Tweet
خليك راجل ومتحتفلش بشم النسيم
حياكم الله جميعاً يا شباب
الناس خيبتها السبت والحد واحنا خيبتنا ما وردتش علي حد
بنسمع المثل ده كتير مش كده؟؟
طيب حد عارف معناه او اصله ايه؟؟
بصوا هو انا قريت والله اعلم ده صح ولا لاء
ان المقصود باللي خيبتهم السبت هما اليهووود
وان المقصود باللي خيبتهم الاحد هما المسيحيين
واعتقد بقي ان اللي خيبتهم موردتش على حد هما بعض المسلمين للاسف :(
عارفين ليه بقول كده؟؟
ماهو لما نكون في كل ركعه بنقرأ سورة الفاتحه ونردد
اهْدِنَا الصِراطَ الْمُستَقِيمَ (6) صِراطَ الّذِينَ أَنْعَمْت عَلَيْهِمْ غَيرِ الْمَغْضوبِ عَلَيْهِمْ وَ لا الضالِّينَ (7) ..امين
يعني بندعي ربنا انو يهدينا ويبعدنا عن اي حاجه تشبهنا بالمسيحين واليهود
ونيجي بعد كده نلاقي كتيييير من المسلمين للاسف بيحتفلوا بمعظم اعياد ومناسبات المسيحين واليهود
عارف ان في حد هيطلع ويقولي ايوه بس شم النسيم ده عيد فرعوني اصلاً
هقولك فعلا اصله فرعوني واخده اليهود بعد كده عيد ليهم وسموه عيد الفصح
وبعدهم جه المسيحين واحتفلوا بيه وسموه "عيد يوم القيامة" والذي يرمز إلى قيام المسيح من قبره - كما يزعمون
هتقولي ايوه بس انا مش بيكون في نيتي خالص اني بحتفل بعيد مسيحي او يهودي انا بس بفرح وبخرج مع اصحابي
هقولك طيب ممكن سؤال بسيط؟؟
تفتكر لو هو مفيهاش حاجه اننا نحتفل بيه ويكون ليه طقوس خاصه نعملها كل سنه زي تلوين البيض واكل الفسيخ والحاجات ديه
ليه الرسول عليه الصلاه والسلام والصحابه محدش منهم احتفل بيه؟؟
ماهو كان موجود من قبل الاسلام اصلا ولو كان عااادي ومفيهاش حاجه كنا هنلاقي الرسول اول واحد قالنا احتفلوا بيه عااادي !!!
حاجه كمان بقي سمعتها وبغض النظر انها صح او لاء بس هي فعلا ضايقتني اوي
سمعت ان بعض المسيحين بيحتفلوا بيه علي انه يوم وفاه الرسول عليه الصلاه والسلام
وانهم قالوا احنا كده شمينا نفسنا بعد وفاته
الاكيد اني معرفش الكلام ده فعلا صح ولا لاء
بس الاهم انو اصلااا يوم وعيد ميلزمونيش في حااااااجه خالص طالما عندي شك ولو 1% في الكلام ده يبقي مينفعــــــــــــــش
حد هيقولي انت مكبرالموضوع واحنا مجرد بنجيب نوع من الاكل معين وبنخرج
هقولك اعمل ده في اي يوووم تاني محبكتش يعني في يوم عيدهم !!!
عارف وواثق اني هلاقي اعتراض وانتقااد من كتييير منكم :(
بس بصراحه مقدرتش اسكت واعدي الموضوع كده من غير ما نتكلم فيه
ياااااااااااااارب اغلبيتكم يكون مقتنع بكلامي ويقرر انو مفيـــــــــــــــش شم النسيم ومفيش احتفال
ويكون شعارنا كلنا ( انا مسلم وبغير على ديني ومعنديش غير عيديين اتنين) :)
اتفقنا كده يا شباب
( منقول بتصرف )
تعليق