Tweet
تفتكروا لو اتبرعت بجنيه ممكن يعمل حاجه ولا لا ؟؟
تفتكروا لو اتبرعت بجنيه ممكن يعمل حاجه ولا لا ؟؟
ممكن تردوا السلام وقولوا وعليكم السلام ورحمه الله وبركاته
ازيكم يا شباب
موضوع مهم اوى حبيت اتكلم فيه وهو التبرعات اللى بيعلنوا عنها فى التى فى او هنلاقيها فى الجمعيات الخيريه او الجوامع او زى اعلان مثلا مستشفى 57357 بيقولك اتبرع ولو بجنيه
تفتكروا الجنيه ده ممكن يعمل حاجه ؟؟؟
انا مش هتكلم عن المقتدرين اللى ممكن يتبرعوا بالافات انا هتكلم عن اللى على قد حالهم اللى جواهم خير كتير ونفسهم يعملوا حاجه ويدوا وهما مش معاهم
بشوف ناس نفسهم يعملوا كتيييييييييير ولو معاهم فى بيتهم 5 جنيه بس هيساعدوا بيها حد تانى او هيدوها لله
بس ممكن بيتكسفوا من حكايه انهم يتبرعوا بجنيه دى
او ناس هتفكر وتقول يعنى هو الجنيه هيفرق معاهم ده مش هيعمل حاجه يعنى الجنيه اللى انا هتبرع بيه هيعرفوا يجيبوا بيه حاجه فى المستشفى الكبيره دى او ملا هيعمل ايه لجامع محتاج حاجات غاليه
هقولكم قصه ياريت تعرفوها وتفهمومها كويس اوووووووى
زعموا أن أميرة كانت تعيش في إحدى البلاد البعيدة،
و كانت وحيدة أبيها،
و لشدة طيبتها و صفاء سريرتها أحبها كل أهل البلاد و أهّهم أمرها
، ثم إن الأميرة شعرت ذات يوم بألم في ركبتها،
فسارع والدها و أحضر لها الطبيب،
و بعد أن فحصها قال للملك:
إن مولاتي الأميرة تعاني من جرح عميق في ركبتها،
و لا أرى لها من دواء أفضل من العسل،
يوضع على الجرح كل ليلة فيبرأ،
اندهش الملك و قال: و كم تحتاج إلى عسل أيها الطبيب،
فأجابه الطبيب: إلى وعاء كبير سيدي الملك.
ثم إن الملك جلس يفكر في هذا الدواء المفقود الذي وصفه الطبيب
، فلما رآه وزيره على تلك الحال أشار عليه قائلا: أيها الملك،
ما قولك في أن نضع الوعاء على باب القصر
و نكتب عليه ما حدث للأميرة،
فقال الملك: ثم ماذا؟
أجاب الوزير: حتى إذا ما قرأه أهل البلاد سارعوا
و جاؤوا بما يملكونه من عسل في بيوتهم،
فما رأيت أحب إلى قلوبهم من مولاتي الأميرة.
اقتنع الملك بفكرة وزيره،
و أمر خدمه فوضعوا وعاء على باب القصر
و كتبوا عليه: إن الأميرة مرضت
و إن الطبيب وصف لها دواء بأن يملأ هذا الوعاء عسلا
فيداوي جراحها
فمن يملك منكم هذا الدواء فليضعه هنا
و أجره على الله.
فمر أحدهم على الوعاء و قرأ ما فيه فدعا الله للأميرة بالشفاء
و سارع نحو بيته فأحضر قارورة صغيرة بها عسل،
فلما وصل إلى باب القصر
و رأى كبر ذلك الوعاء قال: و ما عسى هذه القطيرات تملأ من هذا الوعاء؟
و قفل راجعا إلى بيته،
ثم مر الثاني و دعا لها بما دعاه الأول
و عزم على إحضار ما يملكه من عسل
فلما وصل إلى داره لم يجد عنده سوى جرة صغيرة
فقال: يا لها من جرة صغيرة ما عساها تملأ ذلك الوعاء فتركها جانبا و لم يأخذها،
و هكذا كان كلما مرّ أحد على الوعاء
اندهش من كبره و استصغر الكم القليل للعسل الذي عنده
، حتى مضت الأيام،
و ازداد جرح الأميرة تعفنا
و بقي الوعاء فارغا،
و ذات يوم شعرت الأميرة بألم شديد فلم يجد الطبيب
من دواء لها إلا أن تقطع ركبتها .
و هكذا قطعت ركبة الأميرة ،
فندم أهل البلاد ندما شديدا
و أدركوا أن كان عليهم مساعدة الأميرة
دون أن يأبهوا إلى ما عندهم من عسل قنطارا كان أم قطميرا.
فهمتوها كويس لو كل اللى كان عنده شويه عسل حطها فى الوعاء كان شويه من ده على شويه من ده كانت هتتملى وكانت الاميره الجرح اللى فيها هيصحى لكن كل واحد استقل باللى عنده
وهو ده بالظبط اللى بيحصل كل واحد هيفكر هو الجنيه ده هيعمل ايه يعنى ؟؟؟؟؟؟؟
لالالالالالالالالا ان شاء الله هيعمل كتير جنيه منك على جنيه منى على من غيرنا هيعملوا مبلغ ان شاء الله وهيقدروا يعملوا بيه حاجه
ياريت منستقلش مهما حصل بحاجات بسيطه عندنا يمكن تطلع الحاجه البسيطه دى عند ربنا احسن مليون مره من الحاجات الكبيره اللى بيقدمها الناس
وممكن الجنيه اللى هنديه ده يعمل حاجه كبيره تفضل صدقه جاريه ليكم طول عمركم
)
تعليق