا نفس الحاجات !
وناس قلبت ومش عايزة تقرأ
طب انت ياللى بتقرأ ربنا بيحبــك يريدك انك تقرأ الكلام ده ..
وتطهر قلبك من الخواطر السيئة دى ... يبقى ازاى لا يريد بك خيراً وازاى لا
يحبك ؟!
طب انت بتحبــه زى ما بيحبـك ؟؟
5_ إيثارك له ..
انت بتؤثر ربنا ولا بتؤثر نفسك ؟
إيثارك له أن لا تساكن قلبك غير محبته
عشان انت بتحبه هتؤثره وهتفضله وهتطرد الخاطر اللى مبيحبوش وهتصرفه عن ذهنك ..
6_ خشيتك ان تتولد تلك الخواطر ويزداد شرارها فتأكل ما فى القلب من الإيمان ..
ماهو لو سبتها بدون مجاهدة هتزييد والذنب ده بياكل القلب والإيمان اللى فيه ..
فلو خايف ان الذنب ده ياكل حسناتك هتصرف الخاطر ده من قلبك ..
7_ أن تعلم بأن تلك الخواطر بمنزلة الحَب الذى يلقى للطائر ليُصاد به ..
الشيطان بيعمل ايه ؟؟
يرميلك حاجة الأول
انت مكبر الموضوع كده ليه ؟؟ ما كل الناس كده !! كل الناس بتبص
, حصل حاجة يعنى ؟؟
وشوية بشوية يبدأ يقولك ... طب انت هتقضيها بص كده ؟؟ مش هينفع ؟
وانت انسان وبنى آدم ولحم ودم وليك مشاعر ومحتاج تحت وتتحب ...
روح اتعرف على واحدة وصاحبها وعييش حياتك ..
وانتِ هتقعدى كده لحد اما يفوتك القطر وانتِ لسة معشتيش شبابك ؟!
بصوا الشيطان !!
آآه صح نمشى ونقع فى العشق والعشق يؤدى إلى المحرمات و و و ...
وهتقع فى دوامة مش هتخلص منها !!
8_ أن تعلم أن تلك الخواطر الرديئة لا تجتمع مع الإيمان
9_ أن يعلم بأن تلك الخواطر بحر من بحور الخيال لا ساحل له
فبتالى يقفل على نفسه هذا الامر ..
وأخيراً قال
10_ ان تلك الخواطر هى أمانى الجاهلية .. " أمانى " اللى هو المعنى اللى ربنا حذرنا منه فى وصف المنافقين
وَلَكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الأَمَانِيُّ حَتَّى جَاءَ أَمْرُ اللَّهِ وَغَرَّكُم بِاللَّهِ الْغَرُورُ
هو ده اللى بيعمله الشيطان بالظبط فعشان كده لاااازم وحتماً ولا بد تقفل الباب ده
نهايةً أسأل الله تعالى ان يطهر قلوبنا وان يملأها بمحبته وخشيته إنه ولى ذلك والقادر عليه ..
_ نقلاً عن الشيخ / هانى حلمى _
تعليق