Tweet
ما تسبش قلبك يضيع !!!
حاسس ان قلبك فيه حاجات كتيييييييير..
حاسس ان الدنيا شداك ليها وبتبعدك ..
كل همك انك تكون سعيد وفرحان وتتمتع بكل ساعه فى حياتك ونسيت
الطاعه ..
شاغلك اوى ان حد يحبك وتحب حد ..
كل الى همك شغل ،، زواج ،، اصحابك ،، اهلك ،، و...و... الخ
كده اقولك "" لا ""
اه لا وما ينفعش كمان
ما ينفعش كل الحاجات دى تشارك قلبك حب ربنا ..
شوف كده :
قال الإمام ابن القيم رحمه الله تعالى: وأما مفسدات القلب الخمسة:
فهي التي أشار إليها من :
كثرة الخلطة،
والتمني،
"""والتعلق بغير الله"""
والشبع،
والمنام.
فهذه الخمسة من أكبر مفسدات القلب.
خلى بالكم "" والتعلق بغير الله ""
يعنى كل ما تعلق قلبك بحاجه دنيويه هتبعد عن ربنا وهتفسد قلبك.. .
يبقى خلى قلبك نضيف ..خليه عايش بحب الله
ما تخليش حاجه تانى تشاركه الحب ده ..
جرب كده كام يوم تطلع من قلبك كل حاجه بتحبها وتحط مكانها حب ربنا وطاعته.
يعنى قرب من ربنا دور على كل حاجه بيحبها عز وجل واعملها ..
وشوف هيحصلك ايه ؟
قال الله تعالى " من عادى لي ولياً فقد آذنته بحرب مني، وما تقرب لي عبدي
بشيء أحب إلي مما افترضته عليه، ومازال عبدي يتقرب إلي بالنوافل حتى أحبه
فإذا أحببته كنت سمعه الذي يسمع به وبصره الذي يبصر به ويده التي يبطش
بها وقدمه التي يمشي بها وإذا سألني لأعطينه وإذا استغفرني لأغفرن له وإذا
استعاذني أعذته. "
فتح الباري 11.34041 حديث رقم 6502 وقد روى الحديث الإمام البخاري وأحمد بن حنبل والبيهقي ..
يااااااااااااااااااه يعنى ربنا جل وعلا بيقولك انت اعمل الطاعات وتقرب اليا بالنوافل وانا هحبك ..
ربنا هيحبك
أنا العبد ربنا هيحبنى ..
يعنى العبد المؤمن إذا اجتهد فى التقرب إلى الله بالفرائض ، ثم بالنوافل
قرّبه ربه إليه ، ورقّاه من درجة الإيمان إلى درجة الإحسان ، فيصير يعبد الله
كأنه يراه
، فيمتلئ قلبه بمعرفة ربه ،ومحبته ، وتعظيمه ، وخوفه ومهابته ،
وإجلاله ، فإذا امتلأ القلب بذلك زال منه كل تعلق بكل ما سوى الله ،
لم يبق للعبد تعلق بشيء من هواه .
ولا إرادة إلا ما يريده منه ربه ومولاه
يعنى ربنا هيحبك وهتكون من عباده الصالحين ..
يالا اتحرك وما تسبش قلبك يضيع ..
عرفه الحب الى بجد
عرفه الراحه الى بجد
عرفه الحياه الى بتحلو من القرب من ربنا
وما تسبش قلبك يضيع
يارب نسألك حبك وحب من يحبك وحب كل عمل يقربنا لحبك ..
تعليق