[نقاش] لماذا نستخدم الحرية الإستخدام الخطأ!

[انا بحبك يا رب]

بسم الله الرحمن الرحيم
والصلاة و السلام على سيد المُرسلين سيدنا محمد صلى الله عليه و سلم أما بعد:
لماذا نستخدم الحرية الإستخدام الخطأ؟
لماذا نستخدم الديمقراطية الإستخدام الخطأ؟
الناس كلها فاكرة إن الحرية,إن الحرية إنك تعمل كل الى إنت عاوزه بمزاجك!
تيجى على عيل بيشرب سجاير تقوله عيب يا حبيبى و حرام السجاير
يرد ببجاحة يقولك:أنت مالك يا عم أنا حر
تيجى على واحد بيظلم حد تقوله أتقى الله يا أخى
تلاقيه يقولك:إنت مال...تلاقيك معاه...أنا حر يا جدع و ممكن يضربك كمان
تيجى على واحدة مُتبرجة تقولها أتقى الله يا أخت,التَبرج ده فتنة و يدخل النار
تقولك بكل تناكة:ملكش دعوة ,إحنا فى دولة فيها حرية
هل أصبح معنى الحرية عند الشباب هو:
شرب السجائر,والبلطجة,والتبرج....إلخ
هل نَزل معنى الحرية لهذا الحد؟؟
هل وصل بنا الأمر أن نعصى الله تحت مُسمى الحرية و الديمقراطية؟
هل أصبح من يخاف الله شخص مُنعزل,وشخص مريض؟؟
لماذا نستخدم الحرية الإستخدام الخطأ؟

[(محمود صلاح الدين)]

رد: لماذا نستخدم الحرية الإستخدام الخطأ!

ما شاااء الله اخي اسلام

والله موضوع رائع جدا ,... جعله الله في ميزان حسناتك

وبالفعل اخي كل ما تقول صحيح فقد استخدم الكثير من الناس الحريه بشكل خاطئ جدا

وهذا سبب من اسباب البعد عن الله والبعد عن الدين فمن بعد عن الله وعن تعاليم الدين فتجده ليس له حدود في استخدام الحريه

وينقلب مفهوم الحريه الادميه لديه الي مفهوم الحريه البهيميه التي لا يوجد لها حدود ولا يوجد فيها ربط ولا حزم

وقال الله تعالي ( أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلَّا كَالْأَنْعَامِ بَلْ هُمْ أَضَلُّ سَبِيلًا )

فمنهم من يري ان من الحريه التبرج والتسفر فتتبرج وتكون سافره وتحس من كلامها انها صاحبة مبدء !!! اي مبدء هذا الذي يحص علي هذا الذي نراه فيكي .. وحسبي الله ونعم الوكيل .. فوالله كنت قبل ذلك عندما اري متبرجه كنت ادعو لها بالهدايه ولكن الان وما وصلنا اليه من حقاره وتدني فلا اقدر علي هذا وكل ما اقوله ( حسبي الله ونعم الوكيل )

ومنهم من يري ان الالحاد والكفر بالله حريه رأي وحرية فكر .... وهؤلاء يفصل الله بينهم يوم القيامه وندعوا الله ان ينتقم منهم في الدارين

ومنهم من يري ان تركه للصلاه وعدم التزامه حريه وليس لاحد الحق علي ان ينصحه ... مع ان الرسول صل الله عليه وسلم قال ( الدين النصيحه )

ومنهم من يجد ان السخريه من الناس ومن اُولي الامر حريه ... مثل باسم يوسف ( سامحه الله ) فذلك الرجل عندما اسمع له اي شئ اشعر بأنني ارتكب ذنب في استماعي له وكفانا الله شره وشر امثاله

فلا يوجد لنا خلاص من هذا المفهوم الخاطئ للحريه الا بالرجوع الي الله والرجوع الي تعاليم ديننا الحنيف

ونسال الله العفو والعافيه ... ونعوذ بالله ان نكون من هؤلاء

وندعوا الله ان يتوب علينا ويغفر لنا وللمسلمين والمسلمات والمؤمنين والمؤمنات الاحياء منهم والاموات

جزاك الله خيرا اخي اسلااام .. وبارك فيك

احبك في الله

[انا بحبك يا رب]

رد: لماذا نستخدم الحرية الإستخدام الخطأ!

رد جميل يا محمود
بس انت عارف كَتبت الموضوع ده ليه
قول ليه علشان أقولك ههههههههههههههه؟

[(محمود صلاح الدين)]

رد: لماذا نستخدم الحرية الإستخدام الخطأ!

يا تري ليييييييييييييييييييييه ؟؟؟

[انا بحبك يا رب]

رد: لماذا نستخدم الحرية الإستخدام الخطأ!

إسمع يا سيدى:
كُنت قاعد فى أمان الله فى الشغل,وانا شغلى جمب مُديرية أمن الشرقية
لقيت زعيق و ناس عمالة تهيص و ناس بتزعق و ناس عمالة تجرى
قومت جريت أشوف فى ايه
لقيت شوية عيال مِم مَن يطلقون عليهم عيال 6 إبريل
ماسكين شاب بيقولوا أنه من الإخوان
و بيضربوه قدام مديرية الأمن و الأمن واقف بيتفرج
فطبعاً أنت عارفنى بحب الحاجات ديه قوى
دخلت جريت على الشباب لقيت عمرهم من 12 سنة الى 25 سنة تقريباً
وماسكين شاب بتاع 20 سنة كده شكله مش مدى على أخوان خالص
بقولهم فيه أيه يا شباب صلوا على النبى و الى ليه حق يخده بأدب
لقيت واحد أنت شوفت صورتى يا حودة صح
انا مجيش جنبه حاجة هههههههههه
بيقولى مسكوا خمسة مننا يا كابتن عند مقر الإخوان
ومش هنسيب الواد غير لما نأخد الخمسة الى مسكوهم
وبيتكلم بصوت عالى قال يعنى الواد بيخوفنى علشان مربى دقنى يعنى
قولتله يا عم إنت بتعلى صوتك ليه,إنت فاكرنى أخون...الأخون
متعليش صوتك أيكش تولعوا كلكوا حاجة غريبة قوى
وثبته و مشيت
وانا راجع قبلت واحد مخبر حبيبى من المباحث
بقوله فى أيه يا عم سامى خير:
قالى زى منت شايف شوية عيال
راحوا ولعوا فى مقر الأخوان,ولما مسكنا منهم خمسة
مسكوا الواد ده و عاوزنا نسيب الخمسة علشان يسيبوا الواد ده
شوف يا حودة قلة الأدب وصلة لغاية فين
يعنى حرقوا مقر الأخوان,و أتهجموا عليهم
ولما الأمن مسك خمسة منهم مش عاجبهم
هى ديه الحرية صح؟

[المستعصم بالله]

رد: لماذا نستخدم الحرية الإستخدام الخطأ!

باختصار ياغالى دى مش حرية دى قلة ادب

للاسف الشديد احنا شعب منعرفش يعنى اية حرية

طول عمرنا بنخاف نتكلم عشان فية جزمة فوق دماغنا لما الجزمة دى اتشالت خرجنا اوحش ما بداخلنا

وللاسف ايضا عندنا اعلام قذر مفهم الناس ان البطلجى ثورى لكن البطلجى ثورى بعد ما نشيل ى يعنى ثور

اعلام مفهم الناس ان قلة الادب حرية تعبير

انا نزلت اجازة بعد الثورة علطول وشوفت شعب عجيب الابتسامة مش بتفارق بؤة

وادب واخلاق عالية وناس بتقف وتسيبك تعدى وكان الواحد مبسوط

وسافرت وانا فى ذهنى هذة الصورة الطيبة ونزلت تانى بعد 6 شهور

وشوفت الوش التانى سب دين فى كل مكان وقلة ادب والفاظ وناس عادى ماشية فى الشارع بتشرب بانجو وحشيش ولو حد راح كلمهم يسمع الى فى النصيب

ومن ساعتها مشوفتش مصر تانى وبصراحة مش عايز اشوفها ولا اشوف اهلها على هذة الوضع السىء

الله اصلح حال بلادنا واهدى اهلها