Tweet
( ✿⊱╭✿⊱╭ التوكــــــــــــــــــــل ✿⊱╭✿⊱╭ )
التوكل
مش مجرد كلمه دى حاجه فى القلب ♥
احساس بيتملك مشاعرنا كلها فبيسطر على كل حياتنا وتصرفاتنا
بيخلينا نحس ان فى حد واخد باله مننا بيدبر لنا امورنا عارفنا وعارف احنا عايزين ايه وعارف حل مشاكلنا ايه
انه الله العليم الخبير اللطيف الوكيــــــــــل
✿⊱╭✿⊱╭✿⊱╭✿⊱╭✿⊱╭✿⊱╭✿⊱
اذا ماهو التوكل ؟
زى مابيقولو شيوخنا : هو صدق اعتماد ♥القلب♥ على الله مع الأخذ بالاسباب
✿⊱╭✿⊱╭✿⊱╭✿⊱╭✿⊱╭✿⊱╭✿⊱
طيب ازاى يعنى احققه ؟
بسيطه -- ب 3حاجات
الاعتماد - الاعتقاد - الاجتهاد
الاعتماد على الله (( مش حد غيره ومش حد معاه ))
الاعتماد ده مش هيجى الا اذا كنت معتقده تمام الاعتقاد ان الله على كل ((( شئ ))) قدير
(وانا شئ)(ومشاكلى شئ)(واحلامى شئ)(وامتحاناتى شئ)(وكل حياتى شئ)
وتالت حاجه اللى هيه الاجتهاد فى الاخذ بالاسباب
زى ماعلمنا حبيبنا رسول اللى كان بياخد بكل الاسباب
يبقى ماينفعش اقعد من غير ماعمل حاجه واقول انا متوكله
لأ ده تواكل وعكس التوكل خالص
✿⊱╭✿⊱╭✿⊱╭✿⊱╭✿⊱╭✿⊱╭✿⊱
وفى 3حاجات المفروض مش نعملهم لو احنا عايزين نكون متوكلين
✿⊱╭أول حاجه ماعند الله لاينال الا بطاعته ✿⊱╭
يعنى ماينفعش اعمل حاجه حرام واقول انى متوكله
يعنى مش واسطتى لدكتور الشفوى هيه اللى هتعدينى
ولا غشى فى الامتحان هوه اللى هينجحنى
ولا صحوبيتى للشباب هيه اللى هتجوزنى
ماعند الله لاينال الا بطاعته
هتقولوا طب مافى ناس كتير بتعمل كده وبتحقق اللى عايزه
هقول عنكم حق
ماهو اصل ربنا كريم بيرزق المسلم والكافر والطائع والعاصى
انما غير اننا هنتحاسب ف الاخره ع الحاجات الغلط دى
لكن كمان ف الدنيا اللى بيجى بالحرام مش بيبقى فيه بركه
ممكن اطلع الاولى ع الدفعه بالغش وابقى مش سعيده
ممكن اتجوز فتى احلامى وحياتنا تببقى كلها مشاكل او اولادنا يبقو منحرفين
وهكذا
بركة الدنيا وسعادة الدنيا والاخره بتجى بالحلال وبالحلال وبس
✿⊱╭تانى حاجه لاتحزنى ✿⊱╭
المفروض اننا مانزعلش على اى حاجه فاتت لان الله بيقدر لينا الخير دايما حتى لو احنا مش شايفينه
والمثال اللى كلكم عارفينه
لما الرسول راح الطائف ورجع منها من غير ما ولا واحد يسلم
بالعكس دول اغرو بيه صبيانهم يقذفوه بالحجاره ( فداه انفسنا )
ولكن وهوه راجع ودخل الحديقه عشان يرتاح فيها اسلم عامل الحديقه (عداس)
ثم وهوه راجع نزلت الايه ( قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآناً
عَجَباً )
اسلمت قبيله كامله من الجن
ثم لما رجع جاله وفد المدينه
وانتشر الاسلام بين الانس والجن
سبحان الله ✿
هوه اراد الطائف والله اراد المدينه
هوه اراد ملوك مكه والطائف والله اراد خادم (عداس)
هوه اراد الانس والله اراد الجن
سبحان الله ✿
احنا كمان ممكن الحاجه اللى نكون عايزنها مش هيه الصح والخير لينا ,,, فربنا صرفها عننا وان شاء الله هيرزقنا اللى افضل منها
ربنا لايغلق بابا الا اذا كان شر وبيفتح بداله الف باب خير ✿⊱╭
طب نندم بقى ؟
بردو لأ لان اكيد مشيينا فى طريق الحاجه دى كان خير
فخلوها على الله ماتزعلوش من اى حاجه فاتتكم
ماتندموش على حاجه عملتوها مدام مش حرام يبقى اكيد كانت خير
الله رحيـــــــــــــــــم ✿
✿⊱╭تالت حاجه لاتقلقى ✿⊱╭
ممكن الست تفضل حامل فتره وقدرها من غير ما حد يعرف خالص وممكن الحمل يكمل ويتولد انسان جديد ✿
مين كان مخلى باله م الانسان ده من قبل حتى ما حد من الناس يعرف انه موجود؟!
طب مين بقى مخلى باله منه بعد ماعرفوا بوجوده ؟!
انه الوكيـــــــــــــــــــــــــــل ✿⊱╭
تفتكروا الله اللى رعانا واحنا لم نكن شيئا هيسيبنا بعد مابقينا حاجه كبيره كده ومعظنا له احلام جميله نفسه يعمر الارض بيها!!!
تفتكروا ان الله هيسيبنا فى نص الطريق!!!
الله ارحم من هذا بكتيـــــــــــــــــــــــــــــــــــر ✿⊱╭
ولن يتركنا ان شاء الله
بس احنا نستحى ومانزودهاش
يعنى مش اعصيه ليل ونهار واقولوا احمينى وخليك معايا
هوه قادر ورحيم ....... لكن يعنى .. قليل من الحياء لايضر
فتأكدوا ان الله لن يضيعنا ✿⊱╭
وفى النهايه افكركم بحديث رسول الله (صل الله عليه وسلم)
(لو أنكم توكلون على الله حق توكله لرزقكم كما يرزق الطير، تغدو خماصاً وتروح بطاناً)
يعنى طارت مش فضلت فى العش ,,, وتوكلت على ربنا ... فرزقها
✿⊱╭ألا نكون كهذه الطيور !!!! ✿⊱╭
يـــــــــــارب يرزقنا التوكل عليه ✿⊱╭
تعليق