Tweet
نفسى ابقى كويس ؟؟
اسمحولى ادخل فى الموضوع على طول
انا نفسى ابقى كويس مش عارف لية باخد خطوة وارجع خطوتين
انا كدة اكيد ربنا مش عايزنى انا بحاول ابقى كويس والله وبعدين لما اقرب لربنا
واحس بسكينة الايمان بعمل حاجة كدة تخالينى ارجع تانى عشر خطوات لوراء
هنا ياجماعة لازم نقول إن القرب لربنا عزوجل ليه شروط:
اول حاجة هي اللجوء لربنا عز وجل والتوبة واحنا متفقين على كدة
لكن فى حجات الواحد لازم يعملها مرتبطة بالجو المحيط بيه
لو هو مقدرش انه يغير الجو المحيط ليه هو غصب عنه هيتشد تانى لانه عبارة
عن نبته جميلة وسط الصحراء ممكن الجفاف يأثر عليها اما اذا حط نفسه وسط زهور زيه
وانت لو شقيت نفسك نصين
هتلاقى نص فيه تفكيرك وطريقة تربيتك واهدافك والنص التانى اصحابك
لازم تبقى عارف ان البنى ادم كدة اصحابه جزء من حياته
وهتلاقى ان طبعك لازم يبقى زى طبعهم
وهتلاقى ان تصرفاتك بقيت زي تصرفاتهم
فالو كانوا ناس مش كويسين هتلاقى نفسك بقيت مش كويس
ولو كانوا كويسين هتلاقى نفسك اتغيرت للأحسن وبقيت كويس
دى ياجماعة حقيقة لازم نحفظها زى اسمنا
عايزين بقى نشوف صحبتنا ونقى اصحابنا كويس لان ليهم تأثير جامد على شاخصيتنا
تانى حاجة ودى الاهم انك تشغل وقتك
نوضح يعنى اية تشغل وقتك يعنى توف الوقت اللى كنت بتعمل فيه حاجة ماترضيش ربنا
يعنى كنت بتقعد تسمع اغانى وتتفرج على افلام وحجات مش مفيدة
والقادات اللى كانت مع الشلة القديمة
وحجات كتير لما تدور فى يوم هتلاقيها
هنا بقى تقف وتشوف الوقت دة وتعوض فيه بطاعة يعنى تخلى الوقت اللى كنت
بتسمع فى اغانى وافلام تسمع فيه قران ودروس دينية تساعدك فى طريقك
والوقت اللى كنت بتقعد فى مع اصحابك تحكوا وضيعوا وقتكوا اقعد فيه مع اهلك
وتناقش معاهم وابنى بينك وبينهم علاقة ود واقعد مع أولادك أو أخواتك وصاحبهم وقربهم ليهم
وثالث حاجة عازيين نبدأ فيها انك تحاسب نفسك
يعنى كل انسان جواه خير بس المتميز اللى يستغل الخير اللى جواه وينميه
ويستغلوا فى الطاعات والقروبات
قال تعالى :
"وَنَفْسٍ وَمَا سَوَّاهَا*فَأَلْهَمَهَا فُجُورَهَا وَتَقْوَاهَا*قَدْ أَفْلَحَ مَنْ زَكَّاهَا*وَقَدْ خَابَ مَنْ دَسَّاهَ "
يبقى لازم نذكى نفسنا وهنا يجى وقت محاسبة النفس اننا نفكر فى كل فعل وقول نفعله هل هو لله هل هو يرضى الله هل هو من اعمال المؤمنين الصالحين
ونجاهد نفسنا فى صلاح قلوبنا
قال تعالى :
فَإِنَّهَا لاَ تَعْمَى الأَبْصَارُ وَلَكِنْ تَعْمَى الْقُلُوبُ "
يلقى نهتم بقلوبنا وننمى فيها خشية ربنا وحبه وحب طاعته وحب كل عمل يقربنا اليه
ولا اجد اطيب من هذه الايه العظيمة لاختم بها
قال الله تعالى
~~"أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ"~~
صدق الله العظيم وصدق ما ارسل به الرسول الكريم
واخر دعوانا ان الحمد لله رب العالمين
وصلى اللهم وسلم على نبينا محمد وعلى اله وصحبه اجمعين
لاتنسونى من صالح دعائكم
تعليق