ذات مومنت
لما ربنــــــــا يبعت لك رسايل كتيييييييير جدااااااااااا
ويرزقك الفهم
بتحس بقرب ربنا وحنان الملك جل جلاله وتحس بالفضل والمنة انه اصطفاك وبعتلك رسايل
وانه بيفهمـــك ويعلمك ويربيـــك ..
![](http://www9.0zz0.com/2013/01/18/06/574244982.png)
لما تعمل ذنب وتتوب وترجع تاني وتتوب تاني وترجع .. فتبكي ..
أنا وحش يارب .. مفيش فايدة
وربنا مش بيسيبك .. يفكرك
" ما من عبدٍ مؤمن إلا وله ذنب يعتاده الفينة بعد الفينة ، إن المؤمن خلق مفتنا توابا نسيا إذا ذكر ذكر "
المؤمن !
تحس ان الكلمة تضمك إليها بحنان .. ( المؤمن )
أو تيأس من نفسك
فيفكرك بكلام الامام علي :
" خياركم كل مفتن تواب .. قيل فإن عاد ؟ قال : يستغفر الله ويتوب ، قيل فإن عاد ؟ قال : يستغفر الله ويتوب ، قيل حتى متى ؟ قال : حتى يكون الشيطان هو المحسور . "
وكلام الامام الحسن : لما قيل له : ألا يستحي أحدنا من ربه ، يستغفر من ذنوبه ويعود ، ثم يستغفر ويعود قال :
( ود الشيطان لو ظفر منكم بهذا ، فلا تملوا من الاستغفار)
![](http://www9.0zz0.com/2013/01/18/06/574244982.png)
وفي مرة تاني ..
تناجي : يارب انت تعلم من نفسي إني مش عايز أرجع تاني
أعني ومتبعدنيش عنك
وتفتح المصحف وأول آية تقع عينك عليها :
" رَبُّكُمْ أَعْلَمُ بِمَا فِي نُفُوسِكُمْ إِنْ تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا "
سبحان الله .. كإن ربنا يجيبك في نفس الوقت
إن تكونوا صالحين : انت محتاج الصــــدق محتاج تكون صالح
للأوابين : متيأسش وتوب تاني ، خليك أواااب
وتذكر أني أنا الغفور الرحيم
![](http://www9.0zz0.com/2013/01/18/06/574244982.png)
لما تصلي وتنوي تقرأ سورة النازعات .. وانت في الصلاة سرحاااااااااان
دنيا دنيا دنيا
لغاية ما تتوصل للآية :
" وأما من خاف مقام ربه ونهى النفس عن الهوى * فإن الجنة هي المأوى "
فينتبه قلبك .. رسالة
وتحس بدموعك .. من الخشية .. من الحياء :
ســــــامـحني يــــــــــــارب
![](http://www9.0zz0.com/2013/01/18/06/574244982.png)
لما تقعد مع نفسك وتيجي في دماغك خاطرة لا ترضي الله ، وسرحان فيها ومش مركز مع أي حاجة حواليك
وتسمع الأذان : الله أكبـــــــر
وتفتكر الحديث : قال رسول الله صلى الله عليه وسلم :
" استحيوا من الله حق الحياء ، قالوا يا رسول الله : إنا نستحي والحمد لله ، قال ليس ذلك ، ولكن الاستحياء من الله حق الحياء أن تحفظ الرأس وما وعى ... "
![](http://www9.0zz0.com/2013/01/18/06/574244982.png)
لما تعمل الذنب وتتخنق من نفسك ومكسووووف من توبة الكذابين
طب اتصل بفلانة تنصحني ..
تقوللك : روحي لربنا احنا ملناش غيره مهما عملنا بنرجع له هو .. هنروح لمييين ؟
طب فلانة تزيدني ، تقوللك :
ادعي كتييييييير أوي متيأسيش أبدا ، حتى لو مش حاسة بالدعاء ممكن لحظة واحدة .. الله يراها .. فيقبلك ..
تقفلي التليفون وتفتكري كلامي الشيخ يعقوب
وتناجي :
" إلهي وسيدي أتيتُ أطباء عبادك ليداوو لي خطيئتي فكلهم عليك يدلني "
فاللهم لا تحرمنا منك وارزقنا الفهم عنك وارزقنا توبة نصوحا ترضيك
تعليق