Tweet
بسم الله والصلاة والسلام علي رسول الله صل الله عليه وسلم
اهلا وسهلا بيكم في موضوعنا النهارده يا جماعه انا هتكلم عن حاجه تقريبا لحد دلوقتى ممكن ما تبقاش وصلت ليكم فكرتها
لكن المشكله ان احنا كلنا بقينا متعرضين للمشكله دي في حياتنا اليوميه ( الا من رحم ربي )
ألا وهي .... الحياه ال mix
الحياه اللي لو حد شافك عايشها ما يعرفش ان نظامك ايه
اه يا جماعه فيه ناس كتير كده متقلبين في افعالهم في كلامهم في تصرفاتهم كلها mix
اضربلكم مثال عشان يتضح لكم القصد
لما واحد مسلم موحد بالله عارف ما امر به الله وما نهي عنه تلاقيه بيعمل كالاتي .. بس اانا هتكلم عن الانسان العادي خالص
يصحي الصبح .. يصلي الصبح ( الحمد لله غيره مش بيصليه ) يقول قليل من الاذكار
ينزل يركب العربيه اول حاجه طبعا يشغلها عشان الرزق ( القراَن ) طبعا هو شغله بس تقريبا مش عارف هو بيقول ايه !!!
الطريق يطول شويه الmix يشتغل يروح قالب من القران علي احلي اغنيه بيحبها ويروح معلي المسجل علي اخره وسبحان الله تلاقيه مركز معاه جدا وبيغني معاه
يا اخي ما انت كنت لسه مشغل قراَن
يروح الشغل تلاقيه بيراعي ضميره في شغله اوي وفجأه ال mix يشتغل يبيع ضميره علي اصغر شئ يقابله ؟؟؟!!!
الاذان يأذن ... يروح يصلي في المسجد ... وبعد ما يطلع يولع سيجاره كأنه بيختم الصلاه
يبقي مقضي يومه كله في طاعة الله من صلاه وقراءة قراَن وتلاقيه بليل خارج احلاي خروجه مع الاصحاب ولا فيه غض بصر ولا فيه مسك اللسان عن اي الفاظ وعاااااااااايش حياته mix علي الاخر
وهكذا .............................الخ
هي دي بقيت حياة كتير منا يا جماعه ... مع اننا لو قعدنا مع نفسنا نفكر شويه ؟؟!!
هنلاقي اننا مسلمين ... مينفعش مسلم يعيش حياته كده
مينفعش مسلم تبقي حياته غير مستقره كده
مينفعش مسلم تبقي عيشته عيشه هو مش عارف ليه ملامح
اخي وحبيبي ......... ربنا مش عايزك كده
انت عشان تبقي مسلم بجد لازم تحمل هم دينك
المسلم يكون همه في الدعوه الي الله
المسلم يكون همه في عبادته في تجنب الحرام في فعل كل ما يرضي الله
لكن العيشه دي مش لينا مش للمسلم!!!
يا جماعه تعالوا الفت انتباهكم لشئ خطير جدا احنا نسيينه خااالص ؟؟!!!
عمرك شوفت واحد كام علي غير دين الاسلام واسلم ؟؟
شوفته لما اسلم اتحول ازاي ؟؟ شوفت بقي مسلم بمعني الكلمه ازاي ؟؟ شوفت صلاته عمله ازاي؟؟
شوفت دعوته الي الله عامله ازاي؟؟ شوفت اللي القراَن مش لغته بيعمل ايه عشان يعرف الكتاب ده بيقول ايه ؟؟
هي دي همة المسلم ... هو ده الاسلاااام
يا جماعه احنا عايزين نطلع من اسلام الوراثه الي اسلام اليقين الي اسلام الهمه
حب دينك ... تمسك به .... اجعل همتك همت المسلمين الحق
اصل انت لما تبقي مسلم بالوراثه كده ويلا اهو انا طلعت لقيت نفسي مسلم ونكتب في البطاقه الشخصيه مسلم
طب اين انت من الاسلام ؟؟؟ اين دورك فيه ؟؟ ماذا فعلت له ؟؟
نعم كلمة ( لا اله الا الله ) تنجيك من النار كما قال صل الله عليه وسلم
ولكن اين نحن من ( لا اله الا الله ) هل عملنا بها هل رعيناها حق الرعايه
احنا مقصرين جدا جدا جدا في حق دينا يا جماعه وجه الوقت اللي دينك وديني محتاجني انا وانت وكل من قال لا اله الا الله محمد رسول الله
واخر ما اقوله لك اخي الحبيب
كن مسلماً بحق وارفع راية الاسلام عاليا
أحبك فى الله
تعليق