Tweet
تيجى تسأل البنت دلوقتى بتكلمى فلان ليه ؟!!
دي مجرد علاقة بريئةمفيش بينا حاجة ~ ...
تكلم الولد بتكلم البنت دى ليه ؟!!
دي مجرد علاقة بريئة دى زى اختى مفيش بينا حاجة~ ...
تيجى تسأل فلانة إنتـى على علاقة بفلان إزاى ؟!!
عادى أصلنا مش بنقول حاجة غلط وبنحترم بعض وبنتكلم ف حدود
مجرد علاقــة بريئة !!!
تيجى تكلم الولد إنت على علاقة بفلانة ليه ؟!!
أصلى بخـاف عليها وعاوز أحميها ومش بعمل حاجة تغضب ربنا !!
مجرد علاقــة بريئة !!!
طيب يا فلانة ولا يا فلان مفكرتش في يوم من الايام
إن ربنا حرم الاختلاط ليه ؟؟
عارفين ليه ؟؟
عشان ربنا عارف إن الانسان ضعيف ونفسه ضعيفه...
وكمان الشيطان هيزينله الشئ بملـيووون طريقه !
قال تعالى " وخلق الانسان ضعيفا "
يعنى لا أنا وإنتى ولا هو ولا هى اللى بيقول ..
أو بيجيب كلام من عنده
دا ربنــا عــز وجل اللى قال <<
ثانياً مفيش حاجة إسمها علاقة بريئة !!!
يا أختى ويا أخى بالله عليكم
لو اتكلمت معاها النهاردة ومقولتش شئ خارج بكرا أو بعده أو بعد بعده هتعمل كدا ... ،،
إحنــا مش ملايكة ...
يالــى بتقولي عليه بيحبك بالله عليكى هو يرضاها على اخته ؟!!
ليه ترضيها إنتى علـي نفسك هو إنتى أقــل من أخته في حاجة ؟!
ولا هى احسن منك ؟
عارفه هيــا أحسن منك في إيه؟؟!
إنها تهمه أكتـــــــر منك <<
لو إنتي مع الشخــص اللي علي علاقه بيه داوشــاف أختــه ماشيــه مع واحد تفتكرى هيعمل ايه ؟؟!
هيسيبك ويجرى يشوف أخته ولا هيفكر فيكى ثانيه!
يبقى ليه ؟؟!
ليه يا اختى تقللى من نفسك ؟؟!
ربنا كـــرمك بكل شئ أمر إنك تعمليه ....
يبقى ليه ترخصـــى نفسك ؟؟!
وإنت يا أخــي يالى بتتكلم مع دى ودى ودى ....
دى زميلتى في الشغل ودى زميلتى في الكليه ودى زميلتى في الكورس
ودى معرفش قريبة مين ....
بالله عليك لو دخلت على أى شئ يخص أختك سواء ميل أو فيس أو ماشابه
ولقيتها ضايفه دا ودا ودا !!
هتعمل فيها ايه ؟!
هتقولك دا زميلى عادى ...
إنـت هتسكت ؟؟!
بالله عليك هتسكت ؟؟!
يبقى ليه ترضاها على بنات الناس ؟؟!
ليه تبقى بتعمل دا كله وعاوز ربنا يباركلك في حياتك
وتتجوز واحدة عليها ختم النسر محدش كلمها نص كلمه قبل كدا
ما تتقى الله في اللى بتعمله !!
عشان الله عــز وجل يكافؤك نتيجة عملك
ليه بتعمل الغلط ونقول أنا معرفش في ايه !!
الحياة ملغبطة معايا ليه هي الحياة وحش اوى كدا !!!
الحياة مش وحشه ولا الدنيا وحشه ولا إنت حظك وحش ولا حاجة
إنت اللى بتغضــب ربنا
وعاوزة يديلك طب بالله عليك ازاااااى ؟؟
لوإنــت مدير شركة وفي واحد من موظفين الشركة جاى يطلب منك طلب
وإنـت عارف إنــه مهمل ومش بيشتغل كويس ولا بينفذ الأوامر صح
هتديله الطلب اللى هو طالبه منك ؟؟
لا يمكن طبعاً ...
ولله المثــل الأعــلى
ليه مبتنفذش أوامـــــر ربنا وعاوزة يدييييك ؟؟!!
وإنت أو إنتــى اللى بتقولوا ما إحنا مراعين ربنا اهوه
ومش شايفين حاجة حلوة ولا شايفين مقابل !!
هقولكــم إصبــــــــرواااا
" إنما يوفى الصابرين اجرهم بغير حساب "
عارفين معناها إيــه ؟؟!
يعنى حتى لو مخدتيش أو مخدتش نصيب ف الدنيا من خير
هتيجى في الاخرة هتاخد زى منت عاااااااااااااوز
نتيجة صبرك دا
واللىصبــروا وبيقــولوا إننا عندنا مصايب
ربنا بيحب يختبرنا يشوف هنقول ايه ؟!
هنضعف ونرجع ونقول ربنا مبيحبناش !!
ولا هنفضل ثابتين وندعى ربنا ونلجأله !!
يالى بتقول عادى مجرد علاقة بريئة
ربنا قال" ولا متخذات اخدان "
إنــت يا أخــتي اللي ليكِ عـلاقه مـع ده وده
شـوفي النبـى صلي الله عليه وسلــم
بيقــول إيييه !
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال:
" تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ
شوفي صلـى الله عليه وسلــم قال إيه !
قال إظفر بذات الدين يا ترى انتى ذات دين ؟؟
يا ترى إنتـى هتحافظى على زوجك لما تتزوجى ؟؟
هتحافظى عليه في غيابه؟؟
هتستحمليه مهما كانت ظروفه ؟؟
هتستحمليه لو جه عليكى ف مره ؟؟
فكرى كويس بالله عليكى !!
رسول الله قال " إذا جاءكم من ترضون دينه وخلقة فزوجوه "
مقالش بقا اللى بقا فلوس أكتر اتجوزيه مقالش اللى معاه عربيه إتجوزيه
قال دينه وخلقـــه
بالله عليك يا أخى يالى ضايف بنات قد كدا علي النــت
وبتتكلم مع دى ودى إنت ذا دين وخلق ؟؟
بأى عقل وأى فكر يقول إن إنسانة عاقله هتعتبرك زوج صالح؟؟
رسول الله قال إتقـوا الشبهات
إنتــى لو ضايفه شباب وأنت لو ضايف بنات بالله عليكم
دى مش شبهه !!
أى حد هيعرف هيقول إيه عليك أو عليكى
هيقول عليكى محترمه ؟؟
ولا هيخاف أو هتخاف منك ؟؟
يالى بتقول أو بتقولى
دا صديقى !
دي صحبتـي عادى !
دا جارى !
دي جارتى !
دا زميلى!
دي زميلتى !
دا صاحبى!
دي صاحبتى ف النادى !
دا مش مجال وفتح إنكم تقربوا من بعض !
ومدين فرصة وفاتحين المجال على البحرىإن قلبوكوا تتعلق ببعض !
وفي الأخــر تعرفــوا بعض من ورا أهلكم !
عشان الباشا لسه مشتغلش وممكن بعد ما يشتغل
ميفكرش فيكى أساسا وساعتها هيقول
أنـا عاوز اتجوز واحدة محترمة ؟؟
وممكن بعد ما يشتغل لأى سبب من الاسباب يسيبك ويروح يخطب واحدة تانيه !
وللأسف البنت بتطلع خسرانة من كلــــــــــــه !!
الولد قليل أوى إمــا بيخسر
أمـا البنت بتخسر حاجات كتير اوووى <
بتخسرى قلبـك وكرامتك وثقه أهلك وثقتك قدام نفسك وسمعتك !
شـوفتي بتخسـري آد إيييه ؟؟
إنما الولد حتى لو خسر هيخسر إيه ؟
ممكن يكون متعلق بيكى متقلقيش فتره وهتلاقيه إتعلق بواحدة تانيه !!
مش معنى كدا إننا بنقول ان الشباب خلاص بقا الشياطين وإحنا الملايكة بس
انا بوضح اللى بيحصل
تخيل أو تخيلى لو إنتى مفيش بينك وبين أى حد علاقة بريئة
تفتكرى هيجى في يوم مــن الباب للطاق كدا يقولك بحبك او إنتى تقولى بحبه !!
أكيد لأ
إنما العلاقـة اللي انتم بتقولوا عليها بريئه دي
إنت \ إنتــي اللى فتحت الفرصة من الأول !
لو مكنش فيه أى كلام ....
ايه اللى هيخلينا نعمل كدا ؟؟
تفتكرى أنت لو ماشيه واحد هيجى يقولك بحبك أكيد لأ
إنما لو عارفنى وبنتكلم بقا وف مجال بينا
هتبقى الفرصه مفتوحه قدامه زى الفل !!
في النهايه بفكركم بقول الله تعالى :-
"من عمل صالحاً من ذكر او أنثى فلنحينه حياة طيبـة "
أعمل و إعملى صالح وإنت ربنا هيكرمك
إنت يالى بتحبها
وإنتى يالى بتحبيه
لو بتحبيه صحيح سبيـــــه
لو بتحبها بجد سيبهـــــا
ولو نصيييبك هتاخدها وإنتى لو هو نصيبك هيجيلك
" من ترك شيئا لله عوضه الله خيرا منه "
تعليق