هروح أخش الحمام فى الجامع

[انا بحبك يا رب]

بسم الله الرحمن الرحيم
والصلاة و السلام على سيدنا محمد صلى الله عليه و سلم
أفضل الخَلق و أحسن البشر
أنا بتأسف لعنوان الموضوع
بس صدقونى هو ده الى حصل النهاردة
مع أحد أصدقائى
النهاردة كان فى صديق عندى فى الشغل
تقريباً كانت الساعة 2.45 عصراً
يعنى كان باقى على صلاة العصر
15 دقيقة
المهم
لقيته بيقولى انا هوصل الجامع و جاى
قولتله إستنا هروح معاك علشان نصلى مع بعض
قالى لأ أنا هروح أخش الحمام و جاى
بصراحة أنا صُدمت من الكلام الى قال هولى
وجلست مكانى و هو ذهب الى الجامع علشان يخش الحَمام.
قعدت مكانى و قولت؟
وصل الإستهتار بينا لهذه المرحلة إن الواحد مننا يروح الجامع علشان يخش الحمام بس
وصل بينا الأمر أن يكون فاضل على الصلاة بعض دقائق
وانا فى الجامع و اروح أخش الحمام و أمشى.
هما البشر مش عادوا بيخافوا من ربنا و لا أيه.
هما البشر ذال منهم الحياء من الله,لدرجة أنى أبقى فى بيته
و مش أصلى.
هما البشر وصل بيهم الأمر أنهم مش عادوا بيخافوا من عذاب القبر و لا النار.
لأ و ألف لأ
كفاية كده
ده فيه حِساب و عقاب
و فيه عذاب قبر
وفيه جنة و فيه نار
معدش عندنا حياء ليه
أنا مش بتكلم النهاردة علشان الموقف ده
لأ
ده موقف من ضمن مواقف كثير بنشوفها كل يوم
الواحد بيمشى فى الشارع كأنه ماشى فى النار
مُتبرجات
معازف
رقص
مفيش صلاة
مفيش أمانة
مفيش حياء
مفيش أدب
مفيش كل حاجة
والله أنا بتخيل أنى فى جولة من النار و انا ماشى فى الشارع
الناس مش عدت بتخاف ليه
الناس نسيت النار و لا أية
الناس نسيت عذاب القبر و لا أيه
الناس نسيت 50 ألف سنة يوم القيامة و لا أيه
الناس نسيت أيه و لا أيه و لا أيه
ده كل 100 واحد تلاقى واحد فيه يتقى الله
أنا جاى النهاردة أفكر الناس بالقبر و النار
يمكن الناس تحس شوية
القبر يا شباب القبر يا فتيات
القبر متر فى متر
و لوحدك محدش معاك
بينزل ملكين شديدين
بيسألوك
ما ربك؟
ما دينك؟
من نبيك؟
هتجاوب عليهم تقولهم أيه
أصلى ملحقتش أذاكر
أصلى كنت مشغول
أصلى كنت بشتغل
ملحقتش أعرف دينى

قال رسول الله صلى

الله عليه و سلم

استعيذوا بالله من عذاب القبر .
أنت عارف أيه الى هيحصلك لو مجاوبتش على ال3 أسئلة دول
قبرك هيبقى نار
لبسك هيبقى نار
هيتفتحلك باب من نار فيأتيك من حرها و سمومها
هيضيق عليك قبرك حتى تختلف فيك أضلاعك
يأتيك مَلك معه مرزبة لو ضَرب بيها جبل لصار تراباً
ده غير و غير و غير وما خفى كان أعظم.
دده عذاب القبر بس فما بالك بعذاب يوم القيامة
فما بالك بالنار
يا شباب أتقوا الله
إن الله يراكم
قال تعالى
(ذَلِكَ بِأَنَّهُمْ شَاقُّواْ اللَّهَ وَرَسُولَهُ وَمَن يُشَاقِقِ اللَّهَ وَرَسُولَهُ فَإِنَّ اللَّهَ شَدِيدُ الْعِقَابِ )
قال تعالى
{اعْلَمُوا أَنَّ اللَّهَ شَدِيدُ الْعِقَابِ وَأَنَّ اللَّهَ غَفُورٌ رَحِيمٌ *}
أتقوا الله يا شباب
أختم بقول رسول الله صلى الله عليه و سلم
يأتي
زمان علي أمتي يحبون خمس وينسون خمس ... يحبون الدنيا وينسون الآخرة
يحبون المال وينسون الحساب يحبون المخلوق
وينسون الخالق يحبون القصور وينسون القبور يحبون المعصية
وينسون التوبة فإن كان الأمر كذلك ابتلاهم الله بالغلاء والوباء والموت
الفجأة وجور الحكام.

[حسن العربى]

رد: هروح أخش الحمام فى الجامع

حياكم الله اخي
موضوع طيب ورائع جدا
اسال الله ان يجعله فى ميزان حسناتك بإذن الله
ونسال الله ان يغفر لنا وللجميع
وصدقت أخي والله فى كل ام قولت
هذا للاسف حال الكثير
نسال الله المغربه للجميع
جزاكم الرحمن خيراً