Tweet
تعرف تكون + ؟؟
السلام عليكم ورحمة الله وبركاته
إيه الفرق بين + و _
الموجب بيزود..والسالب بينقص
ياترى أنت موجب ولا سالب؟؟
أنت بتضيف حاجة على المجتمع ولا بتاخد
ماهو الناس 3 أنواع
* نوع إيجابي بيضيف للناس وللبيئة حاجات مفيدة وأفكار وبيعبر عن رأيه علشان يصلح من المجتمع حتى ولو بموقف بسيط جدا
* ونوع سلبي بيعمل حاجات ممكن تؤثر في المجتمع بالسلب وأبسط مثال على كده الناس اللي بتكتب على الجدران كأنهم أطفال صغارلسة مش فاهمين أن ده غلط
ومش فاهمين أن ده تلوث بصري
لو سائح جه زار البلد وشاف كلمة مكتوبة على الجدار هيقول إيه؟
معقولة هي دي بلدنا اللي عايزينها تبقى أحسن؟؟
*النوع التالت اللي هو ولا إيجابي ولا سلبي..ولا بيضر ولا بينفع
وطبعا أكيد الإيجابي أفضل واحد
طيب هنفترض شوية مواقف وتخيل نفسك فيها ياترى هتتصرف ازاي بمنتهى الصدق مع نفسك
* ماشي في الشارع ولقيت ولدين صغيرين بيضربوا بعض..بتقولهم بس ياولاد ماتضربوش بعض..ولا بتبص عليهم وتسيبهم وتمشي؟؟
* لما تلاقي طالب طالع من مدرسته في وقت مش وقت المدرسة وأنت متأكد أنه هربان من المدرسة..بتتصرف ازاي؟ بتسيبه؟ ولابتتكلم معاه؟
* لما تركب المواصلات وتلاقي السائق معلي صوت الأغاني أووووي بتضايق وتسكت؟ ولابتقوله حاجة؟
تعرف تؤثر في المجتمع بالإيجاب؟؟
تقدر تضع بصمة؟؟
ممكن يعدي يوم عليك تبقى عملت فيه حاجة ماكانتش هتتعمل لو كنت أنت ماقلتش عليها؟؟
عمرك حسيت بالإحساس ده؟؟
بجد احنا محتاجين نكون إيجابيين بالمفهوم الصح
محتاجين نكون إيجابيين في كل حاجة مش في الحاجات اللي على مزاجنا بس
وبردو محتاجين نعلم أولادنا كده
لازم الطفل من وهو صغير يعرف ازاي يبقى إيجابي ويؤثر في مجتمعه وفي اللي حواليه بالإيجاب..يضيف كل يوم حاجة جديدة لبلده
حتى لو كانت الإيجابية دي أنه يشيل ورقة من على الأرض ويرميها في السلة.
تعرف بعد ده كله بقى تكون + في كل حياتك؟؟
إيه الفرق بين + و _
الموجب بيزود..والسالب بينقص
ياترى أنت موجب ولا سالب؟؟
أنت بتضيف حاجة على المجتمع ولا بتاخد
ماهو الناس 3 أنواع
* نوع إيجابي بيضيف للناس وللبيئة حاجات مفيدة وأفكار وبيعبر عن رأيه علشان يصلح من المجتمع حتى ولو بموقف بسيط جدا
* ونوع سلبي بيعمل حاجات ممكن تؤثر في المجتمع بالسلب وأبسط مثال على كده الناس اللي بتكتب على الجدران كأنهم أطفال صغارلسة مش فاهمين أن ده غلط
ومش فاهمين أن ده تلوث بصري
لو سائح جه زار البلد وشاف كلمة مكتوبة على الجدار هيقول إيه؟
معقولة هي دي بلدنا اللي عايزينها تبقى أحسن؟؟
*النوع التالت اللي هو ولا إيجابي ولا سلبي..ولا بيضر ولا بينفع
وطبعا أكيد الإيجابي أفضل واحد
طيب هنفترض شوية مواقف وتخيل نفسك فيها ياترى هتتصرف ازاي بمنتهى الصدق مع نفسك
* ماشي في الشارع ولقيت ولدين صغيرين بيضربوا بعض..بتقولهم بس ياولاد ماتضربوش بعض..ولا بتبص عليهم وتسيبهم وتمشي؟؟
* لما تلاقي طالب طالع من مدرسته في وقت مش وقت المدرسة وأنت متأكد أنه هربان من المدرسة..بتتصرف ازاي؟ بتسيبه؟ ولابتتكلم معاه؟
* لما تركب المواصلات وتلاقي السائق معلي صوت الأغاني أووووي بتضايق وتسكت؟ ولابتقوله حاجة؟
تعرف تؤثر في المجتمع بالإيجاب؟؟
تقدر تضع بصمة؟؟
ممكن يعدي يوم عليك تبقى عملت فيه حاجة ماكانتش هتتعمل لو كنت أنت ماقلتش عليها؟؟
عمرك حسيت بالإحساس ده؟؟
بجد احنا محتاجين نكون إيجابيين بالمفهوم الصح
محتاجين نكون إيجابيين في كل حاجة مش في الحاجات اللي على مزاجنا بس
وبردو محتاجين نعلم أولادنا كده
لازم الطفل من وهو صغير يعرف ازاي يبقى إيجابي ويؤثر في مجتمعه وفي اللي حواليه بالإيجاب..يضيف كل يوم حاجة جديدة لبلده
حتى لو كانت الإيجابية دي أنه يشيل ورقة من على الأرض ويرميها في السلة.
تعرف بعد ده كله بقى تكون + في كل حياتك؟؟
تعليق