حوار مع أخى 1

[manhagmuslim]

حوار مع أخى
حبيبى و أخى

أخبار الصلاة ايه؟؟
الصلاة؟؟

اه.. بتصلى و لا..........؟؟؟؟
سواء بتصلى أو لا...

لازم نصلى و نعرف بنصلى ليه؟؟

انت عارف ايه منزلة الصلاة فى ديننا؟؟
الصلاة الفريضة الوحيدة اللى فرضت فى السماء ليلة الاسراء و المعراج

و هى اخر وصية وصى النبى بها

قال تعالى" إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا"
بل و ذكرت الصلاة فى القرآن أكتر من 200 مرة

قال النبى: بنى الاسلام على خمس منها الصلاة
يعنى الاسلام بيت عاموده الصلاة


الدنيا كلها هموم مذاكرة و شغل و مستقبل و عيال و فلوس و........
لما الهموم تكتر عليك بتعمل ايه؟؟ أليس لك فى النبى قدوة حسنة
النبى كان اذا حزبه أمر فزع الى الصلاة يعنى لما كانت الهموم بتكتر عليه يصلى
و كان يقول "أرحنا بها يا بلال" و احنا بنقول أرحنا منها


جرَب تصلى و تركع و تسجد و تدعى و قول لى شعورك ايه!!!
أنت عارف ايه فضل الصلاة؟


مفيش حد فينا معندوش ذنوب ده مش كلامى ده كلام النبى
"كل ابن ادم خطاء و خير الخطائين التوابون"


و كل همنا لازم يكون ان ربنا يغفر لنا
النبى قال"الصلوات الخمس و الجمعة الى الجمعة و رمضان الى رمضان كفارة لما بينهن إذا اجتنبت الكبائر"


كفاية نصلى عشان ربنا بيحب الصلاة......
لو بتحب حد أوى و طلب منك حاجة هتعمل ايه؟؟؟
طب بتحب ربنا؟؟ أحب الأعمال إلى الله الصلاة على وقتها
يبقى هنصلى و لا ....... 

تكملة الكلام هيكون مع الجزء التانى يا أخى

[حسن العربى]

رد: حوار مع أخى 1

الله الله الله
كلمات موفقة أخي الحبيب
وفقك الله ونفع بك اينما كنت
موضوع طيب
فجزاك الله خيراً عليه
اسال الله ان يعيننا على الصلاة
ويجعلنا من القائمين الساجدين لله
متابعون معك بإذن الله