Tweet
نفسى أحبه بجد وأقرب ليه :(
السلام عليكم ورحمة الله وبركاته .
من كام يوم تقريبا كنت بسمع درس للشيخ يعقوب وكان مأثر فيا قوى
كان بيتكلم عن الفرح بالله والاستغناء بالله عن الدنيا
فقابلت صحبتى واقعدنا نتناقش فى الدرس ويا ترى هنقدر نوصل لمرحلة
الفرح بربنا
وفجأأأأأأأأأأه
صحبتى بتقول لى أنا نفسى أحبه بجد :SnipeR (72):
وبكاااااااااااء
وكانت الكلمة !!
خلصنا كلامنا ورجعنا بيوتنا بس الكلمة معلقه فى سمعى
نفسى أحبه بجد
ياترى أنت وأنتِ وأنا بنحب ربنا بجد؟؟!
يا ترى الحب الى فى قلوبنا وصل لدرجة الفرح بالله ؟؟
طيب انتوا عاااارفين أهل الدنيا لما بيحبوا بيعملوا ايه ؟؟
ممكن تلاقى واحد صحبك بطل يشرب سجاير ،وتسأله انت توبت ولا ايه
يقول لك اصل الى بحبها عايزانى ابطل سجاير !!
تلاقى صحبتك بطلت تلبس ضيق ، ايه يابنتى انتى هتلتزمى ولا ايه
تقولك اصل الى بحبه بيزعل لما بلبس ضيق !!
ما سمعتوش عن الى انتحرت لما المغنى الى بتحبه مات !!!
الحب يا جماعه عاطفه تغيريه رهيييييييييبه
بيغير حياة الانسان تمااااااااااما ً
ولما بيوصل الحب لدرجة الاستغناء بالحبيب عن الناس وقتها بس بنحس بالفرق
بس ده حب المخلوق، لمخلوق زيه كده
ما بالكم بئى بحب المخلوق للخالق العظيم
حب العبد لــ الله
عارفين سيدنا رسول الله صلى الله عليه وسلم من شدة حبه لربنا كان دعاءه ايه ؟؟
كان يقول يارب ارزقنى حبك وحبك من يحبك وحب كل عمل يقربنى لحبك
يعنى يارب خلينى احبك وخلينى احب الى يحبك وخلينى احب اى طريق يوصلنى لحبك
ياااااااااااااااااه شايفين الحب ..
سيدنا يوسف يا جماعه حب السجن ،
تخيلوا سجن وآلم وضيق عشان بيحب ربنا
{رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ وَإِلاَّ تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ} [يوسف: 33]
ده حب بس انت ترضى يارب
شيخ الإسلام ابن تيميةكان يقول :
ما يفعل أعدائي بي ؟ .. أنا جنتي و بستاني في صدري .. أين ما رحت فهي معي .. أنا حبسي خلوة .. و نفيي سياحة .. و قتلي شهادة ..
المأسور من أسره هواه .. و المحبوس من حبس قلبه عن ربه ..
المأسور من أسره هواه .. و المحبوس من حبس قلبه عن ربه ..
حب ،، بيحب ربنا فمش فارق معاه سجن ولا غيره ولا حد يقدر يعمله حاجه هو مع حبيبه فمش فارق معاه حد ..
أبو سلمان الدارانى بيقول : إن أهل الليل فى ليلهم ألذ من أهل اللهو فى لهوهم ، ولولا الليل ما أحببت البقاء فى الدنيا .
من شدة حبه للخلوه مع الله سبحانه وتعالى بيتلذذ بالليل .
" حب "
فَلَيْتَكَ تَحْلُو، وَالحَيَاة ُ مَرِيرَة ٌ*** وَلَيْتَكَ تَرْضَى وَالأَنَامُ غِضَابُ
وليت الذي بيني وبينك عامر*** و بيني وبين العالمين خراب
إذا صح منك الود فالكل هين*** وكل الذي فوق التراب تراب
لما سئل الجنيد عن حب الله :
أطرقَ رأسه ودمعت عيناه, ثم قال: عبدٌ ذاهبٌ عن نفسه، متصلٌ بربه، قائمٌ بأداء حقوقه، ناظرٌ إليه بقلبه، فإن تكلم فبالله، وإن نطقَ فعن الله، وإن تحرك فبأمر الله، وإن سكنَ فمعَ الله، فهو باللهِ وللهِ ومع الله,
يااااااااااااه على الحب
جربتوا الحب ده !!
طيب مش عايزين توصلوا للحب ده
مش نفسك تتوب بقى !!
مش عايزه تعيشى لذة القرب من ربنا !!
مش ناوى تذوق حلاوة الايمان والأنس بالله ..
مش حاسه إن ناقصك حاجه !!
والله مش هتحس بالسعاده إلا بحب الله
والله مافيش فرحه اد فرحة القرب من ربنا
طيب سألت نفسك مره تقدر تستغنى بالله عن البشر ؟؟
تقدر تعيش لله ومع الله
يقول ابن القيم رحمه الله :
المحب الصادق إن نـطق نـطق .. لله وبـالله
وإن سكـت سكـت لله
المحب الصادق إن نـطق نـطق .. لله وبـالله
وإن سكـت سكـت لله
يعنى لو قلبك صادق فى حبه لربنا فى كل حالاته هيكون مع الله
قال شيخ الاسلام ابن تيميه : إن القلب إذا ذاق طعم عبادة الله والإخلاص له لم
يكن شيئ قط عنده أحلى من ذلك ولا أطيب ولا ألذ .
يكن شيئ قط عنده أحلى من ذلك ولا أطيب ولا ألذ .
يعنى لو جربت وذوقت بجد طعم عبادة الله وحبه ولذة القرب منه مش هتلاقى فى الدنيا ألذ من القرب من ربنا ..
يالا بئى مستنين ايييييييييييه ؟؟
انوى وجدد التوبه فى قلبك
عيش الحب الى بجد
عيش الحب الى هيوصلك انك تستغنى بالله عن كل شئ
قرب من ربنا وحبه بجد ..
اللهم إنى أسألك حبك وحب من يحبك وحب كل عمل يقربنى لحبك ..
سبحانك اللهم وبحمدك
أشهد أن لا إله إلا أنت أستغفرك وأتوب إليك ..
أشهد أن لا إله إلا أنت أستغفرك وأتوب إليك ..
تعليق