والسؤال هنـا : انت مرتــاح كـده ؟؟!

[( فارس الحق )]

مين فينا مش نفسه يعيش سعيد ؟؟

مين مش بيدور على أسباب السعادة فى كل وقت وحين ؟

بس ممكن تخونا الطريقة وندور على السعادة فى طريق مهواش طريقها !

ومع اننا بنفضل مكملين فى الطريق ده وبنقنع نفسنا بإننا سعداء إلا إننا غير كده خااااالص من جوه !!

لكن (( بنضحك على نفسنا )) ونقول اننا سعداء !

طيب هسألك سؤال : ربنــا خلقنا ليه ؟؟

>> طبعاً الإجابة المعهودى " ربنا خلقنا عشان نعبده ونتقرب ليه بالطاعات "

تماااااام اوووى بس انا عايزة مع الإجابة دى يكون فى (( يقين واقتناع ))

انت مقتنع وجواك يقين ان هو ده هدفك فى الحياة ؟؟

ولا انت عايش بلا هـدف ؟؟

طيب لما اقولك فتش جوه نفسـك واعرف إذا كنت سعيد ولا لأ

واكتشفت انك فعلاً مش سعيد ... طيب ليه ؟؟

>> مانا عارف ان " وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا "

طيب حلوووو أووى انك عارف السبب !

بس انا عيزاك تركز وتاخد بالك من كلمة " ضنكـا " دى لإنها عمييييييقة

اوووى وهو دى محور موضوعنا ...

العلماء قالوا ان الضنك ثلاث أنواع ...




1_ ضنك فى الدنيـا

تبقى نفسك ضيقة اوووى ... هى النفس بتضيق على الواحد ؟؟

ايوه اقرأ قوله تعالى " حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ وَضَاقَتْ عَلَيْهِمْ أَنفُسُهُمْ "

واشد انواع الضيق هو ان نفسك تضيق عليك !!

طيب يعنى إيه نفسى تضيق عليا ؟؟

يعنى جواك مشااااااكل كتيييييير اووى بس انت بتهرب منها

بتهرب من مشاكلك بإنك تروح تسمع أغنية !

بتهربى من مشاكلك بإنك تلبسى لبس ضيق تفتنى الشباب بيه وتستمتعى بنظراتهم ليكِ وانتِ ماشية !!

بتهرب من مشاكلك بسيجارة تشربها !

بتهربى من مشاكلك بإنك تخرجى مع الولد اللى انتِ مصحباه !!

انتوا كده بتظلموا نفسكم اكتر واكتر مش بتريحوها ولا بتفرجوها !

بل بتزيدوا من تعاستها وحزنها !

عارفين ليه ؟

لأن كل واحد مننا جواه فطرة ... الفطرة دى بتميل لله سبحانه وتعالى

وعبادته والقرب منه , وانت بالطريقة دى بتخالف فطرتك اللى ربنا فطرك

عليها فأكيد هتعذب بسبب كده !!

والحـل هنا ان فطرتك عطشااااااانة حنـــان ربنا !!

اديها حنـان ربنا , قرب منه وهو هيكفيييييك وهو سبحانه وتعالى هيغنيك

عن اى حاجة فى الدنيا ..

قال تعالى " أَلَيْسَ اللَّهُ بِكَافٍ عَبْدَهُ"




2_ الضنك هو العذاب الذى ينتظرك فى القبـر

تخيييل نفسك وانت جوه صندوق متر × متر وهيدخل عليك ملكيـن

يقعدوك ويهزوك من كتافك ويقولوك " مـن ربـك "

>> ده سؤال ساهل هجاوب عليه علطوووول

أحب اقولك انت مش هتجاوب بلسانك !!

لو كان الموضوع كده مكنش بقى فى مشكلة !

قلبـك هو اللى هيجاوب ..

هتقولى هو ممكن اكون بعبد حاجة تانى غير ربنا ولعياذ بالله !

اقولك آه .. قال رسول الله صلى الله عليه وسلم " تعس عبد الدينار , تعس عبد الدرهم , تعس عبد الخُميصة "

هو " عبد " هنا بمعنى انه بيسجد للفلوس مثلاً ؟

لأ .." عبد " هنا بمعنى ان هما اللى بيحركوه , هما الآمر الناهى فى حياته !

ده غير كمان انك ممكن تكون عبد لهواك !!

قال تعالى " أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ "

" إلهه هواه " يعنى على مزااااجه ..

يعنى انا ليا نفس أصلى النهارده يبقى هصلى

مليش نفس النهارده يبقى مش هصلى !

ليا نفس انهارده اخرج بلبس واسع ... يبقى هخرج !

مليش مزاج ونفسى هفانى على البنطلون والبادى .. يبقى مش هلبس واسع !

هو ده المعنـى " مزااااجه "

فاحــــذر انك تكون ماشى على هواك !

مش انت بتحب ربنا ولا هو الحب بالكلام ؟؟

>>> إن المحب لمن يحب مطييييييييع , طبق المعنى ده

مش تسوف وتقول بكره هعمل وبكره هصلح من نفسى !

لما الاقى شغل !

لما اتجوز !

لما ولما ولما !!

العلماء قالوا ان جهنم فيها وادى اسمه " سوف "

يدخله أهـل التسويف !

واكييد انت مش منهم , صح ولا إيه ؟




ولما يسألوك " ما دينك " ؟

يا ترى قدمت إيه للإسلام ؟؟

عشان زى ما بتفخر بالإسلام الإسلام يفخر بيك ..

يا ترى عارف دينك كويس وتعاليمه وشرائعه ولا لأ ؟؟

وعلى أساس كده هتكون الإجابة ..

هيسألوك " من نبيـك " ؟؟

قدمت إيه لنصرة النبى صلى الله عليه وسلم ؟؟

قدمت إيه للنبى عشان يفخر بيك انك من أمته ؟؟

ولا ممكن تاخد صحيفة اعمالك يوم القيامة وتسـوّد وجه النبى ؟؟؟!

تخيييييييل اللحظة دى وانت سودت وجهه النبى ؟!!

ياااااااااااه على الكسوف !!

ده لسة لما تُعرض على ربنا سبحانه وتعالى !!

ويسألك عملت الذنب الفلانى اليوم الفلانى الساعة الفلانية ليه ؟؟

مكنتش خايف منى .؟؟ مكنتش عارف انى مطلع عليك ؟؟

مكنتش عارف انى معاك فى كل خطوة بتخطوها ؟؟

ده كان مطلوب منك حاجات بسيييطة اوووى

ليه معملتش اللى مفروض عليك وفرطت فيه ؟؟

ولسة فى مرور على الصراط ... والله الواحد لما يتخيل المرور على الصراط

هيكون عامل ازاى بيعجــــز والله !!!

أدق من الشعرة وأحد من السييييف !

ربنا يعافينا يارب

مش كده وبس لأ ده تحتيه الناااار اللى هى 70 مرة قد نار الدنيــا !!

يعنى تخيل معايا انك بتمشى على سكينة ... هتستحمل تجريحها فيك على انك

تقع فى النار دى ولو وقعت من على الصراط هتتشعلق برضو فى السكينة دى

وايدك تتقطع اهون من انك تقع فى النار دى ..

هتمر على الصراط وهتمشى من عليه بقدر ما كنت مواظب على الاعمال

الصالحة , وهتقع من الصراط بقدر كل مرة وقعت فيها ومتوبتش !

وهتفضل متعلق نفس القدر اللى فضلت فيه مستمر فى المعاصى دى !!

الموضوع كبييير والله يا جماعة !



3_ الضنـك اللى هو طعام اهل النار

"إِنَّ شَجَرَةَ الزَّقُّومِ * طَعَامُ الْأَثِيمِ * كَالْمُهْلِ يَغْلِي فِي الْبُطُونِ * كَغَلْيِ الْحَمِيمِ "

هو ده طعااام اهل النار !! يارب سلم

طيب لازم اسألك أسئلة ...

1_بتخرج من ذنب تقع فى ذنب تانى ؟؟

تخرج من حفرة تلقى نفسك فى دحديرة ؟!

متزعلش منى لكنى بصارحك وآسفة لو الكلام فيه حده أو قسوة لكن معلش

هو ده اللى احنا محتاجينه عشان نفوق فعلاً ..

ده اسمه إيه ؟؟

قال حماد بن سلمة " ليست اللعنة سواد يرى فى الوجه , إنما اللعنة ألا تخرج من ذنب إلا وقعت فى ذنب "

محتاجة وقفة دى صح ؟؟

واللعن أشـد من غضب الله , اللعن طرد من رحمة الله عز وجل !!!

فعلاً محتاجة وقفــة ضروورية !!


2_ أخدت عهد مع ربنا قبل كده بإنك هتتوب ورجعت تانى وخلفت العهد ؟

قال تعالى "فَبِمَا نَقْضِهِمْ مِيثَاقَهُمْ لَعَنَّاهُمْ وَجَعَلْنَا قُلُوبَهُمْ قَاسِيَة "


دى خيااانة لربنــا !!

قسوة قلبك اللى بتشكو منها بسبب نقضك لعهدك مع الله !
3_ بتشكر نعمة ربنا عليك ولا لأ ؟

قال تعالى

" وَقَالُواْ قُلُوبُنَا غُلْفٌ بَل لَّعَنَهُمُ اللَّه بِكُفْرِهِمْ فَقَلِيلاً مَّا يُؤْمِنُونَ "

النعمة نزلت وانت لم تشكــرها هو ده معنى " الكفر " هنا

وهو ده سبب قسوة قلبك برضو !

قال تعالى
" لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيد "



طيب ناخد الخطوات العملية بقى .. طالما انت مش مرتاح كده وقررت انك

تراجع نفسك وتعيشها صـح !

1_ ادفــع التسويف , احلف على نفسك حااالاً بطاعات تعملها كنت

مكسل فيها قبل كده وخد قرارت سريييعة ..

2_ قرار توبة .. وحدد بالظبط هتوب من إيه ؟؟ كل ذنب يكون ليه توبة

موااازية ليه ..

3_ لا حول ولا قوة إلا بالله .. أصل الشيطان هيجيلك دلوقتى ويقولك انك

مش بتاع الكلام ده وكلها يومين وهترجع !! لأ استدفعه عنك بالاستعانة بالله

والتجرد من حولك وقوتك إلى حول الله وقوته ..

4_ مفييييش كلمة " لكــن " خلى عندك ثقة الله انه هيعينك وهيوفقك

وهياخد بإيدك ليه ..

" آءالله آمرك بهذا ؟ " ... " إذا لم يُضيعنـا "

5_ متغترش بستر ربنـا علييك .. وجاهد نفسك للتخلص من الذنوب

والتوبة منها والرجوع إلى الله تعالى ..

من الآخر لاااازم تصحح مســـار حياتك ..

وربنا يوفقكم ويعينكم جميعاً