ماهي الصفه التي تحتفظ بها من ايام طفولتك .. ؟؟

[المستعصم بالله]

السلام عليكـم ورحمة الله وبركآته ..


فليراجع نفسه كل من يقول أن < الطفولة > مرحلة وأنتهت
فليس من السهولة أن تنتهي البداية ..
. . . . .

نعم كبرت أحجامنا ,,
و تغيرت نبراتنا ,,
و نضجت تقاسيمنا ,,
إنما طفولتنا بداخلنا >> خامدة نوقظها متى اردنا ..

. . . . .

فمهما زادت مسؤولياتنا ,,
وأزدحمت مشاغلنا ,,
وكثرت مشاكلنا ,,
يبقى شئ من الطفولة >> يظهر في تصرفاتنا ويرسم بعض سماتنا ..



فما هي الصفة التي تحتفظون بها من الطفولة ؟؟؟

[نديم]

رد: ماهي الصفه التي تحتفظ بها من ايام طفولتك .. ؟؟

فعلا كلامك صحيح الطفولة لا تنتهي بل تبقى خزينة الأنفس وتستيقظ حسب التغيرات العاظفية المحيطة.
أنا عن نفسي لم أترك اللعب مع الصغار
بنفس الألعاب.
موضوع جميل ولطيف
جزيت الجنة أخي الحبيب

[انا بحبك يا رب]

رد: ماهي الصفه التي تحتفظ بها من ايام طفولتك .. ؟؟

والله يا أخى فكرتنا بأيامنا الحلوة
كان الواحد فاضى مش بيعمل حاجة غير أنه يلعب و ينام ههههههههه
بس انا الحمد لله راجل فى كلمتى,وعمرى مكذبت إلا القليل جداً جداً
والدتى ربنا يباركلى فيها عودتنى على كده
لدرجة أنى مرة قلبت من المدرسة,وجيت قولتلها أنا مروحتش المدرسة النهاردة
قالتلتى ربنا يهديك,وفرحت جداً أنى قولتلها الحقيقة
بس بعدها عملت معايا الصح هههههههههههههه

[Ayman_M]

رد: ماهي الصفه التي تحتفظ بها من ايام طفولتك .. ؟؟

سلام عليكم ورحمة الله وبركاته
ينفع كده فكرتنا بحاجات كنا نسيناها من زمان

الحمد لله
هما صفات كتير معايا من ايام الطفوله الا ان بعضها فى فتره من الفترات سابنى ومشى والحمد لله رجع تانى
لكن اكثر الصفات بحبها
طولة البال
والقدره على تخطى المواقف الصعبه مهما طال الوقت وكنت علقت فى بعضها
الحمد لله
وانى مهما حاولت اتغير بردو بعامل الناس بطيبه اغلبهم يعنى (ابتسامه )هههههههههههههههههه

الصفه اللى مش عارف اتخلص منها بقه
حبى لافلام الكرتون والانيميشن والانمى خصوصا انى بعشق الرسم
بشوف كتير فى بعض افلام الكراتون معانى اعمق من انها تعرض على طفل وكنت عرفت حكمه وطبقتها من فيلم كرتون وفضلت اضحك بسببها كتير
الحكمه ومش هنقول اسم الفيلم
the secret ingredient of the secret ingredient soup is nothing
To make something special you just have to believe it's special

الترجمه :المكون السرى للشوربه السريه هو لاشئ(مش موجود يعنى)
لكى تصنيع شيئا مميزا يجب ان تؤمن بانه مميزا

واتعلمت ازاى اركب برفانات وسبحان الله كانت ريحتها بتطلع مميزه .
وكان فى شخص يعرف والدى شغال فيهم كان نفسه يعرف انا بعمل ايه بيخليها ريحتها مميزه كده قلتله قله بيحط خلطه سريه .ومن بعدها انتشرت قصة الخلطه السريه بتاعتى ومش هكملكم الباقى بقه

[انا بحبك يا رب]

رد: ماهي الصفه التي تحتفظ بها من ايام طفولتك .. ؟؟

ربنا يرزقك أخى