[منقول] زوجتي معاقة

[نديم]

السلام عليكم ورحمة الله وبركاته
بداية أنا لست متزوج وأسأل الله أن ييسر لي من تعينني على طاعة الله.

منذ ليلة أمس وأنا في حيرة حتى في عملي اليوم كنت شارد الذهن وكله بسبب موضوع قرأته هنا في المنتدى يتحدث عن مشاعر فتاة في العشرين من عمرها لكنها معاقة حركيا
فلماذا لا نطرح موضوع الزواج من الفتيات اللاتي أبتلين بإعاقات مختلفة ولكنهن يحملن في داخلهن الرغبة في الزواج ؟
وما المانع لدى الشباب من هذا الزواج؟ ألسنا نطلب الجنة!؟
وهل يعتبر الزواج من فتاة معاقة تضحية؟
وما هو مفهوم الإعاقة؟
ولو عكسنا الصورة شاب معاق يرغب في الزواج؟
ولو كانت الفتاة المعاقة أختي أو إبنتي ما هو شعوري نحوها هل هو شفقة هل أتمنى أن ييسر الله لها شاب يتزوج بها ويسأل الله فيها
الأجر والثواب والجنة؟
وهنا السؤال هلى ترضى أن تتزوج من معاقة؟؟؟
أتمنى من إخواني المشاركة
وللأمانة الموضوع منقول من
الأخ الحبيب في الله أبو مهند القمري

[حافظ كتاب الله]

رد: زوجتي معاقة

بارك الله فيك اخى نديم وموضوعك واسع المدى

بالنسبة للعوام لا يوافوقن ويقولون لك ندعوا لهم ^_^

اما بالنسبة لصاحب دين فهو يرجو لقاء ربه

المسألة كبيرة جدا

لى رد غدا

[انا بحبك يا رب]

رد: زوجتي معاقة

هرد عليك بليل أخى نديم نظراً لظروف العمل

[المستعصم بالله]

رد: زوجتي معاقة

وعليكم السلام ورحمه الله وبركاته

جزاك الله خيرا اخى الحبيب على هذا الطرح الطيب

وتكمن المشكلة اخى الحبيب فى نقاطتين هامتين وهما تفكير الاهل وعقلية الرجل بصفة

فأغلب الرجال يتمنى الارتباط بفتاة كاملة من كافة الجوانب وايضا اغلب العائلات تتمنى لابنها ذلك

ولكن من الممكن ان تكون المعاقة حركيا افضل بكثير من فتاة كاملة جسديا ولكن معاقة فى تفكيرها

[انا بحبك يا رب]

رد: زوجتي معاقة

بسم الله الرحمن الرحيم
والصلاة و السلام على سيد المُرسلين سيدنا محمد صلى الله عليه و سلم أما بعد:
أخى نديم حياك الله ,وأشكرك على هذا الموضوع الجميل و فعلاً موضوع حوارى مُتميز
ومعلش انا أضفت سؤال بسيط كده على كلامك لو عايزنى أحذفه تحت أمرك أخى.
ولكن فعلاً أخى كم تمنيت أن أتزوج من أمرأة معاقة فهذا ثوابه كبير عند الله فوق مأى حد يتوقع,ولكن يا أخى المشكلة فى الأهل
هما بيقولوا شوية كلام انت عارفه
ليه انت ناقص ايه و الكلام الفارغ ده
والله يا أخى سأحكى لك قصة بسيطة أيام مكنت فى ثانوية عامة
كان فيه بنت معانا فى الدرس غاية فى الأدب و الإلتزام و التدين
و الأخلاق,
ولكن كان يوجد عندها شلل أطفال فى إحدى رجليها
فكنت بصراحة بحب أبصلها
لغاية لما جيه المدرس قالى فيه أيه يا أسلام انا شايف الردار شغال
فى ايه هى صعبانة عليك
قولتله:لا و الله يا مستر بس هيا فعلاً مؤدبة,ونفسى أخطبها
قالى أتكل على الله
قولتله:أنت عاوز أبويا يطلع يجرى ورايا أخطب فى ثانوية عامة
قالى خالص لم نفسك انت طول عمرك فى حالت متعلقش نفسك فى حاجة انت مش هتقدر تعملها
والله يا أخى انا بقالى مُدة بدور على عروسة
انا لو أعرف مكان البنت ديه فين كُنت روحت خطبتها و تزوجتها
بس المشكلة انى مشيت من المنطقة الى كُنت ساكن فيها و هيا كمان مشيت
والله يا أخى نديم الأعاقة ساعات بتبقى سبب فى طاعة الله و بتبقى سبب فى التقرب الى الله
وبتبقى سبب فى التميز و التفوق
كم تمنيت انت أتزوج من فتاة عاقة بس فى الجسم مش المخ ههههههههههههه
انا لا أقصد الإستهزاء لا و الله
قد تكون هيا عند الله أفضل من عشرة زى
وجزاكم الله خيراً

[نديم]

رد: زوجتي معاقة

بارك الله فيك اخى نديم وموضوعك واسع المدى

بالنسبة للعوام لا يوافوقن ويقولون لك ندعوا لهم ^_^

اما بالنسبة لصاحب دين فهو يرجو لقاء ربه

المسألة كبيرة جدا

لى رد غدا

جزيت خيرا أحي الحبيب
ولو كان الدعاء مهربا لنا من كل إبتلاء وإمتحان من الله ألسنا مكلفين باتخاذ إجراء عملي غير الدعاء؟
بانتظارك أخي الحبيب:)

[نديم]

رد: زوجتي معاقة

وعليكم السلام ورحمه الله وبركاته

جزاك الله خيرا اخى الحبيب على هذا الطرح الطيب

وتكمن المشكلة اخى الحبيب فى نقاطتين هامتين وهما تفكير الاهل وعقلية الرجل بصفة

فأغلب الرجال يتمنى الارتباط بفتاة كاملة من كافة الجوانب وايضا اغلب العائلات تتمنى لابنها ذلك

ولكن من الممكن ان تكون المعاقة حركيا افضل بكثير من فتاة كاملة جسديا ولكن معاقة فى تفكيرها

جزاك الله خيرا أخي المستعصم بالله
أعجبني إسمك وأعجبتني عبارة
(( معاقة في تفكيرها))
وأرجو منك أخي الحبيب توضيح مسألة العقلية لدى الأهل وهل هذا تفكير سليم أم تفكير متخلف ؟
أشكر لك مرورك ومشاركتك
أحبك في الله

[نديم]

رد: زوجتي معاقة

بسم الله الرحمن الرحيم
والصلاة و السلام على سيد المُرسلين سيدنا محمد صلى الله عليه و سلم أما بعد:
أخى نديم حياك الله ,وأشكرك على هذا الموضوع الجميل و فعلاً موضوع حوارى مُتميز
ومعلش انا أضفت سؤال بسيط كده على كلامك لو عايزنى أحذفه تحت أمرك أخى.
ولكن فعلاً أخى كم تمنيت أن أتزوج من أمرأة معاقة فهذا ثوابه كبير عند الله فوق مأى حد يتوقع,ولكن يا أخى المشكلة فى الأهل
هما بيقولوا شوية كلام انت عارفه
ليه انت ناقص ايه و الكلام الفارغ ده
والله يا أخى سأحكى لك قصة بسيطة أيام مكنت فى ثانوية عامة
كان فيه بنت معانا فى الدرس غاية فى الأدب و الإلتزام و التدين
و الأخلاق,
ولكن كان يوجد عندها شلل أطفال فى إحدى رجليها
فكنت بصراحة بحب أبصلها
لغاية لما جيه المدرس قالى فيه أيه يا أسلام انا شايف الردار شغال
فى ايه هى صعبانة عليك
قولتله:لا و الله يا مستر بس هيا فعلاً مؤدبة,ونفسى أخطبها
قالى أتكل على الله
قولتله:أنت عاوز أبويا يطلع يجرى ورايا أخطب فى ثانوية عامة
قالى خالص لم نفسك انت طول عمرك فى حالت متعلقش نفسك فى حاجة انت مش هتقدر تعملها
والله يا أخى انا بقالى مُدة بدور على عروسة
انا لو أعرف مكان البنت ديه فين كُنت روحت خطبتها و تزوجتها
بس المشكلة انى مشيت من المنطقة الى كُنت ساكن فيها و هيا كمان مشيت
والله يا أخى نديم الأعاقة ساعات بتبقى سبب فى طاعة الله و بتبقى سبب فى التقرب الى الله
وبتبقى سبب فى التميز و التفوق
كم تمنيت انت أتزوج من فتاة عاقة بس فى الجسم مش المخ ههههههههههههه
انا لا أقصد الإستهزاء لا و الله
قد تكون هيا عند الله أفضل من عشرة زى
وجزاكم الله خيراً

أولا أشكرك على التنسيق وعلى الإضافة السؤال مهم ومكمل للموضوع
قصتك مع تلك الفتاة تدل على إنك إنسان رائع وربما انني سأفكر بالإرتباط مع إنسانة لن أقول عنها معاقة لكنني أفكر بذلك حقا إن رغبت الزواج
وبمجرد التفكير بذلك شعرت بالسعادة
والرضا ولا أعلم وقتها كيف ستكون ردة فعل والدتي والدي توفاه الله.
لكنني حزين لأجلهن وأشعر بأن الدعاء لا يكفي بل يجب من عمل شيء
أخي إسلام أنت تحفزني وتشجعني
الأمر ليس بالصعب ويكفينا انانية.
أحبك في الله.

[المستعصم بالله]

رد: زوجتي معاقة

جزاك الله خيرا أخي المستعصم بالله
أعجبني إسمك وأعجبتني عبارة
(( معاقة في تفكيرها))
وأرجو منك أخي الحبيب توضيح مسألة العقلية لدى الأهل وهل هذا تفكير سليم أم تفكير متخلف ؟
أشكر لك مرورك ومشاركتك
أحبك في الله

احبك الله الذى احببتنى فية

بالتأكيد تفكير خطأ .. والمقصود بهذة النقطة ان اغلب الاهالى وخصوصا الامهات تريد زوجة كاملة من كافة الجوانب لولدها .. فاذا كانت معاقة جسديا تقوم بكافة اساليب الضغط لكى ياخذ زوجة معافة

[(محمود صلاح الدين)]

رد: زوجتي معاقة

بسم الله رحمن الرحيم

السلام عليكم ورحمة الله وبركاته

ما شاء الله موضوع جميل جدا وحواري درجه اولي

بارك الله لك فيه وجعله في ميزان حسناتك ان شاء الله

اما بعد

بص بقي يا عم نديم انا هتكلم بالعاميه المرادي عشان اوصل اللي انا عايز اقوله بشكل اوضح يعني

الموضوع اللي انت بتتكلم فيه ده ليه جوانب كثيره جدا فيه منها الصح وفيه منها الغلط

اولا واول شئ يذكر هو ثواب هذا العمل عند الله كبير جدا انك حققت امنيه عند اسره بحاله تكاد تكون محطمه

الا وهي ان بنتهم تتجوز

لكن تعالي بقي نبصلها من جوانب كثيييره جدااااا

اول جانب مش هقولك الاهل انا هقولك

الام

دي اكبر عائق هتواجهه في حياتك كلها وفي الخطوه اللي انت بتفكر فيها

واحب اقولك اخي نديم هتسمع كلام ( يسم البدن )

وهتحس في بعض الوقت انها عندها حق

الام عامتا خلفت ابنها وربته وعلمته لحد ما كبر قدام عينيها

وبيبقي املها الوحيد انها تشوفه متجوز وعنده عيال قبل ما تموووت ( زي ما بيقولوا ) وربنا يديم لكل ام صحتها

فهتفاجأ من وجهة نظرها ان بعد ده كله ابنها هيورح يعمل ده كله

دي اول حاجه

ثانيا : الواحد لما بيتجوز بيبقي عايز يتجوز ليه

هرد عليك من وجهة نظري انا

اولا تكمله لنصف ديني .. عشان ابني بيت واسره جميله ... عشان الاقي وحده تهتم بكل تفاصيل احتياجاتي ومتطلباتي

اللي بدات افتقدهم في بيت ابويا نظرا لان مبقاش في اي حد يهتم بيا ولدتي متوفيه اخواتي كل وحده ليها اطفلها تهتم بيهم

طيب جميل,.,... هل بقي لو عملت كده هلاقي كل ده

هكلمك بصراحه اكثر

كل شاب بيبقي في جانب من جوانب تفكيره في الجواز انه بيبقي راغب في عفاف نفسه عن ما حرم الله

كل شاب بيبقي في جانب من جوانب تفكيره انه بيفكر في مواصفات الانسانه اللي عايز يعيش معاها وعايزها كذا وكذا وكذا الي اخره

كل شاب ما اتجوزشي لحد دلوقتى اساسا اختار لاولاده اللي لسه في علم الغيب هو هيسميهم ايه

هل هيحقق كل ده لما يتجوز كده هل هيلاقي مثلا ( الانجاب ) الله اعلم ودي بتبقي علي حسب نوعية الاعاقه

هل هيلاقي كل ما فكر فيه وكل ما تمناه

تمام ولنفرض اني خلفت ؟؟؟ هعمل ايه انا بقي ؟؟

هشتغل ولا هربي ولا هعمل اكل ولا اذاكرلهم ولا اودي المدرسه ولا اجيب من المدرسه ولا اغسل ولا امسح

وعشان ما اطولش عليك انا عندي الحل المعقول نسبيا للموضوع ده

ان الجوازه دي تكون الثانيه لو ان عايز تكسب ثواب وتكون حجة لك يوم القيامه

وحده تلاقي معاها كل ما تتمناه وتطلبه ودا طبعا واقف علي اختيار معاليك من الاول

والثانيه تتزوجها وتكون معاها احسن من ما انت مع الاولي وتبتغي فيها وجه الله

وتكون لها عونا اكثر من اي حد وتكن لها اكثر من اي حد الحب والحنان وانك تعطف عليها

واظن بكده تكون حققت الهدفين هدفك وهدف اهلك ومجتمعك

والله ده رايي بقي مليش دعوه

[(رمضان)]

رد: زوجتي معاقة

جزاكم الله خير اخى الحبيب
ولاكن الموضوع يحتاج ان يقرأ اكثر من مرة

[انا بحبك يا رب]

رد: زوجتي معاقة

أخى محمد صلاح الدين
أنا أتفق معك فى أشياء و أتعارض معك فى أشياء
انا متفق معاك فى المواجهات الى ممكنت تتعرض ليها من أهل بيتك
لكن مش متفق معاك فى باقى الى قولتله
صدقنى ربنا بيخلى عيشتك أفضل مع واحدة معاقة
حياة كلها حب
حياة كلها مودة
يكفى إنها بصراحة بصراحة هتحس أنها أقل منك
فديه هتتديها حافز إنها تعملى كل الى انت عاوزة من مُتطلبات
و معلش أخى إحنا بنتكلم على إعاقة
مش واحدة مريضة مرض موت
المعاقة ممكن تعمل اى حاجة
تربى,و تنظف,و تربى عيالها أفضل تربية
ويكفى إسلامها هو ده الأهم إذا كانت معاقة او لأ
وبعدين زوجة أولى ايه و زوجة تانية أيه
هيا بيعة و شروة يا أخى
بس أنت أقدر على واحدة

[(محمود صلاح الدين)]

رد: زوجتي معاقة

بسم الله الرحمن الرحيم

السلام عليكم ورحمة الله وبركاته

اخي (انا بحبك يا رب ) جزاك الله خيرا علي الرد

وفي الاول كده احب اصلح حاجه صغيره خالص

انا محمود صلاح الدين مش محمد

ثانيا :احب اقولك بس في الاول علي حاجه مهمه جدا عشان اللي جاي بعد كده ضرب نار

اقولك ان الاختلاف في الراي لا يفسد للود قضيه

تعالي بقي يا سيدي انت دلوقتى بتقول (يكفى إنها بصراحة بصراحة هتحس أنها أقل منك)

معلش يعنى انا لما اخد وحده عندها اعاقه ما عشان احس انها اقل مني اسف يعنى يبقي انا كده عندي شك في نفسي

وقلة ثقه مني في نفسي ....دي اول حاجه

ثاني حاجه انت ناسي شئ مهم جدا علي فكره ...قولي ايه هو ؟؟؟ قولت ؟؟.....طيب

حضرتك ناسي انك معاك الد عدوين ليك هيكرهوك في الموضوع ده حتي ولو انت دلوقتى حابه اوي وشايفه حلو

عارف مين هما دول

نفسك والشيطان

بعد ما تتجوز كده حضرتك وتعيشلك يومين حب وود زي ما انت بتقول كده

مع اول مشكله واختلاف بينك وبينها

وانت في لحظة غضب كده ........اكيد انت عارف ايه اللي هيدور في دماغك كويس جدا

اقولك انا ؟؟

ما انا اساسا اللي استاهل

انا اللي عملت في نفسي كده

انا اللي جبت

انا اللي وديت

ويبدا بقي مكروه الملاييين الله يلعنه الشيطان حسبي الله ونعم الوكيل فيه يركب علي ودان حضرتك

مانت اللي عملت في نفسك كده

شايف فلان اتجوز بنت عمه ماااال وجماااال

شايف ولادهم

شايف مدلعاه ازااااااي

شاااايف ....شاااااااااايف .....شاااااااااااايف

تلاقي نفسك لا حول ولا قوة الا بالله ماشي تكلم نفسك

بص انا ممكن ابقي بقول كده من وجهة نظري لاني مش قادر اوصل لمعني كلمة الاعاقه المقصوده ومداها لحد فييين يعنى

فا ده اللي مش مخليني اقدر اتجاوب مع الفكره

لكن الفكره عامتا عايزه ايماااان تاااااام من اللي هيقدم عليها عشان بالفعل لو مش مؤمن جدا باللي هيعمله ده

انه صح ليه اكييييد هيندم في الاخر

ولازم يكون علي اعلي مستوي من النضوج وتحمل المسؤليه

انا عارف ان ممكن كلامي ما يعجبش ناس كتيير لكن انا بجد بحاول اتكلم بمنتهي الواقعيه

واللي بالفعل نااااس كتيير هتفكر فيه عشان الحوار يبقي فيه واقعيه اكثر

انا ممكن اقول والله فكره حلوه وما شاء الله وربنا يبارك للي هيعمل كده

ويعدي الموضوع لكن انا مصر علي اللي انا بقوله ده

عشان احاول اوصل الموضوع للمستوي اللي هيوصله علي ارض الواقع

عشان انا جربت افكار كتييير اوي كنت متخيلها جميله اوي في دماغي لكن لما نزلت بيها علي ارض الواقع

لقيتها غاااااااااااااااااااااااااااااااااااااااااااايه الصعوبه

وربنا يوفقنا جميعا لما يحبه ويرضاه ان شاء الله

جزاكم الله خيرا

[انا بحبك يا رب]

رد: زوجتي معاقة

أخى الحبيب محمود
أنت بتقول فى جمال
انا بقول لحضرتك إن فى معاقين قمة الجمال و الأدب و الإلتزام
و الجمال مش جمال الجسد يا أخى
الجمال جمال الطباع
هقول لحضرتك حاجة عملية على الموضوع ده
أخو جوز أختى كانت متجوز بنت بس الله ما شاء الله
كاملة من كله بس عيبها طباعها و لسنانها أتجوزها 6 شهور و طلقها
و بعد سنة أتجوز واحدة مُنتقب عندها أعاقة فى أحدى أيدها
و الحمد لله مهتمة بيه و عايشة معاه أحلى عيشة و خلف منها 3 اولاد فى قمة الجمال
يا أخى الجمال جمال الروح
و الى هيمشى ورا كلام الناس مش هيسلم
هتجوز واحدة حلوة هيقولوا خدت غراب ههههههههههه
هتتجوز واحدة نص نص هيقولوا عليك معيوب هههههههههههه
أنت كده كده الناس بتتكلم شوف الى يناسبك

[(محمود صلاح الدين)]

رد: زوجتي معاقة

بسم الله الرحمن الرحيم

ايييييوه كده تمااااام انت كده وصلت لي المعلومه انت تقصد بالاعاقه مثلا

ايد .... رجل .... لساااان ... عين

لكن انا جات في دماغي الاعاقات الجامده يعنى

اعذرني اصل انا شوفت ناس اصحاب اعاقات كتيررر وربنا يعافينا يا رب ويديم علي كل انسان صحته

حاجه فظيعه ... فا من كتر اللي شوفته كلمة اعاقه ارتبطة عندي باللي انا شوفته

وربنا يفعل ما فيه الخير ورضاه ان شاء الله

احبك في الله يا اخي