إعـــــــلان

تقليص
لا يوجد إعلان حتى الآن.

هو انا ممكن اتغير بين يوم وليلة ؟ انت اكيد بتهرج !

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هو انا ممكن اتغير بين يوم وليلة ؟ انت اكيد بتهرج !



    هــــو انـــا ممــــكن اتـغـير بين يـــوم ولــيــله ؟؟



    نظرياً ..
    كل واحد فينا نفسه يتوب ويبقى أحسن واحد فى الدنيا إيماناً وعملاً ..

    ولكن ...........
    لو جينا للتنفيذ على أرض الواقع ..
    هل ده ممكن فعلا..؟؟؟؟؟؟؟؟؟؟؟؟؟

    وخصوصا لو أنا كنت بعمل بلااااااااوى سودا ولسه تايب منها..؟؟

    آآآآآآآآآآآآآآآآآآآه ممكن ..!!
    لو فعلا الواحد فينا عنده رغبه فى التغير هيقدر يغير أى حاجه فى حياته من غير خطوات أو تدريج ده بعون الله طبعا وتوفيقه..


    هضربلك مثال بسيط ..

    لو واحد عايز يشتغل شغلانه معينه متعارضه تماما مع نظام حياته وحتى مع مبادئه بس مرتبها تمام وزى الفل ..
    فى ثانيه هيغير حياته كلها علشان الشغلانه..
    (طبعا ده مثال مش كويس ..بس الشاهد إن الواحد لو عايز يتغير هيتغير..)


    مثلاً ..
    الواحد لو بيحب اكله معينه وبيموت فيها..بس لا قدر الله جاله مرض معين والدكتور منع الاكله دى عنه نهائيا..هيبطل ياكلها ..
    ليه ؟؟؟؟؟
    لانه مش عايز يضر نفسه..


    أهو الواحد فينا لو حس فعلا انه فى أى معصيه بيبارز ربنا بمعصيته دى!!
    لو عارف فعلا ان فيه حاجه اسمها جنه .. وموقن بيها وبنعيمها..
    وعارف ان فيه حاجه اسمها نار .. وموقن بيها وبعذابها ..
    هيغير حياته فى ثانيه..
    أيووووووووووووه ..
    فى ثانيه بمعنى الكلمه..
    واليقين ده هو الحاجه اللى ناقصانا كلنا..
    وهو الحاجه اللى خلت الصحابه والسلف بالمنظر الخيالي اللى بنسمع عنه..!
    واحد يقعد 40 سنه متفوتهوش صلاة جماعه صف اول..
    والتانى 40 سنه صايم قايم..
    والتالت يختم القران 10000 مره..ايوه 10 وجنبها 3 اصفار..
    صدقوا..
    علشان الناس دى بيقينها شافت الجنه راى عين فعرفت انها غاليه زى ما الرسول قال فكان لازم تتغير علشان تحصل عليها..!!

    وبعدين مفيش حد هيتغير غير فعلا لما يكون من جواه دافع ويبدا يسعى نحو التغير..

    ( إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

    محدش يفضل قاعد فى مكانه ويقول ادعيلنا يا عم الشيخ ..
    ابقى خدنا على جناحاتك فى الجنه..
    ربنا يهدينا ان شاء الله..

    ما هو ربنا هيهدينا فعلا بس لو طلبنا الهدايه ..
    هل حد فينا مثلا لما اختلطت عليه الامور فى اى مسأله او زهق من نفسه ومن الدنيا والمعاصى والفتن راح اتوضا وصلى وطلب من ربنا انه يهديه ويرشده ويبيبنله فين الصح والغلط..؟؟؟؟

    ربنا بيقول فى الحديث القدسى
    (يا عبادي كلكم ضال إلا من هديته فاستهدوني أهدكم)

    حد فينا عمل الموضوع ده..؟؟؟


    هتقول :
    ناس كتير تقولك امال مش فيه حاجه اسمها الطريق الى الله ..؟؟
    يعنى لازم امشى خطوه خطوهفى الدين..
    والطريق الى الله لا يقطع بالاقدام بل بالقلوب..

    يعنى انا فين وفين على بال ماوصل لربنا فييييييييييين..!!!
    أنا محتاج سنيييييييييييين..!!
    اصلك ماتعرفش انا حياتى عامله ازاى..؟؟!!
    متعرفش المعاصى بتاعتى والبلاوى السودا..!!

    هرد عليك واقولك :
    خلى بالك من المقوله اللى لسه متقاله فوق
    (الطريق الى الله لا يقطع بالاقدام بل بالقلوب)
    والقلوب دى لو دخل فيها ذرة ايمان صادق..
    أيقن ان حياتك هتتقلب 180 درجه فى زمن قياسى !!
    ده ربنا اقرب لينا من حبل الوريد..
    والمعنى بقرب ربنا من الواحد اتذكر باكتر من شكل فى كتاب الله..
    يعنى انت اصلا بالفعل قريب من ربنا ..
    بس فيه حائل..!!
    فيه شهوه..!!
    فيه حاجه واقفه بينك وبينه ..!!
    لازم تشيل الحائل ده علشان توصل
    وده مش صعب ابدااااااااااا..

    اضربلك مثال بسيط..

    قلبك هيكون اسود من قلب سحرة قوم فرعون ...؟؟
    ولا معاصيك هتكون اكبر من معصيتهم اللى هى الكفر..؟؟؟
    لا ..ده دول كمان سحره وبيتحدوا ربنا وسيدنا موسى..!!!

    ولكن ...........
    اول ما الايمان لمس قلوبهم ..
    قالوا (آمَنَّا بِرَبِّ هَارُونَ وَمُوسَى)
    وبعدها بثوانى ..
    فرعون يقولهم هقتلكوا ..هقطعكوا حتت ..!!!

    ولا يهمهم ..!!!

    ليه ؟؟؟؟؟؟؟؟؟؟؟؟

    أصل خلاص الايمان دخل واليقين اكتمل ..
    والله لو قطعتنا طرنشات مش هنرجع..

    (قَالُوا لَنْ نُؤْثِرَكَ عَلَى مَا جَاءَنَا مِنَ الْبَيِّنَاتِ وَالَّذِي فَطَرَنَا فَاقْضِ مَا أَنْتَ قَاضٍ إِنَّمَا تَقْضِي هَذِهِ الْحَيَاةَ الدُّنْيَا)

    شفت الكلام..؟؟!!
    شفت القران اللى عمرنا ما تدبرنا فيه ولا فكرنا فى اياته..؟؟!
    خلاص..
    طالما عرفنا الحق فين ..عمرنا ماهنرجع عنه واعمل اللى تعمله..

    وشوف بقى قمة الايمان وهما بيقولوا
    (انما تقضى هذه الحياة الدنيا)

    يآآآآآآآآآآآآآآآآآآآآآآآآآه ..
    التغيير ده كله ..
    من كفره لمؤمنين بهذه الدرجه العااااااااليه واليقين والثبات ده كله فى ثوانى ..!!!
    آآآه فى ثوانى..!!

    علشان كده بنقول للجميع كل شئ ممكن ..
    ممكن تبقى عبد ربانى وتسيب كل معاصيك وحياتك كلها تتغير جذريا فى يوم وليله..
    حتى لو قتلت او سرقت او زنيت ..!!
    بس انت اقبل على الله واطلب الهدايه واعزم التوبه وخلى عندك نيه صادقه فى التغييير....
    وطبعا لازم تاخد بالاسباب المعينه فى نفس الوقت واهمها الاستعانه بالله والصحبه الصالحه..


    ربنا يجمعنا انا والجميع مع حبيبنا النبى صلى الله عليه وسلم فى الفردوس الاعلى ..
    اللهم آمين ..




    ===
    ==
    =

    منقول



    :: وَأَلْقَيْتُ عَلَيْكَ مَحَبَّةً مِّنِّي ،، وَلِتُصْنَعَ عَلَىٰ عَيْنِي ::



  • #2
    رد: هو انا ممكن اتغير بين يوم وليلة ؟ انت اكيد بتهرج !

    سلمت يمينك أخي الحبيب على النقل الموفق اللهم تب علينا لنتوب واغفر لنا جميع الذنوب
    اللهمّ صلّ على محمد
    عدد ما ذكره الذاكرون وغفل عن ذكره الغافلون
    اللهم اغفر لي ولأبي ولأمي ولجميع المسلمين والمسلمات


    تعليق


    • #3
      رد: هو انا ممكن اتغير بين يوم وليلة ؟ انت اكيد بتهرج !

      بارك الله فيك أخي الكريم

      اللهم إني أسألك من الخير كله عاجله وآجله ما علمنا منه ومالم نعلم
      وأعوذ بك من الشر كله عاجله وآجله ما علمنا منه ومالم نعلم
      اللهم إني أسألك كل ما سألك منه نبيك محمد صلى الله عليه وسلم
      وأعوذ بك مما تعوذ منه نبيك محمد صلى الله عليه وسلم
      اللهم إني أسألك الجنة وما قرب إليها من قول أو عمل
      وأعوذ بك من النار وما قرب إليها من قول أو عمل

      وأشهد الله أني أحبكم فى الله
      وأسال الله أن يرزقنا الإخلاص في القول و العمل

      و أن يستعملنا في ما يحب و يرضى .. آمين .. آمين .. آمين[/center]
      أستغفر الله العظيم من كل ذنب أذنبته
      أستغفر الله العظيم من كل فرض تركته
      أستغفر الله العظيم من كل صالح جفوته
      أستغفر الله العظيم من كل برٍّ أجلته
      أستغفر الله العظيم من كل إنسان ظلمته
      أستغفر الله العظيم من كل ظالم صاحبته

      تعليق


      • #4
        رد: هو انا ممكن اتغير بين يوم وليلة ؟ انت اكيد بتهرج !

        المشاركة الأصلية بواسطة ابواسية مشاهدة المشاركة
        سلمت يمينك أخي الحبيب على النقل الموفق اللهم تب علينا لنتوب واغفر لنا جميع الذنوب
        اللهم آمين يااااارب ... جزاكم الله كل خير وبارك فيكم أخى الحبيب أبواسية

        :: وَأَلْقَيْتُ عَلَيْكَ مَحَبَّةً مِّنِّي ،، وَلِتُصْنَعَ عَلَىٰ عَيْنِي ::


        تعليق


        • #5
          رد: هو انا ممكن اتغير بين يوم وليلة ؟ انت اكيد بتهرج !

          المشاركة الأصلية بواسطة طالب للعلم والدين مشاهدة المشاركة
          بارك الله فيك أخي الكريم

          اللهم إني أسألك من الخير كله عاجله وآجله ما علمنا منه ومالم نعلم
          وأعوذ بك من الشر كله عاجله وآجله ما علمنا منه ومالم نعلم
          اللهم إني أسألك كل ما سألك منه نبيك محمد صلى الله عليه وسلم
          وأعوذ بك مما تعوذ منه نبيك محمد صلى الله عليه وسلم
          اللهم إني أسألك الجنة وما قرب إليها من قول أو عمل
          وأعوذ بك من النار وما قرب إليها من قول أو عمل

          وأشهد الله أني أحبكم فى الله
          وأسال الله أن يرزقنا الإخلاص في القول و العمل

          و أن يستعملنا في ما يحب و يرضى .. آمين .. آمين .. آمين[/center]

          اللهم آمين ... وجزاكم الله عنى كل خير وبارك فيكم ونفع بكم أخى الحبيب

          :: وَأَلْقَيْتُ عَلَيْكَ مَحَبَّةً مِّنِّي ،، وَلِتُصْنَعَ عَلَىٰ عَيْنِي ::


          تعليق


          • #6
            رد: هو انا ممكن اتغير بين يوم وليلة ؟ انت اكيد بتهرج !

            جزاكم الله خيرا ونفع بكم ورفع قدركم

            تعليق

            يعمل...
            X