لحظة ندم .. !!

[( فارس الحق )]

يمر العمر لحظة تلو لحظة ، لحظة نضحك وأخرى نبكى ، لحظة يغمرك الأمل ولحظة يصيبك اليأس ، لحظات هينه واخرى صعبه .
لكن أصعبها لحظة الندم ...




هى لحظة... لحظة يا شباب .. فى لحظه تغمض عينك وتفتحها تلاقى نفسك فى عالم تانى .. النبض قطع النفس اتقطع .



فلانه الطالبه الجامعية اللى ماتت فى لحظه .. وفلان اللى مات فى السكشن بتاعه ..


وفلان اللى جابوه جثه من الجيش وفلان اللى مات فى حادثه .. ايه يا جماعه ده .. لازم نتوقف .



لحظة ندم ..





فى واحد مبيفوقش غير لما يصلى على واحد صاحبه.. وواحد مبيفوقش غير لما يتصلى عليه ..

لحظة الصفر دى هنكون على طاعه ولا هنكون على معصيه ..

انت عشت حياتك على ايه ؟.. وانتى عشتى على ايه؟ ..






وهى فى غيبوبه .. قامت قعدت وقالت لا اله الا الله .. محمد رسول الله وقامت واقعه ميته ... هتكونى زيها ولا !!!!!!!! والعياذ بالله .





بدأ اللى جمبه يقول له قول لا اله الا الله ميقولش .. قول لا اله الا الله ميقولش .. فى الاخر بيقول له الكلمه دى مش قااادر أقولها .





صرخات من تحت التراب .. صرخات من ناس ماتت .. صرخات جايه تفوقنا احنا مالغيبوبه اللى احنا فيها .

للبنات اللى فى غيبوبه .. انا عايزك تقفى تفتحى الدولاب بتاعك دلوقتى وتبصى فى اللبس ..

ده اللى هقابل بيه ربنا .. ده اللى انتى هتتحاسبى عليه حته حته قدام ربنا ؟!!!!

صرخات من تحت التراب ..




قال لها أنا هوديكى مكان ربنا ميشوفناش فيه .. نزل ملك الموت قبض روحه .. خرجت تصوت فى الشارع وتصرخ وتقول بيقول ما يشوفه .. أخد روحه .




صرخه ..




اتأخر ساعه اتنين تلاته أربعه .. أمه مش عارفه هو اتأخر ليه .. كسروا الباب دخلوا .. لقت ابنها ميت عارى أدام موقع إباحى .. يا للفضيحه !!!!!!!!!




صرخات من تحت التراب لأهل المال الحرام ..



قالوا له احنا التلاته أبونا لسه ميت .. احنا التلاته كل واحد شاف أبونا قبره مولع عليه فى المنام ..





الشاب اللى ماشى فى الشارع بالإم بى ثرى ميقدرش يمشى من غيره .. أغنيه ورا أغنيه ورا أغنيه ..

الشاب اللى الأغانى اللى نزلت واللى منزلتش تلاقيها عنده !!


مش خايف من لحظة ندم ؟!!

انت جاى دلوقتى تبكى .. انت جاى دلوقتى تشوف رحمة ربنا فين .. انت جاى دلوقتى تموت مالندم ؟!!!!!



تب الى الله ..



بس لما الامتحانات تخلص . ..



لما اتجوز والاقى بنت الحلال



لما أخلف ويبقى ليا ذريه



أأمن لهم مستقبلهم



مت !!!!!!



لقد كنت فى غفلة من هذا ....



حالنا ده لا يمكن يستمر كده .. الطائع لازم يزود والغافل لازم يفوق والعاصى لازم يقف مع نفسه وقفه يرجمها .. يلجمها .. يقول لها هتودينى فين .. أنا ما استحملش عذاب ربنا .. هتودينى فين .. فوقى ..



لحظة ندم ..




تؤمل أنك يوما تتوب ... وتشكو الذنوب وأنت الذنوب ..

وفى كل يوم تبوء بذنب وعيب يضاف لباقى العيوب .








نقلا بتصرف يسير عن الدكتور حازم شومان


http://www.youtube.com/watch?v=nAVdf...ature=youtu.be

[حسن العربى]

رد: لحظة ندم .. !!

وعليكم السلام ورحمة الله وبركاته
جزاك الله خيراً أخي
والله كلمات شديدة
نسال الله ان يختم لنا ولكم بالإيمان
متعك الله بالصحة اخي الغالي
ولا تحرمنا جديدك
لا حرمنا الله منك ولا من شيخنا الحبيب حازم شومان
أحبك فى الله

[نديم]

رد: لحظة ندم .. !!

ما شاء الله
كلام جميييييل والله
جزاك الله عنا كل خير أخي الحبيب فارس وجزى الله عنا الشيخ حازم شومان جنات وجنات...
مواضيعك حلوة ولها طعم خاص وقت الصبح
أحبك في الله

[( فارس الحق )]

رد: لحظة ندم .. !!

ما شاء الله
كلام جميييييل والله
جزاك الله عنا كل خير أخي الحبيب فارس وجزى الله عنا الشيخ حازم شومان جنات وجنات...
مواضيعك حلوة ولها طعم خاص وقت الصبح
أحبك في الله

ربنا يبارك فيك ويزيدك من فضله والله يارب
فكم من موضوع شرفتنى بردودك العطرة والرائعة
ولا تنسانا من صالح دعائك

[أبومصعب محمود ابراهيم]

رد: لحظة ندم .. !!

وعليكم السلام ورحمة الله وبركاته

جزاكم الله خيراً أخى الحبيب ورفع قدركم
موضوع رااااااااائع
ثبتنا الله وايَّاكم على طاعته