أبو الفوطيط

[انا بحبك يا رب]

بسم الله الرحمن الرحيم
والصلاة و السلام على سيد المُرسلين
سيدنا محمد صلى الله عليه و سلم أما بعد:
أبو الفوطيط
عارفينه يا شباب صح؟
الراجل الى كل شوية عمال يتفطط من حتة لحتة
ومش بيستريح ده
بنسميه أبو الفوطيط؟؟
ولكن المشكلة يا شباب
لما الأخ ده يجى يتنطط داخل المسجد؟
تلاقى واحد داخل بعد إقامة الصلاة مثلاً
او بعد مالخطيب يبدأ الخطبة و جاى فى أخر الخطبة,
وتلاقيها داخل من أخر المسجد
وداخل عمال يزق فى ده
ويتنطط على كتف ده
ويزق أيد ده
ويدوس على أيد ده
علشان يروح يقعد فى الأول
مقولش داخل يقعد فى سينما
والمصيبة إن الواحد بيبقى مُنسجم مع الخطبة مثلاً
تلاقى واحد بيقولك لو سمحت يا كابتن وسع شوية
دنا ناقص أقوم أقعد على رجل الى جنبى علشان حضرتك تقعد.
قال رسول الله صلى الله عليه و سلم:
على كل باب من أبواب المساجد يوم الجمعة ملكان يكتبان الأول فالأول كرجل قدم بدنة وكرجل قدم بقرة وكرجل قدم شاة وكرجل قدم طيرا وكرجل قدم بيضة فإذا قعد الإمام طويت الصحف.

والله انا مش عارف الناس ديه ايه
عاوز تيجى تقعد فى الصف الأول تعال بدرى
مش عاوز مش تيجى متأخر و تقرف فى خلق الله؟
حد حصل معاه إن أبو الفوطيط رخم عليه قبل كده؟
أيه هو رد فعلك؟
وجزاكم الله خيراً

[أبوالمعالـي]

رد: أبو الفوطيط

حد حصل معاه إن أبو الفوطيط رخم عليه قبل كده؟
أيه هو رد فعلك؟
وجزاكم الله خيراً

جزاك الله كل خير ولدي الحبيب إسلام
والله دايما بتحصل معايا
حتى وانا بصلي على كرسي لا أسلم من هذا
أبو الفطيط
أعجبتني هذه الكلمة
بارك الله فيك

[(محمود صلاح الدين)]

رد: أبو الفوطيط

بسم الله الرحمن الرحيم

﴿ يَاأَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحْ اللَّهُ لَكُمْ وَإِذَا قِيلَ انشُزُوا فَانشُزُوا يَرْفَعْ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِيرٌ(11) ﴾

جزاكم الله خيرا