Tweet
دول شوية قـــش !!
مع الفتن الكتييييرة المنتشرة فى أيامنا دى وأهل الباطل اللى شغالين ليل ونهار
لإضلال وإغواء شباب وبنات المسلمين
والفضائيات و النت والمواقع الإباحية و و و
كل ده لو فكـرنا فيه بعقولنا هنحـس انه حاجة كبيييييرة اووى صعب تتهزم وإن خلاص مفيش أمل وكل يوم الشباب بيضيع اكتر واكتر
ومفيش فايدة !!
يبدأ أهل الحق يخافوا ويتراجعوا للأسف عن دورهم فى نصرة الدين !!
ويتراجعوا عن الدعوة إلى الله ظناً منهم ان اللى على ضلال كتيييييير اوووى وأهل الباطل اكتر واكتررررر
لكن ربنــا بيطمنَّــا وقالنا ان دول مجرد شويــة " قــش "
ينفع نخاف ونتراجع عشان لقينا شوية قـش قدامنا ؟؟
آه والله دووول كلهم شوية قش !!
قال تعالى
"َأَنزَلَ مِنَ السَّمَاء مَاء " الحق ِنزِل من السما ،
فَالميه لما نزلت "فَسَالَتْ أَوْدِيَةٌ بِقَدَرِهَا " الميه مشيت
في الشوارع "فَاحْتَمَلَ السَّيْلُ زَبَدًا رَّابِيًا "
الخشب الصغير و القش و التراب جه على الوش ، فلما تيجي
تبص يتهيأ لك إن الدنيا كلها قش و تراب و إن الميه مش نظيفة و الميه اللي
تحت كلها نظيفة و طاهرة و عذبة ولكن مش باينه
، ربنا بيقول لك " كَذَلِكَ يَضْرِبُ اللَّهُ الْحَقَّ وَالْبَاطِلَ "
الحق كثير أوووى في
الدنيا ، ده الباطل ده شوية قش طافي على الوش
الشاب اللى مشغل أغانى ومعلى الصوت على الآخر ده واحد ماشى فى الشارع
لكن اللى مشغليين قرآن 10 بس مشغليين على قدهم .. مش دى جى زى بتاع الأغانى ..
البنت اللى بتلبس اسكينى وباديهات دى واحدة ولا عشرة ولا عشريين
فى غيرها مئااات وآلاف من البنات محجبات صح ومنتقبات لكن مش باينين
اللى أهله معارضينه فى التزامه ومش قادر يثبت أو يقاوم ..
دووول شوية قــش مش هيضروك بحاجة أبداااااا
اووعى تخاف من شوية قـش !
اووعى تخاف من أهل الباطل أبداً أبداً
طيب علشان مخافش بقى وأواجه الباطل ده بقلب جاامد واثبت أعمل إيه ؟؟
برضو الحل فى نفــس الآية الكريمة
أَنزَلَ مِنَ السَّمَاء مَاء
ربنا شبه القرآن بالماء في الآية دي
فَسَالَتْ أَوْدِيَةٌ بِقَدَرِهَا
الحق مشي في الأرض و قام جاي الباطل انتفش على الوش هو الباطل كدة
فَاحْتَمَلَ السَّيْلُ زَبَدًا رَّابِيًا
شوف ربنا شبه القرآن بإيه كمان " وَمِمَّا يُوقِدُونَ عَلَيْهِ فِي النَّارِ "
اللي بياخدوا الذهب يحطوه في النار
عشان الشوائب تنزل و يفضل الذهب الخالص
" وَمِمَّا يُوقِدُونَ عَلَيْهِ فِي النَّارِ ابْتِغَاء حِلْيَةٍ أَوْ مَتَاعٍ زَبَدٌ مِّثْلُهُ "
يعني إيه ؟ يعني ربنا شبه القرآن بالماء و النار
زي ما شيخ الإسلام "بن تيمية" بيقول المثل المائي و المثل
الناري
، الميه و النار... القرآن ده ميه ممكن يحيي لك قلبك و يملأه من جنات
المقامات الإيمانية ، و القرآن ده نار
هيصفي الشبهات و الشهوات اللي في قلبك و يسِيب لك قلبك سبيكة دهب
، و نار هتنور لك طريقك إلى الله
يبقى القرآن ده نورك في الطريق إلى الله و ده الميه اللي بتحيي قلبك
بس ربنا بيقول في أولها إيه ؟
بيقول " فَسَالَتْ أَوْدِيَةٌ بِقَدَرِهَا " كل وادي خد ميه على أده ...
>>> كل قلب خد من القرآن على أده
كل قلب إتشحن بمعاني الإيمان على أد السعه الإيمانية اللي فيه
قلبك بيشرب أد إيه من
القرآن ؟؟
لازم تسأل نفسك هذا السؤال عشان تعرف انت فين !
يبقـى الحل فى [ القـــرآن ]
ان قلبك يعيش مع القرآن ومعانيه ويستشعرها كويس اووى
وبكده مفيش أى حاجة هتضره أبداااااا ولا هيخاف طالما قلبك معلق بالله
وبكلامه ..
هتقـدر تواجه أى فتن وأى صعاب ممكن تواجهـك
مش هتخاف من حاجة وقتـها لأنك انت اللى على حـق وقلبك هيكون
متيقن بكده ..
تعليق